/ուժը կորցրել է 01.04.97 թիվ 62 որոշում/
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
11 մարտի 1993 թ. թիվ 99
ԲԱՐՁՐԼԵՌՆԱՅԻՆ ԵՎ ՋՐԱԶՈՒՐԿ ՎԱՅՐԵՐՈՒՄ ԱՇԽԱՏԵԼՈՒ ՀԱՄԱՐ ՏՈԿՈՍԱՅԻՆ ՀԱՎԵԼԱՎՃԱՐ ՀԱՇՎԱՐԿԵԼՈՒ ՆՊԱՏԱԿՈՎ ԱՇԽԱՏԱՆՔԻ ՎԱՐՁԱՏՐՈՒԹՅԱՆ ԱՄՍԱԿԱՆ ԱՌԱՎԵԼԱԳՈՒՅՆ ՉԱՓ ՍԱՀՄԱՆԵԼՈՒ ՄԱՍԻՆ
Հաշվի առնելով գների և սակագների աճի հետևանքով բնակչության սոցիալական պաշտպանվածության լրացուցիչ միջոցառումների իրականացման անհրաժեշտությունը, Հայաստանի Հանրապետության կառավարությունը որոշում է.
1. Բարձրլեռնային և ջրազուրկ վայրերում աշխատելու համար տոկոսային հավելավճար հաշվարկելու նպատակով սահմանել Հայաստանի Հանրապետության օրենսդրությամբ նախատեսված ամսական նվազագույն աշխատավարձի եռապատիկ գումարը:
2. Ուժը կորցրած ճանաչել Հայաստանի Հանրապետության Նախարարների խորհրդի 1991 թվականի մարտի 21-ի «ԽՍՀՄ Նախարարների կաբինետի 1991 թվականի մարտի 19-ի «Մանրածախ գների ռեֆորմի և բնակչության սոցիալական պաշտպանության մասին» թիվ 105 որոշումը» թիվ 231 որոշման 5-րդ կետը: