ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ՀՐԱՄԱՆԱԳԻՐԸ
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
«ԱՐՄԱՎԻՐԻ ԱՐՏԱԿԱՐԳ ԴՐՈՒԹՅՈՒՆ ՀԱՅՏԱՐԱՐԵԼՈՒ ՄԱՍԻՆ» ՀՐԱՄԱՆԱԳԻՐԸ ՉԵՂՅԱԼ ՀԱՅՏԱՐԱՐԵԼՈՒ ՄԱՍԻՆ
Հայաստանի Հանրապետության նախագահի 1993 թ. փետրվարի 8-ի «Արմավիրի շրջանում արտակարգ դրություն հայտարարելու մասին» հրամանագրով Արմավիրի շրջանում մեկ ամիս ժամանակով հայտարարվել է արտակարգ դրություն, որը ներկայացվել է Հայաստանի Հանրապետության Գերագույն խորհրդի հաստատմանը: Այդ հրամանագրի արձակման պահից Հայաստանի Հանրապետության ներքին գործերի նախարարության և ազգային անվտանգության պետական վարչության կողմից ձեռնարկված միջոցառումների շնորհիվ իրավիճակը շրջանում դարձել է վերահսկելի: Հաշվի առնելով, իրադրության փոփոխության պատճառով, Արմավիրի շրջանում հայտարարված արտակարգ դրությունը շարունակելու աննպատակահարմարության մասին Հայաստանի Հանրապետության ներքին գործերի նախարարի և ազգային անվտանգության պետական վարչության պետի համատեղ միջնորդությունը, որոշում եմ.
Չեղյալ հայտարարել Հայաստանի Հանրապետության նախագահի 1993 թ. փետրվարի 8-ի «Արմավիրի շրջանում արտակարգ դրություն հայտարարելու մասին» հրամանագիրը:
13 փետրվարի 1993 թ.
ՆՀ-199