040.0165.190399
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«19» մարտի 1999 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
19 մարտի 1999 թվական թիվ 165
i
«ԼՈԳԻՍՏԻԿ ԿԵՆՏՐՈՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆ ՍՏԵՂԾԵԼՈՒ ՄԱՍԻՆ
Հաշվի առնելով Հայաստանի Հանրապետության կառավարության և Մոսկվայի կառավարության միջև կնքված առևտրական համագործակցության մասին համաձայնագիրն ու Հայաստանի Հանրապետության կառավարության և Մոսկվայի կառավարության միջև 1999 թվականի փետրվարի 13-ի Երևանում կայացած բանակցությունների արդյունքում ձեռք բերված պայմանավորվածությունները Հայաստանի Հանրապետության կառավարությունը որոշում է.
1. Հայաստանի Հանրապետության արդյունաբերության և առևտրի նախարարությանը վերակազմակերպել «Հայմետաղառ» պետական փակ բաժնետիրական ընկերությունը և դրանից առանձնացնելու եղանակով ստեղծել «Լոգիստիկ կենտրոն» փակ բաժնետիրական ընկերությունը` դրա կանոնադրական կապիտալը սահմանելով 522,03 (1 մլն ԱՄՆ-ի դոլար):
2. «Լոգիստիկ կենտրոն» փակ բաժնետիրական ընկերության կանոնադրական կապիտալում ներդնել
ա) «Հայմետաղառ» պետական փակ բաժնետիրական ընկերությունից առանձնացված հիմնական միջոցները 410940 հազ. դրամ (787196 ԱՄՆ-ի դոլար) արժեքով, այդ թվում`
9 շենք (16968 քառ. մ) 282108,7 հազ. դրամ,
11 շինություն 60676,8 հազ. դրամ,
757 այլ հիմնական միջոց 34158,5 հազ. դրամ,
8 տրանսպորտային միջոց 33995,8 հազ. դրամ.
բ) 110,09 մլն դրամ (212,8 հազ. ԱՄՆ-ի դոլար) «Հայաստանի ներդրումային ընկերություն» պետական փակ բաժնետիրական ընկերության միջոցների հաշվին:
3. «Բաժնետիրական ընկերությունների մասին» Հայաստանի Հանրապետության օրենքի 8 հոդվածի 5-րդ կետով նախատեսված լիազորությունները «Լոգիստիկ-կենտրոն» փակ բաժնետիրական ընկերության մասով, վերապահել Հայաստանի Հանրապետության արդյունաբերության և առևտրի նախարարությանը:
4. Հայաստանի Հանրապետության արդյունաբերության և առևտրի նախարարությանը մինչև 1999 թվականի մարտի 25-ը ավարտել «Հայմետաղառ» պետական փակ բաժնետիրական ընկերության վերակազմակերպման և «Լոգիստիկ-կենտրոն» փակ բաժնետիրական ընկերության պետական գրանցման հետ կապված աշխատանքները:
5. «Զարգացման հայկական գործակալություն» պետական փակ բաժնետիրական ընկերությանը Հայաստանի Հանրապետության օրենսդրությամբ սահմանված կարգով «Լոգիստիկ-կենտրոն» փակ բաժնետիրական ընկերությանը մինչև 1999 թվականի մարտի 31-ը վարձակալության հիմունքներով, 49 տարի ժամկետով հատկացնել 300 քառ. մետր գրասենյակային տարածք` Երևան քաղաքի Խանջյան 19 հասցեում գտնվող մասնաշենքի 5-րդ հարկից, և կնքել համապատասխան պայմանագիր:
6. Սույն որոշումն ուժի մեջ է մտնում 1999 թվականի մարտի 19-ից: