113.0832.170812
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«17» 08 2012 Թ.
ՊԵՏԱԿԱՆ ԳՐԱՆՑՄԱՆ ԹԻՎ 11312321
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐ ՀՐԱՄԱՆ
4 օգոստոսի 2012 թվականի N 832-Ն
i
ԶԻՆԾԱՌԱՅՈՂՆԵՐԻՆ ՏՐՎԱԾ ԽՐԱԽՈՒՍԱՆՔՆԵՐԻ ԵՎ ԿԱՐԳԱՊԱՀԱԿԱՆ ՏՈՒՅԺԵՐԻ ՀԱՇՎԱՌՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
«Հայաստանի Հանրապետության զինված ուժերի կարգապահական կանոնագիրք» Հայաստանի Հանրապետության օրենքի 11-րդ հոդվածի 6-րդ մասի և 27-րդ հոդվածի 10-րդ մասի կատարումն ապահովելու նպատակով`
ՀՐԱՄԱՅՈՒՄ ԵՄ`
1. Հաստատել զինծառայողներին տրված խրախուսանքների և կարգապահական տույժերի հաշվառման կարգը` համաձայն հավելվածի:
Հավելված
ՀՀ պաշտպանության նախարարի
2012 թվականի օգոստոսի 4-ի
N 832-Ն հրամանի
ԶԻՆԾԱՌԱՅՈՂՆԵՐԻՆ ՏՐՎՈՂ ԽՐԱԽՈՒՍԱՆՔՆԵՐԻ ԵՎ ԿԱՐԳԱՊԱՀԱԿԱՆ ՏՈՒՅԺԵՐԻ ՀԱՇՎԱՌՄԱՆ ԿԱՐԳ
1. Սույն Կարգով կանոնակարգվում են զինծառայողներին տրվող խրախուսանքների և կարգապահական տույժերի հաշվառման հետ կապված հարաբերությունները:
2. Խրախուսանքների և կարգապահական տույժերի հաշվառումը կատարվում է կենտրոնացված և անհատական կարգով.
1) կենտրոնացված կարգով հաշվառումը վարվում է համակարգչային եղանակով կամ մատյանով` համաձայն Ձև 1-ի (այսուհետ` մատյան).
ա. ՀՀ զինված ուժերի գլխավոր շտաբի կադրերի վարչությունում` սպաների և ենթասպաների համար,
բ. ՀՀ զինված ուժերի գլխավոր շտաբի կազմզորահավաքային վարչությունում` շարքային և կրտսեր ենթասպայական կազմերի պայմանագրային զինծառայողների համար,
գ. ՀՀ զինվորական կոմիսարիատի, ՀՀ ՊՆ քննչական ծառայության, ՀՀ ՊՆ ռազմական ոստիկանության համապատասխան ստորաբաժանումներում` ենթակա անձնակազմի համար,
դ. զորամիավորումների, միավորումների և զորամասերի անձնակազմի հաշվառում իրականացնող ստորաբաժանումներում (կամ պատասխանատու պաշտոնատար անձը)` ենթակա անձնակազմի համար.
2) անհատական կարգով հաշվառումը վարվում է զինծառայողի ծառայողական քարտում` համաձայն Ձև 2-ի (այսուհետ` քարտ), ինչպես նաև Հայրենիքի պաշտպանի անհատական գրքույկում:
3. Զինծառայողին խրախուսանք կամ կարգապահական տույժ տալու դեպքում ծառայողական քարտի համապատասխան բաժնում նշվում է` երբ, ում կողմից, ինչի համար է հայտարարվել խրախուսանքը կամ կարգապահական տույժը:
4. Զինծառայողին հայտարարված կարգապահական տույժը սահմանված ժամկետում մարվելու կամ վաղաժամկետ հանվելու դեպքում համապատասխան գրառում է կատարվում ծառայողական քարտի «Տույժեր» բաժնի համապատասխան սյունակում:
5. Զինծառայողի ծառայողական քարտերը վարվում են`
1) վաշտերում կամ մարտկոցներում` պարտադիր ժամկետային զինվորական ծառայության շարքային կազմի զինծառայողների համար («Հայրենիքի պաշտպանի անհատական գրքույկում», 34-37 էջեր),
2) զորամասի անձնակազմի հաշվառում իրականացնող ստորաբաժանումում` պայմանագրային զինծառայողների համար:
6. Պայմանագրային զինծառայողների ծառայողական քարտերը կազմվում են անձնական գործերը վարելու իրավասություն ունեցող ստորաբաժանման կողմից:
7. Խրախուսանքների և կարգապահական տույժերի մասին բոլոր գրառումները հաստատվում են ստորագրությամբ.
1) պարտադիր ժամկետային զինվորական ծառայության շարքային կազմի զինծառայողներինը` վաշտի կամ մարտկոցի հրամանատարի,
2) պայմանագրային զինծառայողներինը` զորամասի շտաբի պետի (զորամասի հրամանատարի տեղակալի):
8. Վաշտերի, մարտկոցների, ինչպես նաև զորամասերի հրամանատարները մշտապես վերահսկում են զինծառայողների խրախուսանքների և տույժերի հաշվառման գործընթացը, յուրաքանչյուր եռամսյակ վերլուծում խրախուսանքների և տույժերի կիրառման պրակտիկան` ապահովելով դրանց կիրառման արդարացիությունը և իրավաչափությունը:
9. ՀՀ և օտարերկրյա պետություններ ծառայության կամ ուսման գործուղված զինծառայողներին գործուղման ժամանակահատվածում տրված կարգապահական տույժերի և խրախուսանքների մասին նրանց ծառայողական քարտերում համապատասխան գրառում է կատարվում` իրավասու մարմնի կողմից ՀՀ պաշտպանության նախարարին ուղարկված համապատասխան գրության հիման վրա:
10. Զինծառայողներն իրավունք ունեն տարին մեկ անգամ, ինչպես նաև ծառայության նոր վայր տեղափոխվելիս ծանոթանալ իրենց ծառայողական քարտում կատարված գրառումներին, ինչը հավաստվում է նրանց ստորագրությամբ:
11. Զինծառայողների ծառայողական քարտերը ծառայության ընթացքում գտնվում են`
1) պարտադիր զինվորական ծառայություն անցնող շարքային կազմինը` վաշտում կամ մարտկոցում, իսկ ռազմաուսումնական հաստատությունների կուրսանտներինը` անձնակազմի հաշվառումն իրականացնող ստորաբաժանումում,
2) պայմանագրային զինծառայողներինը` նրանց անձնական գործերում:
12. Տեղափոխվելու դեպքում զինծառայողի ծառայողական քարտն ուղարկվում է ծառայության նոր վայր:
ՀՀ զինված ուժերից զինծառայողի արձակվելու (զորացրվելու) դեպքում ծառայողական քարտերը պահվում են տարածքային զինկոմիսարիատներում:
13. Պարտադիր զինվորական ծառայության զորակոչված սպայական կազմի խրախուսանքների և կարգապահական տույժերի հաշվառումն իրականացվում է պայմանագրային զինծառայողների համար սահմանված կարգով:
14. Զորամասերի հրամանատարները 3-օրյա ժամկետում վերադաս հրամանատարությանը, ինչպես նաև ՀՀ ՊՆ կադրերի և ռազմական կրթության, ՀՀ զինված ուժերի գլխավոր շտաբի կադրերի, ՀՀ զինված ուժերի գլխավոր շտաբի կազմզորահավաքային վարչություններ են ներկայացնում պայմանագրային զինծառայողների`
1) տրված գրավոր խրախուսանքների և կարգապահական տույժերի հրամանների պատճենները,
2) գրավոր հրաման տալու իրավասություն չունեցող հրամանատարների կողմից տրված (հանված) խրախուսանքների և կարգապահական տույժերի վերաբերյալ տեղեկատվություն:
Ընդ որում, առաջխաղացման, կամ հերթական զինվորական կոչման, կամ պարգևատրման ներկայացված զինծառայողների տույժերի մասին հայտնվում է անմիջապես (նույն օրը` բանավոր):
Ձև 1
ԽՐԱԽՈՒՍԱՆՔՆԵՐԻ ԵՎ ԿԱՐԳԱՊԱՀԱԿԱՆ ՏՈՒՅԺԵՐԻ ՀԱՇՎԱՌՄԱՆ ՄԱՏՅԱՆ
.___________________________________________________________________.
|Հ/հ|Զինծառայողի պաշտոնը, |Հրամանի |Խրախուսանքի |Տույժը հանվել|
| |զինվորական կոչումը, |համարը, |(տույժի) տեսակը|կամ մարվել է |
| |ա. ա. հ. |ամսաթիվը, | | |
|___|_____________________|___________|_______________|_____________|
|1. | | | | |
.___________________________________________________________________.
Ձև 2
ԾԱՌԱՅՈՂԱԿԱՆ ՔԱՐՏ
ՀՀ ՊՆ (ՊԲ) ________________ զորամասի ___________ վաշտ (անձնախումբ)
1. Պաշտոնը _________________________________________________________
2. Զինվորական կոչումը ______________________________________________
3. Անունը, ազգանունը, հայրանունը ___________________________________
4. Որ թվականից է զինվորական ծառայության մեջ ________________________
Խրախուսանք
._______________________________________________________________.
|Ինչի համար է |Խրախուսանքի |Երբ է հայտարարվել |ՈՒմ հրամանով |
|խրախուսվել |տեսակը |(տրվել) (հրամանի | |
| | |համարը, ա. ա. տ.) | |
|_____________|_____________|____________________|______________|
| | | | |
._______________________________________________________________.
Տույժեր
.__________________________________________________________________.
|Ինչի համար է |Տույժի |Տույժի կիրառման |ՈՒմ հրամանով|Երբ է հանվել|
|տույժ տրվել |տեսակը |հրամանը, ա. ա. տ.|է տրվել |(ում կողմից)|
| | | | |կամ մարվել |
| | | | | |
|_____________|________|_________________|____________|____________|
| | | | | |
.__________________________________________________________________.
Ծանոթացա _______________________________________________________
(զինծառայողի ստորագրություն, անուն, ազգանուն)