040.1497.301117
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
23 նոյեմբերի 2017 թվականի N 1497-Ն
ԳՆՄԱՆ ՊԱՅՄԱՆԱԳՐԵՐԸ ԼՈՒԾԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2017 ԹՎԱԿԱՆԻ ՄԱՐՏԻ 30-Ի N 426-Ն ԵՎ 2016 ԹՎԱԿԱՆԻ ԴԵԿՏԵՄԲԵՐԻ 29-Ի N 1313-Ն ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
i
Հիմք ընդունելով «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին և 3-րդ մասերը և Հայաստանի Հանրապետության կառավարության 2017 թվականի մայիսի 4-ի N 526-Ն որոշմամբ հաստատված կարգի 57-րդ կետը` Հայաստանի Հանրապետության կառավարությունը որոշում է.
1. Թույլատրել Հայաստանի Հանրապետության Արարատի մարզպետին`
1) Հայաստանի Հանրապետության քաղաքացիական օրենսգրքի 468-րդ հոդվածով սահմանված կարգով լուծել Հայաստանի Հանրապետության Արարատի մարզպետարանի և «Մեծ Հիմք» ԱԿ-ի միջև 2017 թվականի հունիսի 8-ին կնքված N ԱՄ-ԲԸՀԱՇՁԲ-17/01-1, Հայաստանի Հանրապետության Արարատի մարզպետարանի և «Գրիտիգ» սահմանափակ պատասխանատվությամբ ընկերության միջև 2017 թվականի մայիսի 12-ին կնքված N ԱՄ-ԲԸՀԾՁԲ-17/01-1, Հայաստանի Հանրապետության Արարատի մարզպետարանի և «Բաղեշ» սահմանափակ պատասխանատվությամբ ընկերության միջև 2017 թվականի հունիսի 20-ին կնքված N ԱՄ-ԲԸՀԾՁԲ-17/01-2 պայմանագրերը (այսուհետ` պայմանագրեր)` «Մեծ Հիմք» ԱԿ-ին, «Գրիտիգ» սահմանափակ պատասխանատվությամբ ընկերությանը և «Բաղեշ» սահմանափակ պատասխանատվությամբ ընկերությանը նախօրոք վճարելով կատարված աշխատանքի գումարը` ըստ կատարողականի, համապատասխանաբար` 2,291.0 հազ. դրամ, 25.0 հազ. դրամ և 18.0 հազ. դրամ.
2) պայմանագրերը լուծելու մասին համաձայնագրում նախատեսել դրույթ, ըստ որի` համաձայնագրի կնքման պահից Հայաստանի Հանրապետությունը «Մեծ Հիմք» ԱԿ-ի, «Գրիտիգ» սահմանափակ պատասխանատվությամբ ընկերության և «Բաղեշ» սահմանափակ պատասխանատվությամբ ընկերության նկատմամբ չունի պարտավորություններ:
2. Հայաստանի Հանրապետության կառավարության 2017 թվականի մարտի 30-ի «Հայաստանի Հանրապետության 2017 թվականի պետական բյուջեից գումար հատկացնելու, Հայաստանի Հանրապետության կառավարության 2016 թվականի դեկտեմբերի 29-ի N 1313-Ն որոշման մեջ լրացումներ կատարելու մասին» N 426-Ն որոշման մեջ կատարել հետևյալ փոփոխությունները`
i
1) որոշման 1-ին կետում «757,843.4 հազ. դրամ» բառերը փոխարինել «722,607.7 հազ. դրամ» բառերով.
2) որոշման 1-ին կետի 1-ին ենթակետում «173,079.4 հազ. դրամ» բառերը փոխարինել «137,843.7 հազ. դրամ» բառերով.
i
3) որոշման N 1 հավելվածում կատարել փոփոխություն` համաձայն N 1 հավելվածի:
i
3. Հայաստանի Հանրապետության կառավարության 2016 թվականի դեկտեմբերի 29-ի «Հայաստանի Հանրապետության 2017 թվականի պետական բյուջեի կատարումն ապահովող միջոցառումների մասին» N 1313-Ն որոշման NN 11 և 12 հավելվածներում կատարել փոփոխություններ` համաձայն NN 2 և 3 հավելվածների:
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2017 ԹՎԱԿԱՆԻ ՆՈՅԵՄԲԵՐԻ 30-ԻՆ
Հավելված N 1
ՀՀ կառավարության
2017 թվականի նոյեմբերի 23-ի
N 1497-Ն որոշման
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2017 ԹՎԱԿԱՆԻ ՄԱՐՏԻ 30-Ի N 426-Ն ՈՐՈՇՄԱՆ N 1 ՀԱՎԵԼՎԱԾՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆԸ
(հազ. դրամ)
.______________________________________________________________________.
|NN |Բյուջետային ծախսերի տնտեսագիտական դասակարգման | Տարի |
|ը/կ|հոդվածների և աշխատանքների անվանումները | |
|___|_______________________________________________________|__________|
| |ԸՆԴԱՄԵՆԸ |(35,235.7)|
|___|_______________________________________________________|__________|
| |այդ թվում` | |
|___|_______________________________________________________|__________|
|1. |Շենքերի և շինությունների կապիտալ վերանորոգում |(35,235.7)|
|___|_______________________________________________________|__________|
| |որից` | |
|___|_______________________________________________________|__________|
|1.4|Ավշարի համայնքի մանկապարտեզի հիմնանորոգում |(35,235.7)|
.______________________________________________________________________.
___________________________________________
ԻՐՏԵԿ - NN 2 և 3 հավելվածները չեն բերվում