100.0012.071211
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«07» 12 2011 Թ.
ՊԵՏԱԿԱՆ ԳՐԱՆՑՄԱՆ ԹԻՎ 10011524
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՌՈՂՋԱՊԱՀՈՒԹՅԱՆ ՆԱԽԱՐԱՐ ԷԿՈՆՈՄԻԿԱՅԻ ՆԱԽԱՐԱՐ
18 հոկտեմբերի 2011 թ. N 12-Ն 16 նոյեմբերի 2011 թ. N 935-Ն
ՀԱՄԱՏԵՂ ՀՐԱՄԱՆ
ԸՆԹԱՑԱԿԱՐԳ
i
ԱԶԳԱՅԻՆ ՀԱՄԱԿԱՐԳՈՂ ՄԱՐՄՆԻ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷԿՈՆՈՄԻԿԱՅԻ ՆԱԽԱՐԱՐՈՒԹՅԱՆ ՀԱՄԱԳՈՐԾԱԿՑՈՒԹՅԱՆ ՄԵԽԱՆԻԶՄՆԵՐՆ ԱՊԱՀՈՎՈՂ ԳՈՐԾԸՆԹԱՑՆԵՐԸ ՍԱՀՄԱՆՈՂ ՍՏԱՆԴԱՐՏ
Հիմք ընդունելով Հայաստանի Հանրապետության կառավարության 2010 թվականի օգոստոսի 26-ի «Միջազգային առողջապահական /բժշկասանիտարական/ կանոնների հարցերով ազգային համակարգող մարմնի և շահագրգիռ մարմինների համագործակցության մեխանիզմները և համակարգման ընթացակարգերը հաստատելու մասին» N 1138-Ն որոշման 2-րդ կետի 4-րդ ենթակետի պահանջները,
ՀՐԱՄԱՅՈՒՄ ԵՆՔ`
1. Հաստատել`
«Ազգային համակարգող մարմնի և Հայաստանի Հանրապետության էկոնոմիկայի նախարարության համագործակցության մեխանիզմներն ապահովող գործընթացները սահմանող» ստանդարտ ընթացակարգը` համաձայն հավելվածի:
2. Հայաստանի Հանրապետության առողջապահության նախարարության իրավաբանական վարչության պետ Ի. Աբգարյանին`
սույն հրամանը օրենքով սահմանված կարգով ներկայացնել Հայաստանի Հանրապետության արդարադատության նախարարություն` պետական գրանցման:
Հավելված
Հաստատված է
ՀՀ առողջապահության նախարարի
18 հոկտեմբերի 2011 թ.
թիվ 12-Ն
ՀՀ էկոնոմիկայի նախարարի
16 նոյեմբերի 2011 թ.
թիվ 935-Ն
համատեղ հրամանով
ԸՆԹԱՑԱԿԱՐԳ ԱԶԳԱՅԻՆ ՀԱՄԱԿԱՐԳՈՂ ՄԱՐՄՆԻ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷԿՈՆՈՄԻԿԱՅԻ ՆԱԽԱՐԱՐՈՒԹՅԱՆ ՀԱՄԱԳՈՐԾԱԿՑՈՒԹՅԱՆ ՄԵԽԱՆԻԶՄՆԵՐՆ ԱՊԱՀՈՎՈՂ ԳՈՐԾԸՆԹԱՑՆԵՐԸ ՍԱՀՄԱՆՈՂ ՍՏԱՆԴԱՐՏ
._____________________________________________________________________.
|1. Սցենար |1) Ճառագայթահարման աղբյուր հանդիսացող բժշկական |
| |սարքավորումների ստուգաչափում-ատեստավորում (այսուհետ` |
| |Ստուգաչափում) |
|______________|______________________________________________________|
|2. Ձեռնարկվող |1) Ճառագայթահարման աղբյուր ստուգող և ճառագայթային |
|միջոցառումներ |աղբյուր հանդիսացող սարքերի ստուգաչափում` «Չափումների |
| |միասնականության ապահովման մասին» Հայաստանի |
| |Հանրապետության ՀՕ-83-Ն օրենքով սահմանված կարգով: |
|______________|______________________________________________________|
|3. Անհրաժեշտ |1) Հայաստանի Հանրապետության էկոնոմիկայի նախարարության |
|պարագաներ |«Չափագիտության ազգային ինստիտուտ» փակ բաժնետիրական |
| |ընկերության (այսուհետ` Չափագիտության ինստիտուտ) |
| |անհրաժեշտ պարագաներ. |
| |ա. ալֆա, բետտա, գամմա և ռենտգեն ճառագայթումը |
| |ստուգելու համար սարքերի ստուգաչափման համար նախատեսված |
| |պարագաները` էտալոնները, |
| |բ. Սարքավորումների ստուգաչափման համար նախատեսված |
| |փաստաթղթեր (ստանդարտներ, մեթոդական ցուցումներ, |
| |մեթոդական հրահանգներ): |
|______________|______________________________________________________|
|4. Մասնակիցներ|1) Չափագիտության ինստիտուտի աշխատակիցներ: |
| |2) Չափման ենթակա սարքավորումը տնօրինող կամ |
| |պատասխանատու: |
| |3) Հայաստանի Հանրապետության առողջապահության |
| |նախարարության պետական հիգիենիկ և հակահամաճարակային |
| |տեսչության (այսուհետ` Տեսչություն) մասնագետներ: |
|______________|______________________________________________________|
|5. Անհրաժեշտ |1) Չափագիտության ինստիտուտը պատրաստում է |
|պատրաստու- |սարքավորումների ստուգաչափման համար նախատեսված բոլոր |
|թյուններ |նորմատիվ փաստաթղթերը (ստանդարտներ, մեթոդական |
| |ցուցումներ, մեթոդական հրահանգներ և այլն): |
| |2) Հայաստանի Հանրապետության առողջապահության |
| |նախարարությունը և Չափագիտության ինստիտուտը պատրաստում|
| |են գրությունները: |
|______________|______________________________________________________|
|6. Սարքերի |1) Սարքավորումների ստուգաչափումն իրականացվում է |
|ստուգաչափման |«Չափումների միասնականության ապահովման մասին» Հայաստանի|
|քայլ առ քայլ |Հանրապետության ՀՕ-83-Ն օրենքով սահմանված կարգով: |
|նկարագրություն|2) Սարքը տնօրինողը ներկայացնում է ստուգաչափման հայտ |
| |Չափագիտության ինստիտուտ: |
| |3) Չափագիտության ինստիտուտում հայտը մակագրվում է |
| |համապատասխան բաժին: |
| |4) Չափագիտության ինստիտուտի մասնագետները, սահմանված |
| |կարգով, անցկացնում են ստուգաչափում` համաձայն |
| |համապատասխան նորմատիվ փաստաթղթերի (ստանդարտներ, |
| |մեթոդական ցուցումներ, մեթոդական հրահանգներ և այլն): |
| |5) Չափագիտության ինստիտուտը ստուգաչափումն անցկացնելուց|
| |հետո, սահմանված կարգով, տալիս է ստուգաչափման |
| |արդյունքների վերաբերյալ եզրակացություն: |
| |6) Ստուգաչափման արդյունքների դրական եզրակացության |
| |դեպքում (չափագիտական վկայագրման) դրական արդյունքները |
| |վավերացվում են ստուգաչափման դրոշմի արտատիպով չափման |
| |միջոցի վրա և (կամ) Չափագիտության ինստիտուտի կողմից |
| |տրվում է ստուգաչափման մասին վկայական: |
| |7) Ստուգաչափման բացասական արդյունքների դեպքում |
| |ստուգաչափողը մարում է ստուգաչափման դրոշմի արտատիպը և |
| |տալիս է ծանուցագիր` չափման միջոցը ոչ պիտանի ճանաչելու |
| |մասին: |
| |8) Տեսչության կողմից օրենքով սահմանված կարգով |
| |իրականացվող ստուգումների ընթացքում ոչ սարքին կամ |
| |ստուգաչափման չենթարկված սարքերի հայտնաբերման ժամանակ` |
| |սարքը տնօրինողին առաջարկվում է վերջիններս ներկայացնել |
| |ստուգաչափման: |
| |9) Տեսչության կողմից վերոնշյալ սարքերի վերաբերյալ |
| |ներկայացվում է գրություն Չափագիտության ինստիտուտ: |
| |10) Չափագիտության ինստիտուտը իրականացնում է վերոնշյալ |
| |սարքերի ստուգաչափումը: |
| |11) Յուրաքանչյուր ստուգաչափված սարքին, ըստ տեսակի, |
| |տրվում են` վկայական, վկայագիր, ծանուցագիր, դրոշմակնիք:|
| |12) Չափագիտության ինստիտուտը ստուգաչափման արդյունքների|
| |վերաբերյալ գրությամբ տեղեկացնում է Տեսչությանը: |
|______________|______________________________________________________|
|7. Առանցքային |1) Բուժկանխարգելիչ կազմակերպությունների աշխատանքային |
|գաղափարներ |գործընթացի կազմակերպումը ստուգաչափված սարքավորումների |
| |օգտագործմամբ կնվազեցնի ճառագայթային վտանգի ռիսկը: |
._____________________________________________________________________.