040.1721.291210
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
23 դեկտեմբերի 2010 թվականի N 1721-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՆԱՎԻԳԱՑԻՈՆ ՀԱՄԱԿԱՐԳԵՐԻ ՆԵՐԴՐՄԱՆ ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ
Հիմք ընդունելով «Գեոդեզիայի և քարտեզագրության մասին» Հայաստանի Հանրապետության օրենքի 2-րդ հոդվածի 4-րդ մասի «ժա» և 5-րդ հոդվածի «գ» կետերի, Հայաստանի Հանրապետության կառավարության 2009 թվականի դեկտեմբերի 17-ի «Հայաստանի Հանրապետությունում նավիգացիոն համակարգերի ներդրման և մշտական գործող ՋիՊիէս/GPS (գլոբալ նավիգացիոն արբանյակային համակարգ) ռեֆերենց կայանների ցանցի ստեղծման հայեցակարգը հաստատելու մասին» N 52 արձանագրային որոշման, Հայաստանի Հանրապետության կառավարության 2009 թվականի դեկտեմբերի 24-ի N 1523-Ն որոշման N 1 հավելվածի 121-րդ կետի պահանջները` Հայաստանի Հանրապետության կառավարությունը որոշում է.
1. Հաստատել`
1) Հայաստանի Հանրապետությունում նավիգացիոն համակարգերի ներդրման ծրագիրը` համաձայն N 1 հավելվածի.
2) Հայաստանի Հանրապետությունում նավիգացիոն համակարգերի ներդրման միջոցառումների ծախսերի նախահաշիվը` համաձայն N 2 հավելվածի:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2010 ԹՎԱԿԱՆԻ ԴԵԿՏԵՄԲԵՐԻ 29-ԻՆ
Հավելված N 1
ՀՀ կառավարության
2010 թվականի դեկտեմբերի 23-ի
N 1721-Ն որոշման
ԾՐԱԳԻՐ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՆԱՎԻԳԱՑԻՈՆ ՀԱՄԱԿԱՐԳԵՐԻ ՆԵՐԴՐՄԱՆ
I. ԻՐԱՎԻՃԱԿԻ ՎԵՐԼՈՒԾՈՒԹՅՈՒՆԸ
1. Հիմք ընդունելով Հայաստանի Հանրապետության կառավարության 2009 թվականի դեկտեմբերի 17-ի նիստի «Հայաստանի Հանրապետությունում նավիգացիոն համակարգերի ներդրման և մշտական գործող ՋիՊիէս (GPS) ռեֆերենց կայանների ցանցի ստեղծման հայեցակարգը հաստատելու մասին» N 52 արձանագրային որոշման և Հայաստանի Հանրապետության կառավարության 2009 թվականի դեկտեմբերի 24-ի «Հայաստանի Հանրապետության կառավարության 2010 թվականի գործունեության միջոցառումների ծրագիրը և գերակա խնդիրները հաստատելու մասին» N 1523-Ն որոշման N 1 հավելվածի 121-րդ կետի պահանջները` Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի կողմից մշակվել է Հայաստանի Հանրապետությունում նավիգացիոն համակարգերի ներդրման ծրագիրը:
2. Արբանյակային նավիգացիոն տեխնոլոգիաների կիրառման նշանակալիությունն ու արդիականությունն այն է, որ հնարավորություն է ստեղծվում կառավարելու տրանսպորտային միջոցները և այլ շարժական օբյեկտներ` նրանց տեղադիրքի և տեխնիկական վիճակի տվյալների հիման վրա:
3. Արբանյակային տեխնոլոգիաների ներդրմամբ տվյալներն օգտագործողներին հնարավորություն է ընձեռվում որոշելու իրենց տեղադիրքն այն ճշտությամբ, որը թույլ է տալիս իրենց կողմից կիրառվող նավիգացիոն սարքավորումների տեխնիկական հնարավորությունները: Նավիգացիոն համակարգի գործունեությունն ընդգրկում է`
1) նավիգացիոն միջոցների, տեղեկատվական տեխնոլոգիաների և թվային կապի միջոցների կիրառմամբ պետական կառավարման, տեղական ինքնակառավարման մարմինների, պետական և ոչ պետական կազմակերպությունների, ինչպես նաև առանձին ֆիզիկական անձանց շահերից բխող նավիգացիոն աշխատանքների իրականացումը.
2) նավիգացիոն արբանյակային համակարգի, մոնիթորինգի, նավիգացիոն սարքավորումների և շարժական օբյեկտների կառավարման համակարգի միջոցով շահագրգիռ պետական կառավարման մարմինների աշխատանքի օպտիմալացումը և կառավարչական խնդիրների լուծումը:
4. Նավիգացիոն համակարգի ներդրման համար ստեղծվելիք քարտեզագրական հիմքը ժամանակակից արբանյակային դիրքորոշման համակարգերում ապահովելու նպատակով նախատեսվում է Հայաստանի Հանրապետության տարածքում ստեղծել իրական ժամանակում աշխատող ռեֆերենց կայանների ցանց, որի հիման վրա` աշխարհի զարգացած երկրների հետ մեկտեղ կարող ենք ունենալ տրանսպորտային միջոցների և այլ շարժական օբյեկտների ճշգրիտ տեղադիրքի որոշման հնարավորություն:
5. Հայաստանի Հանրապետությունում նավիգացիոն քարտեզի վարումը, թարմացումը և տրամադրումն իրականացվելու են Հայաստանի Հանրապետության կառավարության կողմից սահմանված կարգով:
II. ԾՐԱԳՐԻ ԻՐԱԿԱՆԱՑՄԱՆ ՆՊԱՏԱԿԸ
6. Սույն ծրագրի նպատակը Հայաստանի Հանրապետությունում նավիգացիոն համակարգերի ստեղծումն է` Հայաստանի Հանրապետությունում ժամանակակից պահանջները բավարարող նավիգացիոն արբանյակային համակարգի, մոնիթորինգի և ժամանակակից նավիգացիոն արբանյակային սարքավորումների հիման վրա, որը հնարավորություն կտա տրանսպորտային միջոցների և այլ շարժական օբյեկտների աշխատանքի օպտիմալացման միջոցով տնտեսության տարբեր բնագավառներում լուծելու մի շարք կառավարչական խնդիրներ:
7. Այդ նպատակով անհրաժեշտ է Հայաստանի Հանրապետության օրենսդրությանը համապատասխան կազմակերպել, իրականացնել և համակարգել հետևյալ միջոցառումները` պետական միասնական նավիգացիոն համակարգի ստեղծում և կառավարում, նավիգացիոն ռեսուրսների ձևավորում ու կիրառում, պետական ու քաղաքացիական բնագավառներում տարաբնույթ տեղեկատվության փոխանակման և ծառայության մատուցման անընդհատության ապահովում, մոնիթորինգի, օգտագործողների տեղադիրքի և սարքավորումների տեխնիկական վիճակի մասին տվյալների հիման վրա տրանսպորտային միջոցների և այլ շարժական օբյեկտների երթևեկության անվտանգության ապահովում ու կառավարման արդյունավետության բարձրացում:
Ներկայումս, համաձայն Հայաստանի Հանրապետության կառավարության 2008 թվականի հունվարի 10-ի N 112-Ն որոշման, Հայաստանի Հանրապետության ընդհանուր օգտագործման ճանապարհային ցանցի ընդհանուր երկարությունը շուրջ 7743 կմ է (չհաշված 3564 կմ քաղաքային ճանապարհները): Ընդհանուր օգտագործման պետական նշանակության ավտոմոբիլային ճանապարհներն ըստ գործառնական նշանակության բաժանված են հետևյալ կերպ`
1) միջպետական նշանակության ճանապարհներ` 1686.5 կմ.
2) հանրապետական նշանակության ճանապարհներ` 4040 կմ.
3) տեղական նշանակության ճանապարհներ` 2016.9 կմ:
III. ԾՐԱԳՐԻ ԻՐԱԿԱՆԱՑՄԱՆ ՄԻՋՈՑԱՌՈՒՄՆԵՐԸ
8. Նախատեսվում է սույն ծրագրով նախատեսվող նավիգացիոն համակարգերի գործունեությունն իրականացնել իրական ժամանակում` ավտոմատ ռեժիմով: Նախատեսվում է նավիգացիոն համակարգերի ներդրման աշխատանքների ընթացակարգը կանոնակարգել այդ նպատակով հետագայում մշակվող նորմատիվ-տեխնիկական փաստաթղթերի հիման վրա:
Ծրագրի իրականացման նպատակով անհրաժեշտ է իրականացնել հետևյալ հիմնական միջոցառումները`
1) նավիգացիոն քարտեզների ստեղծում.
2) մոնիթորինգի իրականացում.
3) համակարգի կառավարում:
ա. Նավիգացիոն քարտեզների ստեղծումը
9. Նավիգացիոն քարտեզները կազմում են նավիգացիոն համակարգի կարևոր բաղկացուցիչ մասը և ստեղծվում ու վարվում են միայն վեկտորային ֆորմատով էլեկտրոնային տեսքով: Նավիգացիոն համակարգում կիրառվող նավիգացիոն քարտեզները ծառայում են քարտեզում պարունակվող յուրաքանչյուր տարրի մասին տեղեկատվության փնտրման և տրամադրման, ինչպես նաև արբանյակային ընդունիչների միջոցով իրական ժամանակում շարժական օբյեկտների գտնվելու վայրի արտապատկերման, օբյեկտների ընթացքին հետևելու, երթուղու կառուցման, տեղեկատվության տրամադրման և ցուցադրման համար:
10. Նավիգացիոն քարտեզներն ստեղծվում են բաց հրատարակության համար նախատեսված ՎիՋիԷս-84 (WGS-84) համաշխարհային գեոդեզիական կոորդինատային համակարգում ստեղծված միասնական քարտեզագրական հիմքի վրա:
11. Հայաստանի Հանրապետությունում նավիգացիոն համակարգերի ներդրման նպատակով կազմվող նավիգացիոն քարտեզներն ստեղծվելու են Հայաստանի Հանրապետության պետական մասշտաբային շարքի 1:2000 և 1:10000 մասշտաբների տեղագրական, թեմատիկ հատակագծերի և քարտեզների, ինչպես նաև օրթոֆոտոհատակագծերի և օրթոքարտեզների հիման վրա: Այն բնակավայրերի համար, որտեղ բացակայում են 1:2000 մասշտաբի թվային տեղագրական հատակագծերը, նավիգացիոն քարտեզներն սկզբնական փուլում կկազմվեն առկա 1:10000 թվային տեղագրական, ինչպես նաև թեմատիկ քարտեզների հիման վրա` հետագայում թարմացման ժամանակ լրացնելով ընդհանրացման ընթացքում դուրս մնացած տեղեկատվությունը:
12. Նավիգացիոն քարտեզները բաղկացած են քարտեզագրական հիմքից և տվյալների բազայից, որը համալրվում է քարտեզագրական տարրերի մասին համապատասխան պետական մարմինների կողմից տրամադրված տվյալների հիման վրա:
13. Համապատասխան մարմինների կողմից տրամադրված տեղեկատվության հիման վրա նավիգացիոն քարտեզները սահմանված կարգով ենթակա են պարբերաբար թարմացման և պետք է ունենան բաց օգտագործման համար նախատեսված քարտեզների բովանդակություն ու պարունակեն նավիգացիոն համակարգին անհրաժեշտ տեղեկատվություն:
14. Նավիգացիոն քարտեզներում պետք է ընդգրկված լինեն ավտոճանապարհների և ճանապարհային սպասարկման տարրերի մասին (ավտոտեխսպասարկման կայաններ, վառելանյութի լիցքավորման կայաններ, ավտոկայանատեղեր, առևտրի կենտրոններ, ռեստորաններ, հյուրանոցներ և այլն) լրացուցիչ տեղեկություններ:
15. Նավիգացիոն քարտեզներում յուրաքանչյուր օբյեկտ պետք է ունենա անվանում, գտնվելու վայր (երկիր, մարզ, համայնք), հասցե, աշխարհագրական կոորդինատներ, տեսակն ու պայմանական նշանն ըստ դասակարգչի, լրացուցիչ տեղեկատվություն (հեռ., e-mail, ֆաքս և այլն):
16. Նավիգացիոն քարտեզներում ճանապարհային տարրերը պետք է ունենան համարակալում` ըստ միջպետական, հանրապետական և տեղական նշանակության, երթևեկության հատկանիշներ (միակողմանի երթևեկության և արգելված փակուղիների), տեղեկատվություն տրանսպորտային որոշակի տեսակների համար սահմանափակման երթևեկության մասին, տեղեկատվություն ճանապարհների նշանակության (դասակարգման), վիճակի և տրանսպորտային միջոցների արագության սահմանափակումների մասին:
17. Նավիգացիոն համակարգի քարտեզագրական հիմքը պետք է պարունակի Հայաստանի Հանրապետության վարչատարածքային սահմանների (պետական սահման, մարզերի և համայնքների սահմաններ), աշխարհագրական օբյեկտների անվանումների, շենքերի և շինությունների` ըստ նպատակային և գործառնական նշանակությունների, դրանց գտնվելու վայրը (հասցեն), հիդրոգրաֆիայի, այդ թվում` լճեր, գետեր, գետակներ, ջրամբարներ, ջրանցքներ, գծային ենթակառուցվածքների, այդ թվում` երկաթգծեր և ավտոմոբիլային ճանապարհներ (միջպետական, պետական ու տեղական նշանակության), պողոտաների, փողոցների, նրբանցքների, անցուղիների, փակուղիների, ճանապարհային կառույցների (կամուրջներ, թունելներ, էստակադաներ), հրապարակների, հասարակական օգտագործման տարածքների` զբոսայգիները, պուրակների, ծառուղիների, բնության հատուկ պահպանվող տարածքների շերտերը:
18. Ելնելով օգտագործողների պահանջներից` նավիգացիոն քարտեզները հետագայում կարող են համալրվել լրացուցիչ գրաֆիկական և տեքստային տեղեկատվությամբ:
բ. Մոնիթորինգի իրականացումը
19. Նավիգացիոն համակարգերի կարևոր բաղադրիչ մասն է կազմում մոնիթորինգի իրականացումը: Այն ընդգրկում է երթուղիների ծրագծման, անվտանգության ապահովման, տվյալների հավաքագրման, անալիտիկ վերլուծության և արխիվացման գործողությունները:
գ. Երթուղիների ծրագծումը (երթևեկության ուղիների ընտրումը և արտապատկերումը)
20. Արբանյակային տեխնոլոգիաների վրա հիմնված սարքավորումների միջոցով նավիգացիոն քարտեզների վրա անհրաժեշտ է իրականացնել երթուղիների ծրագծման (երթևեկության ուղիների ընտրման և արտապատկերման) աշխատանքներ: Ներդրվող նավիգացիոն համակարգերում կիրառման ենթակա սարքավորումների ծրագրային փաթեթները լիովին կարող են հարմարեցվել տվյալ տարածաշրջաններում օգտագործման համար:
21. Նավիգացիոն սարքավորումներում մուտքագրվող ծրագրային փաթեթը հնարավորություն է ընձեռելու գտնելու անհրաժեշտ օբյեկտն ըստ հասցեի կամ անվանման, և դրա մասին ստանալու հակիրճ անհրաժեշտ տեղեկատվություն:
22. Տրանսպորտային միջոցների և այլ շարժական օբյեկտների համար ծրագրային փաթեթը հնարավորություն է ընձեռում նաև կատարելու երթևեկության անհրաժեշտ ուղիների օպտիմալ հաշվարկն ու ընտրությունը, ծրագծելու առավել հարմարավետ երթուղին` միաժամանակ նշելով նավիգացիոն քարտեզի վրա: Համակարգի աշխատանքի ընթացքում բոլոր գործողությունները պետք է ուղղորդվեն ձայնային հուշումներով (հայերենով, ռուսերենով, անգլերենով):
դ. Անվտանգության ապահովումը
23. Մոնիթորինգի իրականացման ընթացքում կարևոր է համակարգի անվտանգության ապահովումը, որը թույլ կտա խուսափել վթարներից և վերգետնյա տրանսպորտային միջոցների` անսարք վիճակում շահագործումից:
24. Համակարգի անվտանգությունը ենթադրում է վերգետնյա տրանսպորտային միջոցներում արտահերթ պատահարների, նախապես սահմանված շարժման արագության, ստուգիչ գոտիներ մուտքի և ելքի արագության գերազանցման ազդարարում, ինչպես նաև վարորդների հետ ձայնային կապի հնարավորություն և կապուղիների կորստի դեպքում վերգետնյա տրանսպորտային միջոցների նավիգացիոն պարամետրերի տեղեկատվության հավաքագրում` հետագայում ծրագրային համակարգ փոխանցման հնարավորությամբ:
ե. Տվյալների հավաքագրումը, անալիտիկ վերլուծությունը և արխիվացումը
25. Մոնիթորինգի իրականացման ընթացքում կատարվելու են տվյալների հավաքագրում, անալիտիկ վերլուծություն և արխիվացում, որը ներառում է նավիգացիոն համակարգի գործունեության ընթացքում տվյալների միասնական բազայում հավաքագրված տեղեկատվության մուտքագրման, պահպանման, դասակարգման, երթևեկության վերաբերյալ սահմանափակումների, տրանսպորտային միջոցների տեղաշարժման, տեխնիկական վիճակին ու տվյալներին հետևելու և դրանց արտապատկերման գործողությունները:
զ. Համակարգի կառավարումը
26. Հայաստանի Հանրապետությունում նավիգացիոն համակարգերի գործունեության անխափան և արդյունավետ աշխատանքի ապահովման նպատակով անհրաժեշտ է իրականացնել համակարգի կառավարում, որն ընդգրկում է նավիգացիոն քարտեզների ստեղծման, վերգետնյա տրանսպորտային միջոցների և այլ շարժական օբյեկտների երթուղիների ծրագծման և մոնիթորինգի իրականացման գործառույթների կազմակերպումն ու համակարգումը: Համակարգի կառավարման հիմնական նպատակը նավիգացիոն քարտեզների թարմացումը և մոնիթորինգային ծրագրային միջոցների անխափան աշխատանքի անընդհատության ապահովումն է:
27. Նավիգացիոն ծրագրային փաթեթների անխափան աշխատանքների վերահսկման նպատակով նախատեսվող համակարգի կառավարումն ընդգրկում է ծրագրի անընդհատ աշխատանքի և անվտանգության ապահովման, մոնիթորինգային ծրագրում նավիգացիոն քարտեզների թարմացման և ըստ անհրաժեշտության տրամադրման, ինչպես նաև նավիգացիոն համակարգում գործունեություն ծավալող կազմակերպությունների` լիազորված մարմնի կողմից ստեղծված քարտեզագրական հիմքով ապահովման գործողությունները:
IV. ԾՐԱԳՐԻ ԻՐԱԿԱՆԱՑՈՒՄԻՑ ԱԿՆԿԱԼՎՈՂ ԱՐԴՅՈՒՆՔՆԵՐԸ
28. Ծրագրի իրականացման արդյունքում Հայաստանի Հանրապետությունում կունենանք ստեղծված և ներդրված նավիգացիոն համակարգ` տրանսպորտային միջոցների և այլ շարժական օբյեկտների ճշգրիտ տեղադիրքի որոշման, մոնիթորինգի և վերահսկման հնարավորությամբ:
V. ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՆԱՎԻԳԱՑԻՈՆ ՀԱՄԱԿԱՐԳԵՐԻ ՆԵՐԴՐՄԱՆ ՖԻՆԱՆՍԱՎՈՐՄԱՆ ԱՂԲՅՈՒՐՆԵՐԸ
29. Պետության կարիքների համար Հայաստանի Հանրապետությունում նավիգացիոն համակարգերի ներդրման նպատակով իրականացվող աշխատանքների ֆինանսավորումն իրականացվելու է Հայաստանի Հանրապետության պետական բյուջեի, ինչպես նաև օտարերկրյա ներդրումների և Հայաստանի Հանրապետության օրենսդրությամբ չարգելված այլ միջոցների հաշվին:
30. Հայաստանի Հանրապետությունում նավիգացիոն համակարգերի ներդրման միջոցառումների ծախսերի նախահաշիվն ըստ պահանջվող ֆինանսական միջոցների ներկայացված է Հայաստանի Հանրապետության կառավարության 2010 թվականի դեկտեմբերի 23-ի N 1721-Ն որոշման N 2 հավելվածում:
Հավելված N 2
ՀՀ կառավարության
2010 թվականի դեկտեմբերի 23-ի
N 1721-Ն որոշման
ԾԱԽՍԵՐԻ ՆԱԽԱՀԱՇԻՎ
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՆԱՎԻԳԱՑԻՈՆ ՀԱՄԱԿԱՐԳԵՐԻ ՆԵՐԴՐՄԱՆ ՄԻՋՈՑԱՌՈՒՄՆԵՐԻ
._____________________________________________________________________.
|NN |Աշխատանքի անվանումը |Չափի |Ծավալը|Միավորի |Գումարը |
|ը/կ| |միավորը| |արժեքը |(հազ. դրամ)|
| | | | |(դրամ) | |
|___|_____________________________|_______|______|________|___________|
| 1 | 2 | 3 | 4 | 5 | 6 |
|___|_____________________________|_______|______|________|___________|
|I. |Սերվեր (տելեմատիկ) | | | | |
|___|_____________________________|_______|______|________|___________|
| |Տելեմատիկ սերվերի | | | | |
| |սարքավորումներ | | | | |
|___|_____________________________|_______|______|________|___________|
|1. |Տելեմատիկ սերվերի բլոկ |հատ | 1| 6182502| 6182.5|
|___|_____________________________|_______|______|________|___________|
|2. |Անխափան սնուցման աղբյուր |հատ | 1| 394628| 394.6|
|___|_____________________________|_______|______|________|___________|
|II.|Տելեմատիկ սերվերի ծրագրային | | | | |
| |ապահովում | | | | |
|___|_____________________________|_______|______|________|___________|
|1. |Տելեմատիկ սերվեր` |հատ | 1|31570224| 31570.2|
| |տրանսպորտային միջոցների | | | | |
| |սպասարկման համար | | | | |
|___|_____________________________|_______|______|________|___________|
|2. |Սարքավորումային բլոկում |ծրագիր | 1|30800000| 30800.0|
| |տեղադրվող ծրագրային ապահովում| | | | |
|___|_____________________________|_______|______|________|___________|
|3. |Ծրագրային լրամշակում, |ծրագիր | 1| 8850000| 8850.0|
| |հայերենի ապահովում | | | | |
|___|_____________________________|_______|______|________|___________|
| |ընդամենը | | | | 77797.4|
|___|_____________________________|_______|______|________|___________|
|III|Նավիգացիոն 1:10000 մասշտաբի | | | | |
| |քարտեզների ստեղծում | | | | |
|___|_____________________________|_______|______|________|___________|
|1. |Տեխնիկական նախագծի կազմում |հատ | 1| 495424| 495.4|
|___|_____________________________|_______|______|________|___________|
|2. |Նախապատրաստական աշխատանք |թերթ | 1344| 3060| 4112.6|
| |(տվյալների և քարտեզագրական | | | | |
| |նյութերի հավաքագրում, | | | | |
| |դասակարգում, անհրաժեշտ | | | | |
| |շերտերի տարանջատում, | | | | |
| |վերաֆորմատավորում, | | | | |
| |տրանսֆորմացում, աշխատանքի | | | | |
| |բաժանում և վերահսկում) | | | | |
|___|_____________________________|_______|______|________|___________|
|3. |Հավաքագրված քարտեզագրական |գծ. կմ | 7743| 17317| 134085.5|
| |նյութերի դաշտային ճշգրտում և | | | | |
| |նավիգացիոն տարրերի չափագրում`| | | | |
| |1) ճանապարհային գրաֆի | | | | |
| |ստեղծման համար կետերի | | | | |
| |չափագրում | | | | |
| |2) ճանապարհի երթևեկությամբ |քառ. կմ| 1540| 17318| 26669.7|
| |քարտեզի թարմացում` 200 մ | | | | |
| |լայնությամբ շերտով | | | | |
|___|_____________________________|_______|______|________|___________|
|4. |Ծրագրի մուտքագրում և |քառ. կմ| 28550| 306| 8736.3|
| |տեղագրական տարրերի | | | | |
| |կարգավորում (քարտեզագրական | | | | |
| |հիմքի տեղափոխում ծրագրային | | | | |
| |փաթեթ, տեղեկատվության | | | | |
| |բաժանում` ըստ մակարդակների | | | | |
| |(levels) | | | | |
|___|_____________________________|_______|______|________|___________|
|5. |Նավիգացիոն քարտեզների |գծ. կմ | 7743| 15477| 119838.4|
| |համապատասխան շերտերի | | | | |
| |ստեղծում, թվայնացում, | | | | |
| |տեղեկատվության մուտքագրում | | | | |
| |համապատասխան լեզուներով) | | | | |
|___|_____________________________|_______|______|________|___________|
|6. |Նավիգացիոն քարտեզների |գծ. կմ | 7743| 2568| 19884.0|
| |ստուգում և փորձարկում | | | | |
|___|_____________________________|_______|______|________|___________|
|7. |Նավիգացիոն քարտեզների |գծ. կմ | 1344| 2448| 3290.1|
| |միավորման և մշակման | | | | |
| |աշխատանքներ (ստեղծված | | | | |
| |մակարդակների միավորում) | | | | |
|___|_____________________________|_______|______|________|___________|
| |ընդամենը | | | | 317112.2|
|___|_____________________________|_______|______|________|___________|
|IV.|Նավիգացիոն 1:2000 մասշտաբի | | | | |
| |հատակագծերի ստեղծում | | | | |
|___|_____________________________|_______|______|________|___________|
|1. |Նախապատրաստական աշխատանք |քառ. կմ| 1898| 1836| 3484.7|
| |(տվյալների և քարտեզագրական | | | | |
| |նյութերի հավաքագրում, | | | | |
| |դասակարգում, անհրաժեշտ | | | | |
| |շերտերի տարանջատում, | | | | |
| |վերաֆորմատավորում) | | | | |
|___|_____________________________|_______|______|________|___________|
|2. |Հավաքագրված քարտեզագրական |գծ. կմ | 3564| 19951| 71105.4|
| |նյութերի դաշտային ճշգրտում և | | | | |
| |նավիգացիոն տարրերի չափագրում | | | | |
| |1) ճանապարհային գրաֆի | | | | |
| |ստեղծման համար կետերի | | | | |
| |չափագրում | | | | |
|___|_____________________________|_______|______|________|___________|
| |2) ճանապարհի երթևեկությամբ |կմ | 107| 132405| 14167.3|
| |քարտեզի թարմացում` 30 մ | | | | |
| |լայնությամբ շերտով | | | | |
|___|_____________________________|_______|______|________|___________|
|3. |Ծրագրի մուտքագրում և |քառ. կմ| 1898| 613| 1163.5|
| |տեղագրական տարրերի | | | | |
| |կարգավորում, քարտեզագրական | | | | |
| |հիմքի տեղափոխում ծրագրային | | | | |
| |փաթեթ, տեղեկատվության | | | | |
| |բաժանում` ըստ մակարդակների | | | | |
| |(levels) | | | | |
|___|_____________________________|_______|______|________|___________|
|4. |Նավիգացիոն քարտեզագրման |գծ. կմ | 3564| 18312| 65264.0|
| |համապատասխան շերտերի | | | | |
| |ստեղծում, թվայնացում, | | | | |
| |հասցեավորում, տեղեկատվության | | | | |
| |մուտքագրում համապատասխան | | | | |
| |լեզուներով | | | | |
|___|_____________________________|_______|______|________|___________|
|5. |Նավիգացիոն քարտեզների |գծ. կմ | 3564| 5730| 20421.7|
| |ստուգում և փորձարկում | | | | |
|___|_____________________________|_______|______|________|___________|
|6. |Նավիգացիոն քարտեզների |քառ. կմ| 1898| 2448| 4646.3|
| |միավորման և մշակման | | | | |
| |աշխատանքներ (ստեղծված | | | | |
| |մակարդակների միավորում) | | | | |
|___|_____________________________|_______|______|________|___________|
|7. |Տեխնիկական հաշվետվության |հատ | 1| 304669| 304.7|
| |կազմում | | | | |
|___|_____________________________|_______|______|________|___________|
|V. |Նորմատիվ-տեխնիկական |հատ | 3| 1200000| 3600.0|
| |փաստաթղթերի մշակում | | | | |
|___|_____________________________|_______|______|________|___________|
| |ընդամենը | | | | 166157.6|
|___|_____________________________|_______|______|________|___________|
| |Ընդամենը | | | | 579067.1|
._____________________________________________________________________.