(ուժը կորցրել է 18.04.93 թիվ ՆՀ-221 հրամանագիր)
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ՀՐԱՄԱՆԱԳԻՐԸ
ՍՈՑԻԱԼԱԿԱՆ ԿԵՆՍԱԹՈՇԱԿՆԵՐԻ ՆԿԱՏՄԱՄԲ
ՓՈԽՀԱՏՈՒՑՈՒՄՆԵՐ ՍԱՀՄԱՆԵԼՈՒ ՄԱՍԻՆ
Հաշվի առնելով Հայաստանի Հանրապետության Գերագույն խորհրդի 1992 թվականի հուլիսի 24-ի «Նախկինում նշանակված կենսաթոշակների վերահաշվարկման կարգի մասին» որոշման 4-րդ կետի պահանջները և, նկատի ունենալով, որ Հայաստանի Հանրապետության օրենսդրությանը համապատասխան վերահաշվարկվող և նշանակվող սոցիալական կենսաթոշակների չափերը ցածր կլինեն հանրապետությունում սահմանված կենսաթոշակի նվազագույն չափից, որոշում եմ.
i
1. «Հայաստանի Հանրապետության քաղաքացիների պետական կենսաթոշակային ապահովության մասին» Հայաստանի Հանրապետության օրենքի 23, 26 և 30 հոդվածներին համապատասխան վերահաշվարկվող և նշանակվող սոցիալական կենսաթոշակների նկատմամբ սահմանել փոխհատուցումներ այն հաշվով, որ սոցիալական կենսաթոշակների չափերը ցածր չլինեն Հայաստանի Հանրապետությունում սահմանված կենսաթոշակի նվազագույն չափից:
2. Կենսաթոշակների նախկինում նշանակված չափերը վերահաշվարկված կենսաթոշակների չափերից բարձր լինելու դեպքում թողնել անփոփոխ:
3. Սույն հրամանագրով սոցիալական կենսաթոշակների նկատմամբ սահմանվող փոխհատուցումները կատարել «Հայաստանի Հանրապետության քաղաքացիների պետական կենսաթոշակային ապահովության մասին» Հայաստանի Հանրապետության օրենքը կիրարկելու պահից:
4 սեպտեմբերի 1992 թվական
ՆՀ-152