Սեղմել Esc փակելու համար:
ԵՐԵՎԱՆ ՔԱՂԱՔԻ ԶԱՐԳԱՑՄԱՆ 2013 ԹՎԱԿԱՆԻ ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo
 

ԵՐԵՎԱՆ ՔԱՂԱՔԻ ԶԱՐԳԱՑՄԱՆ 2013 ԹՎԱԿԱՆԻ ԾՐԱԳՐԻ ՀԱՍՏԱՏ ...

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՐԵՎԱՆ ՔԱՂԱՔԻ ԱՎԱԳԱՆԻ

ՈՐՈՇՈՒՄ

 

25 դեկտեմբերի 2012 թվականի N 556-Ն

 

ԵՐԵՎԱՆ ՔԱՂԱՔԻ ԶԱՐԳԱՑՄԱՆ 2013 ԹՎԱԿԱՆԻ ԾՐԱԳՐԻ ՀԱՍՏԱՏՄԱՆ ՄԱՍԻՆ

i

(1-ին մաս)

 

«Երևան քաղաքում տեղական ինքնակառավարման մասին» Հայաստանի Հանրապետության օրենքի 12-րդ հոդվածի 1-ին մասի 11-րդ կետին և 83-րդ հոդվածին համապատասխան`

Երևան քաղաքի ավագանին որոշում է.

1. Հաստատել Երևան քաղաքի զարգացման 2013 թվականի ծրագիրը` համաձայն հավելվածի:

2. Սույն որոշմամբ հաստատված Երևան քաղաքի զարգացման 2013 թվականի ծրագիրը ենթակա է հրապարակման «Իրավական ակտերի մասին» Հայաստանի Հանրապետության օրենքի 56-րդ և 63-րդ հոդվածներով սահմանված կարգով, իսկ ծրագրի հիմնական ցուցանիշները, վիճակագրական և գրաֆիկական տվյալները նաև առանձին տեղեկատուներով և գրքույկներով:

 

ԵՐԵՎԱՆԻ ԶԱՐԳԱՑՄԱՆ 2013 ԹՎԱԿԱՆԻ ԾՐԱԳԻՐ

 

ԲՈՎԱՆԴԱԿՈՒԹՅՈՒՆ

 

Քաղաքաշինություն և ճարտարապետություն

Արտաքին ձևավորում և գովազդ

Շինարարության և բարեկարգման, ճանապարհաշինության ոլորտ

Անշարժ գույքի կառավարում

Կոմունալ ոլորտ

Առևտրի և սպասարկումների ոլորտ

Տրանսպորտ

Բնապահպանություն

Հանրակրթություն

Առողջապահություն

Սոցիալական ապահովություն

Երեխաների իրավունքների պաշտպանություն

Մշակույթ

Տուրիզմ

Ֆիզիկական կուլտուրա և սպորտ

Մասնավոր հատվածի հետ համագործակցություն

Միջազգային համագործակցություն

Աջափնյակ վարչական շրջան

Ավան վարչական շրջան

Արաբկիր վարչական շրջան

Դավթաշեն վարչական շրջան

Էրեբունի վարչական շրջան

Կենտրոն վարչական շրջան

Մալաթիա-Սեբաստիա վարչական շրջան

Նոր Նորք վարչական շրջան

Նորք-Մարաշ վարչական շրջան

Նուբարաշեն վարչական շրջան

Շենգավիթ վարչական շրջան

Քանաքեռ-Զեյթուն վարչական շրջան

 

Նախաբան

 

Երևանն աշխարհի հնագույն քաղաքներից է: Այն հիմնադրել է Արգիշտի Առաջին թագավորը մ.թ.ա. 782թ.: Երևանը գտնվում է Արարատյան դաշտավայրի հյուսիս-արևելյան մասում, զբաղեցնում շուրջ 227.0 քառ.կմ տարածք: Սահմանակից է ՀՀ Արագածոտնի, Կոտայքի, Արարատի և Արմավիրի մարզերին: Մայրաքաղաքի բնակչությունը կազմում է 1127.3 հազ. մարդ, որը ՀՀ բնակչության 34.0 %-ն է:

Երևանը նաև խոշոր արդյունաբերական, գիտական և մշակութային կենտրոն է: Այն ՀՀ գլխավոր օդային դարպասն է իր երկու «Զվարթնոց» և «Էրեբունի» օդանավակայաններով: Մայրաքաղաքում են գործում Գիտությունների ազգային ակադեմիան և իր էությամբ եզակի հին ձեռագրերի կենտրոն Մատենադարանը, տասնյակ գիտական հաստատություններ, շուրջ 70 համալսարաններ և ինստիտուտներ, երկու տասնյակ թատրոններ և մոտ 60 թանգարան, համերգասրահներ, մարզական կենտրոններ: Այստեղ են գտնվում օտարերկրյա պետությունների դեսպանատները և հյուպատոսությունները, արտերկրյա ֆինանսական, հասարակական և մշակութային հաստատությունների հայաստանյան գրասենյակներ, Հայաստանում գործող բանկերը, ֆինանսական հաստատությունները:

Երևանի զարգացման 2013 թվականի ծրագրի նպատակն է Երևան քաղաքի կայուն և համաչափ զարգացման ապահովումը, բնակչության կենսական շահերը և բարեկեցությունը, մարդկային զարգացումը որպես հետևանք երաշխավորելով երևանցիների կյանքի որակի էական բարելավումը:

Երևանը պետք է դառնա էլ ավելի մաքուր, կանաչ ու բարեկարգ, աշխատանքի և կարգուկանոնի, հարմարավետ, ավանդույթների և ապագայի քաղաք:

Հաշվի առնելով Երևան քաղաքի սոցիալ-տնտեսական զարգացումն ապահովող ոլորտների հիմնախնդիրներն ու գերակայությունները Երևանի զարգացման 201 3 թվականի ծրագիրը նախանշում է այդ ոլորտների և վարչական շրջանների առանձին միջոցառումների պլանավորումը:

2012 թվականին քաղաքի զարգացման հիմնական ուղղությունները միտված են լինելու մայրաքաղաքի ենթակառուցվածքների զարգացմանը, բնակչության կենսապայմանների բարելավմանը, բարեկեցիկ ու հարմարավետ միջավայրի ձևավորմանը, ինչպես նաև Գլխավոր հատակագծին համապատասխան քաղաքաշինական ծրագրերի իրականացմանը:

Ծրագիրը մշակվել է հաշվի առնելով 2010-2013թթ. ծրագրի հիմնադրույթները, բովանդակում է Երևանի սոցիալ-տնտեսական վիճակը և զարգացման հիմնական ուղղությունների, տարածական պլանավորման և ենթակառուցվածքների ընդհանուր զարգացման վիճակի վերլուծությունն ու կարճաժամկետ կանխատեսումները, Երևանի վարչական շրջանների զարգացման ծրագրերը, ինչպես նաև առկա ռեսուրսները:

Ծրագիրը ներկայացնում է Երևան քաղաքի ընդհանուր վիճակի բնութագիրը, քաղաքային տնտեսության առանձին բնագավառներում և վարչական շրջաններում առկա հիմնախնդիրները, ինչպես նաև 2012 թվականին նախատեսված միջոցառումները:

 

ՔԱՂԱՔԱՇԻՆՈՒԹՅՈՒՆ ԵՎ ՃԱՐՏԱՐԱՊԵՏՈՒԹՅՈՒՆ

 

Երևան քաղաքի փողոցաճանապարհային ցանցի կատարելագործման նպատակով 2012թ. վերակառուցվել և շահագործման են հանձնվել

. Դավիթ Բեկ փողոցը

. Բագրևանդ և Երիտասարդական փողոցները

. Գլխավոր պողոտայի վերակառուցում Սարյան-Եզ. Կողբացի, Արամ-Բուզանդ փող. հատվածները

. Հյուսիսային պողոտա-Տերյան-Պուշկին-Լալայանց փողոցների հատվածը

. «Հյուսիսային ճառագայթ» թաղամասի առանցքով` «Հայաստան» հուշահամալիրից դեպի Բաբայան փողոց ճանապարհի մասնակի կարգավորում

Հետիոտնային անցումներ

Հետիոտնի անվտանգ տեղաշարժման և տրանսպորտի անարգել աշխատանքի ապահովման նպատակով համայնք-մասնավոր համագործակցության շրջանակում 2012թ. կառուցվել են թվով 7 վերգետնյա հետիոտն.

1. Խանջյան փողոցում Չայկովսկու փողոցի հետ հատման մասում (դպրոցի մոտ)

2. Հալաբյան փողոցում Արզումանյան փողոցի խաչմերուկ

3. Ազատության պողոտայում

4. Մյասնիկյան պողոտայի և Աճառյան փողոցի հատման մասում

5. Իսակովի պողոտայում (նոր կառուցված հեծանվահրապարակի մոտ)

6. Լենինգրադյան փողոցում («Սեբաստիա» մանկապարտեզի մոտ)

7. Արշակունյաց պողոտայում «Սուրմալու» առևտրի կենտրոնի մոտ

2013թ. նախատեսվում է վերգետնյա հետիոտն անցումների իրականացման համար նախագծային փաթեթների կազմում և դրանց հիման վրա շինարարության իրականացում (թվով 8 հատ):

2012թ. Երևանի քաղաքապետի կողմից արձանների համար հայտարարված մրցույթներ և քաղաքում տեղադրված արձաններ

1. Ալեքսանդր Մանթաշյանցի (հայ մեծանուն բարերար) հուշարձանը տեղադրվել է Աբովյան փողոցի հ.17 շենքի դիմաց (03.04.2012թ. հ.3001-Ա Երևանի քաղաքապետի որոշում):

2. Հայ գրատպության 500-ամյակին նվիրված «Վարք հավերժության» քանդակը տեղադրվել է Մոսկովյան-Տերյան փողոցների խաչմերուկին հարակից տարածքում

(25.04.2012թ. հ.3498-Ա Երևանի քաղաքապետի որոշում տեղադրման մասին): Հեղինակն է ֆրանսաբնակ քանդակագործ Դավիթ Երևանցին: Քանդակը խորհրդանշում է Մատենադարանի ամենամեծ ձեռագիրը` «Մշո ճառընտիրը» փրկելու պատմությունը: Նզի նվիրատվություն է արվել Երևան քաղաքին:

3. Թերեզա Միրզոյանի «Սիրում է, չի սիրում» քանդակի վերաբացում:

Քանդակի բնօրինակը ձուլված է եղել դրվագման եղանակով, 21 տարի առաջ այն ջարդվել է և 2012թ. Երևանի քաղաքապետարանի և հեղինակի ընտանիքի կողմից վերականգնվել է բրոնզաձույլ տարբերակը ու վերատեղադրվել Աբովյան փողոցում: Թերեզա Միրզոյանի դուստրը և քանդակագործ Գետիկ Բաղդասարյանը քանդակը վերականգնել են բնօրինակի էսքիզներով:

4. Գարեգին Նժդեհի հուշարձանի վերաբերյալ 2012թ. կայացել է նոր մրցույթ

(Երևանի քաղաքապետի կարգադրություն N 609-Ա 01.12.2011թ. մրցութային հանձնաժողովի ստեղծման մասին):

5. Կարեն Դեմիրճյանի հուշարձանի վերաբերյալ կայացել է մրցույթ (Երևանի քաղաքապետի կարգադրություն N 461-Ա 07.09.2011թ. մրցութային հանձնաժողովի ստեղծման մասին, մրցույթը կայացել է 2012թ.):

6. Գրատպության 500-ամյակին նվիրված տեղադրվել է խորհրդանշող հուշաքանդակ Կորյունի և Մոսկովյան պուրակի հատման մասում (հեղինակ-քանդակագործ Դավիթ Մինասյան):

2012թ. ավարտվել և շահագործման են հանձնվել.

. Մալաթիա-Սեբաստիա վարչական շրջանում «Դալմա Գարդեն մոլ» բազմաֆունկցիոնալ համալիրը, ավելի քան 45.500 քմ տարածքով, որն ունի առևտրային գոտի ինչպես նաև ներառում է ժամանցի գոտի, կինոթատրոններ, մանկական խաղահրապարակ, սրճարաններ և հիպերմարկետ:

. Նոր Նորք վարչական շրջանի Ֆրիտյոֆ Նանսենի անվան զբոսայգում Նանսենի թանգարանը, որը հանձնվելու է Երևանի քաղաքապետարանին, որպես մշակութային օջախ և շահագործվելու է Ֆ. Նանսենի անվան հիմնադրամի կողմից: Զբոսայգում կկառուցվի նաև եկեղեցի:

2012թ. շարունակվել են շինարարական աշխատանքները.

. Աբովյան փող. հ.15 հասցեում գտնվող Կաթողիկե եկեղեցու համալիրի շինարարություն (Համագործակցություն)

. Մելիք Ադամյան փողոցի և դրա շարունակությամբ Բուզանդի փողոցի հարակից տարածքի կառուցապատում

2012 թվականին մեկնարկել են.

. Հ.Թումանյան և Ա.Պետրոսյան, Նալբանդյան փողոցների հարող հատվածում քաղաքաշինական ներդրումային ծրագիրը (բազմաբնակարան շենքի կառուցմամբ)

. Ծիծեռնակաբերդի զբոսայգում Մեծ Եղեռնի զոհերին նվիրված հուշահամալիրի Հայոց ցեղասպանության թանգարանի վերակառուցման և ընդարձակման աշխատանքները

. Կոմիտասի անվան պանթեոնի տարածքին կից նախկին մշակույթի պալատի շենքի վերակառուցմամբ «Կոմիտաս-թանգարան» մշակութային կենտրոնի ստեղծման աշխատանքները

Երևան քաղաքի վարչական շրջաններում հանգստի գոտիների ստեղծում

. Աջափնյակ վարչական շրջանում` Հանրապետական հիվանդանոցի լճի և հարակից տարածքում ստեղծվել է հանգստի գոտի և հանձնվել է շահագործման

 

2013 թվականին նախատեսվող ծրագրեր

 

Քաղաքաշինական ծրագրային և նախագծային փաստաթղթերի ստեղծում

. Երևանի գլխավոր հատակագծի իրականացման ընթացքի ուսումնասիրություն, հաշվառում, ճշգրտում (18 մլն դրամ 2013թ.)

. Երևան քաղաքի քաղաքաշինական կադաստրի ստեղծում և ներդրում (տեխնիկական նախագիծ - 4.5 մլն դրամ 2013թ.)

Ճանապարհատրանսպորտային ցանցի կատարելագործում

. Երևան քաղաքի համալիր տրանսպորտային սխեմա (սխեմայի մշակման ծրագիր, հետազոտություն, ուրվագծի վերջնական մշակում 2013-2014թթ.)

. Երևան քաղաքի երթևեկության կազմակերպման սխեմա 2013թ.

Կշարունակվեն 2012թ. սկսված Երևան քաղաքի նախագծային ճանապարհների և փողոցների նախագծանախահաշվային փաստաթղթերի մշակման աշխատանքները.

Երևանի կենտրոնը տարանցիկ տրանսպորտի միջոցներից բեռնաթափելու նպատակով Ասիական զարգացման բանկի և նրա փորձագետների հետ ձեռնարկվել ու ընթանում են աշխատանքներ Երևանի կենտրոնը շրջանցող մի քանի մայրուղիների և դրանց առանձին հանգույցների շինարարության համար:

1. Շիրակի փողոցից մինչև Արտաշատի խճուղի միջպետական նշանակության մայրուղի (մայրուղու երկարությունը 4340 մետր, անցուղիները 995 մետր, ընդհանուրը 5335 մետր).

2. Արգավանդը Շիրակ փողոցի հետ կապող ճանապարհ (մայրուղու երկարությունը 1300 մետր, անցուղիները 800 մետր, ընդհանուրը 2100 մետր) Այս ճանապարհի հարցի հետ կից ներկայացվել է «Կարմիր բլուր» բնակատեղիի թանգարանացման ուղղությամբ էսքիզ-առաջարկ, որպես պատմության և մշակույթի հուշարձանների տարածքների պահպանման ուղղությամբ իրականացվող միջոցառում.

Կշարունակվեն 2012թ. սկսված Երևան քաղաքի ճանապարհների շինարարական աշխատանքները

1. «Ալմաստ» գործարանի ե/գ կայարանի հարակից տարածքի ճանապարհ

2. Իսակովի պողոտա-Լենինգրադյան փողոց

Քաղաքաշինական կառուցապատման ծրագրեր

Քաղաքաշինական համալիրների կառուցման նպատակով առանձնացվել են հետևյալ ծրագրերը.

1. «Հին Երևան» պատմաճարտարապետական միջավայր

2. Հանրապետության, Բուզանդ, Խանջյան փողոցներով և Տ.Մեծ պողոտայով պարփակված տարածք (30-րդ թաղամաս)

3. Պուշկին, Տերյան, Եզ.Կողբացի և Հին Երևանցու փող. պարփակված տարածք

4. Նալբանդյան, Պուշկին և Աբովյան փողոցներով և Սախարովի հրապարակով պարփակված տարածք

5. Պռոշյան, Դ.Դեմիրճյան փողոցներով և Սիրահարների զբոսայգուն հարակից տարածք (Կոզեռն)

6. Գլխավոր պողոտայի կառուցապատվող անավարտ հատվածներ

7. «Ռենշին» ՍՊԸ-ի միջոցների հաշվին կֆինանսավորի պետության կարիքների համար ձեռք բերվող Երևան քաղաքի Կենտրոն վարչական շրջանի «Չարենց» N 2 շրջանային ջերմային հանգույցի հարևանությամբ գտնվող` ՀՀ կառավարությանն առընթեր ՀՀ ոստիկանության Երևան քաղաքի վարչության կենտրոնական բաժնի համար ՀՀ կառավարությանն առընթեր ՀՀ ոստիկանության նախագծով կառուցված անավարտ շենքի շինմոնտաժային աշխատանքների իրականացումը:

Քաղաքաշինական կառուցապատման ծրագրերի շարունակություն

. Հյուսիսային պողոտայի ամբողջական եզրափակիչ վերակառուցում

. Հյուսիսային ճառագայթի եզրափակիչ կառուցապատումներ (2013-2014թթ.)

. Գլխավոր պողոտայի եզրափակիչ փուլով կառուցապատումներ

. Ազատության պողոտայի և Ն.Զարյան փողոցով պարփակված տարածքի կառուցապատում

. «Կոնդ» թաղամաս

. Կրկեսին հարակից տարածք

Երևանի քաղաքապետին կից քաղաքաշինական խորհրդի ճարտարապետության հանձնաժողովում անցկացված քննարկումների հիման վրա նախատեսվող կառուցապատման ծրագրերի իրականացում

. Շահումյան հրապարակին հարող Վ.Սարգսյան, Դեղատան և Մ.Խորենացու փողոցների միջև «Ամերիաբանկ»-ի համալիր

. Վ.Սարգսյան հ.3 հասցեում նախկին ՀՀ արդարադատության նախարարության շենքի տեղում նոր վարչական շենքերի համալիր (ԱԳՆ-ի նոր շենքը ներառյալ)

. Մելիք Ադամյան փողոցի կառուցապատման նախագծի իրականացում («Հին Երևան»-ի ճարտարապետական սկզբունքներով)

. Ծ.Իսակովի պողոտան Լենինգրադյան փողոցին կապող նոր կառուցվող ճանապարհի աջակողմյան հատվածի կառուցապատման նախագծի մշակում

. Հանրապետության հրապարակի և կից տարածքների քաղաքաշինական խնդիրների բացահայտման, առաջադրման նպատակով հայեցակարգային մրցույթի կազմակերպման աշխատանքներ 2012-2013թթ.

. Դավթաշեն կամրջի մուտքային հատվածների կառուցապատումներ

. Խ.Աբովյանի պուրակի հանգույցին հարակից տարածքների կառուցապատում

. Գլխավոր պողոտայի Սարյան փողոցին հարող հատվածում մշակութային նշանակության կառույցների շինարարություն

2013թ. քաղաքաշինական խնդիրների վերաբերյալ կազմակերպվող միջոցառումներ

1. Փոքր կենտրոնի կառուցապատման կարգավորման համար օրենքի նախագծի մշակման աշխատանքներ

2. ԱՊՀ-երկրների գլխավոր ճարտարապետների ասոցիացիայի նիստի անցկացում Երևանում

3. 2013թ. Ֆրանսիայում նախատեսվող ցուցահանդեսին Երևան քաղաքի ներդրումային ծրագրերի ներկայացում Փարիզի քաղաքապետարանում

Երևանի համայնքային սեփականություն հանդիսացող հողամասերի հրապարակային սակարկություններով (մրցույթներով և աճուրդներով) տրամադրման և օտարման նպատակով 2012թ. նախապատրաստվել են թվով 378 փաթեթներ (այդ թվում 367 հատ աճուրդ, 11 հատ մրցույթ):

 

ԱՐՏԱՔԻՆ ՁԵՎԱՎՈՐՈՒՄ ԵՎ ԳՈՎԱԶԴ

 

2012 թվականին իրականացված ծրագրեր

2012թ. Երևան քաղաքում վարչության նախաձեռնությամբ իրականացվել են Երևան քաղաքի ավագանու 37-Ն որոշման մեջ մի շարք փոփոխություններ, ինչի արդյունքում հնարավոր է դարձել կանոնակարգել, արդիականացնել գովազդային դաշտը, ինչպես նաև ընդունվել են նոր չափորոշիչներ էլեկտրոնային էկրանների տեղադրման համար:

Իրականացվել են «Գովազդի մասին» ՀՀ օրենքում փոփոխություններ, որի արդյունքում Երևանի քաղաքապետը իրավասու է գովազդատուներին, գովազդ արտադրողներին և գովազդակիրներին ենթարկել վարչական պատասխանատվության «Գովազդի մասին» ՀՀ օրենքի խախտման և Երևան քաղաքի ավագանու 37-Ն որոշման պահանջները չկատարելու դեպքերում:

Արգելվել է Երևան քաղաքի փողոցներում կրկնաձիգ գրաժապավենների միջոցով իրականացվող գովազդը, բացառությամբ համապետական, համաքաղաքային նշանակության միջոցառումների ազդարարման նպատակով կարճաժամկետ տեղադրման դեպքերի: Շենք-շինությունների ճակատային հատվածների վրա թույլատրելի գովազդի տեղադիրը, չափագունային լուծումները կորոշվեն ըստ համապատասխան սխեմայի:

Երևանի 2012 թվականի բարեկարգման ծրագրի շրջանակում, մասնավոր հատվածի հետ համագործակցության արդյունքում, իրականացվել են 7 վերգետնյա անցումների շինարարություն, իսկ որպես փոխհատուցում ներդրողներին տրամադրվել են գովազդային տարածքներ վերգետնյա անցումների վրա:

Երևան քաղաքի շենքերի արտաքին տեսքի բարելավման նպատակով շենքերի տանիքներից ու պատերից ապամոնտաժվել են հնաոճ, ոչ արդիական գովազդային միջոցները:

Երևան քաղաքի բանուկ հատվածներում ներդրողների միջոցներով տեղադրվել են նորաոճ գովազդային կրիչներ, որոնցով ցուցադրվում են մշակութային միջոցառումների մասին ազդարարող նյութեր:

Գովազդային հանրության հետ համատեղ կազմակերպվել է «Պոպոք» միջազգային գովազդի փառատոնը, որին մասնակցեցին գովազդային և դիզայներական կազմակերպություններ ավելի քան 15 պետությունների և Հայաստանի առաջատար գովազդային և դիզայներական կազմակերպությունները: Փառատոնի շրջանակներում հայտարարվեց միջազգային բաց մրցույթ 3 անվանակարգերում

> Երևան քաղաքի զբոսաշրջային լոգոտիպի պատրաստում

> Երևան քաղաքի արտաքին ձևավորման հայեցակարգի մշակում

> Երևան քաղաքի գովազդային հայեցակարգի մշակում

Մրցույթի արդյունքները կամփոփվեն 2013թ.-ի I-ին կիսամյակում, որի հիման վրա կմշակվի վերը նշված անվանակարգերում հետագա քաղաքականությունը:

Մայրաքաղաքում տոն և հիշատակի օրերին նվիրված միջոցառումների պատշաճ կազմակերպման նպատակով իրականացվել են քաղաքի արտաքին ձևավորման մի շարք աշխատանքներ:

2011-2012թթ. ամանորյա տոնական միջոցառումների հետ կապված վարչական շրջաններում տեղադրվել 9 արհեստական տոնածառեր և Հանրապետության Հրապարակի Մայր տոնածառը, ինչպես նաև իրականացվել են 3D շոու-ծրագրեր:

Սուրբ Սարգսի տոնին նվիրված տոնակատարությունների շրջանակում Կարապի լճի շրջակայքում տեղադրվել է սառցե սրտաձև քանդակ:

Ապրիլի 24-ին Եղեռնի հուշահամալիրում իրականացվել են սգո տումբաներով և լույսերով ձևավորման աշխատանքները:

«Մոսկվայի օրերը Երևանում» և «Սանկտ-Պետերբուրգի օրերը Երևանում» ծրագրերի շրջանակներում իրականացվել են ձևավորման և գովազդային ազդարարման աշխատանքներ:

«Երևանը գրքի համաշխարհային մայրաքաղաք» միջոցառումների շրջանակում Երևան քաղաքում իրականացվել է դրոշակազարդում, գովազդային վահանակների և վարչական շրջանների շենքերի խուլ պատերի վրա իրականացվել են թեմատիկ վահանակների տեղադրման աշխատանքներ, ինչպես նաև մի շարք կամարանցումներում հայտնի գրողների պատկերներով նկարազարդման աշխատանքներ:

Հունիսի 1-ին երեխաների պաշտպանության միջազգային տոնի կապակցությամբ իրականացվել են ձևավորման աշխատանքներ, ինչպես նաև «Ամերիաբանկ»-ի հետ համատեղ իրականացվել է «Երազանքների պատ» ծրագիրը:

Երևան հրավիրվեց համաշխարհային վարպետ Նիկոլայ Արնդտը, ով Շ. Ազնավուրի անվան հրապարակում նկարեց առաջին 3D պատկերը, իսկ երկրորդ 3D պատկերը նկարվեց արդեն հայ մասնագետների կողմից Կարապի լճի հարևանությամբ:

Ամռան և աշնան ընթացքում Կարապի լճում տեղադրվեց մեծ էկրան, որի միջոցով ցուցադրվում էին տարբեր համերգային ծրագրեր, ինչպես նաև լուսաբանվում էին տարատեսակ համաքաղաքային և մշակութային միջոցառումներ:

«Մեր հանճարները մեր կողքին են» նախագծի շրջանակում նստարաններին են տեղադրվել հայ մեծանուն արվեստագետների նորաոճ քանդակները, որոնք իրենց հերթին հասցրել են դառնալ երևանցիների և քաղաքի հյուրերի սիրելի լուսանկարվելու վայրեր, ինչպես նաև համարվել են արտաքին ձևավորման նորարարական միջոց:

ՀՀ Անկախության օրվան նվիրված միջոցառումների շրջանակում Երևան քաղաքի մի շարք փողոցներում, ինչպես նաև վարչական շրջանների կենտրոնական փողոցներում իրականացվել են տոնական ձևավորման և դրոշակազարդման աշխատանքներ:

Հայ շախմատիստների օլիմպիական չեմպիոն դառնալու կապակցությամբ Երևան քաղաքում իրականացվել են տոնական ձևավորման և գովազդային միջոցներով իրազեկման աշխատանքներ:

«Էրեբունի-Երևան» տոնակատարությունների շրջանակներում իրականացվել են Երևանի կենտրոնի, վարչական շրջանների գլխավոր փողոցների, ինչպես նաև թվով 7 կամուրջների դրոշակազարդման աշխատանքներ: Իրականացվել են նաև Երևան քաղաքի կանգառասրահների, քաղաքային տրանսպորտային միջոցների, Երևան քաղաքի մուտքերի ձևավորման աշխատանքներ:

2012թ. Երևան քաղաքում պատրաստվել և տեղադրվել են անվճար հայտարարությունների համար նախատեսված ցուցատախտակներ, որի նպատակն էր Երևանում քաղաքացիներին հնարավորություն տալ տեղադրել անվճար հայտարարություններ, ինչն էլ իր հերթին մի շարք վարչարարական գործողությունների հետ միասին նպաստում է շենքերի պատերն և էլեկտրասյուներին փակցված հայտարարությունների նվազեցմանը, այնուհետև վերացմանը:

Երևան քաղաքում 2012թ. ընթացքում իրականացվել է դրոշների սպասարկման ծրագիրը: Թվով 500 դրոշակահենակների և քաղաքապետարանի ենթակայության տակ գտնվող հիմնարկ-ձեռնարկությունների, դպրոց-մանկապարտեզների մոտ տեղադրված ՀՀ դրոշներ փոխվել են ամսական 2 անգամ:

Իրականացվել են 10 և 20 մ թվով 78 հատ նոր դրոշակահենակների պատրաստման և տեղադրման աշխատանքներ:

2012թ. Հայաստանի Հանրապետություն Բուլղարիայի, Ավստրիայի և Թուրքմենստանի նախագահների այցերի կապակցությամբ իրականացվել են դրոշակազարդման աշխատանքներ:

 

2013 թվականին նախատեսվող ծրագրեր

 

Երևանի քաղաքապետարանը արտաքին ձևավորման և գովազդի ոլորտում 2013 թվականին իրականացնելու է մի շարք ծրագրեր 2 հիմնական ուղղություններով

ա) արտաքին ձևավորում

բ) արտաքին գովազդ

 

Արտաքին ձևավորման ծրագիր

 

1. Տոնական ձևավորման հայեցակարգի մշակում

 

Երևանում տոն և հիշատակի օրերին նվիրված միջոցառումների նախապատրաստման աշխատանքները կրում են կամայական բնույթ, իսկ ձևավորման ենթակա օբյեկտների ընտրությունը հիմնված չէ որևէ սկզբունքի վրա:

Առկա խնդրի լուծման նպատակով կարևորվում է տոնական ձևավորման հայեցակարգի մշակումը, որով կսահմանվեն վերոնշյալ տոն օրերին արտաքին ձևավորման ընդհանուր կանոնները, կմատնանշվեն այն հիմնական վայրերը, որոնք ենթակա են ձևավորման, ինչպես նաև կորոշվեն արտաքին ձևավորման գեղարվեստական բովանդակությանը վերաբերող ընդհանուր պահանջները: Հայեցակարգը կսահմանի նաև ընդհանուր դրույթներ տոնական ձևավորման նախագծային և իրականացման աշխատանքների կազմակերպման վերաբերյալ: Հայեցակարգի մշակման աշխատանքների իրականացման բաց միջազգային մրցույթը հայտարարվել է 2012թ. նոյեմբերի 15-ին, իսկ արդյունքները կամփոփվեն 2013թ. ապրիլին:

Տոնական ձևավորման աշխատանքները պատշաճ կատարելու համար Երևանի 2013 թվականի բյուջեով նախատեսված է 150.000,0 հազ. դրամ:

 

2. Պաշտոնական և պետական այցերի ժամանակ ձևավորման հայեցակարգի մշակում

 

Ինչպես տոնական ձևավորումը, այնպես էլ պաշտոնական և պետական այցերի ժամանակ իրականացվող ձևավորումը ներկա դրությամբ ունի մի շարք խնդիրներ: Մասնավորապես, սովորաբար կիրառվող դրոշակազարդարումն այս պահին համարվում է ձևավորման ոչ արդյունավետ միջոց, քանի որ ծառերի պատճառով դրոշակները գրեթե չեն երևում: Այդ պատճառով անհրաժեշտ է նախագծել նոր կառուցվածքներ և իրականացնել դրանց տեղադրումը համապատասխան երթուղիներում:

 

3. Մշակութային և տուրիստական ցուցանակների տեղադրում

 

Արտաքին ձևավորման գործում առանձնահատուկ կարևորություն ունի ոչ թե գեղագիտական, այլ ֆունկցիոնալ ձևավորումը: Մասնավորապես, տուրիստական ներհոսքի ծավալների աճի հետ զուգահեռ մեծանում է նրանց համար համապատասխան միջավայրի ստեղծման անհրաժեշտությունը, ինչի կարևորագույն մաս են կազմում փողոցներում թանգարանների, թատրոնների, մարզամշակութային այլ օջախների ցուցանակները: Թեպետ Երևանում տեղադրված են բազմաթիվ ցուցանակներ, այնուամենայնիվ հարկ է նշել, որ քաղաքում դրանց տեղաբաշխումը, ցուցանակների վրա նշված վայրերի ընտրությունը համակարգային բնույթ չեն կրում և չեն համապատասխանում տուրիստական զարգացման սկզբունքներին: Այդ պատճառով անհրաժեշտ է վերանայել քաղաքում ցուցանակների տեղաբաշխումը, դրանց դիզայնը, քանակը, չափսերը, բովանդակությունը և այլն դարձնելով դրանք առավել օգտակար և օգտագործելի թե զբոսաշրջիկների, թե Երևանի բնակիչների կողմից: Նշված միջոցառման իրականացման համար անհրաժեշտ կլինի մշակել համապատասխան հայեցակարգ, որի արդյունքները նույնպես կամփոփվեն 2013 թվականի առաջին կիսամյակում:

 

4. Նոր դրոշների տեղադրում

 

Հաշվի առնելով այն հանգամանքը, որ Երևանի յուրաքանչյուր վարչական շրջանում բնակիչների պատշաճ հանգիստն ապահովելու համար նախատեսվում է կազմակերպել հանգստյան համապատասխան գոտիներ, որոնք հատկապես ակտիվ կլինեն տոնական օրերին, արտաքին ձևավորման տեսանկյունից անհրաժեշտ է իրականացնել այդ հանգստյան գոտիներում և հարակից տարածքներում գտնվող սյուների վրա կամ այլ տեղերում դրոշակների տեղադրում: Այս աշխատանքները հնարավորություն կտան տոն օրերին ձևավորել ոչ միայն Կենտրոն վարչական շրջանը, այլ նաև մնացած շրջանները նպաստելով Երևան քաղաքի առավել համաչափ զարգացմանը: Այս նպատակով Երևանի 2013 թվականի բյուջեի միջոցների հաշվին նախատեսվել է 84.000,0 հազ. դրամ:

 

5. Մասնավոր ընկերությունների միջոցներով Երևանի դրոշների տեղադրում

 

Արտաքին միջավայրի զարդարումը պետք է իրականացվի ոչ միայն տոնական օրերին: Այս առումով կարևորվում է մասնավոր ընկերությունների ներգրավումը նշված գործընթացում, որոնց կարող է հետաքրքրել լրացուցիչ գովազդային մակերեսի տեղադրումը նույնպես դրոշի տեսքով: Ընկերության դրոշի տեղադրման դեպքում ընկերությունը կպարտավորվի տեղադրել նաև Երևան քաղաքի դրոշը, և որպես հետևանք մասնավոր և հանրային շահերի համադրումը հնարավորություն կտա Երևան քաղաքի տարբեր վայրերում ունենալ արտաքին ձևավորման լրացուցիչ տարրեր:

 

6. Ձևավորման նոր տարրերի օգտագործում

 

. լրումն քաղաքի ձևավորման ավանդական միջոցների, անհրաժեշտ է դիտարկել արտասահմանում լայն տարածում ստացած ձևավորման այնպիսի միջոցներ, ինչպիսիք են շենքերի ֆասադային հատվածների պատումը բուսականությամբ և կերամիկական խճանկարով, որոնք կարող են օգտագործվել թե որպես քաղաքային միջավայրի գեղագիտական տարր, թե որպես ոչ բարեհաճ ֆասադային հատվածների քողարկման կամ գունազարդման միջոց: Բացի դրանից, կերամիկական խճանկարի օգտագործումը կարող է օգտագործվել նաև լայն զանգվածներին Երևանի բնակիչներին և զբոսաշրջիկներին, հայ նկարիչների հայտնի ստեղծագործությունները ներկայացնելու նպատակով: Բացի դրանից, վերջերս թե Հայաստանում, թե հատկապես արտասահմանում լայն տարածում է գտել սթրիթ արթը, որը, ի լրումն այլ տարրերի, ներառում է նաև 3D նկարներն ու թեմատիկ նկարների շարքերը: Կարևոր է նշել, որ սթրիթ արթը, գեղագիտական նշանակությունից բացի, կարող է ունենալ նաև կրթական նշանակություն: Ինչպես և կերամիկական ձևավորման դեպքում, այնպես էլ սթրիթ արթի միջոցով հնարավոր է ներկայացնել արվեստի հայտնի գործեր, անվանի մարդկանց մտքեր և այլն: Այդ պատճառով պետք է առաջին հերթին դիտարկել կրթական հաստատությունների մոտակայքում սթրիթ արթի տարրերի կիրառումը:

Նախատեսվում է նաև Կենտրոն վարչական շրջանի մի շարք կենտրոնական փողոցներում գտնվող շենքերի շքամուտքերը զարդարել այդ փողոցին համապատասխանող լապտերներով, ինչը նույնպես կունենա և գեղագիտական, և ֆունկցիոնալ նշանակություն:

2013 թվականի ընթացքում նախատեսվում է փողոցի կողմից գտնվող 200 շքամուտքի զարդարում:

 

7. Ցուցատախտակների տեղադրում

 

Քաղաքի արտաքին ձևավորումը զգալիորեն վատթարացնող երևույթներից են հայտարարությունները, որոնք փակցվում են շենքերի պատերին, սյուներին և երևացող այլ վայրերում: Նշված խնդիրը լուծելու համար քաղաքում արդեն իրականացվում են հայտարարությունների համար նախատեսված ցուցատախտակների տեղադրման աշխատանքները, և նախատեսվում է դրանք շարունակել 2013 թվականի ընթացքում ապահովելով ցուցատախտակների առկայություն բոլոր 12 վարչական շրջաններում:

 

Արտաքին գովազդի ծրագիր

 

1. Երևան քաղաքի տարբերանշանի և բռենդբուքի ստեղծում

 

Հաշվի առնելով այն հանգամանքը, որ Երևան քաղաքի զարգացման հիմնական ուղղություններից մեկն է Երևանի որպես տուրիստական քաղաքի զարգացումը, խիստ կարևոր է դառնում մուտք գործող արտասահմանցիներին քաղաքի դրական կողմերի ճիշտ ներկայացումը, ինչն իրենից ներկայացնում է համապատասխան մարքեթինգային և PR քաղաքականության իրականացում: Նման քաղաքականությունների առաջին բաղադրիչը սովորաբար լինում է ճիշտ տարբերանշանի ընտրությունը և մարքեթինգային այլ տարրերի մշակումը, որոնք ամփոփվում են այսպես կոչված բռենդբուքում: Քանի որ ամբողջ մարքեթինգային և PR քաղաքականությունը հետագայում հիմնվելու է այդ բռենդբուքում ներառված բաղադրիչների վրա, պետք է առանձնահատուկ կարևորություն ու ուշադրություն դարձնել այս աշխատանքներին ներգրավելով բարձրակարգ մասնագետների, որի նպատակով 2012 թվականի նոյեմբերի 15-ին հայտարարվել է Երևան քաղաքի տարբերանշանի և բռենդբուքի մշակման մրցույթ: Մրցույթի արդյունքները պատրաստ կլինեն 2013 թվականի ապրիլին:

 

2. Արտաքին գովազդի հայեցակարգի մշակում

 

Վերջին տարիներին արտաքին գովազդի ոլորտի կարգավորման բարելավմանն ուղղված աշխատանքների իրականացումը հնարավորություն է տվել նվազեցնել օրենքի խախտման դեպքերը, ավելացնել քաղաքի բյուջեի մուտքերը, փոխշահավետ համագործակցություն իրականացնել ոլորտում գործող տնտեսվարող սուբյեկտների հետ և այլն: Այնուամենայնիվ նշված զարգացումները երբեմն կրում էին ոչ համակարգված բնույթ հիմքում չունենալով զարգացման երկարաժամկետ տեսլական:

Այդ պատճառով 2013 թվականի գերակայություններից մեկը պետք է լինի Արտաքին գովազդի ոլորտի հայեցակարգի մշակումը, որը կսահմանի ընդհանուր սկզբունքներ քաղաքում ըստ գոտիների գովազդային վահանակների չափերի և տեղերի հաստատման, գովազդային տարածքի տրամադրման միջոցով քաղաքային լրացուցիչ տարրերի տեղադրման, «Գովազդի մասին» ՀՀ օրենքի դրույթների իրականացումը ապահովող վերահսկողության արդյունավետության բարձրացման, քաղաքում նոր գովազդային կրիչների կիրառման խթանման և այլնի վերաբերյալ: Հայեցակարգի մշակման աշխատանքներն իրականացնելու համար 2012 թվականի նոյեմբերի 15-ին հայտարարվել է մրցույթ, որի արդյունքները կամփոփվեն 2013 թվականի առաջին կիսամյակում:

 

3. Մասնավոր ընկերությունների գովազդային վահանակների համար ընդհանուր կանոնների սահմանում

 

Արտաքին գովազդի ոլորտում առկա կարևորագույն խնդիրներից է մասնավոր ընկերությունների կողմից տարբեր ձևի և չափի գովազդային վահանակների տեղադրումն իրենց ընկերության մուտքի վերևում: Քանի որ ներկայումս չկա համապատասխան միասնական ձև սահմանված մասնավոր ընկերությունների վահանակների համար, որոշ փողոցներ կարող են կորցնել իրենց գեղագիտական հմայքը այդ վահանակների բազմազանության հետևանքով: Այդ պատճառով անհրաժեշտ է սահմանել ընդհանուր կանոններ մասնավոր ընկերությունների մուտքերին փակցվող գովազդային վահանակների համար, որոնք հաշվի կառնեն յուրաքանչյուր փողոցի կամ հատվածի առանձնահատկությունները:

 

4. Տուրքի հավաքագրման օպտիմալացում

 

Արտաքին գովազդի կարգավորման և հատկապես արտաքին գովազդի պետական տուրքերի հավաքագրման ոլորտում խիստ կարևոր է արդյունավետ վերահսկողության իրականացումը, որը հնարավորություն է տալիս ավելացնել հավաքագրման ենթակա տուրքերի ծավալը և նվազեցնել դա իրականացնելու համար անհրաժեշտ ռեսուրսները: Արդյունավետ վերահսկողության համար առաջին հերթին 2012 թվականի ընթացքում իրականացվել է ամբողջ գովազդային մակերեսի գույքագրում, ինչը հնարավորություն կտա 2013 թվականին առավել օպտիմալ ձևով կազմակերպել ստուգումները և տուրքերի հավաքագրումը: Բացի դրանից, 2012 թվականին առանց համապատասխան թույլտվության գովազդային վահանակ տեղադրող ընկերությանը տուգանելու հնարավորությունը նույնպես հնարավորություն կտա խստացնել վերահսկողությունը և նվազեցնել ապօրինի տեղադրված գովազդային վահանակների քանակը դրանով ավելացնելով քաղաքի բյուջեի մուտքերը:

 

5. Օրենսդրական փոփոխությունների փաթեթի մշակում

 

Այս ոլորտում կարգավորումն ավելի արդյունավետ իրականացնելու համար 2013 թվականի ընթացքում պետք է իրականացնել մի շարք օրենսդրական փոփոխություններ: Մասնավորապես, քաղաքում նոր գովազդային միջոցների էլեկտրոնային էկրանների կիրառումը անհրաժեշտություն է առաջացնում վերանայել ոլորտին առնչվող օրենսդրական կարգավորումը: Հաշվի առնելով այն հանգամանքը, որ էլեկտրոնային էկրանում կարելի է տեղադրվել զգալիորեն ավելի շատ գովազդ, քան հասարակ գովազդային վահանակների դեպքում, ուստի դրանցից գանձվող արտաքին գովազդի տեղական տուրքի ծավալները նույնպես պետք է զգալիորեն ավելի մեծ լինեն: Սա նշանակում է, որ պետք է սահմանել լրացուցիչ գործակից էլեկտրոնային էկրանների համար: Միևնույն ժամանակ անհրաժեշտ է մշակել համապատասխան ընթացակարգ էլեկտրոնային կրիչների գովազդային վիդեոնյութերի նախօրոք հաստատման համար, ինչը հնարավորություն կտա առավել վերահսկելի դարձնել դաշտը և բացառել «Գովազդի մասին» ՀՀ օրենքին չհամապատասխանող գովազդային նյութերի տեղադրումը: Առաջարկվող հաջորդ օրենսդրական փոփոխությունը պայմանավորված է «Գովազդի մասին» ՀՀ օրենքի և «Լեզվի մասին» ՀՀ օրենքի միջև եղած էական հակասությամբ: Անհրաժեշտ է հստակ սահմանել և տարանջատել «ցուցանակ» և «գովազդային վահանակ» հասկացությունները տնտեսվարողների կողմից երկակի մեկնաբանությունը բացառելու համար:

 

6. Գովազդային մակերեսի տրամադրման միջոցով քաղաքային նոր տարրերի տեղադրում

 

2012 թվականի փորձը ցույց տվեց, որ մասնավոր ընկերությունների համար համապատասխան ներդրումային պայմաններ ստեղծելու միջոցով հնարավոր է ապահովել նրանց մասնակցությունը թե արտաքին ձևավորման, թե արտաքին գովազդի, և թե այլ ուղղություններով իրականացվելիք քաղաքային զարգացման բազմաթիվ ծրագրերի: Արտաքին գովազդի ոլորտում մասնավոր-հանրային առավել արդյունավետ համագործակցություն կարող է լինել գովազդային մակերեսի տրամադրման միջոցով քաղաքային տարբեր նոր տարրերի տեղադրումն ու կառուցումը: Այսպես, 2012 թվականի ընթացքում նման համագործակցության լավագույն փորձը գովազդային մակերեսի տրամադրման դիմաց 7 նոր վերգետնյա անցումների կառուցումն է: Նախատեսվում է 2013 թվականի ընթացքում Երևանի բանուկ փողոցներում կառուցել ևս 8 վերգետնյա անցում: Հարկ է նշել, որ այս ճանապարհով հնարավոր է ներգրավել ներդրումներ բազմաթիվ այլ տարրերի ժամացույցների, նստարանների, ցուցանակների, բիո զուգարանների և այլնի տեղադրման համար:

 

ՇԻՆԱՐԱՐՈՒԹՅԱՆ ԵՎ ԲԱՐԵԿԱՐԳՄԱՆ, ՃԱՆԱՊԱՐՀԱՇԻՆՈՒԹՅԱՆ ՈԼՈՐՏ

 

Երևան քաղաքի ջրային կառույցների սպասարկում և շահագործում

Երևանի ջրային կառույցների հաշվեկշռում են Հանրապետության Հրապարակի շատրվանները, «Կարապի լիճ» ջրավազանը, Օղակաձև զբոսայգու 3-6-րդ հատվածների 8 շատրվանները, «Հաղթանակ» զբոսայգու արհեստական լիճը, Գետառ, Ջրվեժ և Ողջաբերդ գետերը:

Երևանի քաղաքապետարանի հաշվեկշռում գտնվող 33 ջրային կառույցներից 5-ը շահագործման ընթացքում ֆիզիկապես և բարոյապես մաշվել են և ներկայումս չեն գործում, թվով 13 ջրային կառույցները պահանջ ունեն մաքրման և նորոգման:

2012թ. վերանորոգվել և վերագործարկվել են թվով 5 շատրվաններ Գարեգին Նժդեհի հրապարակի, Հանրապետության Հրապարակի մետրոյի կայարանների, Շարլ Ազնավուրի հրապարակում («Մոսկվա» կ/թ մոտ), Գլխավոր պողոտայի և Օղակաձև այգու:

Հիմնախնդիր. անսարք ջրային կառույցների առկայություն

Այս հիմնախնդրի լուծման նպատակով Երևանի քաղաքապետարանը շարունակելու է համագործակցությունը մասնավոր հատվածի հետ:

Երևանի քաղաքապետարանի սեփականություն հանդիսացող թվով 24 ջրային կառույցների շահագործման և ընթացիկ նորոգման համար Երևան քաղաքի 2013թ. բյուջեից նախատեսվել է 320.0 մլն դրամ:

Շինարարական աշխատանքների իրականացման համար նախագծա-նախահաշվային փաստաթղթերի կազմում, մշակում, փորձաքննության աշխատանքների իրականացում

2014թ. շինարարության և բարեկարգման ոլորտի հետ առնչվող ծրագրերի (փողոցների վերակառուցման, հենապատերի, եզրաքարերի վերանորոգման, հետիոտն անցումների կառուցման, հուշարձանների վերանորոգման, հանգստի գոտիների ստեղծման և այլ) իրականացման համար Երևանի բյուջեից 2013թ. կհատկացվի 246.800,0 հազ. դրամ:

Կամրջային կառուցվածքների սպասարկման, շահագործման, վերականգնման ու ամրացման աշխատանքներ

Երևանի քաղաքապետարանի հաշվեկշռում ընդգրկված են 27 կամուրջներ և կամրջային կառուցվածքներ, որոնց ընդհանուր երկարությունը կազմում է մոտ 3700 մետր:

Կամրջային կառուցվածքների ընթացիկ նորոգման, սպասարկման և շահագործման համար նախատեսվել է 90.0 մլն դրամ:

Հիմնախնդիր. կամրջային կառուցվածքների արդիականացում

2013թ. նախատեսվում է հիմնանորոգել Քրիստափոր փողոցի (Մետրոպոլիտենի) կամուրջը (13.0 մլն դրամ):

Ստորգետնյա և վերգետնյա անցումներ

Երևանի քաղաքապետարանում հաշվառված են 60 ստորգետնյա անցումներ, որից 39-ը գտնվում են բավարար վիճակում, 21-ում անհրաժեշտ է իրականացնել շինարարական աշխատանքներ հիմնականում երեսապատման, հարդարման, ջրամեկուսացման և լուսավորության գծով: վերգետնյա անցումները 17-ն են:

Հիմնախնդիր. վերգետնյա հետիոտնային անցումների կառուցում:

Այս հիմնախնդրի համատեղ լուծման նպատակով նախատեսվում է ներգրավել մասնավոր հատվածին: 2012 թվականին վերգետնյա անցումների կառուցման ծրագիրն իրականացվել է մասնավոր ներդրողների միջոցների հաշվին (թվով 7):

2013 թվականին նախատեսվում է իրականացնել թվով 8 վերգետնյա անցման կառուցման աշխատանքներ:

Հետիոտն անցումների ընթացիկ վերանորոգման աշխատանքների համար Երևանի 2013 թվականի բյուջեով նախատեսվել է 10.000,0 հազ. դրամ:

4 օբյեկտների համար նախագծա-նախահաշվային փաստաթղթերը պատրաստ են:

18 ստորգետնյա անցումներում վարձակալական հիմունքներով գործում են առևտրի և սպասարկման կետեր: Վարձակալությունից գանձվող գումարները նախատեսվում է ուղղել անցումների հիմնանորոգման և լուսավորության ցանցի վերանորոգման վրա: Աշխատանքներ են տարվում մյուս անցումները ևս հնարավորության դեպքում հանձնել վարձակալության, իսկ այն անցումները, որոնք նպատակահարման չեն տալ վարձակալության վերանորոգման աշխատանքները կկատարվեն Երևանի բյուջեի միջոցների հաշվին:

Փողոցների բարեկարգում

2012թ. վերակառուցվել են Ռուբինյանց, Թամանցիների, Դավիթ Բեկ, Բագրևանդ, Երիտասարդական, Բագրատունյաց, Սեբաստիա, Տիտոգրադյան, Այվազովսկու փողոցները, Հյուսիսային պողոտայի Լալայանց-Պուշկին փողոցներ ընկած հատվածը, Գլխավոր պողոտայի Կողբացի-Արամի փողոցների հատվածը, Սիլիկյան թաղամաս տանող ճանապարհը, Հյուսիսային ճառագայթի գրունտային ճանապարհը, Հալաբյան-Աբելյան փողոցների խաչմերուկը և այլն:

ՀՀ կառավարության 2012 թվականի հոկտեմբերի 10-ի հ.1276-Ն որոշմամբ 2012 թվականին իրականացվել են նաև թվով 30 փողոցի ասֆալտ-բետոնյա ծածկի վերանորոգման, փոսային նորոգման և ճաքալցման, հողային պաստառով (գրունտային) փողոցների հիմնանորոգման աշխատանքներ:

2012թ. կատարվել են մայթերի վերանորոգման, սալիկների փոխարինման աշխատանքներ:

2013 թվականին նախատեսվում է իրականացնել շուրջ 1.0 մլն քմ ասֆալտ-բետոնյա ծածկի ընթացիկ աշխատանքներ: Այս աշխատանքների 60%-ը նախատեսվում է իրականացնել բակային տարածքներում: Դրանով կմոտենան ավարտին բակային տարածքների նորոգման աշխատանքների ծրագիրը:

Կիրականացվեն շուրջ 40 հազ. քմ գրունտային ճանապարհների հիմնանորոգման աշխատանքներ:

Ընդհանուր առմամբ, Երևան քաղաքի մայրուղիների, փողոցների և բակային տարածքների ասֆալտ-բետոնյա ծածկի վերանորոգման, գրունտային ճանապարհների հիմնանորոգման, մայթերի, դիտահորերի և եզրաքարերի վերանորոգման աշխատանքները կկրեն շարունակական բնույթ:

Հիմնախնդիրներ. Մայրաքաղաք մտնող ճանապարհների կառուցապատում Հուսալի և ժամանակակից ճանապարհների ստեղծում

Այս հիմնախնդրի լուծմանն է ուղղված ոչ միայն մայրաքաղաքի առկա ճանապարհային ցանցի վերանորոգումն ու հիմնանորոգումը, այլ նաև նոր ճանապարհների ստեղծումը Երևանի կենտրոնը տարանցիկ տրանսպորտի միջոցներից բեռնաթափելու նպատակով:

2013 թվականին կշարունակվեն Ասիական զարգացման բանկի և նրա փորձագետների հետ համատեղ իրականացվող Երևան կենտրոնը շրջանցող մի քանի մայրուղիների և դրանց առանձին հանգույցների շինարարության համար ընթացող աշխատանքները: Ծրագիրն իր մեջ ներառում է Շիրակի փողոցից մինչև Արտաշատի խճուղի միջպետական նշանակության մայրուղու (մայրուղու երկարությունը 4340 մետր, անցուղիները 995 մետր, ընդհանուրը 5335 մետր) և Արգավանդը Շիրակ փողոցի հետ կապող ճանապարհի (մայրուղու երկարությունը 1300 մետր, անցուղիները 800 մետր, ընդհանուրը 2100 մետր) կառուցումը:

Մայրուղիների և փողոցների վերակառուցման և հիմնանորոգման ծրագրի իրականացման համար նախատեսվել է 1.823.105,0 հազ. դրամ համապատասխան նախագծանախահաշվային փաստաթղթերի հիման վրա: Այս ծրագիրը նախատեսում է ՈՒլնեցի և Ռուբինյանց փողոցները միացնող ավտոճանապարհի 2-րդ փուլի կառուցում, քաղաքի փողոցների մայթերի վերանորոգում և վերականգնում, ինչպես նաև Հալաբյան փողոցի Դավթաշեն կամրջի հատվածի, Մելքումով, Անդրանիկի, Արգիշտի, Չարենցի, Նար-Դոսի, Բ. Մուրադյան, Դավիթ Բեկի, Մայիսի 9-ի, Նուբարաշենի փողոցների կամ դրանց հատվածների ասֆալտ-բետնոյա ծածկի ամբողջական, իսկ դրանցից մի մասում նաև եզրաքարերի և մայթերի հիմնանորոգում:

Վթարված եզրաքարերի վերանորոգման և փոխարինման նպատակով, ինչպես նաև բետոնե եզրաքարերի վերականգնման համար Երևանի 2013 թվականի բյուջեով նախատեսվել է 38.000,0 հազ. դրամ:

 

Հենապատերի նորոգման-վերականգնման աշխատանքներ

 

._____________________________________________________________________.

|      |Հենապատերի տեղակայման վայրը                    |Քանակը|Գումարը|

|      |                                               |(հատ) |(մլն   |

|      |                                               |      |դրամ)  |

|______|_______________________________________________|______|_______|

|2009թ.|Աճառյան, Մյասնիկյան, Հալաբյան, Լենինգրադյան,   |  .   |  40.0 |

|      |Թևոսյան,  Թոթովենց, Մոլդովական, Դեմիրճյան,     |      |       |

|      |Հրազդանի փողոցներ, Ծիծեռնակաբերդի և  Սարալանջի |      |       |

|      |խճուղիներ                                      |      |       |

|______|_______________________________________________|______|_______|

|2010թ.|Բաբաջանյան, Սարյան, Լեո, Օրբելի 8 շենքի մոտ,   |  .   |  41.8 |

|      |Նոր Նորքի 9-րդ զանգվածի հ.48 շենքի մոտ,        |      |       |

|      |ՀՀ Նախագահի նստավայրին  կից հենապատերը         |      |       |

|______|_______________________________________________|______|_______|

|2011թ.|Ն. Նուբարյանի անվան պուրակում, Խորենացի հ.104  |  7   |  43.3 |

|      |տան մոտ, Սվաճյան փողոցում, Նոր-Արեշի 15-րդ     |      |       |

|      |փողոցում, Արամի նրբանցքում (Կոմպոզիտորների տան |      |       |

|      |մոտ), «Զեյթուն» մշակութային կենտրոնի շենքի մոտ,|      |       |

|      |Պարույր Սևակ  փողոցի հ.2 և  1բ շենքերի մոտ     |      |       |

|______|_______________________________________________|______|_______|

|2012թ.|Խորենացի-Գլինկա,Սեբաստիա-Բագրատունյաց փողոցների|  13  | 234.1 |

|      |խաչմերուկներում, Անդրանիկի 25, Հալաբյան 19,    |      |       |

|      |Հերացի 10 շենքերի մոտ, Հերացի փողոցի կամուրջը  |      |       |

|      |ամրացնող, Դուրյան թաղամասի հ.հ.43, 48,         |      |       |

|      |Դավթաշենի 1-ին թաղամասի հ.41, Դավթաշենի 4-րդ   |      |       |

|      |թաղամասի հ.2բ և  3ա շենքերի մոտ, Սար-Թաղի 5-րդ |      |       |

|      |փողոցի, Աթենքի փողոցի հենապատեր, Մյասնիկյան    |      |       |

|      |պողոտայում և  Հերացի փողոցից դեպի              |      |       |

|      |Կենդանաբանական այգի, Հերացի փողոցի կամրջից դեպի|      |       |

|      |Ազատության պողոտա:                             |      |       |

|______|_______________________________________________|______|_______|

|2013թ.|Կենտրոն, Ավան, Նոր Նորք, Աջափնյակ, Արաբկիր     |  13  | 170,0 |

|      |վարչական շրջաններ                              |      |       |

._____________________________________________________________________.

 

Հանգստի գոտիների ստեղծման աշխատանքներ

Մայրաքաղաքի կանաչ գոտու պահպանման և ավելացման նպատակով 2012թ ծրագրով իրականացվել է Աջափնյակ վարչական շրջանի Հալաբյան-Մարգարյան փողոցների խաչմերուկին հարող տարածքում հանգստի գոտու ստեղծման աշխատանքներ 100.0 մլն դրամի:

Ծրագիրը շարունակական է, 2013թ. բյուջեով հանգստի գոտիների ստեղծման աշխատանքների համար նախատեսվում է հատկացնել 300.0 մլն դրամ գումար: Այդ գումարը կուղղվի թվով 3 վարչական շրջանում նոր հանգստի գոտիների ստեղծմանը:

Երևան քաղաքում շենքերի ճակատային մասերի ընթացիկ նորոգման և քարերի մաքրման աշխատանքներ

2012թ. կատարվել են շենքերի կամարանցումի վերանորոգման և գունազարդման աշխատանքներ: Ծրագիրը կրելու է շարունակական բնույթ: Կամարանցումների, ինչպես նաև այլ շինությունների գունազարդման համար բյուջեով նախատեսված է 110.0 մլն դրամ:

Երևանի քաղաքապետարանի բարեկարգման ծրագրի շրջանակում շարունակվել են մայրաքաղաքի շենքերի ճակատային մասերի վերանորոգման և քարերի մաքրման աշխատանքները: 2013 թվականին այն կրելու է շարունակական բնույթ, և նախատեսվում է իրականացնել շուրջ 50 շենքերի ճակատային մասերի ընթացիկ նորոգման և քարերի մաքրման աշխատանքներ:

 

«Գեղեցիկ Երևան» ծրագիր

 

2012 թվականին իրականացվել են

. Երևանի Հովհաննես Թումանյանի անվան պետական տիկնիկային թատրոնի շենքի արտաքին գեղարվեստական ձևավորում և լուսավորում,

. Երևան քաղաքի Սայաթ-Նովայի անվան երաժշտական դպրոցի շենքի բարեկարգում (ներառյալ ճակատային հատվածի հին պատուհանների փոխարինումը նոր պատուհաններով) և լուսավորում,

. Կոմիտասի անվան կամերային երաժշտության տան ճակատային հատվածի լվացման և դեկորատիվ որմնանկարների վերականգնում,

. Սայաթ-Նովա պողոտայի հ.13 և հ.15 շենքերի միջակայքում գտնվող կամարաձև կառույցի գեղազարդ բարեկարգում,

. Հայաստանի պետական տնտեսագիտական համալսարանի շենքի (ներառյալ հին պատուհանների փոխարինումը նոր պատուհաններով) և հարակից բակային տարածքի բարեկարգում,

. ծրագրի շրջանակում անց է կացվել գեղարվեստական ձևավորման մրցույթ Ծրագրի 2012թ. Ֆինանսական միջոցներով նախատեսվում է նաև իրականացնել Հանրապետության և Շառլ Ազնավուրի հրապարակներում գտնվող շատրվանների ձմեռային գեղազարդ լուսավորության աշխատանքները:

Հավասար բաշխմամբ համաֆինանսավորման սկզբունքով 2011-2012թթ. ընթացքում Երևանի քաղաքապետարանի և ՄԱԶԾ հայաստանյան գրասենյակի լայնածավալ և արդյունավետ համագործակցության արդյունքում, կողմերի փոխադարձ համաձայնությամբ, «Գեղեցիկ Երևան» ծրագիրը կկրի շարունակական բնույթ:

2013թ. ընթացքում ծրագրի շրջանակում կիրականացվեն 140.0 մլն ՀՀ դրամ (որից 70 մլն ՀՀ դրամ Երևանի 2013 թվականի բյուջեի միջոցների հաշվին) ընդհանուր արժողությամբ աշխատանքներ, որոնք ուղղված կլինեն Երևանի վարչական շրջաններում այգիների, շատրվանների, անբարեկարգ տարածքների բարեկարգմանը, գեղարվեստական ձևավորմանը, արտաքին լուսավորությանը և այլ խնդիրների լուծմանը:

Այս ծրագրի նպատակն է քաղաքը դարձնել ավելի հարմարավետ և հաճելի վայր ապրելու համար: Հատկանշական է, որ ծրագիրը նաև նպատակ է հետապնդում բարձրացնել Երևանի բնակչության բարեկեցությունը` մայրաքաղաքի բնակչության համար ստեղծելով նոր աշխատատեղեր:

 

ԱՆՇԱՐԺ ԳՈՒՅՔԻ ԿԱՌԱՎԱՐՈՒՄ

 

Վիճակի բնութագիր

 

Ներկայում Երևան քաղաքում առկա է 4-րդ աստիճանի վթարայնության քանդման ենթակա բազմաբնակարան բնակելի 6 և հանրակացարանային 3 շենք 556 բնակարանով, այդ թվում 320 բնակարան Աջափնյակում, 150-ը Էրեբունիում, 52-ը Շենգավիթում, 27-ը Կենտրոն և 7-ը Արաբկիր վարչական շրջաններում:

Ներկայում Երևանում դեռևս առկա են ՀՀ կառավարության 2005 թվականի դեկտեմբերի 29-ի հ.2387-Ն որոշման պահանջներին չհամապատասխանող, պետական գրանցում ունեցող, հաշվառված, բայց չհասցեավորված, ինչպես նաև չհաշվառված շենք-շինություններ:

 

.____________________________________________________________________.

|   |                                                   |Տարածքը, հա |

|___|___________________________________________________|____________|

|1. |Երևան  քաղաքի վարչական տարածքը                     |    22328   |

|___|___________________________________________________|____________|

|   |այդ թվում                                          |            |

|___|___________________________________________________|____________|

|1.1|պետական սեփականության հողեր                        |    18218   |

|___|___________________________________________________|____________|

|1.2|համայնքային սեփականության հողեր                    |  11031.65  |

|___|___________________________________________________|____________|

|1.3|քաղաքացիների և  իրավաբանական անձանց սեփականություն |   7913.7   |

|___|___________________________________________________|____________|

|1.4|օտարերկրյա պետությունների սեփականություն           |     13     |

.____________________________________________________________________.

 

Լուծման կարիք ունի Երևան քաղաքի մի շարք թաղամասերում 1991 թվականին որպես տնամերձ, բնակարանային շինարարության համար հատկացված նախկինում սեփականաշնորհված հողամասերի նկատմամբ սեփականության իրավունքի վերականգնման հարցերը:

ՀՀ կառավարության 2009 թվականի դեկտեմբերի 24-ի «Հայաստանի Հանրապետության Երևանի քաղաքային համայնքի վարչական սահմաններում գտնվող պետական սեփականություն հանդիսացող հողամասերն անհատույց սեփականության իրավունքով համայնքին փոխանցելու» հ. 1517-Ն որոշմամբ Երևանի քաղաքային համայնքին անհատույց սեփականության իրավունքով փոխանցված հողամասերի մակերեսները ներկայացված են աղյուսակով:

 

.__________________________________________________________.

|                      Հողամասեր                 |Տարածքը, |

|                                                |   հա    |

|________________________________________________|_________|

|Պետական սեփականության հողամասեր                 |11330.61 |

|________________________________________________|_________|

|որից`                                           |         |

|________________________________________________|_________|

|Գյուղատնտեսական նշանակության                    | 3158.44 |

|________________________________________________|_________|

|Բնակավայրերի հողեր                              | 6278.40 |

|________________________________________________|_________|

|Արդյունաբերական, ընդերք-օգտագործման և  այլ      |         |

|արտադրական նշանակության օբյեկտներ               |  969.69 |

|________________________________________________|_________|

|Էներգետիկայի, տրանսպորտի, կապի և  կոմունալ      |         |

|ենթակառուցվածքների օբյեկտներ                    |  107.25 |

|________________________________________________|_________|

|Հատուկ պահպանվող տարածքներ                      |  853.34 |

|________________________________________________|_________|

|Ջրային հողեր                                    |   13.49 |

.__________________________________________________________.

 

2012 թվականին իրականացված ծրագրեր

 

Հիմնախնդիր. մայրաքաղաքում վթարային շենքերի առկայությունը:

2012 թվականին իրականացված ծրագրերը կապված են եղել Երևան քաղաքում 4-րդ կարգի վնասվածություն ունեցող բազմաբնակարան բնակելի շենքերի բնակիչների վերաբնակեցման հետ: 2012 թվականին շարունակվեց և ավարտին հասցվեց Մարգարյան 45 և 37 հասցեների շենքերի համապատասխանաբար 48 և 44 ընտանիքի վերաբնակեցման աշխատանքները: Շարունակվում է Շինարարների փողոցի հ. 15 շենքից բնակիչների վերաբնակեցման գործընթացը որի համար օգտագործվել է Քանաքեռի 14-րդ և Բաբաջանյան փողոցներում շահագործման հանձնված բնակելի շենքերը, ինչպես նաև Սիսակյան փողոցի հ.22 հասցեում կառուցվող բնակելի շենքի հնարավորությունները:

Ծավալուն աշխատանք է տարվել վարչական շրջաններում բազմաբնակարան բնակելի շենքերի ոչ բնակելի տարածքների հաշվառման ուղղությամբ:

Հասցեավորվել են 10165 օբյեկտներ:

 

2013 թվականին նախատեսվող աշխատանքներ

 

2013 թվականին կշարունակվի ՀՀ կառավարության 2005 թվականի հունիսի 9-ի «Անհատույց պետական ֆինանսական աջակցություն տրամադրելու մասին» հ.947-Ն որոշման համաձայն զոհված (մահացած) կամ հաշմանդամ դարձած զինծառայողների (ազատամարտիկների) կարիքավոր ընտանիքներին հաշվառման ընդունելու և ցուցակները ՀՀ պաշտպանության նախարարության ներկայացնելու գործընթացը:

2013 թվականին նախատեսվում է շարունակել Երևան քաղաքում բազմաբնակարան բնակելի շենքերի (բնակելի տների) բնակիչների անվտանգության ապահովման, անկանխատեսելի հետևանքները բացառելու, դրանցում բնակվող բնակիչների բնակարանային խնդիրները լուծելու հետ կապված աշխատանքները:

Չորրորդ աստիճանի վթարային շենքերի քանդման հետևանքով բնակտարածություններից զրկված բնակիչների փոխհատուցման համար բնակարանների ձեռքբերման նպատակով Երևանի 2013 թվականի բյուջեի միջոցներից հատկացվելու է 1.441.869,0 հազ. դրամ: Գումարն ուղղվելու է Մարգարյան 37 հասցեում չորրորդ աստիճանի ազատված վթարային շենքի քանդման, նույն տեղում բազմաբնակարան շենքի կառուցման աշխատանքներին և այդ շենքից բնակարանների ձեռքբերմանը:

Հիմնախնդիր դեռևս լուծում չի տրվել սողանքի հետևանքով վթարային և բնակության համար ոչ պիտանի դարձած Սարի Թաղի 18-րդ փողոցի հ.հ. 33, 35, 37, 39 և 41 հասցեներում գտնվող բնակելի տների բնակիչների բնակարանային հարցերին, որոնք ըստ ՀՀ կառավարության 2009 թվականի փետրվարի 26-ի հ.204-Ն որոշման ենթակա են վերաբնակեցման:

Այս հիմնախնդրի լուծման նպատակով պետական բյուջեով նախատեսվող բնակարանային շինարարության ծրագրերի շրջանակում կառուցվող շենքերից 2013 թվականին բնակարաններ կհատկացվեն նաև նշված տներում բնակվող ընտանիքներին:

Նոր Խարբերդի այգեգործական 4800 տնտեսությունների հողօգտագործման իրավունքների ձևակերպումները կատարելու, տարածքում առկա կարգավիճակը չճշտված շենք-շինությունների նկատմամբ իրավունքի ձևակերպմանն ուղղված 2013 թվականին կիրականացվեն համապատասխան աշխատանքներ:

2013 թվականին կշարունակվեն Երևան համայնքի սեփականություն հանդիսացող բազմաբնակարան շենքերում դեռևս չսեփականաշնորհված բնակարանների անհատույց մասնավորեցման գործընթացը:

Բնակարանային շինարարության իրականացման փորձի վերլուծության արդյունքներից ելնելով հնարավոր միջոցներ կձեռնարկեն վթարային քանդման ենթակա շենքերից բնակիչների վերաբնակեցման ժամանակ բնակարանային շինարարությունը տվյալ վարչական շրջանի սահմաններում իրականացնելու համար:

Նախկինում սեփականաշնորհված հողամասերի հաշվառման, գույքագրման, դրանց նկատմամբ իրավունքի վերականգնման և ձևակերպման գործառույթները կշարունակվեն նաև 2013 թվականին:

 

ԿՈՄՈՒՆԱԼ ՈԼՈՐՏ

 

Ջրամատակարարում և ջրահեռացում

 

Վիճակի բնութագիր

 

Երևան քաղաքի ջրամատակարարման և ջրահեռացման ծառայությունները մատուցվում են «Վեոլիա-Օ կոմպանի Դեզ Օ» ֆրանսիական ընկերության կողմից 2005 թ. դեկտեմբերին հիմնադրված «Երևան Ջուր» ՓԲԸ-ի կողմից:

Մայրաքաղաքում ջրամատակարարումն իրականացվում է 2600 կմ երկարություն ունեցող բաշխիչ ցանցի և 245 հազ. խմ տարողությամբ օրվա կարգավորիչ 23 ջրավազանների (ՕԿՋ) միջոցով:

Երևան քաղաքի ջրամատակարարման համակարգն ունի 103 կապտաժային կառույցներ, 39 արտեզյան հորատանցքեր, 5 գլխավոր պոմպակայաններ, 30 խորքային հորատանցքեր և 803 կմ մայրուղային ջրատարներ: Երևան քաղաք մտնող ջրաքանակի շուրջ 76,5%-ը մատակարարվում է մեխանիկական եղանակով:

 

2012 թվականի ընթացքում իրականացված ծրագրեր

 

Երևանի քաղաքապետարանի կողմից իրականացվող Երևան քաղաքի բարեկարգման աշխատանքների շրջանակում 2012թ. ընթացքում կատարվել են մայրաքաղաքում առկա ցայտաղբյուրների գույքագրման աշխատանքներ, որոնց արդյունքների հիման իրականացվել է համապատասխան գործընթաց դրանց վերագործարկման ուղղությամբ: Հաշվետու ժամանակաշրջանում «Երևան Ջուր» ՓԲԸ-ի, համատիրությունների, ցայտաղբյուրների սեփականատերերի միջոցներով վերանորոգվել և վերագործարկվել է մայրաքաղաքի 200 ցայտաղբյուր:

Անձրևաջրերի կուտակումները բացառելու նպատակով կառուցվել է 2818 մետր ընդհանուր երկարությամբ անձրևատար:

«Վարձակալության պայմանագրի» 6-րդ տարվա ընթացքում արձանագրված ջրամատակարարման ծառայությունների զգալի բարելավումների հարցում իր էական ազդեցությունն է ունեցել Համաշխարհային բանկի վարկավորմամբ «Երևանի ջրամատակարարման ջրահեռացման բարելավում» ծրագրի իրականացումը:

2012 թվականին լուրջ նվաճումներ են արձանագրվել հատկապես Երևան քաղաքի ջրամատակարարման բաշխիչ ցանցի գոտիավորման աշխատանքների, ցանցի կառավարման բարելավման, վթարների, հոսակորուստների և ապօրինությունների կանխման և դրա շնորհիվ` ջրամատակարարման շարունակականության ցուցանիշի բարելավման գործընթացում:

Ջրամատակարարման շարունակականության արձանագրված առաջընթացի (6.07%) պահպանման պարագայում, նախորդ տարվա նույն ժամանակահատվածի համեմատությամբ 6.56%-ով նվազել է ջրարտադրությունը: Ընդ որում այս նվազեցումն ապահովվել է մեխանիկական եղանակով արտադրվող ջրաքանակի զգալի պակասեցման (29%-ով) արդյունքում, որի շնորհիվ զգալիորեն (38.62%-ով) նվազել է նաև էլեկտրաէներգիայի ծախսը: Այն հնարավոր է դարձել ջրամատակարարման համակարգի կառավարման բարելավման, շահագործման արդյունավետության բարձրացման և ջրակորուստների նվազեցման արդյունքում:

Ջրի սպառման ցուցանիշը հաշվետու ժամանակահատվածում ավելացվել է 4.67%-ով, ընդ որում` ջրաչափերի ցուցմունքների հիման վրա հասույթ ձևավորած ջրածավալը հասցվել է 98.76%-ի:

 

Հիմնախնդիր. ջրակորուստների կրճատումը:

Չհաշվառված ջրաքանակը կամ ընդհանուր ջրակորուստը (արտադրված և սպառված ջրաքանակների տարբերությունը) նվազել է 8.94%, որը հետևանք է ինչպես տեխնիկական ջրակորուստների նվազեցման, այնպես էլ ապօրինի ջրօգտագործումների դեմ ձեռնարկվող պայքարի ուժեղացման, որը շարունակվելու է:

Հաշվետու ժամանակահատվածում կանխվել է ուղղակի գետ կատարվող ևս մեկ արտանետում: Ընդհանուր առմամբ, Պայմանագրի մեկնարկին արձանագրված` ուղղակի գետ կատարվող 17 արտանետումից Պայմանագրի անցած ժամանակահատվածում կանխվել է 11-ը:

 

Հիմնախնդիր. ջրակորուստների և համակարգում տեղ գտած ապօրինությունների ու խախտումների դեմ տարվող աշխատանքների խորացումը, սահմանազատման կետի հստակեցման, ջրամատակարարման և ջրահեռացման ներքին ցանցերի հետագա շահագործման խնդիրների կարգավորումը, ջրաչափական սարքերի տեղադրման, սպասարկման, ստուգաչափման և փոխարինման գործառույթների կանոնակարգման և պատասխանատվությունների հստակեցման համար անհրաժեշտ օրենսդրական փոփոխությունների իրականացումն ու հիմնախնդրի վերջնական լուծումը:

Հաշվետու տարում Երևանի ջրահեռացման համակարգի շահագործումը ընթացել է նախկին ձևով` առանց որևէ էական բարելավման: Վերացվել են կոյուղատարների վթարների 14 580 դեպք, կառուցվել և վերականգնվել են 150-500մմ տրամաչափի կոյուղագծեր` 1357 գծամետր ընդհանուր երկարությամբ:

Մաքրման կայան մտնող ջրի քանակը կազմում է ջրառի (239.1մլն խմ) 21.37%-ը, իսկ իրացումը` ջրառի 25.5%-ը, այսինքն` մոտ 4%-ով պակաս: Դեռևս պահպանվում են թվով 6 կետերում կեղտաջրի ուղղակի արտանետումներ դեպի տարբեր ջրային ավազաններ, ապա կեղտաջրի քանակը նորից կգերազանցի իրացված ջրաքանակը:

Ֆրանսիական կառավարության հետ, ֆրանս-հայկական միջկառավարական արձանագրության շրջանակում, 2008թ. մայիսին ստորագրվել է «Երևանի խմելու ջրի մատակարարման և ջրահեռացման համակարգի բարելավման» 24.9 մլն եվրո ընդհանուր գումարի ծրագիրը:

 

Հիմնախնդիր. «Աէարացիա» մաքրման կայանի վերակառուցումը:

2013 թ. կսկսվեն «Աէրացիա» կայանի և հիմնական կոլեկտորի վերականգնման 12.34 մլն. եվրո կամ 6,484.1 մլն դրամի աշխատանքներ:

 

-----------------------------------------------------------

ԻՐՏԵԿ - շարունակությունը հաջորդ մասերում

 

 

pin
Երևանի ավագանի
25.12.2012
N 556-Ն
Որոշում