030.0411.181099
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ՀՐԱՄԱՆԱԳԻՐԸ
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԻ ՇԱՐՔ ՀԱՄԱՅՆՔՆԵՐՈՒՄ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐԻ ԸՆՏՐՈՒԹՅՈՒՆՆԵՐԸ ՀԵՏԱՁԳԵԼՈՒ ՄԱՍԻՆ
Ղեկավարվելով Հայաստանի Հանրապետության Սահմանադրության 49 հոդվածով, հիմք ընդունելով Հայաստանի Հանրապետության սահմանադրական դատարանի 1999 թվականի հոկտեմբերի 16-ի ՍԴՈ-179 որոշումը և ելնելով Հայաստանի Հանրապետության` հիմնականում փախստականներով բնակեցված համայնքներում ժողովրդավարական սկզբունքներով տեղական ինքնակառավարման մարմիններ ձևավորելու անհրաժեշտությունից` որոշում եմ.
1. Հայաստանի Հանրապետության այն համայնքներում, որոնց բնակչության 50 տոկոսից ավելին փախստականներ են, հետաձգել տեղական ինքնակառավարման մարմինների ընտրությունները` մինչև Հայաստանի Հանրապետությունում փախստականների` տեղական ինքնակառավարման մարմինների ընտրություններին մասնակցելու իրավունքի իրականացման օրենսդրական կարգավորումը:
2. Սահմանել, որ նշված համայնքներում գործող տեղական ինքնակառավարման մարմինները շարունակում են իրականացնել իրենց լիազորությունները մինչև այդ համայնքներում տեղական ինքնակառավարման նոր մարմինների ընտրվելը:
3. Հանձնարարել Հայաստանի Հանրապետության կառավարությանը օրենսդրական նախաձեռնության կարգով, հնարավոր սեղմ ժամկետներում, ապահովել տեղական ինքնակառավարման մարմինների ընտրություններում փախստականների մասնակցության կարգի սահմանումը և նշված համայնքներում ընտրությունների կազմակերպումը:
4. Սույն հրամանագիրն ուժի մեջ է մտնում պաշտոնական հրապարակման պահից:
18 հոկտեմբերի 1999 թ.
ՆՀ-411