600.0059.30.12.98
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿԱՅԻ ՀԱՆՁՆԱԺՈՂՈՎ
ՈՐՈՇՈՒՄ
30 դեկտեմբերի 1998 թվականի թիվ 59
i
ԷԼԵԿՏՐԱԷՆԵՐԳԻԱՅԻ ԱԶԳԱՅԻՆ ՑԱՆՑ ԱՌԱՔՄԱՆ 1999Թ. ՔՎՈՏԱՆԵՐԻ ՍԱՀՄԱՆՄԱՆ ՄԱՍԻՆ
Ղեկավարվելով «Էներգետիկայի մասին» Հայաստանի Հանրապետության օրենքի 20-րդ հոդվածով, հաշվի առնելով Հայաստանի Հանրապետությունում էլեկտրական էներգիայի 1999թ. կանխատեսվող սպառման քանակը և էներգետիկական պաշարների ծավալները, ՀՀ էներգետիկայի հանձնաժողովը որոշում է`
1. Հայաստանի Հանրապետության տարածքում էլեկտրաէներգիա արտադրող ընկերությունների համար սահմանել էլեկտրաէներգիայի ազգային ցանց առաքելու 1999թ. քվոտաները.
__________________________________________________________________________
Թիվ Ընկերության Էլեկտրաէներգիայի
անվանումը առաքման 1999թ.
քվոտաները (մլն կՎտժ)
__________________________________________________________________________
1. «ՀԱԷԿ» ՊՓԲԸ 1800
2. «Հրազդանի ՋԷԿ» ՊՓԲԸ 2100
3. «Երևանի ՋԷԿ» ՊՓԲԸ 440
4. «Սևան-Հրազդանյան կասկադ» ՊՓԲԸ 540
5. «Որոտանի ՀԷԿՀ» ՊՓԲԸ 940
Փոքր ՀԷԿ-եր
6. այդ թվում`
չսեփականաշնորհված 70.36
սեփականաշնորհված 50.65
Ընդամենը, քվոտավորված
7. առաքում 5941.01
2. Ընդունել ի գիտություն.
2.1. Հաշվի առնելով Հայաստանի Հանրապետությունում էլեկտրաէներգիայի արտադրության առկա հնարավորությունները, 1999թ. ազգային էլեկտրացանց առաքվող էլեկտրաէներգիայի տարեկան քվոտաներում ներառված 260 մլն կՎտժ արտահանման ծավալները կարող են ավելացվել միայն ՀՀ էներգետիկայի հանձնաժողովի հետ համաձայնեցնելուց հետո:
2.2. Սահմանված քվոտաներին համապատասխան էլեկտրական էներգիայի արտադրության ռեժիմները կարգավորում է «Հայէներգո» ՊՓԲԸ-ն:
3. Սեփականաշնորհված փոքր ՀԷԿ-երի էլեկտրական էներգիայի փաստացի օգտակար առաքման ամբողջ քանակությունը ենթակա է պարտադիր գնման «Հայէներգո» ՊՓԲԸ-ի կողմից:
Ծանոթություն.
1. «Երևանի ՋԷԿ» ՊՓԲԸ-ի համար քվոտան սահմանվել է գործող պայմանագրով ջերմային էներգիայի արտադրության ծավալներից ելնելով: