326.0093.300911
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«30» 09 2011 Թ.
ՊԵՏԱԿԱՆ ԳՐԱՆՑՄԱՆ ԹԻՎ 32611435
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱԿԱՐԳ ԻՐԱՎԻՃԱԿՆԵՐԻ ՆԱԽԱՐԱՐ ՀՐԱՄԱՆ
8 սեպտեմբերի 2011 թվականի N 93-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱԿԱՐԳ ԻՐԱՎԻՃԱԿՆԵՐԻ ՆԱԽԱՐԱՐՈՒԹՅԱՆ ԱՇԽԱՏԱԿԱԶՄՈՒՄ ՊԱՅՄԱՆԱԳՐԵՐԻ ՀԱՇՎԱՌՄԱՆ ԵՎ ԳՐԱՆՑՄԱՆ ԳՐՔԻ ՁԵՎՆ ՈՒ ՎԱՐՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ
Հիմք ընդունելով «ՀՀ պետական կառավարման մարմնի աշխատակազմում պայմանագրերի մշակման, ստորագրման, հաշվառման և պահպանման կարգը հաստատելու մասին» ՀՀ կառավարության 2010 թվականի նոյեմբերի 18-ի թիվ 1505-Ն որոշման 1-ին կետով հաստատված կարգի 10-րդ կետը և ղեկավարվելով ՀՀ արտակարգ իրավիճակների նախարարության կանոնադրության 13-րդ կետի 4-րդ ենթակետով.
ՀՐԱՄԱՅՈՒՄ ԵՄ`
1. Սահմանել ՀՀ արտակարգ իրավիճակների նախարարության աշխատակազմում պայմանագրերի հաշվառման և գրանցման գրքի ձևը` համաձայն N 1 հավելվածի:
2. Սահմանել ՀՀ արտակարգ իրավիճակների նախարարության աշխատակազմում պայմանագրերի հաշվառման և գրանցման գրքի վարման կարգը` համաձայն N 2 հավելվածի:
3. ՀՀ արտակարգ իրավիճակների նախարարության աշխատակազմի իրավաբանական վարչության պետ Ա. Ալեքսանյանին` ապահովել ՀՀ արտակարգ իրավիճակների նախարարության աշխատակազմում պայմանագրերի հաշվառումը, գրանցումը և վարումը ՀՀ կառավարության 2010 թվականի նոյեմբերի 18-ի թիվ 1505-Ն որոշման պահանջներին համապատասխան:
4. ՀՀ արտակարգ իրավիճակների նախարարության աշխատակազմի քարտուղարության պետ Ա. Գրիգորյանին` սույն հրամանն օրենքով սահմանված կարգով ներկայացնել ՀՀ արդարադատության նախարարություն` պետական գրանցման:
5. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:
Հավելված N 1
ՀՀ արտակարգ իրավիճակների
նախարարի
2011 թ. սեպտեմբերի 8-ի
N 93-Ն հրամանի
ՁԵՎ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱԿԱՐԳ ԻՐԱՎԻՃԱԿՆԵՐԻ ՆԱԽԱՐԱՐՈՒԹՅԱՆ ԱՇԽԱՏԱԿԱԶՄՈՒՄ ՊԱՅՄԱՆԱԳՐԵՐԻ ՀԱՇՎԱՌՄԱՆ ԵՎ ԳՐԱՆՑՄԱՆ ԳՐՔԻ
._____________________________________________________________________.
|Պայ- |Պայմանագրի |Պայմանագրի կողմ |Պայմանագրի|Պայմանագրի |Ծանոթա- |
|մանա-|կնքման |հանդիսացող |առարկան |ուժի մեջ |գրու- |
|գրի |ամսաթիվը, |ֆիզիկական անձի | |մտնելու և |թյուն |
|հաշ- |ամիսը, |անունը, ազգանունը,| |պայմանագրի | |
|վառ- |տարեթիվը և |բնակության վայրը, | |գործողության| |
|ման |գրանցման |անձնագրի սերիան ու| |ժամկետը | |
|հա- |համարը |համարը | |լրանալու | |
|մարը | |(իրավաբանական անձի| |ամսաթիվը, | |
| | |դեպքում | |ամիսը և | |
| | |իրավաբանական անձի | |տարեթիվը | |
| | |անվանումը, | | | |
| | |կազմակերպաիրավական| | | |
| | |ձևը, | | | |
| | |գործունեության | | | |
| | |իրականացման վայրը)| | | |
|_____|___________|__________________|__________|____________|________|
| 1.| | | | | |
|_____|___________|__________________|__________|____________|________|
| 2.| | | | | |
|_____|___________|__________________|__________|____________|________|
| 3.| | | | | |
|_____|___________|__________________|__________|____________|________|
| 4.| | | | | |
|_____|___________|__________________|__________|____________|________|
| 5.| | | | | |
._____________________________________________________________________.
Հավելված N 2
ՀՀ արտակարգ իրավիճակների
նախարարի
2011 թ. սեպտեմբերի 8-ի
N 93-Ն հրամանի
ԿԱՐԳ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱԿԱՐԳ ԻՐԱՎԻՃԱԿՆԵՐԻ ՆԱԽԱՐԱՐՈՒԹՅԱՆ ԱՇԽԱՏԱԿԱԶՄՈՒՄ ՊԱՅՄԱՆԱԳՐԵՐԻ ՀԱՇՎԱՌՄԱՆ ԵՎ ԳՐԱՆՑՄԱՆ ԳՐՔԻ ՎԱՐՄԱՆ
1. Սույն կարգով կարգավորվում են Հայաստանի Հանրապետության արտակարգ իրավիճակների նախարարության աշխատակազմում պայմանագրերի (այսուհետ` պայմանագրեր) հաշվառման և գրանցման գրքի (այսուհետ` հաշվառման և գրանցման գիրք) վարման հետ կապված հարաբերությունները:
2. Պայմանագրերի հաշվառումը և գրանցումն իրականացվում են հաշվառման և գրանցման գրքում համապատասխան գրառում կատարելու միջոցով:
3. Հաշվառման և գրանցման գիրքն ըստ սյունակների լրացվում է հետևյալ ձևով`
1) 1-ին սյունակում նշվում է պայմանագրի հաշվառման համարը,
2) 2-րդ սյունակում նշվում են պայմանագրի կնքման ամսաթիվը, ամիսը, տարեթիվը և գրանցման համարը, որը յուրաքանչյուր տարի սկսվում է հունվարի 1-ից և շարունակվում մինչև տվյալ տարվա դեկտեմբերի 31-ը ներառյալ կնքված պայմանագրերի համար:
Հայաստանի Հանրապետության արտակարգ իրավիճակների նախարարության աշխատակազմի` հաշվառման և գրանցման գիրքը վարող համապատասխան ստորաբաժանումը կարող է սույն կարգով գրառված պայմանագրի գրանցման յուրաքանչյուր համարի ցանկացած կողմից որոշակի սկզբունքով լրացնել տարբերակող տառեր կամ թվեր` դրանք առանձնացնելով գծիկներով (օրինակ` Ա-1, 1-Ա, Ա-1-Բ),
3) 3-րդ սյունակում նշվում են պայմանագրի կողմ հանդիսացող ֆիզիկական անձի անունը, ազգանունը, անձնագրի սերիան և համարը, մշտական կամ ժամանակավոր բնակության վայրը, իսկ իրավաբանական անձանց դեպքում` իրավաբանական անձի լրիվ անվանումը, կազմակերպաիրավական ձևը և գործունեության իրականացման վայրը,
4) 4-րդ սյունակում նշվում է պայմանագրի առարկան,
5) 5-րդ սյունակում նշվում են պայմանագրի ուժի մեջ մտնելու և պայմանագրի գործողության ժամկետը լրանալու ամսաթիվը, ամիսը և տարեթիվը (օրինակ` 23.12.2010 թ-22.08.2011 թ.),
6) 6-րդ սյունակում նշվում են հաշվառման գրքի մյուս սյունակների գրանցումները բացահայտելու կամ լրացնելու համար անհրաժեշտ գրառումներ և տեղեկություններ, ինչպես նաև պայմանագրի պայմանների փոփոխելու, պայմանագիրը դադարեցնելու և այլ տեղեկություններ: