031.0317.120799
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ԿԱՐԳԱԴՐՈՒԹՅՈՒՆԸ
i
ԱՐԴԱՐԱԴԱՏՈՒԹՅԱՆ ԽՈՐՀՐԴԻ ԱՇԽԱՏԱԿԱԶՄԻ 1999 ԹՎԱԿԱՆԻ ՀՈՒԼԻՍ-ԴԵԿՏԵՄԲԵՐ ԱՄԻՍՆԵՐԻ ԱՇԽԱՏԱՆՔԱՅԻՆ ԾՐԱԳՐԻ ՄԱՍԻՆ
Հիմք ընդունելով արդարադատության խորհրդի 1999 թվականի հունիսի 30-ի «Արդարադատության խորհրդի աշխատակազմի 1999 թվականի հուլիս-դեկտեմբեր ամիսների աշխատանքային ծրագրի վերաբերյալ» եզրակացությունը` որոշում եմ.
1. Հաստատել արդարադատության խորհրդի աշխատակազմի 1999 թվականի հուլիս-դեկտեմբեր ամիսների աշխատանքային ծրագիրը` համաձայն 1 հավելվածի:
2. Հաստատել Հայաստանի Հանրապետության դատական և դատախազական մարմիններում արդարադատության խորհրդի աշխատակազմի 1999 թվականի հուլիս-դեկտեմբեր ամիսների աշխատանքային ծրագրով նախատեսված ուսումնասիրություններ կատարելու կանոնները` համաձայն 2 հավելվածի:
3. Հայաստանի Հանրապետության գլխավոր դատախազին, Հայաստանի Հանրապետության արդարադատության նախարարին և Հայաստանի Հանրապետության վճռաբեկ դատարանի նախագահին` աջակցել արդարադատության խորհրդի աշխատակազմին` սահմանված կարգով Հայաստանի Հանրապետության դատական և դատախազական մարմինների աշխատանքները ուսումնասիրելիս:
4. Սույն կարգադրությունն ուժի մեջ է մտնում ստորագրման պահից:
12 հուլիսի 1999 թ.
ՆԿ-317
ՀԱՎԵԼՎԱԾ 1
ՀԱՍՏԱՏՎԱԾ Է
ՀՀ ՆԱԽԱԳԱՀԻ 1999 ԹՎԱԿԱՆԻ
ՀՈՒԼԻՍԻ 12-Ի ՆԿ-317
ԿԱՐԳԱԴՐՈՒԹՅԱՄԲ
ԱՐԴԱՐԱԴԱՏՈՒԹՅԱՆ ԽՈՐՀՐԴԻ ԱՇԽԱՏԱԿԱԶՄԻ 1999 ԹՎԱԿԱՆԻ ՀՈՒԼԻՍ-ԴԵԿՏԵՄԲԵՐ ԱՄԻՍՆԵՐԻ ԱՇԽԱՏԱՆՔԱՅԻՆ ԾՐԱԳԻՐ
._______________________________________________________________________.
| ԹԻՎ | ՄԻՋՈՑԱՌՄԱՆ ԱՆՎԱՆՈՒՄԸ | ԿԱՏԱՐՄԱՆ ԺԱՄԿԵՏ |
|_____|___________________________________________|_____________________|
| 1. | Գեղարքունիքի մարզի առաջին ատյանի | |
| | դատարանում և մարզային դատախազությունում | հուլիսի 19 - |
| | ուսումնասիրությունների կատարում | օգոստոսի 6 |
|_____|___________________________________________|_____________________|
| 2. | Լոռու մարզի առաջին ատյանի դատարանում և | |
| | մարզային դատախազությունում | օգոստոսի 9 - |
| | ուսումնասիրությունների կատարում | օգոստոսի 27 |
|_____|___________________________________________|_____________________|
| 3. | Երևան քաղաքի Արաբկիր և Քանաքեռ-Զեյթուն | |
| | համայնքների առաջին ատյանի դատարանում և | օգոստոսի 30 - |
| | դատախազությունում ուսումնասիրությունների | սեպտեմբերի 10 |
| | կատարում | |
|_____|___________________________________________|_____________________|
| 4. | Վայոց ձորի մարզի առաջին ատյանի դատարանում | |
| | և մարզային դատախազությունում | սեպտեմբերի 13 - |
| | ուսումնասիրությունների կատարում | սեպտեմբերի 17 |
|_____|___________________________________________|_____________________|
| 5. | Թիվ 3 կայազորի զինվորական | |
| | դատախազությունում ուսումնասիրությունների | սեպտեմբերի 20 - |
| | կատարում | սեպտեմբերի 24 |
|_____|___________________________________________|_____________________|
| 6. | Սյունիքի մարզի առաջին ատյանի դատարանում | |
| | և մարզային դատախազությունում | սեպտեմբերի 27 - |
| | ուսումնասիրությունների կատարում | հոկտեմբերի 25 |
|_____|___________________________________________|_____________________|
| 7. | Երևան քաղաքի Մալաթիա-Սեբաստիա համայնքի | |
| | առաջին ատյանի դատարանում և | հոկտեմբերի 18 - |
| | դատախազությունում ուսումնասիրությունների | հոկտեմբերի 29 |
| | կատարում | |
|_____|___________________________________________|_____________________|
| 8. | Արմավիրի մարզի առաջին ատյանի դատարանում | |
| | և մարզային դատախազությունում | նոյեմբերի 1 - |
| | ուսումնասիրությունների կատարում | նոյեմբերի 12 |
|_____|___________________________________________|_____________________|
| 9. | Երևան քաղաքի Էրեբունի և Նուբարաշեն | |
| | համայնքների առաջին ատյանի դատարանում և | նոյեմբերի 15 - |
| | դատախազությունում ուսումնասիրությունների | նոյեմբերի 26 |
| | կատարում | |
|_____|___________________________________________|_____________________|
| 10. | Քաղաքացիական գործերով վերաքննիչ դատարանում| նոյեմբերի 29 - |
| | ուսումնասիրությունների կատարում | դեկտեմբերի 10 |
._______________________________________________________________________.
ՀԱՎԵԼՎԱԾ 2
ՀԱՍՏԱՏՎԱԾ Է
ՀՀ ՆԱԽԱԳԱՀԻ 1999 ԹՎԱԿԱՆԻ
ՀՈՒԼԻՍԻ 12-Ի ՆԿ-317
ԿԱՐԳԱԴՐՈՒԹՅԱՄԲ
ԱՐԴԱՐԱԴԱՏՈՒԹՅԱՆ ԽՈՐՀՐԴԻ ԱՇԽԱՏԱԿԱԶՄԻ 1999 ԹՎԱԿԱՆԻ ՀՈՒԼԻՍ-ԴԵԿՏԵՄԲԵՐ ԱՄԻՍՆԵՐԻ ԱՇԽԱՏԱՆՔԱՅԻՆ ԾՐԱԳՐՈՎ ՆԱԽԱՏԵՍՎԱԾ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱԿԱՆ ԵՎ ԴԱՏԱԽԱԶԱԿԱՆ ՄԱՐՄԻՆՆԵՐՈՒՄ ՈՒՍՈՒՄՆԱՍԻՐՈՒԹՅՈՒՆՆԵՐ ԿԱՏԱՐԵԼՈՒ ԿԱՆՈՆՆԵՐ
1. Արդարադատության խորհրդի աշխատակազմի 1999 թվականի աշխատանքային ծրագրով նախատեսված Հայաստանի Հանրապետության դատական և դատախազական մարմինների 1999 թվականի առաջին կիսամյակի գործունեության ուսումնասիրությունները կատարել տեղերում:
2. Հանրապետության դատարաններում և դատախազություններում ուսումնասիրել հետևյալ հարցերը.
- քրեական և քաղաքացիական գործերի նախապատրաստումը դատական քննությանը.
- քրեական և քաղաքացիական գործերով դատավարական ժամկետների պահպանման վիճակը.
- քրեական և քաղաքացիական գործերով դատավարական փաստաթղթերի (որոշում, վճիռ, դատավճիռ, դատական նիստի արձանագրություն) համապատասխանությունը դատավարական նորմերով նախատեսված կարգին.
- քրեական և քաղաքացիական գործերի կասեցման, կարճման, հայցն առանց քննության թողնելու վիճակը.
- իրեղեն ապացույցների պահպանման և տնօրինման վիճակը.
- նախաքննության և դատաքննության փուլում պատճառված նյութական վնասի վերականգնման և հայցի ապահովման վիճակը.
- դատախազների կողմից պետական շահերի պաշտպանության հայցերի հարուցման պրակտիկան.
- դատարաններում անչափահասների վերաբերյալ քրեական գործերով դատավարական նորմերի կիրառման վիճակը.
- պատժի նշանակման ընդհանուր սկզբունքների կիրառման վիճակը:
3. Ուսումնասիրությունների արդյունքներն ամփոփող տեղեկանքները մեկշաբաթյա ժամկետում տրամադրել համապատասխան դատավորներին և դատախազներին, որոնց վերաբերյալ վերջիններս մեկշաբաթյա ժամկետում կարող են ներկայացնել իրենց կարծիքը:
4. Ուսումնասիրությունների արդյունքները և կարծիքները յուրաքանչյուր ամիս ներկայացնել արդարադատության խորհրդի նախագահին, փոխնախագահներին և անդամներին:
5. Ուսումնասիրությունների արդյունքները եռամսյակը մեկ անգամ քննարկել արդարադատության խորհրդի նիստում: