105.0274.240817
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«24» 08 2017 Թ.
ՊԵՏԱԿԱՆ ԳՐԱՆՑՄԱՆ ԹԻՎ 10517352
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲՆԱՊԱՀՊԱՆՈՒԹՅԱՆ ՆԱԽԱՐԱՐՈՒԹՅՈՒՆ ՀՐԱՄԱՆ
18 օգոստոսի 2017 թվականի N 274-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՈՏԱՅՔԻ ՄԱՐԶԻ «ԲԱԶԱԼՏԵ ԵՐԳԵՀՈՆ» ՍՅՈՒՆԱՁԵՎ ԲԱԶԱԼՏՆԵՐ ԵՎ «ԱՆԱՆՈՒՆ ՔԱՐԱՅՐ» ՍՅՈՒՆԱՁԵՎ ԲԱԶԱԼՏՆԵՐՈՒՄ ԲՆՈՒԹՅԱՆ ՀՈՒՇԱՐՁԱՆՆԵՐԻ ԱՆՁՆԱԳՐԵՐԸ ՀԱՍՏԱՏԵԼՈՒ ՄԱՍԻՆ
Հիմք ընդունելով «Բնության հատուկ պահպանվող տարածքների մասին» Հայաստանի Հանրապետության օրենքի 9-րդ հոդվածի «ը» կետը և Հայաստանի Հանրապետության կառավարության 2008 թվականի օգոստոսի 14-ի N 967-Ն որոշումը.
ՀՐԱՄԱՅՈՒՄ ԵՄ`
1. Հաստատել Հայաստանի Հանրապետության Կոտայքի մարզի.
1) «Բազալտե երգեհոն» սյունաձև բազալտներ բնության հուշարձանի անձնագիրը` համաձայն հավելված 1-ի,
2) «Անանուն քարայր» սյունաձև բազալտներում բնության հուշարձանի անձնագիրը` համաձայն հավելված 2-ի:
Հավելված N 1
Հայաստանի Հանրապետության
բնապահպանության նախարարի
2017 թ. օգոստոսի 18-ի
N 274-Ն հրամանի
ԱՆՁՆԱԳԻՐ
«ԲԱԶԱԼՏԵ ԵՐԳԵՀՈՆ»
ՍՅՈՒՆԱՁԵՎ ԲԱԶԱԼՏՆԵՐ ԲՆՈՒԹՅԱՆ ՀՈՒՇԱՐՁԱՆԻ
1. Դասակարգումը`
Տիպ` երկրաբանական, ենթատիպ` հրաբխածին:
2. Տեղադիրքը և աշխարհագրական կոորդինատները
Ըստ «Բազալտե երգեհոն» սյունաձև բազալտներ բնության հուշարձանի անձնագրի հավելված 1-ում ներկայացված սխեմայի «Բազալտե երգեհոն» սյունաձև բազալտներ բնության հուշարձանը գտնվում է ՀՀ Կոտայքի մարզի, Գառնի համայնքի վարչական սահմանում` Գառնի գյուղից մոտ 1.0 կմ հվ-արլ, Ազատ գետի կիրճում` Ազատ գետի աջ ափին: Բարձրությունը ծովի մակարդակից 1270-1375 մ:
Կոորդինատներ` X= 4442350.0; Y= 8477850.0
._________________________________________________.
|Սահմանային | Կոորդինատները |Գծային չափերը|
|կետերի |_______________________|(մետր) |
|համարները | Y | X | |
|___________|___________|___________|_____________|
|1 | 8477734,32| 4442295,56| |
| |___________|___________| 65.25 |
|2 | 8477738,11| 4442360,7|_____________|
|___________|___________|___________| 43.02 |
|3 | 8477778,49| 4442345,86|_____________|
|___________|___________|___________| 41.16 |
|4 | 8477818,99|4442353,22 |_____________|
|___________|___________|___________| 15.48 |
|5 | 8477834,44| 4442354,2|_____________|
|___________|___________|___________| 11.02 |
|6 | 8477840,75| 4442363,23|_____________|
|___________|___________|___________| 20.39 |
|7 | 8477859,71| 4442370,73|_____________|
|___________|___________|___________| 47.07 |
|8 | 8477905,49| 4442381,69|_____________|
|___________|___________|___________| 14.51 |
|9 | 8477916,7| 4442390,9|_____________|
|___________|___________|___________| 25.36 |
|10 | 8477937,49| 4442376,38|_____________|
|___________|___________|___________| 4.84 |
|11 | 8477934,05| 4442372,98|_____________|
|___________|___________|___________| 31.88 |
|12 | 8477903,56| 4442363,68|_____________|
|___________|___________|___________| 58.05 |
|13 | 8477848,72| 4442344,65|_____________|
|___________|___________|___________| 58.06 |
|14 | 8477836,79| 4442287,83|_____________|
|___________|___________|___________| 30.27 |
|15 | 8477812,82| 4442269,34|_____________|
|___________|___________|___________| 59.09 |
|16 | 8477755,35| 4442283,08|_____________|
|___________|___________|___________| 16.30 |
|17 | 8477742,82| 4442293,5|_____________|
|___________|___________|___________| 8.75 |
|1 | 8477734,32| 4442295,56|_____________|
|___________|___________|___________|_____________|
|Ընդ. | | | 550.5 |
._________________________________________________.
* Կոորդինատային համակարգը` WGS-84 մետրական ցանցով
3. Նկարագրությունը, չափագրությունը և վիճակը
«Բազալտե երգեհոն» սյունաձև բազալտներ բնության հուշարձանը հանրապետական նշանակության գիտաճանաչողական գեղատեսիլ հուշարձան է: «Բազալտե երգեհոն» վեցանիստ-հնգանիստ հատույթով հսկայական սյունաձև բազալտները գոյացել են չորրորդական հասակի երիտասարդ հզոր լավային հոսքերի ներքին հատվածների դանդաղ սառեցման արդյունքում: Յուրօրինակ կառուցվածքը կապված է նրանց հետագա հողմահարման հետ, ինչի արդյունքում լավային ռելիեֆի զարմանահրաշ, գեղատեսիլ ձևեր են ստեղծվել:
«Բազալտե երգեհոն» սյունաձև բազալտներ բնության հուշարձանի անձնագրի 2-րդ հավելվածում ներկայացված է չափագրության արդյունքում ստացված տեղագրական քարտեզ-սխեման:
4. Սահմանների և պահպանման գոտու նկարագրությունը, մակերեսը, քարտեզ-հատակագիծը
Ըստ հավելված 3-ում ներկայացված սահմանների հատակագիծ քարտեզի` հարավ-արևմուտքում գտնվող N 1 կետը հանդիսանում է «Բազալտե երգեհոն» սյունաձև բազալտներ երկրաբանական հուշարձանի սահմանի սկիզբը, որը գտնվում է «Երևան Ջուր» փակ բաժնետիրական ընկերության երկաթյա ցանկապատի աջ կողմում` 2 մ հեռավորության վրա: N 1 կետից սահմանագիծը ժայռի ստորին հատվածում գտնվող խոշոր քարակույտերով ծածկված զառիթափ լանջով բարձրանում է դեպի հյուսիս, հատելով քարայրի վերին հատվածը, անցնում է 65.3 մ և միանում է N 2 կետին, որից հետո ժայռի վերին հատվածով շրջվում է դեպի հարավ-արևելք, հասնում N 3 կետին և թեքվելով դեպի հյուսիս-արևելք, անցնում է ժայռի վերին հատվածում գտնվող N 4, N 5, N 6, N 7, N 8 սահմանակետերով 192.7 մ, հասնում է N 9 կետին: Այստեղից ուղղվելով, իջնում է զառիթափ լանջով դեպի հարավ-արևելք, անցնում է 25.4 մ, հասնում քարայրի ստորին հատվածով անցնող գրունտային ճանապարհի աջ մասում գտնվող N 10 կետին: Այնուհետև N 10 կետից սահմանագիծը թեքվում է դեպի հարավ-արևմուտք, անցնում 4.8 մ, հասնում Ազատ գետի հունի ուղղությամբ ճանապարհի աջ մասում գտնվող N 11 կետին, որտեղից սահմանագիծը գետի հունի նույն ուղղությամբ անցնելով 31.9 մ հասնում է N 12 կետին, որը գտնվում է սյունաձև բազալտների քարաթափման հետևանքով գոյացած հսկա քարայրի սկզբնամասում: Կետ N 12-ից սահմանագիծը նույն ուղղությամբ անցնելով 58.0 մ կախված ժայռերի ուրվագծին կից, հատելով գրունտային ճանապարհի որոշակի հատվածը հասնում է քարայրի վերջում գտնվող N 13 կետին, որից հետո թեքվում է դեպի հարավ, անցնելով 58.1 մ շարունակում է ճանապարհի աջ մասով և հասնում է փայտյա էլեկտրասյան հյուսիսում, 2 մ հարևանության վրա գտնվող N 14 սահմանակետին: Սահմանագիծը N 14 կետից շարունակվում է դեպի հարավ-արևմուտք, անցնելով 30.3 մ հասնում N 15 կետին, որից հետո թեքվում է դեպի հյուսիս-արևմուտք, անցնելով 59.1 մ հասնում է որմնակապված էլեկտրասյան հյուսիսում` 2 մ հեռավորության վրա գտնվող N 16 կետին: Այստեղից հետո սահմանագիծը ավելի մեծ թեքությամբ դեպի հյուսիս-արևմուտք անցնում 16.3 մ, հասնում է N 17 կետին, որից հետո ուղղվելով դեպի արևմուտք, անցնելով 8.7 մ հասնում է «Երևան Ջուր» փակ բաժնետիրական ընկերության երկաթյա ցանկապատի հյուսիսային կողմում` 2 մ հարևանությամբ գտնվող N 1 հանգուցակետին: Պահպանման գոտու ընդհանուր մակերեսը կազմում է 0.9499 հա: Պահպանման գոտու սահմանների ընդհանուր երկարությունը 550.5 մ է:
5. Տվյալներ սեփականատիրոջ և հողօգտագործողի մասին
ՀՀ Կոտայքի մարզի Գառնի համայնք: Գառնի համայնքի վարչական սահմաններում գտնվող պետական սեփականություն հանդիսացող (ըստ նպատակային նշանակության) հող:
6. Պահպանության և օգտագործման ռեժիմի առանձնահատկությունները
1) «Բնության հատուկ պահպանվող տարածքների մասին» Հայաստանի Հանրապետության օրենքի 19-րդ հոդվածի համաձայն հուշարձանի և դրա պահպանման գոտու տարածքում արգելվում են`
ա. հիդրոտեխնիկական, շինարարական, հատակախորացման, հորատման, պայթեցման աշխատանքները.
բ. հողային և բուսական ծածկույթի, բուսական և կենդանական աշխարհի ներկայացուցիչների բնակության միջավայրի պայմանների խախտումները.
գ. երկրաբանական ուսումնասիրության աշխատանքները (հողային ծածկույթի խախտումով).
դ. օգտակար հանածոների հանքավայրերի, երևակումների շահագործումը, հանքանյութեր վերամշակող օբյեկտների տեղաբաշխումը.
ե. նմուշներ վերցնելը.
զ. ծառերի և թփերի հատումները.
է. աղտոտումը.
ը. ջրային ռեժիմի խախտումը.
թ. բնության հուշարձանի արտաքին տեսքը խաթարող ցանկացած գործունեություն.
ժ. ժայռամագլցումը, արկածային տուրիզմը:
2) Թույլատրվում է`
ա. քաղաքացիների հանգիստը.
բ. գիտական ուսումնասիրությունները, մոնիթորինգը (այդ թվում` քաղաքացիների հանգստի կազմակերպման սպասարկման ծառայությունների մոնիթորինգը).
գ. ճանաչողական զբոսաշրջության կազմակերպումը.
դ. էկոհամակարգերի հավասարակշռությունը խախտող երևույթներն ու գործընթացները կանխարգելող, ինչպես նաև խախտված էկոհամակարգերի վերականգնման միջոցառումները.
ե. զբոսաշրջիկների և այցելուների սպասարկման ծառայությունների կազմակերպումը:
7. Տվյալներ պահպանություն իրականացնող սուբյեկտի մասին
ՀՀ Կոտայքի մարզի Գառնի համայնք,
«Խոսրովի անտառ» պետական արգելոց» պետական ոչ առևտրային կազմակերպություն:
Հավելված 1
«Բազալտե երգեհոն»
սյունաձև բազալտներ
բնության հուշարձանի անձնագրի
Հավելված 2
«Բազալտե երգեհոն»
սյունաձև բազալտներ
բնության հուշարձանի անձնագրի
Հավելված 3
«Բազալտե երգեհոն»
սյունաձև բազալտներ
բնության հուշարձանի անձնագրի
______________________________
ԻՐՏԵԿ - հավելվածների նկարները չեն բերվում
Հավելված N 2
Հայաստանի Հանրապետության
բնապահպանության նախարարի
2017 թ. օգոստոսի 18-ի
N 274-Ն հրամանի
ԱՆՁՆԱԳԻՐ «ԱՆԱՆՈՒՆ ՔԱՐԱՅՐ» ՍՅՈՒՆԱՁԵՎ ԲԱԶԱԼՏՆԵՐՈՒՄ ԲՆՈՒԹՅԱՆ ՀՈՒՇԱՐՁԱՆԻ
1. Դասակարգումը`
Տիպ` երկրաբանական, ենթատիպ` արտածին:
2. Տեղադիրքը և աշխարհագրական կոորդինատները
Ըստ «Անանուն» քարայր սյունաձև բազալտներում բնության հուշարձանի անձնագրի հավելված 1-ում ներկայացված սխեմայի «Անանուն քարայր» սյունաձև բազալտներում բնության հուշարձանը գտնվում է ՀՀ Կոտայքի մարզի, Գառնի համայնքի վարչական սահմանում` Գառնի գյուղից մոտ 1.0 մ հվ-արլ, Ազատ գետի կիրճում` Ազատ գետի աջ ափին: Բարձրությունը ծովի մակարդակից 1278-1380 մ:
Կոորդինատներ` X=4442500.0; Y=8477950.0
._________________________________________________.
|Սահմանային | Կոորդինատները |Գծային չափերը|
|կետեր |_______________________|(մետր) |
| | Y | X | |
|___________|___________|___________|_____________|
|1 | 8477937,49| 4442376,38| |
|___________|___________|___________| 25,4 |
|2 | 8477916,70| 4442390,9|_____________|
|___________|___________|___________| 18.99 |
|3 | 8477922,45| 4442409|_____________|
|___________|___________|___________| 51.55 |
|4 | 8477925,66| 4442460,45|_____________|
|___________|___________|___________| 13.56 |
|5 | 8477923,11| 4442473,77|_____________|
|___________|___________|___________| 13.73 |
|6 | 8477925,25| 4442487,33|_____________|
|___________|___________|___________| 10.44 |
|7 | 8477930,54| 4442496,33|_____________|
|___________|___________|___________| 19.70 |
|8 | 8477933,04| 4442515,87|_____________|
|___________|___________|___________| 20.85 |
|9 | 8477942,45| 4442534,48|_____________|
|___________|___________|___________| 36.91 |
|10 | 8477948,61| 4442570,87|_____________|
|___________|___________|___________| 22.06 |
|11 | 8477958,63| 4442590,52|_____________|
|___________|___________|___________| 21.64 |
|12 | 8477980,21| 4442588,85|_____________|
|___________|___________|___________| 20.75 |
|13 | 8478000,28| 4442583,58|_____________|
|___________|___________|___________| 26.98 |
|14 | 8478021,26| 4442600,54|_____________|
|___________|___________|___________| 24.99 |
|15 | 8478046,22| 4442599,3|_____________|
|___________|___________|___________| 24.00 |
|16 | 8478070,19| 4442600,47|_____________|
|___________|___________|___________| 13.47 |
|17 | 8478082,95| 4442604,78|_____________|
|___________|___________|___________| 20.17 |
|18 | 8478092,22| 4442586,87|_____________|
|___________|___________|___________| 49.32 |
|19 | 8478043,09| 4442591,19|_____________|
|___________|___________|___________| 30.20 |
|20 | 8478015,21| 4442579,58|_____________|
|___________|___________|___________| 15.63 |
|21 | 8478007,24| 4442566,14|_____________|
|___________|___________|___________| 47.89 |
|22 | 8477985,3| 4442523,57|_____________|
|___________|___________|___________| 38.33 |
|23 | 8477965,41| 4442490,8|_____________|
|___________|___________|___________| 54.09 |
|24 | 8477944,43| 4442440,94|_____________|
|___________|___________|___________| 64.93 |
|1 | 8477937,49| 4442376,38| |
|___________|___________|___________|_____________|
|Ընդ. | | | 685.5 |
._________________________________________________.
* Կոորդինատային համակարգը` WGS-84 մետրական ցանցով
3. Նկարագրությունը, չափագրությունը և վիճակը
«Անանուն քարայր» սյունաձև բազալտներում երկրաբանական հուշարձանը հանրապետական նշանակության գիտաճանաչողական գեղատեսիլ հուշարձան է: «Անանուն քարայր»-ը գոյացել է տարբեր հաստության հնգանիստ և վեցանիստ ճշգրիտ ձև ունեցող բազալտե սյուների թափվելու արդյունքում: Ջուրը, ներծծվելով ճեղքերի մեջ և աստիճանաբար լայնացնելով դրանք (ջերմաստիճանի օրական և սեզոնային կտրուկ տատանումների ազդեցությամբ), ի վերջո հանգեցրել է Ազատ գետի աջ ափով ձգվող կիրճի վեցանիստ-հնգանիստ հատույթով հսկայական սյունաձև բազալտների ներքին հատվածում ապարի քայքայմանը և ռելիեֆի ուրույն փոքր ձևի գոյացմանը: Յուրօրինակ կառուցվածքի շնորհիվ քարայրը ստացել է գեղեցիկ տեսք:
«Անանուն» քարայր սյունաձև բազալտներում բնության հուշարձանի անձնագրի հավելված 2-ում ներկայացված է չափագրության արդյունքում ստացված տեղագրական քարտեզ-սխեման:
4. Սահմանների և պահպանման գոտու նկարագրությունը, մակերեսը, քարտեզ-հատակագիծը
Ըստ «Անանուն» քարայր սյունաձև բազալտներում բնության հուշարձանի անձնագրի հավելված 3-ում ներկայացված սխեմատիկ քարտեզի` սահմանների հատակագիծ քարտեզի հավելվածում պատկերված է «Անանուն քարայր» սյունաձև բազալտներում բնության հուշարձանի սահմանը: Ազատ գետի կիրճի ստորին հատվածում, գրունտային ճանապարհի աջ մասում գտնվող N 1 հանգուցային կետից սահմանագիծը ուղղահայաց բարձրանում է դեպի հյուսիս-արևմուտք, անցնում 25.4 մ և միանում է քարափի վերին հատվածում գտնվող N 2 կետին: N 2 կետից, սահմանագիծը ուղղվելով դեպի հյուսիս, հատելով N 3 կետը անցնում է 70,5 մ քարափի վերին մասով, հասնում է կետ N 4-ին: Այստեղից սահմանագիծը անցնելով քարափի վերին հատվածում գտնվող N 5, N 6 սահմանակետերով 37,7 մ դեպի հյուսիս` կիրճի ստորին մասում գտնվող քարայրի և ռելիեֆի հատման ուրվագծին զուգահեռ հասնում է N 7 կետին, որից հետո նույն ուղղությամբ սահմանագիծը շարունակվում է կիրճի վերին մասով դեպի հյուսիս` անցնում է N 8, N 9, N 10 սահմանակետերով 99,5 մ և հասնում է կիրճի եզրին գտնվող N 11 կետին: Այնուհետև N 11 կետից սահմանագիծը թեքվելով դեպի արևելք ժայռերի վրայով իջնում է դեպի կիրճը, անցնում է N 12 կետով 21.64 մ, հասնում N 13 կետին, թեքվում է դեպի հյուսիս-արևելք, անցնում 26.98 մ, հասնում N 14 կետին: Այստեղից, սահմանագիծը թեքվելով դեպի արևելք, շարունակում է ժայռերի վրայով իջնել N 15, N 16 կետերով դեպի կիրճը, անցնելով 62.46 մ, հասնում է N 17 կետին: N 17 կետից իջնելով դեպի հարավ-արևելք, անցնելով 20,17 մ հասնում է Ազատ գետի աջ ափով անցնող գրունտային ճանապարհի աջ մասում գտնվող N 18 կետին: Այնուհետև գետի հունի ուղղությամբ սահմանագիծը թեքվում է դեպի արևմուտք, անցնում 49,32 մ գրունտային ճանապարհի աջ եզրով, հասնում N 19 կետին, որից հետո նույն ուղղությամբ շարունակվում է դեպի հարավ-արևմուտք, անցնում 30,2 մ կախված ժայռերի ուրվագծի եզրով` հատելով գրունտային ճանապարհի որոշ հատվածը, հասնում է N 20 կետին: Այնուհետև շարունակում է դեպի հարավ-արևմուտք, անցնելով 15,6 մ հասնում է ճանապարհի աջ մասում գտնվող փայտյա էլեկտրասյան մոտակայքում գտնվող N 21 կետին և շարունակում նույն ուղղությամբ, անցնում N 22 կետով 86,2 մ, հասնում գրունտային ճանապարհի եզրին` որմնակապված էլեկտրասյունից 2 մ դեպի հյուսիս գտնվող N 23 կետին: Այստեղից նույն ուղղությամբ, գրունտային ճանապարհի աջ եզրով սահմանագիծը անցնում է N 24 կետով 119,0 մ, հասնում է ճանապարհի աջ մասում գտնվող N 1 հանգուցային կետին: Պահպանման գոտու ընդհանուր մակերեսը կազմում է 0.8589 հա: Պահպանման գոտու սահմանների ընդհանուր երկարությունը 685.5 մ է:
5. Տվյալներ սեփականատիրոջ և հողօգտագործողի մասին
ՀՀ Կոտայքի մարզի Գառնի համայնք: Գառնի համայնքի վարչական սահմաններում գտնվող պետական սեփականություն հանդիսացող (ըստ նպատակային նշանակության) հող:
6. Պահպանության և օգտագործման ռեժիմի առանձնահատկությունները
1) «Բնության հատուկ պահպանվող տարածքների մասին» Հայաստանի Հանրապետության օրենքի 19-րդ հոդվածի համաձայն հուշարձանի և դրա պահպանման գոտու տարածքում արգելվում են`
ա. հիդրոտեխնիկական, շինարարական, հատակախորացման, հորատման, պայթեցման աշխատանքները.
բ. հողային և բուսական ծածկույթի, բուսական և կենդանական աշխարհի ներկայացուցիչների բնակության միջավայրի պայմանների խախտումները.
գ. երկրաբանական ուսումնասիրության աշխատանքները (հողային ծածկույթի խախտումով).
դ. օգտակար հանածոների հանքավայրերի, երևակումների շահագործումը, հանքանյութեր վերամշակող օբյեկտների տեղաբաշխումը.
ե. նմուշներ վերցնելը.
զ. ծառերի և թփերի հատումները.
է. աղտոտումը.
ը. ջրային ռեժիմի խախտումը.
թ. բնության հուշարձանի արտաքին տեսքը խաթարող ցանկացած գործունեություն.
ժ. ժայռամագլցումը, արկածային տուրիզմը:
2) Թույլատրվում է`
ա. քաղաքացիների հանգիստը.
բ. գիտական ուսումնասիրությունները, մոնիթորինգը (այդ թվում` քաղաքացիների հանգստի կազմակերպման սպասարկման ծառայությունների մոնիթորինգը).
գ. ճանաչողական զբոսաշրջության կազմակերպումը.
դ. էկոհամակարգերի հավասարակշռությունը խախտող երևույթներն ու գործընթացները կանխարգելող, ինչպես նաև խախտված էկոհամակարգերի վերականգնման միջոցառումները.
ե. զբոսաշրջիկների և այցելուների սպասարկման ծառայությունների կազմակերպումը:
7. Տվյալներ պահպանություն իրականացնող սուբյեկտի մասին
ՀՀ Կոտայքի մարզի Գառնի համայնք,
«Խոսրովի անտառ» պետական արգելոց» պետական ոչ առևտրային կազմակերպություն:
Հավելված 1
«Անանուն քարայր»
սյունաձև բազալտներում
բնության հուշարձանի անձնագրի
Հավելված 2
«Անանուն քարայր»
սյունաձև բազալտներում
բնության հուշարձանի անձնագրի
Հավելված 3
«Անանուն քարայր»
սյունաձև բազալտներում
բնության հուշարձանի անձնագրի
______________________________
ԻՐՏԵԿ - այս հավելվածների նկարները չեն բերվում