040.ՀՕՈ-3.300799 կամ 040.0003.300799
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՕՐԵՆՔԻ ՈՒԺ ՈՒՆԵՑՈՂ
ՈՐՈՇՈՒՄ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1997 ԹՎԱԿԱՆԻ ՀՈՒՆԻՍԻ 26-Ի ՀՕՈՒՈՒՈ-1 ՕՐԵՆՔԻ ՈՒԺ ՈՒՆԵՑՈՂ ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 1997 թվականի հունիսի 26-ի «Հայաստանի Հանրապետություն ներմուծվող և Հայաստանի Հանրապետությունում արտադրվող ծխախոտի արտադրանքի համար հաստատագրված վճարներ սահմանելու մասին» ՀՕՈՒՈՒՈ-1 օրենքի ուժ ունեցող որոշման մեջ (Հայաստանի Հանրապետության կառավարության 1997 թվականի նոյեմբերի 14-ի ՀՕՈ-2 և 1998 թվականի դեկտեմբերի 29-ի ՀՕՈ-2 օրենքի ուժ ունեցող որոշումների խմբագրությամբ) կատարել հետևյալ փոփոխությունները
i
ա) որոշմամբ հաստատված Հայաստանի Հանրապետություն ներմուծվող ծխախոտի արտադրանքի համար ավելացված արժեքի հարկի, ակցիզային հարկի ու մաքսատուրքի միասնական հաստատագրված վճարների հաշվարկման և վճարման կարգի 5-րդ կետը շարադրել հետևյալ խմբագրությամբ.
«5. Հաստատագրված վճարների չափը ծխախոտի արտադրանքի յուրաքանչյուր 1000 հատի համար սահմանվում է`
._______________________________________________________________________.
|Ապրանքի ծածկագիրն ըստ |Ապրանքի անվանումը |Հաստատագրված վճարի չափը |
|արտաքին տնտեսական | |(ԱՄՆ-ի դոլարին համարժեք |
|գործունեության անվանացանկի| | դրամ) |
|__________________________|___________________|________________________|
|2402 10 001 |սիգարներ | 5000 |
|__________________________|___________________|________________________|
|2402 10 009 |սիգարելաներ | 60 |
|__________________________|___________________|________________________|
|2402 20 900 |սիգարետներ` ֆիլտրով| 15 |
|__________________________|___________________|________________________|
|2402 20 910 |սիգարետներ` առանց | 6,0 |
| |ֆիլտրի | |
._______________________________________________________________________.
i
բ) որոշմամբ հաստատված` Հայաստանի Հանրապետությունում արտադրվող ծխախոտի արտադրանքի համար ավելացված արժեքի հարկի և ակցիզային հարկի միասնական հաստատագրված վճարների հաշվարկման ու վճարման կարգի 5-րդ կետում «1900» թիվը փոխարինել «5500» թվով, իսկ «800» թիվը` «1100» թվով:
2. Սույն որոշումն ուժի մեջ է մտնում 1999 թվականի օգոստոսի 1-ից:
30 հուլիսի 1999 թ.
ՀՕՈ-3