040.1136.200917
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
14 սեպտեմբերի 2017 թվականի N 1136-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2015 ԹՎԱԿԱՆԻ ՍԵՊՏԵՄԲԵՐԻ 10-Ի N 1063-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2015 թվականի սեպտեմբերի 10-ի «Հայաստանի Հանրապետության տնտեսական զարգացման և ներդրումների նախարարության շուկայի վերահսկողության տեսչական մարմին ստեղծելու, շուկայի վերահսկողության տեսչական մարմնի կանոնադրությունը, կառուցվածքը, ամրակցվող գույքի ցանկը հաստատելու և Հայաստանի Հանրապետության կառավարության 2003 թվականի ապրիլի 23-ի N 524-Ն որոշումն ուժը կորցրած ճանաչելու մասին» N 1063-Ն որոշման N 1 հավելվածում կատարել հետևյալ փոփոխությունները և լրացումները`
1) 7-րդ կետը շարադրել հետևյալ խմբագրությամբ.
i
«7. Տեսչական մարմնի անվանումն է`
հայերեն լրիվ` Հայաստանի Հանրապետության տնտեսական զարգացման և ներդրումների նախարարության շուկայի վերահսկողության տեսչական մարմին,
ռուսերեն լրիվ` Ինսպեկցիօննիյ օռգան պօ նադզօռու զա ռինկօմ Մինիստեռստվա էկօնօմիչեսկօգօ ռազվիտիյա ի ինվեստիցիի Ռեսպուբլիկի Առմենիյա,
անգլերեն լրիվ` Market surveillance inspection body of the Ministry of economic development and investment of the Republic of Armenia,
հայերեն կրճատ` ՇՎՏՄ,
ռուսերեն կրճատ` ԻՕՆՌ,
անգլերեն կրճատ` MSIB:».
2) 9-րդ կետը շարադրել հետևյալ խմբագրությամբ.
i
«9. Տեսչական մարմնի նպատակն է ոչ պարենային արտադրանքների, թանկարժեք մետաղների և չափումների միասնականության ապահովման բնագավառներում անվտանգության և սահմանված պահանջների պահպանման ապահովումը, խախտումների կանխարգելումը և վերացումը.».
i
3) 9-րդ կետից հետո լրացնել հետևյալ բովանդակությամբ նոր` 9.1-ին ենթակետով.
«9.1. Տեսչական մարմնի խնդիրներն են` ոչ պարենային արտադրանքների, թանկարժեք մետաղների և չափումների միասնականության ապահովման ոլորտներում ռիսկերի կառավարումը և Հայաստանի Հանրապետության օրենքների և այլ նորմատիվ իրավական ակտերի պահանջների պահպանումը, ինչպես նաև կանխարգելիչ միջոցառումների իրականացումը:».
i
4) երկրորդ բաժնի վերնագրում և 10-րդ կետում «լիազորությունները» բառը փոխարինել «գործառույթները» բառով.
i
5) 10-րդ կետի 1-ին ենթակետը «իրավական» բառից առաջ լրացնել «նորմատիվ» բառով, իսկ «կատարման» բառը փոխարինել «պահպանման» բառով.
6) 12-րդ կետում «ղեկավար-նախարարի» բառերը փոխարինել «ղեկավարի» բառով.
i
7) 14-րդ կետի 8-րդ ենթակետն ուժը կորցրած ճանաչել.
i
8) 16-րդ կետը շարադրել հետևյալ խմբագրությամբ.
i
«16. Տեսչական մարմնի ղեկավարն ունի 2 տեղակալ, որոնց պաշտոնները հայեցողական են, նրանց պաշտոնի նշանակում, պաշտոնից ազատում և նրանց նկատմամբ խրախուսման ու պատասխանատվության միջոցներ է կիրառում Հայաստանի Հանրապետության վարչապետը:».
9) 17-րդ կետը շարադրել հետևյալ խմբագրությամբ.
i
«17. Տեսչական մարմնի ղեկավար կարող է նշանակվել բարձրագույն կրթություն ունեցող, վերջին 10 տարվա ընթացքում պետական կառավարման ոլորտում առնվազն 5 տարվա աշխատանքային ստաժ, կամ վերջին 10 տարվա ընթացքում առնվազն 5 տարվա մասնագիտական աշխատանքային ստաժ ունեցող Հայաստանի Հանրապետության յուրաքանչյուր քաղաքացի:».
10) 19-րդ կետն ուժը կորցրած ճանաչել.
i
11) 21-րդ կետի 1-ին ենթակետը շարադրել հետևյալ խմբագրությամբ.
i
«1) ղեկավարում, համակարգում և վերահսկում է տեսչական մարմնի ընթացիկ գործունեությունը, պատասխանատու է տեխնիկական կանոնակարգման ենթակա ոչ պարենային արտադրանքների, թանկարժեք մետաղների և չափումների միասնականության ապահովման բնագավառներում վերահսկողական գործառույթների իրականացման և պատասխանատվության միջոցների կիրառման, ինչպես նաև դրանց` օրենքներին և այլ իրավական ակտերին համապատասխանության համար. «.
12) 21-րդ կետի 6-րդ ենթակետից հետո լրացնել հետևյալ բովանդակությամբ նոր` 6.1-ին ենթակետով.
«6.1) օրենքով սահմանված իր իրավասությունների շրջանակներում տալիս է հանձնարարականներ (կարգադրագրեր) բացահայտված խախտումների և թերությունների վերացման ուղղությամբ` սահմանելով ժամկետներ` դրանց վերացման համար.».
13) 23-րդ կետը շարադրել հետևյալ խմբագրությամբ.
i
«23. Տեսչական մարմնի ղեկավարի տեղակալ կարող է նշանակվել գործարարություն և վարչարարություն, իրավունք, ճարտարագիտություն մասնագիտությամբ բարձրագույն կրթություն ունեցող, վերջին 10 տարվա ընթացքում առնվազն 3 տարվա պետական կառավարման ոլորտի պաշտոնի ստաժ կամ վերջին 10 տարվա ընթացքում առնվազն 3 տարվա մասնագիտական աշխատանքային ստաժ ունեցող Հայաստանի Հանրապետության յուրաքանչյուր քաղաքացի:».
14) հինգերորդ բաժինը շարադրել հետևյալ խմբագրությամբ.
i
«V. ՏԵՍՉԱԿԱՆ ՄԱՐՄՆԻ ԱՇԽԱՏԱՆՔՆԵՐԻ ԿԱԶՄԱԿԵՐՊՈՒՄԸ
25. Տեսչական մարմնի գործունեության ապահովման համար անհրաժեշտ հաշվապահական հաշվառման, գնումների կազմակերպման (ֆինանսաբյուջետային), անձնակազմի կառավարման և կազմակերպատնտեսական, տեսչական մարմնի բյուջեի, ինչպես նաև տեսչական մարմնի կողմից ստուգումների տարեկան ծրագրով չնախատեսված ստուգումների անցկացման հետ կապված վարչական (կազմակերպչական) բնույթի աշխատանքներն իրականացվում են լիազոր մարմնի աշխատակազմի համապատասխան կառուցվածքային ստորաբաժանումների կողմից` Հայաստանի Հանրապետության օրենսդրությամբ սահմանված նվազագույն ժամկետներում:»:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2017 ԹՎԱԿԱՆԻ ՍԵՊՏԵՄԲԵՐԻ 20-ԻՆ