040.0202.030499
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«3» ապրիլի 1999 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
3 ապրիլի 1999 թվական թիվ 202
«ԷԿՈՆՈՄԻԿԱ ՀԱՆԴԵՍ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆ ՍՏԵՂԾԵԼՈՒ ՄԱՍԻՆ
Հայաստանի Հանրապետությունում շուկայական հարաբերությունների զարգացման հիմնադրութային խնդիրների մշակման գործում Հայաստանի Հանրապետության տնտեսագիտական ներուժի ընդգրկման և տնտեսագիտական մտքի հետագա զարգացման նպատակով` Հայաստանի Հանրապետության կառավարությունը որոշում է.
1. Լուծարել «Էկոնոմիկա» հանդեսի խմբագրությունը:
2. Ստեղծել «Էկոնոմիկա հանդես» փակ բաժնետիրական ընկերություն:
i
3. «Բաժնետիրական ընկերությունների մասին» Հայաստանի Հանրապետության օրենքի 8 հոդվածի 5-րդ կետով սահմանված լիազորությունները վերապահել Հայաստանի Հանրապետության ֆինանսների և էկոնոմիկայի նախարարությանը:
(3-րդ կետն ուժը կորցրել է 26.05.00 թիվ 259 որոշում)
4. Հայաստանի Հանրապետության ֆինանսների և էկոնոմիկայի նախարարությանը` ստեղծել լուծարման հանձնաժողով և ձեռնարկել անհրաժեշտ միջոցներ` սահմանված կարգով «Էկոնոմիկա» հանդեսի խմբագրության լուծարման գործընթացն իրականացնելու համար:
5.Սույն որոշումն ուժի մեջ է մտնում 1999 թվականի ապրիլի 3-ից: