040.0862.291298
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«29» դեկտեմբերի 1998 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
29 դեկտեմբերի 1998 թվականի թիվ 862
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇՔԱՆՇԱՆՆԵՐ ԵՎ ՄԵԴԱԼՆԵՐ ՊԱՏՐԱՍՏԵԼՈՒ ՄԱՍԻՆ
Հայաստանի Հանրապետության շքանշանների և մեդալների նոր խմբաքանակ (1300 հատ) պատրաստելու նպատակով Հայաստանի Հանրապետության կառավարությունը որոշում է.
1. Հայաստանի Հանրապետության ֆինանսների և էկոնոմիկայի նախարարությանը`
ա) Հայաստանի Հանրապետության շքանշանների և մեդալների պատրաստման համար պատվիրատուին` Հայաստանի Հանրապետության ներքին գործերի և ազգային անվտանգության նախարարությանը Հայաստանի Հանրապետության թանկարժեք մետաղների, քարերի և դրանցից պատրաստված իրերի պահպանության պետական գանձարանից հատկացնել 3600,0 գրամ քիմիապես մաքուր ոսկի և 10000,0 գրամ քիմիապես մաքուր արծաթ (նկատի ունենալով այն հանգամանքը, որ նախորդ խմբաքանակի պատվերից Հայաստանի Հանրապետության ներքին գործերի և ազգային անվտանգության նախարարության տնօրինության տակ մնացել է 10000,0 գրամ արծաթ).
բ) պատվիրատուին լրացուցիչ հատկացնել 20000,0 ԱՄՆ-ի դոլարին համարժեք դրամ (բացի Հայաստանի Հանրապետության 1998 թվականի պետական բյուջեով նախատեսված 40,0 մլն դրամից)` Հայաստանի Հանրապետության 1998 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:
i
2. Հայաստանի Հանրապետության թանկարժեք մետաղների, քարերի և դրանցից պատրաստված իրերի պահպանության պետական գանձարանի կողմից նշված քանակությամբ ոսկու ձեռքբերման և պատվիրատուին հատկացման նպատակով «Հայաստանի Հանրապետության 1998 թվականի պետական բյուջեի մասին» Հայաստանի Հանրապետության օրենքի թիվ 1 հավելվածի 14 խմբի 04 ենթախմբի «1. ՀՀ կառավարության պահուստային ֆոնդ» տողով նախատեսված 2660000,0 հազ. դրամ գումարը պակասեցնել 17650,0 հազ. դրամի չափով` նույն չափով ավելացնելով 01 խմբի 02 ենթախմբի «4. Թանկարժեք մետաղների գնման և վերամշակման ծախսեր» տողով նախատեսված գումարը:
(2-րդ կետն ուժը կորցրել է 12.07.99 թիվ 462 որոշում)
3. Սույն որոշումն ուժի մեջ է մտնում 1998 թվականի դեկտեմբերի 29-ից: