ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱՐԱՆՆԵՐԻ ՆԱԽԱԳԱՀՆԵՐԻ ԽՈՐՀՈՒՐԴ
ՈՐՈՇՈՒՄ
29 հունվարի 2013 թվականի N 128
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱՐԱՆՆԵՐԻ ՆԱԽԱԳԱՀՆԵՐԻ ԽՈՐՀՐԴԻ 02.06.2000 ԹՎԱԿԱՆԻ ԹԻՎ 26 ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
Նկատի ունենալով այն հանգամանքը, որ ««Դատական ակտերի հարկադիր կատարման մասին» Հայաստանի Հանրապետության օրենքում փոփոխություն կատարելու մասին» 2005 թվականի հոկտեմբերի 4-ի թիվ ՀՕ-193-Ն ՀՀ օրենքով «Դատական ակտերի հարկադիր կատարման մասին» ՀՀ օրենքի 22-րդ հոդվածի 1-ին և 2-րդ մասերը շարադրվել են նոր խմբագրությամբ, ինչի հետևանքով Հայաստանի Հանրապետության դատարանների նախագահների խորհրդի 02.06.2000 թ. «Դատական ակտերի կատարումը հետաձգելու կամ տարաժամկետելու, կատարման եղանակը և կարգը փոփոխելու վերաբերյալ դիմումների քննության դատական պրակտիկայի մասին» թիվ 26 որոշմամբ պարզաբանված նորմերն էական փոփոխությունների են ենթարկվել, որի հետևանքով հիշյալ որոշմամբ տրված պարզաբանումները կորցրել են իրենց արդիականությունը, իսկ մնացած նորմերի մասով տրված պարզաբանումներն էական նշանակություն չունեն, և ղեկավարվելով Հայաստանի Հանրապետության դատական օրենսգրքի 72-րդ հոդվածի 3-րդ մասի 4-րդ կետով` Հայաստանի Հանրապետության դատարանների նախագահների խորհուրդը
ՈՐՈՇՈՒՄ է
i
ՀՀ դատարանների նախագահների խորհրդի 02.06.2000 թ. «Դատական ակտերի կատարումը հետաձգելու կամ տարաժամկետելու, կատարման եղանակը և կարգը փոփոխելու վերաբերյալ դիմումների քննության դատական պրակտիկայի մասին» թիվ 26 որոշումն ուժը կորցրած ճանաչել:
--------------------------------------------------------------
ԻՐՏԵԿ - սույն որոշումը հրապարակվել է միայն www.court.am կայք էջում:
Սույն որոշումից պարզ չէ թե սույն որոշումը «Իրավական ակտերի
մասին» ՀՀ օրենքի 57.1-ին հոդվածի համաձայն ընդունված նորմատիվ
իրավական ակտ է, թե «Իրավական ակտերի մասին» ՀՀ օրենքի
87-րդ հոդվածի 5-րդ մասի համաձայն խորհրդատվական բնույթ կրող
պաշտոնական պարզաբանում, թե անհատական իրավական ակտ:
Այս իսկ պատճառով ԻՐՏԵԿ-ը չի կարող նշել սույն իրավական ակտի
ճիշտ տեսակը և ուժի մեջ մտնելու ժամկետը: