(չեղյալ է ճանաչվել 01.08.13 թիվ 821-Ն որոշում)
i
040.1520.061212
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
22 նոյեմբերի 2012 թվականի N 1520-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶՊԵՏԱՐԱՆԻՆ ՀԱՏԿԱՑՎԱԾ ԳՈՒՄԱՐԸ ԲԱՇԽԵԼՈՒ ՄԱՍԻՆ
Հիմք ընդունելով «Իրավական ակտերի մասին» Հայաստանի Հանրապետության օրենքի 14-րդ հոդվածի 1-ին մասը, ինչպես նաև ելնելով Հայաստանի Հանրապետության Գեղարքունիքի մարզի Սևանի քաղաքային համայնքի` Նալբանդյան 36 բազմաբնակարան շենքի 2-րդ մուտքի բնակիչների բնակարանային խնդիրների լուծման անհրաժեշտությունից` Հայաստանի Հանրապետության կառավարությունը որոշում է.
1. Հայաստանի Հանրապետության Գեղարքունիքի մարզի Սևանի քաղաքային համայնքի` Նալբանդյան 36 բնակելի շենքի 2-րդ մուտքի բնակիչների բնակարանային խնդիրները լուծել ֆինանսական աջակցության տրամադրման միջոցով` Հայաստանի Հանրապետության կառավարության 2012 թվականի մայիսի 24-ի N 711-Ն որոշման N 4 հավելվածի 3.2-րդ կետով և Հայաստանի Հանրապետության կառավարության 2012 թվականի հունիսի 7-ի N 781-Ն որոշման N 3 հավելվածի 2.1-ին կետով Հայաստանի Հանրապետության Գեղարքունիքի մարզպետարանին հատկացված 57,300.0 հազ. դրամի սահմաններում:
2. Հաստատել Հայաստանի Հանրապետության Գեղարքունիքի մարզի Սևանի քաղաքային համայնքի` Նալբանդյան 36 բազմաբնակարան շենքի 2-րդ մուտքի բնակարաններում բնակվող ընտանիքներից աջակցություն ստացող ընտանիքների ցանկը` համաձայն հավելվածի:
3. Սահմանել, որ`
1) Հայաստանի Հանրապետության Գեղարքունիքի մարզի Սևանի քաղաքային համայնքի` Նալբանդյան 36 բնակելի շենքի 2-րդ մուտքի բնակիչներին ֆինանսական աջակցություն տրամադրվում է Հայաստանի Հանրապետության կառավարության 2002 թվականի մայիսի 30-ի «Ռմբակոծությունների և ռազմական գործողությունների հետևանքով անօթևան մնացած քաղաքացիներին վնասի փոխհատուցման` բնակարանային խնդիրների առաջնահերթ լուծման մասին» N 845-Ն որոշմամբ սահմանված ընթացակարգին համապատասխան.
2) անհատույց պետական աջակցությունից կարող են օգտվել սույն որոշման հավելվածում ընդգրկված այն քաղաքացիները, ովքեր Հայաստանի Հանրապետության տարածքում սեփականության իրավունքով չունեն իրենց պատկանող այլ բնակելի տարածություն և վերջին 5 տարվա ընթացքում չեն օտարել Հայաստանի Հանրապետության տարածքում սեփականության իրավունքով իրենց պատկանող բնակելի տարածություններ.
3) տրամադրվող աջակցության չափը որոշվում է` ելնելով սույն որոշման հավելվածում ընդգրկված ընտանիքների կողմից զբաղեցված բնակարանի անշարժ գույքի սեփականության իրավունքի գրանցման վկայականում գրանցված ընդհանուր մակերեսից և աջակցության տրամադրման պահին նախորդող եռամսյակի դրությամբ Հայաստանի Հանրապետության Գեղարքունիքի մարզի Սևանի քաղաքային համայնքում բազմաբնակարան շենքերի բնակարանների 1 քառ. մետր ընդհանուր մակերեսի ձևավորված շուկայական միջինացված գնից, բայց ոչ ավելի, քան 5,0 մլն դրամը:
4. Հայաստանի Հանրապետության Գեղարքունիքի մարզպետին` սույն որոշումն ուժի մեջ մտնելուց հետո եռօրյա ժամկետում` սույն որոշման հավելվածում ընդգրկված ընտանիքների հետ կնքել աջակցություն տրամադրելու մասին պայմանագիր (որում որպես պարտադիր պայման նախատեսելով, որ ֆինանսական աջակցություն ստացած անձանց նկատմամբ պետական աջակցության ցուցաբերման պարտավորությունները համարվում են դադարեցված` դրանց կատարմամբ)` սահմանելով, որ սույն որոշմամբ նախատեսված միջոցների հաշվին բնակարաններ պետք է գնվեն միայն Սևանի քաղաքային համայնքի վարչական սահմաններում` մինչև 2012 թվականի դեկտեմբերի 15-ը, իսկ աջակցության ընդհանուր սահմանային չափից ավելի բարձր արժեքով բնակելի տան (բնակարանի) ձեռքբերման դեպքում արժեքների տարբերությունը լրացվում է աջակցություն ստացողի սեփական միջոցների հաշվին:
5. Հանձնարարել Հայաստանի Հանրապետության կառավարությանն առընթեր Հայաստանի Հանրապետության ոստիկանության պետին և առաջարկել Սևանի քաղաքապետին ձեռնարկել պատշաճ միջոցներ Սևանի քաղաքային համայնքի` Նալբանդյան 36 բնակելի շենքի 2-րդ մուտքի` բնակեցումից ազատված բնակարաններում քաղաքացիների բնակեցումը բացառելու համար:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2012 ԹՎԱԿԱՆԻ ԴԵԿՏԵՄԲԵՐԻ 6-ԻՆ
Հավելված
ՀՀ կառավարության
2012 թվականի նոյեմբերի 22-ի
N 1520-Ա որոշման
ՑԱՆԿ
ԱՆՀԱՏՈՒՅՑ ՊԵՏԱԿԱՆ ԱՋԱԿՑՈՒԹՅՈՒՆ ՍՏԱՑՈՂ ԸՆՏԱՆԻՔՆԵՐԻ
._____________________________________________________________________.
|NN |Ազգանունը / |Ծննդյան |Անձնագրի |Ընտա- |Զբա- |Տրամադրվող |
|ը/կ|Անունը / |տարեթիվը |համարը |նիքի |ղեցված|աջակցության|
| |Հայրանունը | | |անդամ-|բնակա-|չափը |
| | | | |ների |րանի |(հազ. դրամ)|
| | | | |թիվը |ընդհա-| |
| | | | | |նուր | |
| | | | | |մակե- | |
| | | | | |րեսը | |
| | | | | |(քառ. | |
| | | | | |մ) | |
|___|_______________|__________|____________|______|______|___________|
|1. |Անտոնյան Արգամ |03/30/1970|AM0301496 | 4| 74.83| 5,000.0|
| |Զավենի | | | | | |
|___|_______________|__________|____________|______|______|___________|
|2. |Հովհաննիսյան |12/30/1941|AC0483796 | 1| 32.48| 3,210.0|
| |Վարդանուշ Արամի| | | | | |
| | | | | | | |
|___|_______________|__________|____________|______|______|___________|
|3. |Ստեփանյան |9/25/1963 |AK0502923 | 3| 48.9| 4,835.0|
| |Մաքրուհի Ռաֆիկի| | | | | |
|___|_______________|__________|____________|______|______|___________|
|4. |Պետրոսյան Գեղամ|2/16/1960 |AM0684590 | 2| 32.13| 3,175.0|
| |Գուրգենի | | | | | |
|___|_______________|__________|____________|______|______|___________|
|5. |Կարապետյան Արամ|7/21/1969 |AB0277883 | 4| 46.19| 4,565.0|
| |Խաչատուրի | | | | | |
|___|_______________|__________|____________|______|______|___________|
|6. |Պետրոսյան Ռոզա |3/2/1929 |AM0762404 | 1| 31.71| 3,134.0|
| |Հովհաննեսի | | | | | |
|___|_______________|__________|____________|______|______|___________|
|7. |Մինասյան Համլետ|1/1/1969 |AH0691155 | 4| 68.4| 5,000.0|
| |Կոլյայի | | | | | |
|___|_______________|__________|____________|______|______|___________|
|8. |Սարգսյան |7/24/1959 |AH0273610 | 2| 31.78| 3,140.0|
| |Սուսաննա | | | | | |
| |Վոլոդյայի | | | | | |
|___|_______________|__________|____________|______|______|___________|
|9. |Ղազարյան Սոֆյա |1/8/1960 |AF0472092 | 1| 49.72| 4,914.0|
| |Հայկի | | | | | |
|___|_______________|__________|____________|______|______|___________|
|10.|Խաչատրյան Էդիկ |5/15/1939 |AF0210427 | 1| 40.27| 3,980.0|
| |Սամսոնի | | | | | |
|___|_______________|__________|____________|______|______|___________|
|11.|Գալստյան Ռիմա |11/16/1945|AC0228925 | 6| 68.07| 5,000.0|
| |Կիրակոսի | | | | | |
|___|_______________|__________|____________|______|______|___________|
|12.|Յակոբովա Մարիամ|5/1/1959 |42 05 303105| 1| 31.81| 3,144.0|
| |Մուսայի | | | | | |
|___|_______________|__________|____________|______|______|___________|
|13.|Խաչատուրով |11/19/1964|AK0515574 | 1| 46.19| 4,565.0|
| |Վալերի Սամեդի | | | | | |
|___|_______________|__________|____________|______|______|___________|
|14.|Նիկողոսյան |8/17/1963 |AN0238764 | 3| 36.81| 3,638.0|
| |Մարիետա | | | | | |
| |Հայկարամի | | | | | |
|___|_______________|__________|____________|______|______|___________|
| |Ընդամենը | | | 34|639.29| 57,300.0|
._____________________________________________________________________.