(ուժը կորցրել է 02.07.01 թիվ 588 որոշում)
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
12 մայիսի 1993 թ. թիվ 223
ՈՒՍԱՆՈՂՆԵՐԻ ԵՎ ՍՈՎՈՐՈՂՆԵՐԻ ԱՇԽԱՏԱՆՔԻ ՏԵՂԱՎՈՐՄԱՆ ՄԱՍԻՆ
Ի կատարումն Հայաստանի Հանրապետության կառավարության 1993 թվականի հունվարի 30-ի «Հայաստանի ուսանողական ջոկատների խնդիրների մասին» թիվ 24 որոշման, Հայաստանի Հանրապետության կառավարությունը որոշում է`
1. Ընդունել Հայաստանի Հանրապետության աշխատանքի և սոցիալական ապահովության նախարարության, Հայաստանի Հանրապետության բարձրագույն կրթության և գիտության նախարարության առաջարկությունը և 1993 թվականին Երևան քաղաքում, փորձարարական կարգով, թույլատրել բուհերի և միջնակարգ-մասնագիտական ուսումնական հաստատությունների արտադրությունից կտրված ուսուցման առավել կարիքավոր ուսանողների և սովորողների հերթափոխային, օժանդակ կամ սպասարկման բնույթի աշխատանքը` ոչ լրիվ աշխատաժամանակի պայմաններով և ժամկետային աշխատանքային պայմանագրերի հիման վրա:
2. Հայաստանի Հանրապետության բարձրագույն կրթության և գիտության նախարարությանը` ըստ Երևանի առանձին բուհերի և միջնակարգ-մասնագիտական ուսումնական հաստատությունների որոշել ուսումը աշխատանքի հետ համատեղելու, անհատական գրաֆիկով սովորելու և աշխատելու հնարավորություն ունեցող 4-րդ, 5-րդ կուրսերի առաջադիմող ուսանողների և սովորողների առավելագույն թվաքանակը:
3. Հայաստանի Հանրապետության աշխատանքի և սոցիալական ապահովության նախարարությանը, Հայաստանի Հանրապետության բարձրագույն կրթության և գիտության նախարարությանը`
ա) երկշաբաթյա ժամկետում Հայաստանի Հանրապետության կառավարություն ներկայացնել ուսանողներին և սովորողներին հերթափոխային, օժանդակ կամ սպասարկման բնույթի աշխատանքներում ընդգրկելու կարգը.
բ) մինչև 1994 թվականի հունվարի 20-ը ամփոփել փորձարարության արդյունքները և առաջարկություններ ներկայացնել Հայաստանի Հանրապետության կառավարություն: