124.0245.310812
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«31» 08 2012 Թ.
ՊԵՏԱԿԱՆ ԳՐԱՆՑՄԱՆ ԹԻՎ 12412337
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ
ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ
ՀՐԱՄԱՆ
3 օգոստոսի 2012 թվականի N 245-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ
ԵԿԱՄՈՒՏՆԵՐԻ ԿՈՄԻՏԵԻ ՆԱԽԱԳԱՀԻ 2010 ԹՎԱԿԱՆԻ ՀՈՒՆԻՍԻ 4-Ի N 1417-Ն ՀՐԱՄԱՆՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասով և «Ակցիզային հարկի մասին» Հայաստանի Հանրապետության օրենքի 11-րդ հոդվածով`
ՀՐԱՄԱՅՈՒՄ ԵՄ`
1. Հաստատել Հայաստանի Հանրապետության կառավարությանն առընթեր պետական եկամուտների կոմիտեի նախագահի 2010 թվականի հունիսի 4-ի «Ակցիզային հարկի մասին» Հայաստանի Հանրապետության օրենքի որոշ դրույթների վերաբերյալ հրահանգը հաստատելու և Հայաստանի Հանրապետության պետական եկամուտների նախարարի 2000 թվականի հոկտեմբերի 20-ի N 02/1291 հրամանն ուժը կորցրած ճանաչելու մասին» N 1417-Ն հրամանում կատարվող փոփոխությունը` համաձայն հավելվածի:
Համաձայնեցված է Հավելված
ՀՀ ֆինանսների նախարարության հետ ՀՀ կառավարությանն
15 օգոստոսի 2012 թ. N 748-Ա առընթեր պետական եկամուտների
կոմիտեի նախագահի
2012 թվականի օգոստոսի 3-ի
N 245-Ն հրամանի
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ ՆԱԽԱԳԱՀԻ 2010 ԹՎԱԿԱՆԻ ՀՈՒՆԻՍԻ 4-Ի «ԱԿՑԻԶԱՅԻՆ ՀԱՐԿԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ՈՐՈՇ ԴՐՈՒՅԹՆԵՐԻ ՎԵՐԱԲԵՐՅԱԼ ՀՐԱՀԱՆԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ՆԱԽԱՐԱՐԻ 2000 ԹՎԱԿԱՆԻ ՀՈԿՏԵՄԲԵՐԻ 20-Ի N 02/1291 ՀՐԱՄԱՆՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ» N 1417-Ն ՀՐԱՄԱՆՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆԸ
i
1. Հրամանով հաստատված հավելվածի N 2 ձևը շարադրել հետևյալ խմբագրությամբ.
«Ձև N 2
ԴԻՄՈՒՄ
ԱՐՏԱՀԱՆՎԱԾ` ԱԿՑԻԶԱՅԻՆ ՀԱՐԿՈՎ ՀԱՐԿՎԱԾ ԱՊՐԱՆՔՆԵՐԻ ԴԻՄԱՑ ՎՃԱՐՎԱԾ ԱԿՑԻԶԱՅԻՆ ՀԱՐԿԻ ԳՈՒՄԱՐՆԵՐԻ ՀԱՇՎԱՆՑՄԱՆ ԵՎ (ԿԱՄ) ՎԵՐԱԴԱՐՁՄԱՆ
._____________________________________________________________________.
|1. Փաստաթղթի հերթական | ________________________________________ |
|համարը | (լրացվում է հարկային մարմնի կողմից) |
|_________________________|___________________________________________|
|2. Հարկ վճարողի հաշվառման| |
|համարը |___________________________________________|
|_________________________|___________________________________________|
|3. Իրավաբանական անձի | |
|անվանումը կամ անհատ | |
|ձեռնարկատիրոջ (ֆիզիկական | |
|անձի) անունը, ազգանունը | |
|_________________________|___________________________________________|
|4. Գտնվելու վայրը | |
|_________________________|___________________________________________|
|5. Խնդրում եմ հաշվանցման | |
|և (կամ) վերադարձման | |
|ներկայացված ակցիզային | |
|հարկի գումարի հաշվանցումը| |
|և (կամ) վերադարձը | |
|իրականացնել (լրացնել | |
|«ուսումնասիրությամբ» կամ | |
|«ստուգմամբ» կամ «առանց | |
|ուսումնասիրության») | |
|_________________________|___________________________________________|
|6. Դիմումի ներկայացման | |
|օրվա դրությամբ առկա` | |
|հաշվանցման (վերադարձման) | |
|ենթակա ակցիային հարկի | |
|գումարը, դրամ | |
|_________________________|___________________________________________|
|7. Ժամանակաշրջանը, որի | |
|համար ներկայացվում է | |
|ակցիզային հարկի | |
|գումարների հաշվանցման և | |
|(կամ) վերադարձի դիմումը | |
|_____________________________________________________________________|
|8. Խնդրում եմ հաշվանցման և (կամ) վերադարձման ներկայացված ակցիզային |
|հարկի գումարի հաշվին մարել հարկային մարմնի կողմից պետական բյուջե |
|հավաքագրվող` ստորև նշված հարկային կամ այլ պարտավորությունները |
|(լրացվում է անհրաժեշտության դեպքում)` |
|_____________________________________________________________________|
|հարկային կամ այլ պարտավորության անվանումը |մարման ենթակա գումարը,|
| |դրամ |
|______________________________________________|______________________|
|______________________________________________|______________________|
|______________________________________________|______________________|
|______________________________________________|______________________|
|______________________________________________|______________________|
|Ընդամենը | |
|_____________________________________________________________________|
|9. Խնդրում եմ հարկային մարմնի կողմից պետական բյուջե հավաքագրվող` |
|հարկային կամ այլ պարտավորությունները մարելուց հետո մնացորդային |
|գումարը |
|_____________________________________________________________________|
|1) ուղղել հետագայում առաջանալիք` հարկային մարմնի կողմից պետական |
|բյուջե հավաքագրվող` ստորև նշված հարկային կամ այլ պարտավորությունների|
|մարմանը (լրացվում է անհրաժեշտության դեպքում)` |
|_____________________________________________________________________|
|հարկային կամ այլ պարտավորության անվանումը |մարման ենթակա գումարը,|
| |դրամ |
|______________________________________________|______________________|
|______________________________________________|______________________|
|______________________________________________|______________________|
|_____________________________________________________________________|
|2) վերադարձնել հետևյալ բանկային հաշվին (հաշիվներին) |
|_____________________________________________________________________|
| բանկի անվանումը | բանկային հաշվի համարը | գումարը, դրամ |
|___________________|__________________________|______________________|
|___________________|__________________________|______________________|
|___________________|__________________________|______________________|
|___________________|__________________________|______________________|
|______________________________________________|______________________|
|Ընդամենը | |
._____________________________________________________________________.
Կից ներկայացվում են սույն դիմումով ներկայացված` ակցիզային հարկի գումարի հաշվանցման (վերադարձման) ենթակա լինելու փաստը հիմնավորող` «Ակցիզային հարկի մասին» Հայաստանի Հանրապետության օրենքի 9-րդ հոդվածի 1-ին մասով սահմանված փաստաթղթերը, առդիր` ________ էջ:
Կազմակերպության տնօրեն
(անհատ ձեռնարկատեր) ____________________________________
ստորագրությունը, անունը, ազգանունը
Հաշվապահ ____________________________________
ստորագրությունը, անունը, ազգանունը
Դիմումի ներկայացման ամսաթիվը, ամիսը, տարեթիվը ___________ 20 թ.
ԱՐՏԱՀԱՆՎԱԾ` ԱԿՑԻԶԱՅԻՆ ՀԱՐԿՈՎ ՀԱՐԿՎԱԾ ԱՊՐԱՆՔՆԵՐԻ ԴԻՄԱՑ ՎՃԱՐՎԱԾ ԱԿՑԻԶԱՅԻՆ ՀԱՐԿԻ ԳՈՒՄԱՐՆԵՐԻ ՎԵՐԱԴԱՐՁՄԱՆ ԴԻՄՈՒՄԻ ՁԵՎԻ ԼՐԱՑՄԱՆ ԿԱՐԳԸ
1. Արտահանված` ակցիզային հարկով հարկված ապրանքների դիմաց վճարված ակցիզային հարկի գումարների վերադարձման դիմումը (այսուհետ` դիմում) լրացվում և ներկայացվում է հարկ վճարողի հաշվառման վայրի հարկային տեսչություն «Ակցիզային հարկի մասին» Հայաստանի Հանրապետության օրենքի (այսուհետ` Օրենք) 9-րդ հոդվածին համապատասխան: Դիմումը լրացվում և ներկայացվում է ակցիզային հարկի գումարները հարկային և այլ պարտավորությունների հաշվին հաշվանցելու և (կամ) վերադարձնելու նպատակով: Դիմումը լրացվում է դրամներով (առանց լումաների):
2. Դիմումի 1-ին կետը լրացնում է հարկային մարմինը:
3. Դիմումի 2-րդ կետում լրացվում է հարկ վճարողի հաշվառման համարը (ՀՎՀՀ):
4. Դիմումի 3-րդ կետում լրացվում է իրավաբանական անձի անվանումը կամ անհատ ձեռնարկատիրոջ (ֆիզիկական անձի) անունը, ազգանունը:
5. Դիմումի 4-րդ կետում լրացվում է իրավաբանական անձի կամ անհատ ձեռնարկատիրոջ գտնվելու վայրը:
6. Դիմումի 5-րդ կետում հարկ վճարողի կողմից լրացվում է`
1) «ուսումնասիրությամբ» բառը, եթե հաշվանցման և (կամ) վերադարձման ներկայացված ակցիզային հարկի գումարի հաշվին հարկային մարմնի կողմից պետական բյուջե հավաքագրվող` հարկային և (կամ) այլ պարտավորությունների մարումը հարկային մարմնին առաջարկում է իրականացնել ուսումնասիրությամբ, կամ
2) «ստուգմամբ» բառը, եթե հաշվանցման և (կամ) վերադարձման ներկայացված ակցիզային հարկի գումարի հաշվին հարկային մարմնի կողմից պետական բյուջե հավաքագրվող` հարկային և (կամ) այլ պարտավորությունների մարումը հարկային մարմնին առաջարկում է իրականացնել ստուգմամբ, կամ
3) «առանց ուսումնասիրության» բառերը, եթե հաշվանցումը և (կամ) վերադարձը օրենքով կարող է իրականացվել առանց ուսումնասիրության:
7. Դիմումի 6-րդ կետում լրացվում է դիմումը ներկայացնելու օրվա դրությամբ առկա ակցիզային հարկի գծով հաշվանցման (վերադարձման) ենթակա գումարը:
8. Դիմումի 7-րդ կետում լրացվում է այն ժամանակաշրջանը, որի համար ներկայացվում է ակցիզային հարկի գումարների հաշվանցման և (կամ) վերադարձի դիմումը:
9. Դիմումի 8-րդ կետում լրացվում են հարկային մարմնի կողմից պետական բյուջե հավաքագրվող այն հարկային կամ այլ պարտավորությունները, դրանց մասով պարտավորության մեծությունները, որոնք պետք է մարվեն հաշվանցման և (կամ) վերադարձման ներկայացված ակցիզային հարկի գումարների հաշվին:
10. Դիմումի 9-րդ կետում լրացվում է հարկային մարմնի կողմից պետական բյուջե հավաքագրվող` հարկային կամ այլ պարտավորությունների մասով պարտավորությունները մարելուց հետո մնացորդային գումարի այն մասը (գումարը), որը պետք է ուղղվի հարկ վճարողի հետագայում առաջանալիք` հարկային մարմնի կողմից պետական բյուջե հավաքագրվող` հարկային կամ այլ պարտավորությունների մարմանը (լրացվում է անհրաժեշտության դեպքում) և (կամ) պետք է վերադարձվի հարկ վճարողի կողմից նշված բանկային հաշվին (հաշիվներին):
11. Էլեկտրոնային եղանակով դիմումի ներկայացման դեպքում դիմումի ներկայացման ամսաթիվ է համարվում դիմումի ստացումը և գրանցումը հավաստող ծանուցման ամսաթիվը: Փոստով դիմումը ներկայացնելու դեպքում, անկախ դիմումում նշված ամսաթվից, դիմումի ներկայացման ամսաթիվ է համարվում փոստային բաժանմունքի ընդունման օրվա օրացուցային կնիքի արտատիպը: Դիմումը առձեռն ներկայացվելու դեպքում ներկայացման օր է համարվում դիմումը հարկային տեսչություն հանձնելու օրը:»: