(ուժը կորցրել է 24.12.01 ՆՀ-1005 հրամանագիր)
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ՀՐԱՄԱՆԱԳԻՐԸ
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԱՇԽԱՏԱՆՔԻ
ՎԱՐՁԱՏՐՈՒԹՅԱՆ ՈՒ ԿԵՆՍԱԹՈՇԱԿՆԵՐԻ ՆՎԱԶԱԳՈՒՅՆ ՉԱՓԵՐԸ, ԿԵՆՍԱԹՈՇԱԿՆԵՐԻ, ԵՐԵԽԱՆԵՐԻ ՀԱՄԱՐ ՏՐՎՈՂ ՆՊԱՍՏՆԵՐԻ ՈՒ ԿՐԹԱԹՈՇԱԿՆԵՐԻ ՉԱՓԵՐԸ ԻՆԴԵՔՍԱՎՈՐԵԼՈՒ ՄԱՍԻՆ
i
1. 1992 թվականի հունիսի 1-ից Հայաստանի Հանրապետության բնակչության ինդեքսավորման ենթակա եկամուտների նկատմամբ, ըստ տեսակների, կիրառել հետևյալ գործակիցները`
Հայաստանի Հանրապետությունում աշխատավարձի նվազագույն չափի համար` 1,648, սահմանելով աշխատավարձի նվազագույն չափի` 600 ռուբլի.
բյուջետային հիմնարկների աշխատողների աշխատավարձերի դրույքների և ժամային տարիֆային դրույքների համար` 1,65, իսկ կրթության, առողջապահության և մշակույթի բնագավառի աշխատողների պաշտոնային դրույքների համար` 1,8.
ժամային տարիֆային դրույքի նվազագույն չափերի համար` 1,648, սահմանելով դրանք`
աշխատաժամանակի նորմալ տևողության դեպքում` 353 կոպ.
աշխատաժամանակի կրճատ տևողության դեպքում.
36-ժամյա աշխատանքային շաբաթ` 392 կոպ.
30-ժամյա աշխատանքային շաբաթ` 473 կոպ.
Հայաստանի Հանրապետությունում կենսաթոշակների, ինչպես նաև աշխատանքային խեղման կամ մասնագիտական հիվանդության հետևանքով աշխատողներին պատճառված վնասի փոխհատուցման գումարների չափերի համար` 1,764, սահմանելով կենսաթոշակի նվազագույն չափ` 600 ռուբլի.
նախկին կենսաթոշակառուների կենսաթոշակների չափերը ներկա պայմաններին համադրելի դարձնելու նպատակով, 1992 թվականի հուլիսի 1-ից «Հայաստանի Հանրապետության քաղաքացիների պետական կենսաթոշակային ապահովության մասին» Հայաստանի Հանրապետության օրենքը կիրարկելիս կենսաթոշակների գործերում հաշվարկված միջին ամսական եկամուտներն ավելացնել 900-ական ռուբլով: Նույնպիսի կարգ սահմանել նաև մինչև 1993 թվականի հունվարի 1-ը կենսաթոշակի անցնող քաղաքացիների, ինչպես նաև աշխատանքային խեղման կամ մասնագիտական հիվանդության հետևանքով աշխատունակությունը կորցրած անձանց կենսաթոշակի և վնասի փոխհատուցման չափերը որոշելիս.
մինչև 17 տարեկան երեխաների /սովորող և կրթաթոշակ չստացող երեխաների համար` մինչև 18 տարեկան/ ամսական նպաստի, ինչպես նաև մինչև երեխայի 2 տարին լրանալը նրան խնամելու համար մասնակի վճարովի արձակուրդում գտնվելու դեպքում ամսական նպաստի չափերի համար` 1,5, սահմանելով այդ նպաստները 210 ռուբլի.
բուհերի ուսանողների, միջնակարգ ուսումնական հաստատությունների ուսանողների, 10 ամսից պակաս ուսուցման տևողությամբ պրոֆտեխնիկական ուսումնարանների սովորողների կրթաթոշակների համար` 1,5, սահմանելով այդ կրթաթոշակների չափերը համապատասխանաբար 472 ռուբ. 50 կոպ., 420 ռուբ. և 275 ռուբ.
ասպիրանտների և դոկտորանտների կրթաթոշակների համար` 1,5, սահմանելով այդ կրթաթոշակները համապատասխանաբար 645 ռուբ. և 900 ռուբ.
(1-ին կետն ուժը կորցրել է 18.10.92 թիվ ՀՕ-162 հրամանագիր)
2. Մինչև 17 տարեկան երեք և ավելի երեխաները /սովորող և կրթաթոշակ չստացող երեխաների համար` մինչև 18 տարեկան/ ունեցող ընտանիքների համար մեկ երեխայի ամսական նպաստի չափը սահմանել հասանելիք նպաստի 25 %-ի չափով ավելի:
(2-րդ կետն ուժը կորցրել է 18.10.92 թիվ ՀՕ-162 հրամանագիր)
3. Տնտհաշվարկային ձեռնարկություններում աշխատանքի վարձատրության նվազագույն չափն ապահովվում է սեփական եկամուտների հաշվին: Բյուջետային հիմնարկներում աշխատանքի վարձատրության և կրթաթոշակների նվազագույն չափերի ավելացումն ապահովվում է բյուջետային հատկացումների հաշվին:
i
4. 1992 թվականի հունիսի 1-ից ուժը կորցրած ճանաչել Հայաստանի Հանրապետության նախագահի 1992 թվականի մարտի 1-ի «Հայաստանի Հանրապետությունում աշխատանքի վարձատրության և կենսաթոշակների նվազագույն չափերը և կենսաթոշակների, երեխաների համար տրվող նպաստների ու կրթաթոշակների չափերը բարձրացնելու մասին» հրամանագրի 1-ին, 2-րդ, 3-րդ, 4-րդ և 5-րդ կետերը:
29 մայիսի 1992 թ.
ՆՀ-107