041.0580.140999
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
14 սեպտեմբերի 1999 թվականի թիվ 580
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆԿԱԽՈՒԹՅԱՆ ՏՈՆԸ ՆՇԵԼՈՒ ԵՎ ՀԱՅԱՍՏԱՆ-ՍՓՅՈՒՌՔ ՀԱՄԱՀԱՅԿԱԿԱՆ ԽՈՐՀՐԴԱԺՈՂՈՎ ԱՆՑԿԱՑՆԵԼՈՒ ՄԱՍԻՆ
Հայաստանի Հանրապետության անկախության տոնի և Հայաստան - սփյուռք համահայկական խորհրդաժողով անցկացնելու կապակցությամբ`
1. Հայաստանի Հանրապետության պաշտպանության նախարարությանը`
ա) 1999 թվականի սեպտեմբերի 21-ին ապահովել զորահանդեսի անցկացումը Երևանի Հանրապետության հրապարակում.
բ) 1999 թվականի սեպտեմբերի 24-ին Հայաստան - սփյուռք համահայկական խորհրդաժողովի մասնակիցների համար նախատեսված միջոցառումների անցկացումը Սարդարապատի ճակատամարտի հուշահամալիրում` համաձայն «Սարդարապատի հուշահամալիր» ազգագրության պետական թանգարանի տնօրինության մշակած ծրագրի:
2. Հայաստանի Հանրապետության մարզպետներին և Երևանի քաղաքապետին` Հայաստանի Հանրապետության մշակույթի, երիտասարդության հարցերի և սպորտի նախարարության հետ համատեղ`
ա) հաստատել Հայաստանի Հանրապետության անկախության տոնին նվիրված միջոցառումների ծրագիր և ապահովել դրա իրականացումը.
բ) իրականացնել Երևանի ու Հայաստանի Հանրապետության մյուս բնակավայրերի տոնական արտաքին ձևավորման աշխատանքները և ապահովել պատշաճ սանիտարական վիճակի պահպանումը:
3. Հայաստանի Հանրապետության կառավարությանն առընթեր տեղեկատվության և գրահրատարակչության վարչությանը` ապահովել անցկացվող միջոցառումների լուսաբանումը:
4. Հայաստանի Հանրապետության ներքին գործերի նախարարությանը`
ա) 1999 թվականի սեպտեմբերի 21-24-ը ապահովել հասարակական կարգի պահպանությունը միջոցառումների անցկացման վայրերում, ուժեղացնել հսկողությունը կենսաապահովման և բարձր վտանգավորություն ունեցող օբյեկտների պահպանության նկատմամբ:
5. Հայաստանի Հանրապետության տրանսպորտի նախարարությանը` 1999 թվականի սեպտեմբերի 21-ին ապահովել հասարակական տրանսպորտի անխափան աշխատանքը:
6. Հայաստանի Հանրապետության օպերատիվ հարցերի նախարարին` համակարգել Հայաստանի Հանրապետության անկախության տոնի և Հայաստանի Հանրապետության արտաքին գործերի նախարարության կողմից Հայաստան - սփյուռք համահայկական խորհրդաժողովի մասնակիցների հետ կապված կազմակերպչական հարցերը:
7. Հայաստանի Հանրապետության նախարարություններին, գերատեսչություններին, Հայաստանի Հանրապետության մարզպետներին և Երևանի քաղաքապետին` Հայաստանի Հանրապետության անկախության տոնի կապակցությամբ կենտրոնական ապարատներում սահմանել շուրջօրյա հերթապահություն: