ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
30 հունվարի 1992 թ. թիվ 69
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՐԿԱԹԳԾԻ ՄԱՍԻՆ
i
Հայաստանի Հանրապետության կառավարությունը որոշում է.
1. Անդրկովկասյան երկաթուղու Երևանի բաժանմունքը վերանվանվել Հայաստանի Հանրապետության երկաթգիծ:
2. Հայաստանի Հանրապետության երկաթգծի ենթակայությանը հանձնել`
նախկին ԽՍՀՄ հաղորդակցության ճանապարհների նախարարության արդյունաբերական երկաթուղային տրանսպորտի գլխավոր վարչության Հայաստանի տարածքում գործող արդյունաբերական երկաթուղային տրանսպորտի արտադրական միավորումը.
Հայաստանի Հանրապետության պետական տրանսպորտային նախագծա-հետախուզական ինստիտուտը («Հայպետտրանսպորտնախագիծ» ինստիտուտը):
3. Հայաստանի Հանրապետության երկաթգծին` մեկամսյա ժամկետում Հայաստանի Հանրապետության կառավարություն ներկայացնել Հայաստանի Հանրապետության էկոնոմիկայի նախարարության, ֆինանսների նախարարության և արդարադատության նախարարության հետ համաձայնեցված Հայաստանի Հանրապետության երկաթգծի կանոնադրության նախագիծը: