(ուժը կորցնելու է 01.07.07` 27.12.06 թիվ 358-Ն որոշում)
i
600.0007.020699
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿԱՅԻ ՀԱՆՁՆԱԺՈՂՈՎ
ՈՐՈՇՈՒՄ
2 հունիսի 1999 թվականի թիվ 7
ՑԱԾՐ ԼԱՐՄԱՆ ՍՊԱՌՈՂՆԵՐԻ (ԲԱՑԱՌՈՒԹՅԱՄԲ ԲՆԱԿՉՈՒԹՅԱՆ) ՄՈՏ ԲԱԶՄԱՍԱԿԱԳՆԱՅԻՆ ՀԱՇՎԱՌՔԻ ՍԱՐՔԵՐ ՏԵՂԱԴՐԵԼՈՒ ԵՎ ԳԻՇԵՐԱՅԻՆ ԶԵՂՉ ՍԱԿԱԳՆԻՑ ՕԳՏՎԵԼՈՒ ԿԱՐԳԻ ՄԱՍԻՆ
Հայաստանի Հանրապետության էներգետիկայի հանձնաժողովը որոշում է`
Հաստատել ցածր լարման սպառողների (բացառությամբ բնակչության) մոտ բազմասակագնային հաշվառքի սարքեր տեղադրելու և գիշերային զեղչ սակագնից օգտվելու կարգը (կցվում է):
Հաստատված է
ՀՀ էներգետիկայի հանձնաժողովի
1999թ. հունիսի 2-ի թիվ 7 որոշմամբ
ԿԱՐԳ
ՑԱԾՐ ԼԱՐՄԱՆ ՍՊԱՌՈՂՆԵՐԻ (ԲԱՑԱՌՈՒԹՅԱՄԲ ԲՆԱԿՉՈՒԹՅԱՆ) ՄՈՏ ԲԱԶՄԱՍԱԿԱԳՆԱՅԻՆ ՀԱՇՎԱՌՔԻ ՍԱՐՔԵՐ ՏԵՂԱԴՐԵԼՈՒ ԵՎ ԳԻՇԵՐԱՅԻՆ ԶԵՂՉ ՍԱԿԱԳՆԻՑ ՕԳՏՎԵԼՈՒ
1. Ցածր լարման սպառողներին (բացառությամբ բնակչության) թույլատրվում է օգտվել գիշերային զեղչ սակագնից հետևյալ պայմանների ապահովման դեպքում.
ա) ՀՀ օրենսդրությամբ և այլ նորմատիվ ակտերով սահմանված կարգով էլեկտրաէներգիայի բազմասակագնային հաշվառքի սարքի պետստուգաչափում և տեղադրում.
բ) գիշերային զեղչ սակագնի կիրառման առնչությամբ էլեկտրաէներգիա մատակարարող ընկերության հետ նախկինում կնքված պայմանագրում համապատասխան փոփոխությունների կատարում:
2. Բազմասակագնային հաշվառքի սարքի ձեռքբերման և պետստուգաչափման հետ կապված ծախսերը կատարվում են նախաձեռնողի հաշվին:
3. Էլեկտրամատակարարող ընկերությունը սպառողի դիմումն ստանալուց հետո, 7 օրվա ընթացքում սահմանված կարգով` անվճար տեղադրում է պետստուգաչափված հաշվառքի սարքը:
4. Տեղադրվող հաշվառքի սարքը պետք է համապատասխանի ՀՀ ստանդարտներով և այլ իրավական ակտերով սահմանված տեխնիկական պայմաններին:
5. Հաշվառքի սարքը սահմանված կարգով տեղադրելուց հետո, հոլոգրաֆիկ կապարակնիքով կապարակնքվում է էլեկտրամատակարարող ընկերության կողմից, իսկ կնիքի անվանական համարը ամրագրվում է էլեկտրաէներգիայի առքուվաճառքի պայմանագրի մեջ:
6. Հաշվառքի սարքի պահպանման, շահագործման հարցերը, պլանային և ոչ պլանային ստուգումներն ու այլ խնդիրները կարգավորվում են էլեկտրաէներգիայի առքուվաճառքի պայմանագրով, ԷՕԿ-ով, այլ իրավական ակտերով և ՀՀ օրենսդրությամբ: