040.1306.221216
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
22 դեկտեմբերի 2016 թվականի N 1306-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2016 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ ՎԵՐԱԲԱՇԽՈՒՄ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2015 ԹՎԱԿԱՆԻ ԴԵԿՏԵՄԲԵՐԻ 24-Ի N 1555-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ԵՎ «ՀԱՅԱՍՏԱՆԻ ԿՈՒՅՐԵՐԻ ՄԻԱՎՈՐՈՒՄ» ՀԱՇՄԱՆԴԱՄՆԵՐԻ ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆ ԸՆԿԵՐՈՒԹՅՈՒՆՆԵՐԻՆ ՖԻՆԱՆՍԱԿԱՆ ՕԺԱՆԴԱԿՈՒԹՅՈՒՆ ՑՈՒՑԱԲԵՐԵԼՈՒ ՄԱՍԻՆ
«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին և 23-րդ հոդվածի 3-րդ մասին համապատասխան` Հայաստանի Հանրապետության կառավարությունը որոշում է.
1. «Հայաստանի Հանրապետության 2016 թվականի պետական բյուջեի մասին» Հայաստանի Հանրապետության օրենքի N 1 հավելվածում կատարել վերաբաշխում և Հայաստանի Հանրապետության կառավարության 2015 թվականի դեկտեմբերի 24-ի N 1555-Ն որոշման մեջ կատարել փոփոխություններ ու լրացումներ` համաձայն NN 1, 2 և 3 հավելվածների:
2. «Հայաստանի կույրերի միավորում» հաշմանդամների հասարակական կազմակերպության անդամ հանդիսացող` աշխատողների միջին ցուցակային թվի առնվազն 50 տոկոս տեսողությունից հաշմանդամ ունեցող ընկերությունների (այսուհետ` ընկերություններ) կանոնադրական գործունեության իրականացման արդյունքում վճարված ավելացված արժեքի հարկի և եկամտային հարկի գծով վճարված գումարները փոխհատուցելու նպատակով «Հայաստանի կույրերի միավորում» հաշմանդամների հասարակական կազմակերպությանը տրամադրելու համար Հայաստանի Հանրապետության աշխատանքի և սոցիալական հարցերի նախարարությանը հատկացնել 58,108.4 հազ. դրամ` Հայաստանի Հանրապետության 2016 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Նվիրատվություններ այլ շահույթ չհետապնդող կազմակերպություններին» հոդվածով):
3. Սահմանել, որ սույն որոշման 2-րդ կետում նշված գումարները հատկացվում են`
1) ավելացված արժեքի հարկի գծով` 2014 և 2015 թվականների 4-րդ եռամսյակի և 2016 թվականի ինն ամիսների գործունեության արդյունքների հիման վրա սույն որոշման N 4 հավելվածում նշված ընկերությունների կողմից Հայաստանի Հանրապետության պետական բյուջե վճարված, սակայն Հայաստանի Հանրապետության 2015 և 2016 թվականների պետական բյուջեից չփոխհատուցված գումարների փոխհատուցման համար` 35,415.3 հազ. դրամ.
2) եկամտային հարկի գծով` 2014 և 2015 թվականների 4-րդ եռամսյակի և 2016 թվականի ինն ամիսների գործունեության արդյունքների հիման վրա սույն որոշման N 4 հավելվածում նշված ընկերությունների կողմից Հայաստանի Հանրապետության պետական բյուջե վճարված, սակայն Հայաստանի Հանրապետության 2015 և 2016 թվականների պետական բյուջեից չփոխհատուցված գումարների մասնակի փոխհատուցման համար` 22,693.1 հազ. դրամ:
4. Սահմանել, որ սույն որոշման 3-րդ կետում նշված գումարները Հայաստանի Հանրապետության աշխատանքի և սոցիալական հարցերի նախարարության գանձապետական հաշվից «Հայաստանի կույրերի միավորում» հաշմանդամների հասարակական կազմակերպությանը տրամադրվում են բյուջեների կատարման ընթացակարգերը սահմանող իրավական ակտերի պահանջներին համապատասխան` Հայաստանի Հանրապետության աշխատանքի և սոցիալական հարցերի նախարարության կողմից Հայաստանի Հանրապետության ֆինանսների նախարարություն ներկայացվող վճարային փաստաթղթերի հիման վրա:
5. Հայաստանի Հանրապետության աշխատանքի և սոցիալական հարցերի նախարարին` կազմել սույն որոշման 4-րդ կետում նշված փաստաթղթերը` հիմք ընդունելով «Հայաստանի կույրերի միավորում» հաշմանդամների հասարակական կազմակերպության կողմից տրամադրված`
1) սույն որոշման 3-րդ կետի 1-ին ենթակետում նշված գումարների դեպքում`
ա. Հայաստանի Հանրապետության օրենսդրությամբ սահմանված` 2014, 2015 և 2016 թվականների հաշվետու ժամանակաշրջանի արդյունքների հիման վրա, ընկերությունների կողմից ավելացված արժեքի հարկի հաշվարկներում արտացոլված` վճարման ենթակա գումարների փաստացի վճարումները հավաստող փաստաթղթերի (վճարման անդորրագրերի) պատճենները,
բ. ընկերությունների գրանցման վայրի հարկային մարմին օրենքով սահմանված կարգով ներկայացված ավելացված արժեքի հարկի հաշվարկների պատճենները.
2) սույն որոշման 3-րդ կետի 2-րդ ենթակետում նշված գումարների դեպքում` Հայաստանի Հանրապետության օրենսդրությամբ սահմանված`
ա. 2014, 2015 և 2016 թվականների հաշվետու ժամանակաշրջանների արդյունքների հիման վրա, ընկերությունների կողմից եկամտային հարկի վճարների հաշվետվություններում արտացոլված` վճարման ենթակա գումարների փաստացի վճարումները հավաստող փաստաթղթերի (վճարման անդորրագրերի) պատճենները,
բ. ընկերությունների գրանցման վայրի հարկային մարմին օրենքով սահմանված կարգով ներկայացված եկամտային հարկի հաշվարկների պատճենները.
3) հաշվետու ժամանակաշրջանում աշխատողների միջին ցուցակային թվի առնվազն 50 տոկոս տեսողությունից հաշմանդամ ունենալու մասին տեղեկանքը (ըստ առանձին ընկերությունների):
6. Սահմանել, որ`
1) Հայաստանի Հանրապետության պետական բյուջե փաստացի վճարված ավելացված արժեքի հարկը` սույն որոշման 3-րդ կետի 1-ին ենթակետում նշված գումարների սահմաններում, հաշվի առնելով սույն կետի 3-րդ ենթակետի պահանջները, ընկերություններին փոխհատուցվում են 100 տոկոսով.
2) Հայաստանի Հանրապետության պետական բյուջե փաստացի վճարված եկամտային հարկի վճարները` սույն որոշման 3-րդ կետի 2-րդ ենթակետում նշված գումարի սահմաններում, հաշվի առնելով սույն կետի 3-րդ ենթակետի պահանջները, ընկերություններին փոխհատուցվում են Հայաստանի Հանրապետության պետական բյուջե վճարված գումարի 61.19 տոկոսի չափով.
3) Հայաստանի Հանրապետության օրենսդրությամբ սահմանված ավելացված արժեքի հարկի և եկամտային հարկի վերաբերյալ համապատասխան հաշվետու ժամանակաշրջանների հաշվարկներում (հաշվետվություններում) արտացոլված` Հայաստանի Հանրապետության 2014, 2015 և 2016 թվականների պետական բյուջե վճարման ենթակա գումարներից ընկերությունների կողմից ավելի վճարված գումարները (գերավճարները) սույն որոշմամբ սահմանված կարգով փոխհատուցման ենթակա չեն:
7. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2016 ԹՎԱԿԱՆԻ ԴԵԿՏԵՄԲԵՐԻ 22-ԻՆ
--------------------------------------------------------
ԻՐՏԵԿ - NN 1, 2 և 3 հավելվածները չեն բերվում
Հավելված N 4
ՀՀ կառավարության
2016 թվականի դեկտեմբերի 22-ի
N 1306-Ն որոշման
2014 ԵՎ 2015 ԹՎԱԿԱՆՆԵՐԻ 4-ՐԴ ԵՌԱՄՍՅԱԿՆԵՐԻ ԵՎ 2016 ԹՎԱԿԱՆԻ ԻՆՆ ԱՄԻՍՆԵՐԻ ԳՈՐԾՈՒՆԵՈՒԹՅԱՆ ԱՐԴՅՈՒՆՔՆԵՐՈՎ ԸՆԿԵՐՈՒԹՅՈՒՆՆԵՐԻ ԿՈՂՄԻՑ ՎՃԱՐՎԱԾ, ՍԱԿԱՅՆ ՉՓՈԽՀԱՏՈՒՑՎԱԾ ԳՈՒՄԱՐՆԵՐԸ
(հազ. դրամ)
.______________________________________________________________________
|NN |Ընկերությունների |2014 թվականի 4-րդ|2015 թվականի 4-րդ |
|ը/կ|անվանումները |եռամսյակ |եռամսյակ |
| | |ընկերության |ընկերության կողմից|
| | |կողմից վճարված |վճարված գումարները|
| | |գումարները | |
| | |_________________|__________________|
| | |ավելաց- |եկամտա- |ավելացված|եկամտա- |
| | |ված |յին |արժեքի |յին |
| | |արժեքի |հարկի |հարկի |հարկի |
| | |հարկի |գծով |գծով |գծով |
| | |գծով | | | |
|___|____________________________|________|________|_________|________|
| 1 | 2 | 3 | 4 | 5 | 6 |
|___|____________________________|________|________|_________|________|
|1. |ՀԿՄ «Երևանի թիվ 2 ՈՒԱՁ» ՍՊԸ|1,951.1 | |4,617.6 |1,003.6 |
|___|____________________________|________|________|_________|________|
|2. |ՀԿՄ «Երևանի թիվ 3 ՈՒԱՁ» ՍՊԸ|510.2 |9.0 |1,428.3 |856.6 |
|___|____________________________|________|________|_________|________|
|3. |ՀԿՄ «Էջմիածնի ՈՒԱՁ» ՍՊԸ | |119.1 | |913.8 |
|___|____________________________|________|________|_________|________|
|4. |ՀԿՄ «Արմավիրի ՈՒԱՁ» ՍՊԸ | | |66.0 |177.0 |
|___|____________________________|________|________|_________|________|
|5. |ՀԿՄ «Կապանի ՈՒԱՁ» ՍՊԸ |189.0 | |1,489.2 |275.4 |
|___|____________________________|________|________|_________|________|
|6. |ՀԿՄ «Աշտարակի ՈՒԱՁ» ՍՊԸ | | |141.8 |482.7 |
|___|____________________________|________|________|_________|________|
|7. |ՀԿՄ «Գյումրու ՈՒԱՁ» ՍՊԸ | | |133.2 |658.7 |
|___|____________________________|________|________|_________|________|
|8. |ՀԿՄ «Սևանի ՈՒԱՁ» ՍՊԸ | | |179.9 |445.7 |
|___|____________________________|________|________|_________|________|
|9. |ՀԿՄ «Հրատարակչություն» ՍՊԸ |427.5 | |903.6 |821.9 |
|___|____________________________|________|________|_________|________|
|10.|ՀԿՄ «Վանաձորի ՈՒԱՁ» ՍՊԸ | | |359.2 |627.9 |
|___|____________________________|________|________|_________|________|
|11.|ՀԿՄ «Երաժշտական կոլեկտիվներ»| | |114.7 |271.3 |
| |ՍՊԸ | | | | |
|___|____________________________|________|________|_________|________|
|12.|ՀԿՄ «Սոկրատ Շահնազարյանի |14.0 | |26.0 |141.6 |
| |անվան մշակույթի տուն» ՍՊԸ | | | | |
|___|____________________________|________|________|_________|________|
| |Ընդամենը |3,091.8 |128.1 |9,459.5 |6,676.2 |
.______________________________________________________________________
.____ ________________________________________.
|NN | |2016 թվականի ինն |Ընդամենը |
|ը/կ| |ամիսներին | |
| | |ընկերության կողմից | |
| | |վճարված գումարները | |
| | | | |
| | |___________________|___________________|
| | |ավելացված|եկամտային|ավելացված|եկամտային|
| | |արժեքի |հարկի |արժեքի |հարկի |
| | |հարկի |գծով |հարկի |գծով |
| | |գծով | |գծով | |
| | | | | | |
|___| |_________|_________|_________|_________|
| 1 | | 7 | 8 | 9 | 10 |
|___| |_________|_________|_________|_________|
|1. | |14,561.3 |2,336.2 |21,130.0 |3,339.8 |
|___| |_________|_________|_________|_________|
|2. | |3,066.1 |2,261.8 |5,004.6 |3,127.4 |
|___| |_________|_________|_________|_________|
|3. | |793.5 |3,918.9 |793.5 |4,951.8 |
|___| |_________|_________|_________|_________|
|4. | |225.0 |598.6 |291.0 |775.6 |
|___| |_________|_________|_________|_________|
|5. | |1,449.6 |388.0 |3,127.8 |663.4 |
|___| |_________|_________|_________|_________|
|6. | |38.7 |781.2 |180.5 |1,263.9 |
|___| |_________|_________|_________|_________|
|7. | |49.2 |933.7 |182.4 |1,592.4 |
|___| |_________|_________|_________|_________|
|8. | |41.9 |403.2 |221.8 |848.9 |
|___| |_________|_________|_________|_________|
|9. | |1,860.5 |2,366.5 |3,191.6 |3,188.4 |
|___| |_________|_________|_________|_________|
|10.| |154.0 |480.0 |513.2 |1,107.9 |
|___| |_________|_________|_________|_________|
|11.| |250.8 |979.9 |365.5 |1,251.2 |
| | | | | | |
|___| |_________|_________|_________|_________|
|12.| |373.4 |440.8 |413.4 |582.4 |
| | | | | | |
|___| |_________|_________|_________|_________|
| | |22,864.0 |15,888.8 |35,415.3 |22,693.1 |
.____ ________________________________________.