Սեղմել Esc փակելու համար:
ԱՊՀ ՄԱՍՆԱԿԻՑ ՊԵՏՈՒԹՅՈՒՆՆԵՐԻ ՀԱԿԱԱՀԱԲԵ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ԱՊՀ ՄԱՍՆԱԿԻՑ ՊԵՏՈՒԹՅՈՒՆՆԵՐԻ ՀԱԿԱԱՀԱԲԵԿՉԱԿԱՆ ԿԵՆՏՐՈ ...

 

 

040.0239.160315

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

10 մարտի 2015 թվականի N 239-Ն

 

ԱՊՀ ՄԱՍՆԱԿԻՑ ՊԵՏՈՒԹՅՈՒՆՆԵՐԻ ՀԱԿԱԱՀԱԲԵԿՉԱԿԱՆ ԿԵՆՏՐՈՆՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԵՐԿԱՅԱՑՈՒՑՉԻ ԳՈՐԾՈՒՆԵՈՒԹՅԱՆ ԿԱՆՈՆԱԿԱՐԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ԱՊՐԻԼԻ 18-Ի N 327 ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

 

Հիմք ընդունելով Անկախ Պետությունների Համագործակցության մասնակից պետությունների ղեկավարների խորհրդի 2000 թվականի դեկտեմբերի 1-ի որոշմամբ հաստատված Անկախ Պետությունների Համագործակցության մասնակից պետությունների հակաահաբեկչական կենտրոնի մասին կանոնակարգը` Հայաստանի Հանրապետության կառավարությունը որոշում է.

1. Հաստատել ԱՊՀ մասնակից պետությունների հակաահաբեկչական կենտրոնում Հայաստանի Հանրապետության ներկայացուցչի գործունեության կանոնակարգը` համաձայն հավելվածի:

i

2. Հայաստանի Հանրապետության կառավարությանն առընթեր ազգային անվտանգության ծառայությանը` ԱՊՀ մասնակից պետությունների հակաահաբեկչական կենտրոնում Հայաստանի Հանրապետության ներկայացուցչի պաշտոնային դրույքաչափը սահմանել Հայաստանի Հանրապետության կառավարության 2014 թվականի հուլիսի 3-ի N 738-Ն որոշմամբ նախատեսված Ռուսաստանի Դաշնությունում Հայաստանի Հանրապետության դեսպանության խորհրդականի պաշտոնային դրույքաչափին հավասար:

i

3. ԱՊՀ մասնակից պետությունների հակաահաբեկչական կենտրոնում Հայաստանի Հանրապետության ներկայացուցչի բնակարանային ապահովման հետ կապված հարաբերությունները կարգավորվում են Հայաստանի Հանրապետության կառավարության 2005 թվականի դեկտեմբերի 29-ի N 2335-Ն որոշմամբ:

4. ԱՊՀ մասնակից պետությունների հակաահաբեկչական կենտրոնում Հայաստանի Հանրապետության ներկայացուցչի պահպանման ծախսերն իրականացնել յուրաքանչյուր տարվա Հայաստանի Հանրապետության պետական բյուջեով Հայաստանի Հանրապետության կառավարությանն առընթեր ազգային անվտանգության ծառայությանը նախատեսված ընդհանուր միջոցների հաշվին:

i

5. ՈՒժը կորցրած ճանաչել Հայաստանի Հանրապետության կառավարության 2001 թվականի ապրիլի 18-ի «ԱՊՀ մասնակից պետությունների հակաահաբեկչական կենտրոնում Հայաստանի Հանրապետության ներկայացուցչի գործունեության հետ կապված պահպանման ծախսերի մասին» N 327 որոշումը:

6. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2015 ԹՎԱԿԱՆԻ ՄԱՐՏԻ 16-ԻՆ

 

Հավելված

ՀՀ կառավարության

2015 թվականի մարտի 10-ի

N 239-Ն որոշման

 

ԿԱՆՈՆԱԿԱՐԳ ԱՊՀ ՄԱՍՆԱԿԻՑ ՊԵՏՈՒԹՅՈՒՆՆԵՐԻ ՀԱԿԱԱՀԱԲԵԿՉԱԿԱՆ ԿԵՆՏՐՈՆՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԵՐԿԱՅԱՑՈՒՑՉԻ ԳՈՐԾՈՒՆԵՈՒԹՅԱՆ

 

I. ԸՆԴՀԱՆՈՒՐ ԴՐՈՒՅԹՆԵՐ

 

1. Սույն կանոնակարգով կարգավորվում են ԱՊՀ մասնակից պետությունների հակաահաբեկչական կենտրոնում (այսուհետ` հակաահաբեկչական կենտրոն) Հայաստանի Հանրապետության ներկայացուցչի (այսուհետ` ներկայացուցիչ) խնդիրների ու գործառույթների, իրավունքների և պարտականությունների հետ կապված հարաբերությունները:

2. Ներկայացուցիչը նշանակվում է Հայաստանի Հանրապետության վարչապետի կողմից` Հայաստանի Հանրապետության կառավարությանն առընթեր ազգային անվտանգության ծառայության տնօրենի ներկայացմամբ: Ներկայացուցիչը նշանակվում է երեք տարի ժամկետով: Նշված ժամկետը կարող է երկարաձգվել մինչև երեք տարով:

3. Ներկայացուցիչ կարող է նշանակվել Հայաստանի Հանրապետության կառավարությանն առընթեր ազգային անվտանգության ծառայության այն ծառայողը, ով մինչև նշանակումը վերջին մեկ տարին զբաղեցրել է ազգային անվտանգության մարմինների ծառայողների գլխավոր խմբի այլ պաշտոն կամ մինչև նշանակումը վերջին երեք տարին զբաղեցրել է ազգային անվտանգության մարմինների ծառայողների ավագ խմբի որևէ պաշտոն:

4. Ներկայացուցչի գործունեության ընդհանուր ղեկավարումն իրականացնում է Հայաստանի Հանրապետության կառավարությանն առընթեր ազգային անվտանգության ծառայության տնօրենը, իսկ ուղղակի ղեկավարումը` Հայաստանի Հանրապետության կառավարությանն առընթեր ազգային անվտանգության ծառայության տնօրենի համապատասխան տեղակալը:

 

II. ՆԵՐԿԱՅԱՑՈՒՑՉԻ ԽՆԴԻՐՆԵՐՆ ՈՒ ԳՈՐԾԱՌՈՒՅԹՆԵՐԸ

 

5. Հակաահաբեկչական կենտրոնում ներկայացուցչի հիմնական խնդիրներն ու գործառույթներն են`

1) հակաահաբեկչական կենտրոնի և Հայաստանի Հանրապետության միջև միջազգային ահաբեկչության և ծայրահեղականության այլ դրսևորումների դեմ պայքարի ոլորտում խնդիրների գործնական լուծման հարցերում համագործակցության ապահովումը.

2) աջակցությունը համատեղ հակաահաբեկչական միջոցառումների կազմակերպմանը և անցկացմանը.

3) աջակցությունը հակաահաբեկչական կենտրոնի և Հայաստանի Հանրապետության միջև տեղեկատվության փոխանակմանը.

4) մասնակցությունը միջազգային ահաբեկչության և ծայրահեղականության այլ դրսևորումների դեմ պայքարի միջպետական ծրագրերի մշակմանը և իրականացմանը.

5) մասնակցությունը միջազգային ահաբեկչության ոլորտում հակաահաբեկչական կենտրոնի կողմից առաջարկությունների մշակմանը և դրանց ներկայացմանն ԱՊՀ մասնակից պետությունների ղեկավարների խորհրդին, ԱՊՀ մասնակից պետությունների անվտանգության մարմինների և հատուկ ծառայությունների ղեկավարների խորհրդին և Անկախ Պետությունների Համագործակցության մասնակից պետությունների այլ մարմիններին.

6) աջակցությունն ահաբեկչական բնույթի հանցագործություն կատարած և քրեական հետապնդումից խուսափող անձանց միջպետական հետախուզման կազմակերպմանը.

7) ահաբեկչության դեմ պայքարի ոլորտում Հայաստանի Հանրապետության կողմից վերապահված այլ գործառույթների իրականացումը:

 

III. ՆԵՐԿԱՅԱՑՈՒՑՉԻ ԻՐԱՎՈՒՆՔՆԵՐԸ ԵՎ ՊԱՐՏԱԿԱՆՈՒԹՅՈՒՆՆԵՐԸ

 

6. Հակաահաբեկչական կենտրոնի գտնվելու պետությունում Հայաստանի Հանրապետության ներկայացուցչությունները և հիմնարկները ներկայացուցչին ահաբեկչության դեմ պայքարի ոլորտում ցուցաբերում են անհրաժեշտ օգնություն:

7. Ներկայացուցիչն օգտվում է հատուկ կապի միջոցներից, իսկ դրանց բացակայության դեպքում` Հայաստանի Հանրապետության արտաքին գործերի նախարարության դիվանագիտական փոստից և գաղտնի կապից:

8. Ներկայացուցիչը Հայաստանի Հանրապետության կառավարությանն առընթեր ազգային անվտանգության ծառայությունից ուղղակիորեն ստանում է հրահանգներ, ինչպես նաև կատարում է Հայաստանի Հանրապետության կառավարությանն առընթեր ազգային անվտանգության ծառայության տնօրենի առանձին հանձնարարականները: Ներկայացուցչի գործառնական պարտականությունները սահմանվում են Հայաստանի Հանրապետության միջազգային պայմանագրերով, սույն կանոնակարգով և Հայաստանի Հանրապետության կառավարությանն առընթեր ազգային անվտանգության ծառայության տնօրենի հրամաններով:

9. Ներկայացուցիչն իր գործունեության մասին յուրաքանչյուր կիսամյակ հաշվետվություն է ներկայացնում Հայաստանի Հանրապետության կառավարությանն առընթեր ազգային անվտանգության ծառայություն:

 

 

pin
ՀՀ կառավարություն
10.03.2015
N 239-Ն
Որոշում