(ուժը կորցրել է 02.07.01 թիվ 588 որոշում)
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
6 հուլիսի 1995 թվականի թիվ 574
i
«ԵԿԱՄՏԱՀԱՐԿԻ ՄԱՍԻՆ» ՀՀ ՕՐԵՆՔԻ 10 ՀՈԴՎԱԾԻ 1-ԻՆ ԿԵՏՈՒՄ, 14 ՀՈԴՎԱԾԻ 1-ԻՆ ԿԵՏՈՒՄ ՆՇՎԱԾ ԵԿԱՄՈՒՏՆԵՐԻ ՉԱՓԻ ԵՎ 10 ՀՈԴՎԱԾԻ 3-ՐԴ ԿԵՏՈՒՄ ՆՇՎԱԾ ԾԱԽՍԵՐԻ ՆՈՐՄԱՆԵՐԻ ՍԱՀՄԱՆՄԱՆ ՄԱՍԻՆ
Ի կատարումն Հայաստանի Հանրապետության Գերագույն խորհրդի 1995 թվականի հունվարի 17-ի «Եկամտահարկի մասին» Հայաստանի Հանրապետության օրենքի կիրարկման կարգի մասին» որոշման 3-րդ կետի «ա» ենթակետի և հաշվի առնելով Հայաստանի Հանրապետության Գերագույն խորհրդի ֆինանսավարկային և բյուջետային մշտական հանձնաժողովի համաձայնությունը` Հայաստանի Հանրապետության կառավարությունը որոշում է`
1. «Եկամտահարկի մասին» Հայաստանի Հանրապետության օրենքի 10 հոդվածի 1-ին կետով նախատեսվածի համար տարվա ընթացքում ստացված եկամուտների չափ սահմանել նվազագույն աշխատավարձի 960-ապատիկը, իսկ նույն օրենքի 14 հոդվածի 1-ին կետով նախատեսվածի համար` 480-ապատիկը:
2. Հաստատել գիտության, գրականության և արվեստի ստեղծագործությունների հրատարակում, կատարում, թարգմանություն կամ այլ օգտագործում իրականացնող ֆիզիկական անձանց, հայտնագործությունների, գյուտերի և արդյունաբերական նմուշների հեղինակների փաստաթղթերով չհաստատված ծախսերի նորմաները, համաձայն հավելվածը:
Հավելված
ՀՀ կառավարության 1995 թվականի
հուլիսի 6-ի թիվ 574 որոշման
Նորմաներ
գիտության, գրականության և արվեստի ստեղծագործությունների
հրատարակում, կատարում, թարգմանության կամ այլ օգտագործում
իրականացնող ֆիզիկական անձանց, հայտնագործությունների,
գյուտերի և արդյունաբերական նմուշների հեղինակների`
փաստաթղթերով չհաստատված ծախսերի
-------------------------------------------------------------------------
(տոկոսներով` հաշվարկված
պարգևատրումների գումարի
նկատմամբ)
-------------------------------------------------------------------------
Գրականության ստեղծագործությունների ստեղծում
այդ թվում` թատրոնի, կինոյի, էստրադայի և
կրկեսի համար 20
Գեղարվեստագրաֆիկական ստեղծագործությունների, տպագրության համար լուսանկարչական աշխատանքների,
ճարտարապետական և դիզայնի գործերի ստեղծում 30
Քանդակագործության, մոնումենտալ-դեկորատիվ գեղանկարչության, զարդարարակիրառական և ձևավորման արվեստի, հաստոցային և գեղանկարչության կինոզարդարարական արվեստի և տարբեր միջոցներով
գրաֆիկայի գործերի ստեղծում 40
Ձայնատեսողական (տեսաֆիլմերի, հեռուստաֆիլմերի
և կինոֆիլմերի) գործերի ստեղծում 30
Երաժշտաբեմական ստեղծագործությունների (օպերայի, բալետի, երաժշտական կոմեդիայի), սիմֆոնիկ, երգչախմբային, կամերային ստեղծագործությունների, փողային նվագախմբի համար ստեղծագործությունների, կինոյի, հեռուստաֆիլմերի, տեսաֆիլմերի և թատերական բեմադրությունների համար երաժշտության
ստեղծում 40
Այլ ստեղծագործություններ
այդ թվում`
հրատարակման համար 25
գիտական գործերի համար 20
Արդյունաբերական նմուշների ստեղծում և գյուտեր 50
Գրականության և արվեստի ստեղծագործությունների
կատարում 20