(ուժը կորցնելու է 05.08.08 թիվ 590-Ա որոշում)
i
041.0134.040399
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
4 մարտի 1999 թվականի թիվ 134
1995 ԹՎԱԿԱՆԻ ՀՈՒՆՎԱՐԻ 13-ԻՆ ՍՏՈՐԱԳՐՎԱԾ ՀԱՅԱՍՏԱՆ-ՆԱՏՕ ԱՆՎՏԱՆԳՈՒԹՅԱՆ ՀԱՄԱՁԱՅՆԱԳՐԻ ՇՐՋԱՆԱԿՆԵՐՈՒՄ ԻՐԱԿԱՆԱՑՎՈՂ ՄԻՋՈՑԱՌՈՒՄՆԵՐԻ ՄԱՍԻՆ
Համաձայն 1995 թվականի հունվարի 13-ին ստորագրված` Հայաստան-ՆԱՏՕ անվտանգության համաձայնագրի և ելնելով Եվրոատլանտյան գործընկերության խորհրդի, գործընկերություն հանուն խաղաղության ծրագրի շրջանակներում Հայաստանի և ՆԱՏՕ-ի միջև դասակարգված տեղեկատվության փոխանակումը պատշաճ մակարդակով ապահովելու անհրաժեշտությունից`
1. Հայաստան-ՆԱՏՕ անվտանգության համաձայնագրով նախատեսված անվտանգության անհրաժեշտ միջոցառումների իրականացումն ապահովել Հայաստանի Հանրապետության կառավարության աշխատակազմի վարչական մարմինների վարչության միջոցով:
i
2. Սույն որոշման 1-ին կետում նշված միջոցառումների իրականացումն ապահովելու համար պատասխանատու նշանակել Հայաստանի Հանրապետության կառավարության աշխատակազմի վարչական մարմինների վարչության պետ Բ. Ոսկանյանին:
(2-րդ կետը խմբ. 08.11.00 թիվ 737, 08.08.01 թիվ 590, 18.06.03 թիվ 281-Ն որոշումներ)
3. (3-րդ կետն ուժը կորցրել է 18.06.03 թիվ 281-Ն որոշում)
i
4. (4-րդ կետն ուժը կորցրել է 18.06.03 թիվ 281-Ն որոշում)
5. Հայաստան-ՆԱՏՕ անվտանգության համաձայնագրի 5-րդ հոդվածի համաձայն, ինչպես նաև Եվրոատլանտյան գործընկերության խորհրդի, գործընկերություն հանուն խաղաղության ծրագրի շրջանակներում ստացվող և ուղարկվող դասակարգված տեղեկատվությունը պահելու և պահպանելու նպատակով գլխավոր ռեգիստրի իրավասությունները վերապահել Հայաստանի Հանրապետության կառավարության աշխատակազմի վարչական մարմինների վարչությանը:
6. Հայաստանի Հանրապետության արտաքին գործերի նախարարությանը, Հայաստանի Հանրապետության պաշտպանության նախարարությանը, Հայաստանի Հանրապետության ներքին գործերի և ազգային անվտանգության նախարարությանն ու Հայաստանի Հանրապետության կառավարությանն առընթեր արտակարգ իրավիճակների վարչությանը ենթառեգիստրների իրավասությունները վերապահել համապատասխան կառուցվածքային ստորաբաժանումներին: