040.1215.290811
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
25 օգոստոսի 2011 թվականի N 1215-Ն
i
ՃԱՊՈՆԻԱՅԻ ԿԱՌԱՎԱՐՈՒԹՅԱՆ ՏՐԱՄԱԴՐԱԾ ԴՐԱՄԱՇՆՈՐՀՆԵՐԻ ՀԱՇՎԻՆ ՍՏԱՑՎԱԾ ԳՅՈՒՂԱՏՆՏԵՍՈՒԹՅԱՆ ՏԵԽՆԻԿԱՅԻ ՀԵՏԱԳԱ ՏՆՕՐԻՆՄԱՆ ՄԱՍԻՆ
Հիմք ընդունելով Հայաստանի Հանրապետության կառավարության 2000 թվականի հունիսի 14-ի N 308 և հոկտեմբերի 23-ի N 661 որոշումների պահանջները և ղեկավարվելով Հայաստանի Հանրապետության քաղաքացիական օրենսգրքի 627-րդ հոդվածով` Հայաստանի Հանրապետության կառավարությունը որոշում է.
1. Հայաստանի Հանրապետության գյուղատնտեսության նախարարին` ապահովել «Ագրոսպասարկում» պետական փակ բաժնետիրական ընկերության միջոցով իրացման նպատակով` սույն որոշման հավելվածի ցանկում ներառված` վարձակալված գյուղատնտեսական տեխնիկայի հետ վերցնելն ու մեկնարկային գներով` ուղղակի վաճառքի ձևով վաճառել վարձակալական պայմանագրերի պահանջներին համապատասխան հաշվարկված վարձավճարներն ու հնարավոր տույժերը վճարած վարձակալներին և Հայաստանի Հանրապետության օրենսդրությամբ սահմանված կարգով պակասեցնել բաժնետոմսերի ընդհանուր թիվը` նվազեցնելով ընկերության կանոնադրական կապիտալը:
i
2. Սույն որոշման 1-ին կետի պահանջները չբավարարող կամ գյուղատնտեսական տեխնիկայի ձեռքբերումից հրաժարվող վարձակալների վարձակալած գյուղատնտեսական տեխնիկան իրացնել դասական աճուրդով` կիրառելով Հայաստանի Հանրապետության կառավարության 2011 թվականի փետրվարի 17-ի «Ճապոնիայի կառավարության «Սակավապահով ֆերմերների համար դրամաշնորհային աջակցություն» 10-րդ դրամաշնորհային ծրագրի շրջանակներում Հայաստանի Հանրապետություն ներկրված գյուղատնտեսական տեխնիկան տնօրինելու մասին» N 134-Ն որոշման 1-ին կետի և 3-րդ կետի 1-5-րդ ենթակետերով սահմանված աճուրդի իրականացման ընթացակարգը, մեխանիզմները և շահառուների ընտրության չափորոշիչները:
3. Սահմանել գյուղատնտեսական տեխնիկայի վաճառքի մեկնարկային գները` համաձայն հավելվածի:
4. Գյուղատնտեսական տեխնիկայի օտարումից ստացված միջոցները փոխանցել Հայաստանի Հանրապետության ֆինանսների նախարարության կենտրոնական գանձապետարանում յուրաքանչյուր դրամաշնորհի համար բացված հաշվի համարներին և դրանք սահմանված կարգով օգտագործել գյուղատնտեսական ծրագրերի ֆինանսավորման համար:
5. Սահմանել, որ «Ագրոսպասարկում» փակ բաժնետիրական ընկերության կողմից տեխնիկայի օտարման հետ կապված գործընթացների իրականացման նպատակով աշխատողների գործուղման և տեխնիկայի պահպանման ծախսերը, ինչպես նաև Հայաստանի Հանրապետության պետական բյուջեի նկատմամբ առաջացած պարտավորությունները փոխհատուցվում են գյուղատնտեսական տեխնիկայի օտարումից ստացված միջոցներից` համաձայն Հայաստանի Հանրապետության գյուղատնտեսության նախարարության հետ համաձայնեցված ծախսերի նախահաշվի:
6. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2011 ԹՎԱԿԱՆԻ ՕԳՈՍՏՈՍԻ 29-ԻՆ
Հավելված
ՀՀ կառավարության
2011 թվականի օգոստոսի 25-ի
N 1215-Ն որոշման
ՑԱՆԿ
ԻՐԱՑՄԱՆ ԵՆԹԱԿԱ` ՎԱՐՁԱԿԱԼՎԱԾ ԳՅՈՒՂԱՏՆՏԵՍԱԿԱՆ ՏԵԽՆԻԿԱՅԻ
._____________________________________________________________________.
|NN |Գյուղատնտեսական|Գյուղատնտեսական տեխնիկայի մակնիշը |Քանակը|Մեկնար-|
|ը/կ|տեխնիկայի | |(միա- |կային |
| |անվանումը | |վոր) |գինը |
| | | | |(հազ. |
| | | | |դրամ) |
|___|_______________|__________________________________|______|_______|
|1. |Հացահատիկահավաք|«ԲԻԶՈՆ ՌԵԿՈՐԴ Ջ058» (BIZON | 2 |800,0 |
| |կոմբայն |REKORD Z058) | | |
|___|_______________|__________________________________|______|_______|
|2. |Հացահատիկահավաք|«ՍԱՄՊՈ ՍՌ2035» (SAMPO SR2035) | 13 |600,0 |
| |կոմբայն | | | |
|___|_______________|__________________________________|______|_______|
|3. |Հացահատիկահավաք|«ՍԿ-5Մ «Նիվա» («ՍԿ-5Մ Նիվա) | 15 |300,0 |
| |կոմբայն | | | |
|___|_______________|__________________________________|______|_______|
|4. |Տրակտոր |«ԿՈՒԲՕՏԱ Լ2500ԴՏ» (KUBOTA L2500DT)| 2 |200,0 |
|___|_______________|__________________________________|______|_______|
|5. |Տրակտոր |«ՇԻԲԱՈՒՐԱ Ս325» (SHIBAURA S325) | 40 |200,0 |
._____________________________________________________________________.