ՀՀ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈ ...

600.0080.030412

ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ

                                      «03»        04            2012 Թ.

                                        ՊԵՏԱԿԱՆ ԳՐԱՆՑՄԱՆ ԹԻՎ 60012184

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ

ՈՐՈՇՈՒՄ

21 մարտի 2012 թվականի թիվ 80-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2008 ԹՎԱԿԱՆԻ ՄԱՐՏԻ 28-Ի N 149-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Տեխնիկական արատորոշման միջոցներով տրանսպորտային միջոցների պարտադիր տեխնիկական զննության անցկացման ծառայությունների մատուցման սակագների սահմանման և վերանայման մասին» Հայաստանի Հանրապետության օրենքի 3-րդ հոդվածի 1-ին մասը և «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասը` Հայաստանի Հանրապետության հանրային ծառայությունները կարգավորող հանձնաժողովը որոշում է.

1. Հայաստանի Հանրապետության հանրային ծառայությունները կարգավորող հանձնաժողովի 2008 թվականի մարտի 28-ի «Տեխնիկական արատորոշման միջոցներով տրանսպորտային միջոցների պարտադիր տեխնիկական զննության անցկացման ծառայությունների մատուցման սակագների սահմանման ու վերանայման կարգը հաստատելու մասին» N 149-Ն որոշման 1-ին կետով հաստատված հավելվածում` «Տեխնիկական արատորոշման միջոցներով տրանսպորտային միջոցների պարտադիր տեխնիկական զննության անցկացման ծառայությունների մատուցման սակագների սահմանման ու վերանայման կարգում» (այսուհետ` Կարգ), կատարել հետևյալ փոփոխությունները և լրացումները.

1) Կարգի 2.2 կետը շարադրել նոր խմբագրությամբ.

«2.2. Լիազոր մարմինը սույն կարգի N 1 հավելվածի 1-ին կետով և N 5 հավելվածով սահմանված ձևերով նախատեսված փաստացի տեղեկատվությունը հանձնաժողով է ներկայացնում հայտ ներկայացնելու տարվան նախորդող վերջին երկու հաշվետու տարիների արդյունքներով:».

2) Կարգի 4.2 կետը շարադրել նոր խմբագրությամբ.

«4.2. Ծառայություններ մատուցող անձինք միաժամանակ լիազոր մարմին են ներկայացնում հաշվապահական հաշվառման հաշիվների շրջանառության տեղեկագիրը` կիսամյակային արդյունքներով և Հայաստանի Հանրապետության կառավարությանն առընթեր հարկային պետական ծառայության 2004 թվականի ապրիլի 2-ի «Ռեզիդենտների կողմից շահութահարկի հաշվարկման և վճարման կարգի մասին» հրահանգը հաստատելու և Հայաստանի Հանրապետության հարկային տեսչության 1998 թվականի փետրվարի 5-ի N 01/10 ու 1999 թվականի փետրվարի 11-ի N 01/8 հրամանները ուժը կորցրած ճանաչելու մասին» N 1-05/7-Ն հրամանով հաստատված հրահանգի համաձայն ներկայացվող շահութահարկի հաշվարկը` տարեկան արդյունքներով:».

3) Կարգի N 1 հավելվածի 1-ին կետը շարադրել նոր խմբագրությամբ.

«1. Ծառայություններ մատուցող անձանց հաշվապահական հաշվառման հաշիվների շրջանառության տեղեկագիր և Հայաստանի Հանրապետության կառավարությանն առընթեր հարկային պետական ծառայության 2004 թվականի ապրիլի 2-ի «Ռեզիդենտների կողմից շահութահարկի հաշվարկման և վճարման կարգի մասին» հրահանգը հաստատելու և Հայաստանի Հանրապետության հարկային տեսչության 1998 թվականի փետրվարի 5-ի N 01/10 ու 1999 թվականի փետրվարի 11-ի N 01/8 հրամանները ուժը կորցրած ճանաչելու մասին» N 1-05/7-Ն հրամանով հաստատված հրահանգի համաձայն ներկայացվող շահութահարկի հաշվարկ,».

4) Կարգի N 1 հավելվածը լրացնել հետևյալ բովանդակությամբ 17-րդ կետով.

«17. Տեղեկատվություն հիմնական միջոցների մասին (հավելված N 5, ձև 5-7):».

5) Կարգի N 5 հավելվածի 5-1, 5-2, 5-3, 5-4, 5-5 և 5-6 ձևերում 1-ին և 2-րդ կետերը շարադրել նոր խմբագրությամբ.

«1. Սույն ձևի ներկայացման ժամկետը` 1-ին կիսամյակի արդյունքներով, մինչև տվյալ տարվա օգոստոսի 1-ն է:

2. Սույն ձևի ներկայացման ժամկետը` տարեկան արդյունքներով, մինչև հաշվետու տարվան հաջորդող տարվա ապրիլի 20-ն է:».

6) Կարգի N 5 հավելվածը լրացնել 5-7 ձևով` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հավելված

ՀՀ հանրային ծառայությունները

կարգավորող հանձնաժողովի

2012 թվականի մարտի 21-ի

N 80-Ն որոշման

Ձև 5-7

_____________________________________________________________

(ընկերության անվանումը)

ՏԵՂԵԿԱՏՎՈՒԹՅՈՒՆ ՀԻՄՆԱԿԱՆ ՄԻՋՈՑՆԵՐԻ ՄԱՍԻՆ

առ 1 ______________ 20 . . թվականի

1. Սույն ձևի ներկայացման ժամկետը` 1-ին կիսամյակի արդյունքներով, մինչև տվյալ տարվա օգոստոսի 1-ն է:

2. Սույն ձևի ներկայացման ժամկետը` տարեկան արդյունքներով, մինչև հաշվետու տարվան հաջորդող տարվա ապրիլի 20-ն է:

                                                                                                                            (հազար դրամ)

  __________________________________________                      ____________________________________

     (ընկերության ղեկավարի ստորագրությունը)                                              (անուն, ազգանուն)
                                                                                              Կ.Տ.