040.0789.180715
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
16 հուլիսի 2015 թվականի N 789-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ՍԵՊՏԵՄԲԵՐԻ 1-Ի N 1428-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Համաձայն Հայաստանի Հանրապետության կառավարության 2015 թվականի հունվարի 15-ի N 111-Ն որոշման N 1 հավելվածի 70-րդ կետի` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2005 թվականի սեպտեմբերի 1-ի «Մանուկների և պատանիների` ֆիզիկական կուլտուրայով և սպորտով զբաղվելու համար անհրաժեշտ պայմանների նվազագույն չափորոշիչները հաստատելու մասին» N 1428-Ն որոշման մեջ կատարել հետևյալ լրացումները և փոփոխությունները`
i
1) որոշումը 1-ին կետից հետո լրացնել հետևյալ բովանդակությամբ նոր` 1.1-ին կետով.
«1.1. Սույն որոշումը տարածվում է բոլոր պետական մարզադպրոցների վրա:».
2) որոշման հավելվածում`
ա. 1-ին կետը շարադրել հետևյալ խմբագրությամբ.
i
«1. Մանուկների և պատանիների ֆիզիկական զարգացման, առողջ ապրելակերպի և մարզական հերթափոխի պատրաստման ծրագրերն իրականացնում են`
1) մարզական ուղղվածության արտադպրոցական ուսումնական հաստատությունները (այսուհետ` մարզադպրոց)` մանկապատանեկան մարզադպրոցները, մարզական-տեխնիկական դպրոցները, օլիմպիական հերթափոխի մանկապատանեկան մարզադպրոցները.
2) օլիմպիական հերթափոխի ուսումնարանները և մարզական ուղղվածությամբ միջին մասնագիտական կրթություն և ուսուցում իրականացնող օլիմպիական հերթափոխի քոլեջները (այսուհետ` քոլեջ):»,
i
բ. 1-ին կետից հետո լրացնել հետևյալ բովանդակությամբ նոր` 1.1-ին, 1.2-րդ և 1.3-րդ կետերով.
«1.1. Մարզադպրոցն ստեղծվում է մեկ կամ ավելի մարզաձևերի բաժանմունքներով (կառուցվածքային միավորներով ըստ մարզաձևերի) առնվազն 14 խմբի առկայության դեպքում: Բաժանմունքների քանակը սահմանում է նրա հիմնադիրը` հաշվի առնելով նյութատեխնիկական բազայի թողունակությունը և պայմանները, մասնագիտական կրթությամբ մարզիչ-մանկավարժների առկայությունը և անհրաժեշտ ֆինանսական միջոցներով ապահովվածությունը:
1.2. Գյուղական այն համայնքներում, որտեղ հանրակրթական դպրոցներում սովորողների թիվը չի գերազանցում 300-ը, և առկա են սույն որոշման 1.1-ին կետում նշված անհրաժեշտ պայմանները, ավագանու որոշմամբ կարող են գործել մարզադպրոցներ` առնվազն 8 խմբով:
1.3. Մարզադպրոցում սահմանվում է 6-օրյա աշխատանքային շաբաթ:»,
գ. 2-րդ կետում «51-52» թվերը փոխարինել «առնվազն 47» բառերով,
i
դ. 3-րդ կետի աղյուսակը շարադրել հետևյալ խմբագրությամբ.
i
._________________________________________________________________________.
|NN |ՈՒսումնական խմբերի |Շաբաթական|Մարզադպրոց-|ՄԵկ |Մեկ պարապ-|
|ը/կ|անվանումը |առավելա- |ներում, |շաբաթվա |մունքի |
| | |գույն |քոլեջներում|պարապ- |տևողու- |
| | |ծանրա- | |մունքների|թյունը |
| | |բեռնվա- | |թիվը |(ժամ) |
| | |ծությունը| | | |
| | |(դասաժամ)| | | |
|___|__________________________|_________|___________|_________|__________|
|1. |Նախնական պատրաստության | 6-8 |մարզադպրոց | 3-4 | 2 |
|___|__________________________|_________|___________|_________|__________|
|2. |ՈՒսումնամարզական | 12-18 |մարզադպրոց | 4-6 | 3 |
| |(1-ինից 3-րդ տարի) | | | | |
|___|__________________________|_________|___________|_________|__________|
|3. |ՈՒսումնամարզական | 20-22 |մարզադպրոց | 6 |ոչ ավելի, |
| |(4-5-րդ տարի) | | | |քան 4 |
|___|__________________________|_________|___________|_________|__________|
|4. |Մարզական կատարելագործման | 24 |մարզադպրոց,| 6 | 4 |
| |(1-ին տարի) | |քոլեջի | | |
| | | |7-9-րդ | | |
| | | |դասարաններ | | |
|___|__________________________|_________|___________|_________|__________|
|5. |Մարզական կատարելագործման | 26-28 |քոլեջի | 10-12 | 2-3 |
| |(2-3-րդ տարի) | |10-12-րդ | | |
| | | |դասարաններ,| | |
| | | |1-4-րդ | | |
| | | |կուրսեր | | |
|___|__________________________|_________|___________|_________|__________|
|6. |Մարզական վարպետության | 30-36 |քոլեջի | 12 | 2-3 |
| |բարձրացման (միայն մարզական| |2-4-րդ | | |
| |քոլեջներում) | |կուրսեր | | |
._________________________________________________________________________.
i
ե. 3-րդ կետի աղյուսակից հետո լրացնել հետևյալ բովանդակությամբ նոր` 3.1-ին կետով.
«3.1. Այն դեպքում, երբ անցկացվում է օրական 2 մարզում, 1 ուսումնամարզական պարապմունքի տևողությունը չի կարող գերազանցել 3 ակադեմիական ժամը:»,
i
զ. 5-րդ կետի աղյուսակի «զ» ենթակետը «նետաձգություն» բառից հետո լրացնել «տրիաթլոն» բառով,
է. 6-րդ կետից հետո լրացնել հետևյալ բովանդակությամբ նոր` 6.1-ին կետով.
i
«6.1. Մարզական խմբերում պարապողների նվազագույն թիվը սահմանվում է հիմնադրի որոշմամբ և ամրագրվում է կազմակերպության կանոնադրությամբ` ըստ պատրաստության փուլերի:»,
i
ը. 7-րդ և 8-րդ կետերում «մարզական բժիշկները» բառերը փոխարինել «սպորտային բժիշկները» բառերով,
թ. 8-րդ կետում «ա» ենթակետը շարադրել հետևյալ խմբագրությամբ.
«ա. իրականացնում են ֆիզիկական կուլտուրայով և սպորտով պարապողների առաջնային բժշկական օգնություն և սպասարկում, վարակիչ հիվանդությունների հայտնաբերման ուղղությամբ հսկողություն` ներառյալ արտաքին զննությունները, միկոզի և այլ մաշկային վարակիչ հիվանդությունների ախտանշաններով անձանց մարզասրահից օգտվել չթույլատրելու նպատակով.»,
ժ. 8-րդ կետը լրացնել հետևյալ բովանդակությամբ նոր` «զ» ենթակետով.
«զ. իրականացնում են հսկողություն` մրցումների կամ մարզումների ընթացքում վնասվածքների կանխարգելման և ստացված վնասվածքների բուժման համար.»,
ժա. 13-րդ կետը շարադրել հետևյալ խմբագրությամբ.
i
«13. Մարզակառույցների սանիտարահամաճարակային ռեժիմի ապահովման նպատակով իրականացվում են`
ա. մարզակառույցների (ցնցուղարան, հանդերձարան, սանհանգույց), ինչպես նաև լողավազանների շենքերի և մարզական գույքի ամենօրյա մաքրման և ախտահանման աշխատանքներ,
բ. մարզակառույցների շենքերի (ցնցուղարան, հանդերձարան, սանհանգույց), ինչպես նաև լողավազանների արտադրական հսկողություն` համաձայն Հայաստանի Հանրապետության կառավարության կողմից սահմանված լիազոր մարմնի կողմից ընդունված սանիտարահամաճարակային կանոնների և նորմերի պահանջների,
գ. մարզակառույցների շենքերի մաքրման, ախտահանման աշխատանքների նկատմամբ ամենօրյա հսկողություն` տվյալ կազմակերպության ղեկավարի կողմից նշանակված պատասխանատուի կողմից` սեփական մարզակառույցի առկայության դեպքում,
դ. մարզակառույցների շենքերում միկրոկլիմայի պահանջների ապահովում` Հայաստանի Հանրապետության կառավարության կողմից սահմանված լիազոր մարմնի կողմից հաստատված նորմերին համապատասխան:»:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2015 ԹՎԱԿԱՆԻ ՀՈՒԼԻՍԻ 18-ԻՆ