510.0035.210411
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«21» 04 2011 Թ.
ՊԵՏԱԿԱՆ ԳՐԱՆՑՄԱՆ ԹԻՎ 51011183
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՎՈՒՇԻ ՄԱՐԶՊԵՏ
ՈՐՈՇՈՒՄ
28 մարտի 2011 թվականի N 35-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՎՈՒՇԻ ՄԱՐԶՊԵՏԱՐԱՆԻ ԱՇԽԱՏԱԿԱԶՄՈՒՄ ՊԱՅՄԱՆԱԳՐԵՐԻ ՀԱՇՎԱՌՄԱՆ ԵՎ ԳՐԱՆՑԱՄԱՏՅԱՆԻ ՁԵՎԸ ՈՒ ՎԱՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
Ղեկավարվելով Հայաստանի Հանրապետության Նախագահի 1997 թվականի մայիսի 6-ի «Հայաստանի Հանրապետության մարզերում պետական կառավարման մասին» ՆՀ-728 հրամանագրի 1.5 կետի ա/ ենթակետի դրույթներով և համաձայն Հայաստանի Հանրապետության կառավարության 2010 թվականի նոյեմբերի 18-ի «Հայաստանի Հանրապետության պետական կառավարման մարմինների աշխատակազմում պայմանագրերի մշակման, ստորագրման, հաշվառման և պահպանման կարգը հաստատելու մասին» թիվ 1505-Ն որոշման 1-ին կետով հաստատված կարգի 10-րդ կետի`
Որոշում եմ.
1. Սահմանել Հայաստանի Հանրապետության Տավուշի մարզպետարանի աշխատակազմում պայմանագրերի հաշվառման և գրանցամատյանի (հաշվառման գրքի) ձևը` համաձայն թիվ 1 հավելվածի:
2. Սահմանել Հայաստանի Հանրապետության Տավուշի մարզպետարանի աշխատակազմում պայմանագրերի հաշվառման և գրանցամատյանի (հաշվառման գրքի) վարման կարգը` համաձայն թիվ 2 հավելվածի:
3. Սույն որոշման հսկողությունը վերապահել Հայաստանի Հանրապետության Տավուշի մարզպետարանի աշխատակազմի ղեկավարին:
4. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
Հավելված 1
ՀՀ Տավուշի մարզպետի
2011 թվականի մարտի 28-ի
թիվ 35-Ն որոշման
ՁԵՎ
Հայաստանի Հանրապետության Տավուշի մարզպետարանի աշխատակազմում
պայմանագրերի հաշվառման ԵՎ գրանցամատյանի (հաշվառման գրքի)
._____________________________________________________________________.
|Պայմա- |Պայմանագրի կողմ |Պայմա- |Պայմա-|Պայմա- |Պայմանագրի|Ծանոթու-|
|նագրի |հանդիսացող |նագրի |նագրի |նագրի |գործո- |թյուն |
|հաշվառ-|ֆիզիկական անձի |առարկան|գրանց-|ուժի |ղության | |
|ման |անունը, ազգանունը,| |ման |մեջ |ժամկետը | |
|համարը |բնակության վայրը, | |համարը|մտնելու|լրանալու | |
| |անձնագրի սերիան ու| |և |ամսա- |ամսաթիվը, | |
| |համարը | |կնքման|թիվը, |ամիսը, | |
| |(իրավաբանական անձի| |ամսա- |ամիսը, |տարեթիվը | |
| |դեպքում | |թիվը, |տարե- | | |
| |իրավաբանական անձի | |ամիսը,|թիվը | | |
| |անվանումը, | |տարե- | | | |
| |կազմակերպաիրավական| |թիվը | | | |
| |ձևը, գտնվելու | | | | | |
| |վայրը) | | | | | |
|_______|__________________|_______|______|_______|__________|________|
| 1. | | | | | | |
|_______|__________________|_______|______|_______|__________|________|
| 2. | | | | | | |
|_______|__________________|_______|______|_______|__________|________|
| 3. | | | | | | |
|_______|__________________|_______|______|_______|__________|________|
| 4. | | | | | | |
|_______|__________________|_______|______|_______|__________|________|
| 5. | | | | | | |
._____________________________________________________________________.
Հավելված 2
ՀՀ Տավուշի մարզպետի
2011 թվականի մարտի 28-ի
թիվ 35-Ն որոշման
ԿԱՐԳ
Հայաստանի Հանրապետության Տավուշի մարզպետարանի աշխատակազմում
պայմանագրերի հաշվառման ԵՎ գրանցամատյանի (հաշվառման գրքի) վարման
1. Սույն կարգով կարգավորվում են Հայաստանի Հանրապետության Տավուշի մարզպետարանի աշխատակազմում պայմանագրերի (այսուհետ` պայմանագրեր) հաշվառման և գրանցամատյանի վարման հետ կապված հարաբերությունները:
2. Պայմանագրերի հաշվառումը և գրանցումն իրականացվում են հաշվառման և գրանցամատյանում համապատասխան գրառումներ կատարելու միջոցով:
3. Հայաստանի Հանրապետության Տավուշի մարզպետարանի աշխատակազմում պայմանագրի հաշվառման և գրանցամատյանի վարման աշխատանքները իրականացնում է աշխատակազմի իրավաբանական բաժինը:
4. Հաշվառումը կատարվում է, իսկ գրանցամատյանը լրացվում է ըստ սահմանված սյունակների հետևյալ ձևով`
1) 1-ին սյունակում նշվում է պայմանագրի հաշվառման հերթական համարը.
2) 2-րդ սյունակում նշվում են պայմանագրի կողմ հանդիսացող ֆիզիկական անձի անունը, ազգանունը, անձնագրի սերիան և համարը, մշտական կամ ժամանակավոր բնակության վայրը, իսկ իրավաբանական անձի դեպքում` իրավաբանական անձի լրիվ անվանումը, կազմակերպաիրավական ձևը և գտնվելու վայրը.
3) 3-րդ սյունակում նշվում է պայմանագրի առարկան.
4) 4-րդ սյունակում նշվում են պայմանագրի գրանցման համարը, որը յուրաքանչյուր տարի սկսվում է հունվարի 1-ից և շարունակվում է մինչև տվյալ տարվա դեկտեմբերի 31-ը և կնքման տարին, ամիսը, օրը.
5) 5-րդ սյունակում նշվում են պայմանագրի ուժի մեջ մտնելու տարեթիվը, ամիսը և ամսաթիվը.
6) 6-րդ սյունակում նշվում են պայմանագրի գործողության ժամկետը լրանալու տարեթիվը, ամիսը և ամսաթիվը.
7) 7-րդ սյունակում նշվում են գրանցամատյանի (հաշվառման գրքի) մյուս սյունակների գրանցումները բացահայտելու կամ լրացնելու համար անհրաժեշտ գրառումներ և տեղեկություններ, ինչպես նաև պայմանագրի պայմանների փոփոխման, պայմանագրի դադարեցման և այլ տեղեկություններ: