ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ
ՈՐՈՇՈՒՄԸ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԴՐԱՄԻ ՄԱՍԻՆ
Ելնելով Հայաստանի Հանրապետության ազգային դրամի ստեղծման հանձնաժողովի կողմից անցկացված մրցույթի արդյունքներից, Հայաստանի Հանրապետության Գերագույն խորհուրդը որոշում է.
i
1. Հայաստանի Հանրապետության ազգային դրամը անվանել «դրամ», մանրադրամը` «լումա»: Սահմանել, որ մեկ դրամը հավասար է հարյուր լումայի:
2. Սահմանել, որ ազգային դրամը շրջանառության մեջ մտցնելու մեխանիզմը որոշվում է Հայաստանի Հանրապետության կառավարության կողմից (որպես Հայաստանի Հանրապետության պետական բանկի բանկային տոմս):
3. Հայաստանի Հանրապետության կառավարությանը`
ա) հաստատել Հայաստանի Հանրապետության ազգային դրամի նմուշը.
բ) պատվիրել անհրաժեշտ քանակի ազգային դրամ:
25 մարտի 1992 թվական: