ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ
29 մարտի 2012 թվականի N 12
i
9. ՍԵՅՍՄԻԿ ՌԻՍԿԻ ԳՆԱՀԱՏՄԱՆ ԾՐԱԳՐԵՐԻ ԿԱՏԱՐԵԼԱԳՈՐԾՄԱՆ ԾՐԱԳՐԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ
Հիմք ընդունելով Հայաստանի Հանրապետության կառավարության 2010 թվականի դեկտեմբերի 30-ի N 1760-Ն որոշման հավելվածի 9-րդ կետը`
1. Հավանություն տալ Սեյսմիկ ռիսկի գնահատման ծրագրերի կատարելագործման ծրագրին (այսուհետ` ծրագիր)` համաձայն հավելվածի:
2. Հանձնարարել Հայաստանի Հանրապետության արտակարգ իրավիճակների նախարարին (այսուհետ` լիազոր մարմնի ղեկավար) և առաջարկել Հայաստանի Հանրապետության գիտությունների ազգային ակադեմիայի նախագահին` մեկամսյա ժամկետում ստեղծել Սեյսմիկ ռիսկի գնահատման ծրագրերի կատարելագործման ծրագիրն իրականացնող աշխատանքային խումբ (այսուհետ` աշխատանքային խումբ)` աշխատանքներում ներգրավելով շահագրգիռ նախարարությունների և կազմակերպությունների իրավասու մասնագետների:
3. Աշխատանքային խմբի կողմից լիազոր մարմնի ղեկավարի հաստատմանը ներկայացվող սեյսմիկ ռիսկի գնահատման քարտեզները պետք է կազմված լինեն միասնական համակարգչային ծրագրով:
4. Հայաստանի Հանրապետության ֆինանսների նախարարին` ծրագրի ֆինանսավորման հնարավորության հարցը` սահմանված կարգով ներկայացված հայտի առկայության պայմաններում, քննարկել համապատասխան տարվա բյուջետային գործընթացի շրջանակներում:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2012 ԹՎԱԿԱՆԻ ԱՊՐԻԼԻ 3-ԻՆ
Հավելված
ՀՀ կառավարության
2012 թ. մարտի 29-ի նիստի
N 12 արձանագրային որոշման
ԾՐԱԳԻՐ ՍԵՅՍՄԻԿ ՌԻՍԿԻ ԳՆԱՀԱՏՄԱՆ ԾՐԱԳՐԵՐԻ ԿԱՏԱՐԵԼԱԳՈՐԾՄԱՆ
1. Հիմնախնդրի ներկա վիճակը. Սեյսմիկ վտանգի տարբեր մակարդակների դեպքում հնարավոր մարդկային և նյութական կորուստների հավանականությունը որոշվում է, նկատի ունենալով երկրաշարժի հետևանքով բնական և տեխնածին ռիսկերի առկայությունը համապատասխան ոլորտում, կորուստների քանակը և ռիսկի ներգործության ժամկետը: Գոյություն ունեն սեյսմիկ իրադարձություններից առաջացած բնական և տեխնածին ռիսկերի գնահատման բազմաթիվ եղանակներ: Այդ ռիսկերը գնահատվում են տարբեր մեթոդիկաներով և մշակվում են տարբեր համակարգչային ծրագրերով: Բացի այդ, ստեղծված չէ հնարավորություն` ստանալ ամփոփված տեսքով բոլոր առկա ռիսկերի գնահատման գումարային արժեքները և որակական բնութագրերը:
2. Հիմնախնդրի էությունը. Առկա է գումարային սեյսմիկ ռիսկի մակարդակի գնահատման նոր եղանակի մշակման և համակարգչային ծրագրավորման անհրաժեշտությունը` սեյսմիկ ռիսկի բազմագործոնային գնահատման համար:
3. Ծրագրի նպատակը և հիմնական խնդիրը. Ներկայումս, ելնելով Հայաստանի բնական, դեմոգրաֆիկ և ենթակառուցվածքների վիճակից, անհրաժեշտ է սեյսմիկ ռիսկի բազմապարամետրային գնահատման համար ստեղծել սեյսմիկ ռիսկի մակարդակի գնահատման և քարտեզի մշակման նոր միասնական մեթոդաբանություն և համապատասխան համակարգչային ծրագրային փաթեթ: Նոր մեթոդիկան պետք է ներառի ցանկացած ոլորտի ռիսկի գնահատման ալգորիթմեր, համաձայնեցված համապատասխան ոլորտի մասնագետների կողմից: Համակարգչային ծրագրային նոր փաթեթը պետք է աշխատի Վինդոուզ (WINDOWS) համակարգի ներքո, ունենա տվյալների և ալգորիթմների շտեմարան, քարտեզագրման միջոցներ ԱՏՀ (GIS) միջավայրում, ավելի արագ ու ճշգրիտ գնահատելու ռիսկերը Հայաստանի ցանկացած վայրում: Ծրագրային նոր փաթեթ պետք է լինի նաև բաց նոր ծրագրային հավելվածներ կցելու համար:
4. Աշխատանքների իրականացման ընթացքը. Համակարգը ստեղծելու համար անհրաժեշտ է կատարել հետևյալ միջոցառումները` համալրել տվյալների շտեմարանը, ստեղծել ալգորիթմերի շտեմարան, մշակել սեյսմիկ ռիսկի գնահատման միասնական մեթոդաբանություն, ստեղծել ռիսկերի գնահատման ելակետային քարտեզներ, մշակել վտանգին համապատասխան հնարավոր իրավիճակներ, հաշվարկել բոլոր հնարավոր ռիսկերը և ստեղծել հնարավոր կորուստների վերջնական քարտեզներ: Որակական փոփոխությունների գնահատման համար ներդնել փորձագիտական գնահատականների մեթոդը, հաշվի առնելով չափանիշների կշիռները:
5. Միջոցառումների իրականացումը, կատարողները և միջոցառումների իրականացման ժամանակացույցը ներկայացված է ստորև բերված աղյուսակ 1-ում:
Աղյուսակ 1
._____________________________________________________________________.
|Միջոցառումները |Կատարողները |Ժամանակացույցը |
|__________________________________|__________________|_______________|
| 3 | 4 | 5 |
|__________________________________|__________________|_______________|
|1. տվյալների շտեմարանի համալրում, |ՀՀ արտակարգ |Ֆինանսավորումից|
| |իրավիճակների |հետո |
| |նախարարություն |յուրաքանչյուր |
| | |միջոցառման |
|2. ալգորիթմերի շտեմարանի ստեղծում,|ՀՀ գիտությունների |համար |
| |ազգային ակադեմիա |նախատեսվում է |
| |(համաձայնությամբ) |միջինը 1,5-2,0 |
| | |ամսվա ժամանակ, |
|3. սեյսմիկ ռիսկի գնահատման |ՀՀ արտակարգ |մեկ տարվա |
|միասնական մեթոդաբանության |իրավիճակների |ընթացքում: |
|մշակում, |նախարարություն | |
| |ՀՀ գիտությունների | |
| |ազգային ակադեմիա | |
| |(համաձայնությամբ) | |
| | | |
|4. ռիսկերի գնահատման ելակետային |ՀՀ արտակարգ | |
|քարտեզների ստեղծում, |իրավիճակների | |
| |նախարարություն | |
| | | |
|5. սեյսմիկ վտանգին համապատասխան |ՀՀ արտակարգ | |
|հնարավոր իրավիճակների մշակում, |իրավիճակների | |
| |նախարարություն | |
| |ՀՀ գիտությունների | |
| |ազգային ակադեմիա | |
| |(համաձայնությամբ) | |
| | | |
|6. բոլոր հնարավոր ռիսկերի |ՀՀ արտակարգ | |
|հաշվարկում և հնարավոր կորուստների|իրավիճակների | |
|վերջնական քարտեզների ստեղծում, |նախարարություն | |
| |ՀՀ գիտությունների | |
| |ազգային ակադեմիա | |
| |(համաձայնությամբ) | |
| | | |
|7. ծրագրով աշխատելու մեթոդական |ՀՀ արտակարգ | |
|ուղեցույցի մշակում: |իրավիճակների | |
| |նախարարություն | |
| |ՀՀ գիտությունների | |
| |ազգային ակադեմիա | |
| |(համաձայնությամբ) | |
._____________________________________________________________________.
6. Մեթոդական ուղեցույցը հաստատվում է Լիազոր մարմնի ղեկավարի կողմից:
7. Ծրագրի կատարման տևողությունը և ֆինանսական ապահովումը. Նախատեսվում է աշխատանքները կատարել ֆինանսավորումից հետո 12 ամսվա ընթացքում, ՀՀ պետական բյուջեից երկու միլիոն դրամ կողմնորոշիչ ֆինանսավորմամբ:
8. Ծրագիրն ամփոփ ներկայացված է ստորև բերված աղյուսակ 2-ում:
Աղյուսակ 2
._____________________________________________________________________.
|Աշխատանքի |Ակնկալվող |Կատա- |Համակատարողը|Ժամանակա- |Ֆինանսա-|
|անվանումը |արդյունքը |րողը | |ցույցը |վորման |
| | | | | |չափը |
| | | | | |(հազար |
| | | | | |դրամ) |
|______________|______________|______|____________|__________|________|
| 1 | 2 | 3 | 4 | 5 | 6 |
|______________|______________|______|____________|__________|________|
|Առկա համա- |Սեյսմիկ ռիսկի |ՀՀ ԱԻՆ|ՀՀ ԳԱԱ |ֆինանսավո-|2000.0 |
|կարգչային |առաջացման | |(համաձայնու-|րումից |(երկու |
|ծրագրերից |հնարավոր բոլոր| |թյամբ) |հետո մեկ |հազար |
|ընտրված և |գործոնների` | | |տարվա |դրամ) |
|Հայաստանի |շենքերի և | | |ընթացքում | |
|Հանրապետության|շինությունների| | | | |
|տարածքում |ավերման, | | | | |
|սեյսմիկ ռիսկի |հրդեհների, | | | | |
|առաջացման |երկրաշարժի | | | | |
|հնարավոր բոլոր|հետևանքով այլ| | | | |
|գործոնների |երկրորդային | | | | |
|հաշվառմամբ, |վտանգների | | | | |
|նոր մշակված |առաջացման | | | | |
|միասնական |ռիսկի | | | | |
|մեթոդիկայի |հաշվառմամբ | | | | |
|հիման վրա |սեյսմիկ ռիսկի | | | | |
|սեյսմիկ ռիսկի |մակարդակի | | | | |
|մակարդակի |գնահատման | | | | |
|գնահատման |միասնական | | | | |
|համակարգչային |եղանակի | | | | |
|ծրագրային |մշակման և | | | | |
|փաթեթի |համակարգչային | | | | |
|ստեղծում: |ծրագրավորման | | | | |
| |փաթեթի | | | | |
| |ստեղծման | | | | |
| |արդյունքում | | | | |
| |ակնկալվում է | | | | |
| |սեյսմիկ ռիսկի | | | | |
| |առավել ճշգրիտ | | | | |
| |գնահատում և | | | | |
| |քարտեզագրում, | | | | |
| |սեյսմիկ ռիսկի | | | | |
| |գնահատման | | | | |
| |եղանակի | | | | |
| |կատարելագոր- | | | | |
| |ծում: | | | | |
._____________________________________________________________________.