102.0311.100715
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«10» 07 2015 Թ.
ՊԵՏԱԿԱՆ ԳՐԱՆՑՄԱՆ ԹԻՎ 10215269
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐ ՀՐԱՄԱՆ
8 հուլիսի 2015 թվականի N 311-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ 2005 ԹՎԱԿԱՆԻ ՆՈՅԵՄԲԵՐԻ 18-Ի N 66-Ն ՀՐԱՄԱՆՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասով.
ՀՐԱՄԱՅՈՒՄ ԵՄ`
1. Հայաստանի Հանրապետության արդարադատության նախարարի 2005 թվականի նոյեմբերի 18-ի «Հայաստանի Հանրապետության արդարադատության նախարարության քրեակատարողական հիմնարկներում և մարմիններում հասարակական վերահսկողության իրականացման կարգը և հասարակական դիտորդների խմբի կազմը սահմանելու մասին» N 66-Ն հրամանով հաստատված N 1 հավելվածում (այսուհետ` հավելված) կատարել հետևյալ փոփոխությունը և լրացումները.
1) հավելվածը լրացնել հետևյալ բովանդակությամբ նոր 8.1-րդ կետով.
i
«8.1. Խմբի անդամ չի կարող լինել այն անձը, ով`
1) դատական կարգով ճանաչվել է անգործունակ կամ սահմանափակ գործունակ.
2) դատապարտվել է հանցագործություն կատարելու համար, և դատվածությունը սահմանված կարգով հանված կամ մարված չէ.
3) տառապում է այնպիսի հիվանդությամբ, որը կարող է խոչընդոտել իր լիազորությունների իրականացմանը.
4) հանդիսանում է պետական ծառայող.
5) ընդգրկված է այլ դիտորդական խմբում:».
i
2) հավելվածի 16-րդ կետի «անցաթուղթ`» բառից հետո լրացնել «(Ձև 2)» բառերը.
i
3) հավելվածի 22-րդ կետի 4-րդ ենթակետի «իններորդ» բառը փոխարինել «8.1-րդ» թվով.
4) հավելվածը լրացնել հետևյալ բովանդակությամբ Ձև 2-ով.
«Ձև 2
._____________________________________________________________________.
| ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ |
| ՔՐԵԱԿԱՏԱՐՈՂԱԿԱՆ ՀԻՄՆԱՐԿՆԵՐՈՒՄ ԵՎ ՄԱՐՄԻՆՆԵՐՈՒՄ ՀԱՍԱՐԱԿԱԿԱՆ |
| ՎԵՐԱՀՍԿՈՂՈՒԹՅՈՒՆ ԻՐԱԿԱՆԱՑՆՈՂ ՀԱՍԱՐԱԿԱԿԱՆ ԴԻՏՈՐԴՆԵՐԻ ԽՈՒՄԲ |
| |
| ԺԱՄԱՆԱԿԱՎՈՐ ԱՆՑԱԹՈՒՂԹ N__ |
| |
|.__________. |
||Նկարի տեղը| ___________________ |
|| | (անուն, ազգանուն) |
|| | |
|| | ՀԱՍԱՐԱԿԱԿԱՆ ԴԻՏՈՐԴՆԵՐԻ ԽՄԲԻ ՓՈՐՁԱԳԵՏ |
|.__________. |
| |
| Փորձագետը կարող է այցելել քրեակատարողական հիմնարկներ և |
| մարմիններ միայն Խմբի անդամների հետ: |
| |
| ՈՒժի մեջ է մինչև __ ___, 20_թ. |
| |
| Նախարար` |
| |
._____________________________________________________________________.
«:
2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:
-------------------------------------------------------------------
ԻՐՏԵԿ - սույն հրամանով փոփոխվող հրամանի համարը սխալ է գրված:
Փոփոխվող հրամանի համարն է` ՔՀ-66-Ն, այլ ոչ 66-Ն
-------------------------------------------------------------------