040.0173.260218
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
15 փետրվարի 2018 թվականի N 173-Ա
ՀԱՅԱՍՏԱՆԻ ՎԵՐԱԿԱՆԳՆՎՈՂ ԷՆԵՐԳԵՏԻԿԱՅԻ ԵՎ ԷՆԵՐԳԱԽՆԱՅՈՂՈՒԹՅԱՆ ՀԻՄՆԱԴՐԱՄԻՆ ՀՈՂԱՄԱՍ ՆՎԻՐԱԲԵՐԵԼՈՒՆ ՀԱՄԱՁԱՅՆՈՒԹՅՈՒՆ ՏԱԼՈՒ ՄԱՍԻՆ
i
Ղեկավարվելով Հայաստանի Հանրապետության քաղաքացիական օրենսգրքի 605-րդ հոդվածով, Հայաստանի Հանրապետության հողային օրենսգրքի 65-րդ հոդվածի 6-րդ մասով, ինչպես նաև Հայաստանի Հանրապետության կառավարության 2016 թվականի դեկտեմբերի 29-ի նիստի N 53 արձանագրության 37-րդ կետով հավանության արժանացած` Արևային ֆոտովոլտային կայանների կառուցման ներդրումային ծրագրի (այսուհետ` ծրագիր) իրականացման նպատակով Հայաստանի Հանրապետության կառավարությունը որոշում է.
1. Համաձայնություն տալ Հայաստանի Հանրապետության Գեղարքունիքի մարզի Մեծ Մասրիկի համայնքի վարչական տարածքում գտնվող` համայնքային սեփականություն հանդիսացող` 97.3709 հեկտար մակերեսով հողամասը Հայաստանի վերականգնվող էներգետիկայի և էներգախնայողության հիմնադրամին (այսուհետ` հիմնադրամ) նվիրաբերելուն` որպես պետություն-համայնք-մասնավոր համագործակցություն` համաձայն N 1 հավելվածի:
2. Սահմանել, որ սույն որոշման 1-ին կետում նշված հողամասը կարող է օգտագործվել բացառապես Հայաստանի Հանրապետության կառավարության 2016 թվականի դեկտեմբերի 29-ի նիստի N 53 արձանագրության 37-րդ կետով հավանության արժանացած ծրագրի իրականացման նպատակով Հայաստանի Հանրապետության կառավարության 2017 թվականի դեկտեմբերի 21-ի N 1679-Ն որոշմամբ սահմանված կարգով Հայաստանում արդյունաբերական մասշտաբի Մասրիկ-1 արևային ֆոտովոլտային ծրագրի գնման ընթացակարգի արդյունքում արևային ֆոտովոլտային կայանի կառուցման և շահագործման նպատակով և դրա նպատակային նշանակությանը համապատասխան:
3. Առաջարկել Հայաստանի Հանրապետության Գեղարքունիքի մարզի Մեծ Մասրիկի համայնքի ղեկավարին`
1) սույն որոշումն ուժի մեջ մտնելու օրվանից երկամսյա ժամկետում ապահովել սույն որոշման N 1 հավելվածում նշված հողամասի` Հայաստանի Հանրապետության օրենսդրությամբ սահմանված կարգով փոխադրումն էներգետիկայի, տրանսպորտի, կապի, կոմունալ ենթակառուցվածքների օբյեկտների նպատակային նշանակության ու էներգետիկայի գործառնական նշանակության հողերի.
2) սույն կետի 1-ին ենթակետով նախատեսված աշխատանքների ավարտից հետո տասնօրյա ժամկետում հիմնադրամի հետ համատեղ ապահովել սույն որոշման 1-ին կետում նշված հողամասի նվիրաբերության պայմանագրի` սահմանված կարգով կնքումը` պայմանագրում նախատեսելով սույն որոշման 2-րդ կետում նշված պայմանները և, որ պայմանագրերի նոտարական վավերացման և դրանցից բխող գույքային իրավունքների պետական գրանցման հետ կապված` օրենքով սահմանված համապատասխան վճարներն ու տուրքերը պետք է վճարվեն հիմնադրամի միջոցների հաշվին:
4. Առաջարկել հիմնադրամի տնօրենին սույն որոշման 3-րդ կետի երկրորդ ենթակետում նշված պայմանագրի կնքումից հետո այդ կետում նշված գույքը Հայաստանի Հանրապետության օրենսդրությամբ և հիմնադրամի կանոնադրությամբ սահմանված կարգով սեփականության իրավունքով փոխանցել Հայաստանի Հանրապետության կառավարության 2017 թվականի դեկտեմբերի 21-ի N 1679-Ն որոշմամբ սահմանված կարգով Հայաստանում արդյունաբերական մասշտաբի Մասրիկ-1 արևային ֆոտովոլտային ծրագրի գնման ընթացակարգի արդյունքում մրցույթի արդյունքներով հաղթող ճանաչված անձի կողմից արևային ֆոտովոլտային կայանի կառուցման ծրագրի իրականացման նպատակով ստեղծված կազմակերպությանը (այսուհետ` կազմակերպություն)` կնքելով հողամասի փոխանցման պայմանագիր` համաձայն N 2 հավելվածի:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2018 ԹՎԱԿԱՆԻ ՓԵՏՐՎԱՐԻ 26-ԻՆ
Հավելված N 1
ՀՀ կառավարության
2018 թվականի փետրվարի 15-ի
N 173-Ա որոշման
ՍԽԵՄԱ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶԻ ՄԵԾ ՄԱՍՐԻԿԻ ՀԱՄԱՅՆՔԻ ՎԱՐՉԱԿԱՆ ՏԱՐԱԾՔՈՒՄ ԳՏՆՎՈՂ` ՀԱՅԱՍՏԱՆԻ ՎԵՐԱԿԱՆԳՆՎՈՂ ԷՆԵՐԳԵՏԻԿԱՅԻ ԵՎ ԷՆԵՐԳԱԽՆԱՅՈՂՈՒԹՅԱՆ ՀԻՄՆԱԴՐԱՄԻՆ ՆՎԻՐԱԲԵՐՎՈՂ ՀՈՂԱՄԱՍԻ (97.3709 ՀԵԿՏԱՐ)
_______________________
ԻՐՏԵԿ - սխեման չի բերվում
._____________________________________________.
|Շրջադարձային| Կոորդինատները |Գծային|
|(բեկման) |_________________________|չափերը|
|կետերը | Y | X |(մետր)|
|____________|____________|____________|______|
| 1 |8561119,8555|4454460,1224|276,19|
|____________|____________|____________|______|
| 2 |8560954,3871|4454681,2610|116,43|
|____________|____________|____________|______|
| 3 |8560904,1609|4454786,2978|447,71|
|____________|____________|____________|______|
| 4 |8560711,0215|4455190,2052|198,90|
|____________|____________|____________|______|
| 5 |8560908,6657|4455212,5150|400,43|
|____________|____________|____________|______|
| 6 |8561402,3295|4455266,6119|400,43|
|____________|____________|____________|______|
| 7 |8561793,5210|4455181,0899|255,07|
|____________|____________|____________|______|
| 8 |8562048,5680|4455184,4239|191,91|
|____________|____________|____________|______|
| 9 |8562210,3797|4455287,5968|219,63|
|____________|____________|____________|______|
| 10 |8562411,7522|4455375,2692|535,49|
|____________|____________|____________|______|
| 11 |8562520,1308|4454850,8569| 88,37|
|____________|____________|____________|______|
| 12 |8562452,1489|4454794,3969| 93,79|
|____________|____________|____________|______|
| 13 |8562466,5590|4454701,7211|587,51|
|____________|____________|____________|______|
| 14 |8561879,1444|4454712,5803|536,60|
|____________|____________|____________|______|
| 15 |8561358,0098|4454584,6775|268,76|
._____________________________________________.
Հավելված N 2
ՀՀ կառավարության
2018 թվականի փետրվարի 15-ի
N 173-Ա որոշման
ՀՈՂԱՄԱՍԻ ՓՈԽԱՆՑՄԱՆ ՊԱՅՄԱՆԱԳԻՐ
քաղ. Երևան __ ____ 201_ թ.
Հայաստանի վերականգնվող էներգետիկայի և էներգախնայողության հիմնադրամը, ի դեմս (________ _____________)-ի (այսուհետ` հիմնադրամ) մի կողմից,
ԵՎ (_____________), ի դեմս (________ _____________) - (այսուհետ` ընկերություն) մյուս կողմից,
Հաշվի առնելով, որ`
Հայաստանի Հանրապետության կառավարության կողմից 2016 թվականի դեկտեմբերի 29-ի նիստի N 53 արձանագրության 37-րդ կետով հավանություն է տրվել Արևային ֆոտովոլտային կայանների կառուցման ներդրումային ծրագրին:
(__ ____ 2018 թ.) Հայաստանի Հանրապետության կառավարությունն ի կատարումն ներդրումային ծրագրի կայացրել է Հայաստանի վերականգնվող էներգետիկայի հիմնադրամին հողամաս նվիրաբերելուն համաձայնություն տալու մասին N (___) որոշումը, որով համաձայնություն է տրվել ՀՀ Գեղարքունիքի մարզի Մեծ Մասրիկի համայնքի վարչական տարածքում գտնվող հողամասը հիմնադրամին նվիրաբերելուն:
Հայաստանի Հանրապետության կառավարության որոշման 4-րղ կետով առաջարկ է ներկայացվել հիմնադրամին հողամասը փոխանցել Հայաստանի Հանրապետության կառավարության 2017 թ. դեկտեմբերի 21-ի N 1679-Ն որոշմամբ սահմանված կարգով Հայաստանում արդյունաբերական մասշտաբի Մասրիկ-1 արևային ֆոտովոլտային ծրագրի գնման ընթացակարգի արդյունքում հաղթող ճանաչված անձի կողմից Արևային ֆոտովոլտային կայանի կառուցման ծրագրի իրականացման նպատակով ստեղծված կազմակերպությանը:
Հաշվի առնելով, որ Հայաստանի Հանրապետության կառավարության 2017 թ. դեկտեմբերի 21-ի N 1679-Ն որոշմամբ սահմանված կարգով Հայաստանում արդյունաբերական մասշտաբի Մասրիկ-1 արևային ֆոտովոլտային ծրագրի գնման ընթացակարգի արդյունքում հաղթող է ճանաչվել «________» կազմակերպությունը, ում կողմից ___ _____ թ.-ին ներդրումային ծրագրի իրականացման նպատակով ստեղծվել է «________» ___ ընկերությունը, ինչպես նաև, ղեկավարվելով ՀՀ հողային օրենսգրքի 49-րդ հոդվածով, կնքեցին սույն հողամասի փոխանցման պայմանագիրը հետևյալի մասին.
1. Հասկացություններ
1.1. Պայմանագիր` սույն հողամասի փոխանցման պայմանագիրը, դրա հավելվածները, փոփոխությունները և լրացումները:
1.2. Հիմնադրամ` Հայաստանի վերականգնվող էներգետիկայի և էներգախնայողության հիմնադրամը, նրա իրավահաջորդները, ցեսիոներները:
1.3. Ընկերություն` «________» ընկերությունը, նրա իրավահաջորդները, թույլատրելի ցեսիոներները:
1.4. Ներդրումային ծրագիր` Արևային ֆոտովոլտային կայանների կառուցման ներդրումային ծրագիրը, որը հավանության է արժանացել ՀՀ կառավարության կողմից 2016 թվականի դեկտեմբերի 29-ի նիստի N 53 արձանագրության 37-րդ կետով:
1.5. Որոշում` Վերականգնվող էներգետիկայի հիմնադրամին հողամաս նվիրաբերելուն համաձայնություն տալու մասին (_____) թվականի N (_____) որոշումը:
1.6. Հողամաս` ՀՀ Գեղարքունիքի մարզի Մեծ Մասրիկի համայնքի տարածքում գտնվող 97.3709 հեկտար մակերեսով, ( ) դրամ կադաստրային արժեք ունեցող հողամասը (սեփականության վկայական N (_____), ըստ պայմանագրի անբաժանելի մաս կազմող հավելված 1-ի:
1.7. Գերակա գույք` ՀՀ քաղաքացիական օրենսգրքի իմաստով գերակա գույք, որի սեփականատիրոջ օգտին սահմանված է այլ հողամասի կամ անշարժ գույքի սահմանափակ օգտագործման իրավունք (իրավունքներ)` սերվիտուտ (գույքային և (կամ) հարկադիր):
1.8. Հանձնաժողով` Հայաստանի Հանրապետության հանրային ծառայությունները կարգավորող հանձնաժողովը, նրա իրավահաջորդները:
1.9. Լիցենզիա` Հանձնաժողովի որոշմամբ տրամադրվող էլեկտրակայանի կառուցման և էլեկտրական էներգիայի (հզորության) արտադրության լիցենզիա (հանձնաժողովի (տարի) թվականի (ամիս)-ի (ամսաթիվ)-ի N ( ) որոշմամբ հաստատված լիցենզիայի պայմաններին համապատասխան):
1.10. Կարգ` Հանձնաժողովի կողմից 2013 թ.-ի նոյեմբերի 1-ի N 374-Ն որոշմամբ հաստատված էներգետիկայի բնագավառում գործունեության լիցենզավորման կարգը և դրա հավելվածները, հաջորդող բոլոր փոփոխություններով և ավելացումներով:
2. Պայմանագրի առարկան
2.1. Սույն պայմանագրով հիմնադրամն ընկերության սեփականությանն է հանձնում հողամասը, իսկ ընկերությունը պարտավորվում է պահպանել հողամասը և օգտագործել բացառապես սույն պայմանագրով սահմանված նպատակով և պահպանել պայմանագրով սահմանված պայմանները:
3. Հողամասը
3.1. (__ ____ 2018 թ.-ին) ՀՀ Գեղարքունիքի մարզի Մեծ Մասրիկի համայնքի և հիմնադրամի միջև կնքվել է հողամասի նվիրաբերության պայմանագիր, որի հիման վրա հողամասը նվիրաբերվել է հիմնադրամին:
3.2. Հողամասը հանդիսանում է գերակա գույք և դրա փոխանցման հետ մեկտեղ փոխանցվում է դրա օգտին սահմանված սահմանափակ օգտագործման իրավունքը (իրավունքները)` սերվիտուտը:
3.3. Պայմանագրի կնքման պահին հողամասը սեփականության իրավունքով պատկանում է հիմնադրամին:
3.4. Սույն պայմանագրի կնքման ամսաթվի դրությամբ հողամասի նպատակային նշանակությունը սահմանված է որպես էներգետիկայի, տրանսպորտի, կապի, կոմունալ ենթակառուցվածքների օբյեկտների նպատակային նշանակության ու էներգետիկայի գործառնական նշանակության:
4. Հողամասի օգտագործման նպատակը
4.1. Ընկերությունը պարտավորվում է հողամասն օգտագործել բացառապես ներդրումային ծրագրի իրականացման նպատակով` արևային ֆոտովոլտային կայանի (կայանների) կառուցման և շահագործման նպատակով և դրա նպատակային նշանակությանը համապատասխան:
5. Հողամասի հանձնումն ընկերությանը
5.1. Հիմնադրամը, սույն պայմանագրի և Հայաստանի Հանրապետության կառավարության ու ընկերության միջև «Հայաստանում` Գեղարքունիքի մարզի Մեծ Մասրիկի համայնքում Մասրիկ-1 արևային ֆոտովոլտային (ՖՎ) էլեկտրակայանի նախագծման, ֆինանսավորման, կառուցման, սեփականության իրավունքով տիրապետման և շահագործման մասին» կառավարության աջակցության համաձայնագրի (այսուհետ` ԿԱՀ) կնքումից հետո (տասնօրյա ժամկետում) պարտավորվում է ընկերությանը փաստացի հանձնել հողամասը:
5.2. Հողամասի հանձնումն ընկերությանն իրականացվում է հիմնադրամի և ընկերության միջև փոխանցման ակտի հիման վրա:
5.3. Հողամասն ընկերությանը հանձնելու հիմնադրամի պարտավորությունը համարվում է պատշաճ ձևով կատարված փոխանցման ակտը կողմերի լիազոր ներկայացուցիչների կողմից ստորագրելու պահից:
6. Հողամասի նկատմամբ իրավունքների սահմանափակումները
6.1. Կողմերը հաստատում են, որ հողամասը փոխանցվում է ընկերությանը ներդրումային ծրագրի իրականացման նպատակով և այդ նպատակի իրականացման համար հիմնադրամը սահմանում է ընկերության` հողամասի նկատմամբ սեփականության իրավունքի հետևյալ սահմանափակումները`
6.1.1. Ընկերությունը պարտավորվում է չվաճառել կամ այլ կերպ չօտարել կամ փոխանցել հողամասը երրորդ անձանց, բացառությամբ այն դեպքերի, երբ սույն պայմանագրով և ԿԱՀ-ով սահմանված ընկերության բոլոր իրավունքները և պարտավորությունները զիջվում կամ այլ կերպ փոխանցվում են ի շահ ընկերության իրավահաջորդների կամ ցեսիոներների պայմանագրի 10-րդ կետով սահմանված կարգով: Սույն կետով սահմանված սահմանափակումից բացառություն է համարվում նաև Error! Reference source not found.-րդ կետով սահմանված կարգով հողամասի վերադարձը հիմնադրամին:
6.1.2. Ընկերությունը պարտավորվում է չհանձնել հողամասը վարձակալության կամ այլ կերպով փոխանցել հողամասի նկատմամբ իր օգտագործման և (կամ) տիրապետման իրավունքները երրորդ անձանց:
6.1.3. Ընկերությունը պարտավորվում է լիցենզիայով և ԿԱՀ-ով սահմանված կարգով և ժամանակահատվածի ընթացքում հողամասի վրա կառուցել (_____) ՄՎտ հզորությամբ արևային ֆոտովոլտային կայան (կայաններ) ներդրումային ծրագրին համապատասխան և շահագործել դրանք:
7. Պայմանագրի լուծումը
7.1. Կողմերն ընդունում են, որ սույն կետով սահմանված դեպքերը հանդիսանում են պայմանագրի էական խախտում և հիմնադրամի մոտ առաջացնում են իրավունք` միակողմանիորեն արտադատական կարգով լուծել պայմանագիրը և պահանջել ընկերությանը վերադարձնել հողամասը:
7.2. Ընկերության կողմից սույն պայմանագրի էական խախտում են հանդիսանում հետևյալ դեպքերը`
7.2.1. ԿԱՀ-ի համաձայն հողամասի վերադարձման հիմքի առաջացում.
7.2.2. Ընկերությունը, խախտելով սույն պայմանագրի 6.1.1-ին կետը, վաճառել կամ այլ կերպ օտարել կամ փոխանցել է հողամասը երրորդ անձի, կամ պայմանագրով իր բոլոր իրավունքներն ու պարտավորությունները կամ դրանց մի մասը փոխանցել է իր իրավահաջորդներին և ցեսիոներներին և չի պահպանել 10-րդ կետի պայմանները.
7.2.3. Լրացել է լիցենզիայում ամրագրված էլեկտրական էներգիայի (հզորության) արտադրության գործունեության իրականացման ժամանակահատվածը և ընկերությունը սահմանված կարգով հայտ չի ներկայացրել հանձնաժողովին արտադրության գործունեության իրականացման ժամկետը երկարաձգելու մասին կամ հանձնաժողովի կողմից որոշում է ընդունվել ներկայացված հայտը մերժելու մասին, պայմանով, որ լիցենզիայի գործողության ժամանակահատվածի լրանալուց հետո չկան էլեկտրական էներգիայի (հզորության) էներգիայի արտադրության գործունեություն իրականացնելու այլ օրինական հիմքեր և ընկերությունը չի շարունակում արտադրել արևային էներգիա նշված հիմքերով:
7.3. Ընկերության կողմից պայմանագրի էական խախտում թույլ տալու դեպքում հիմնադրամն ընկերությանն է ներկայացնում պայմանագրի միակողմանի արտադատական կարգով լուծման և հողամասը վերադարձնելու պահանջի մասին ծանուցում` սահմանելով հողամասը վերադարձնելու ժամկետ, որը չի կարող պակաս լինել ծանուցումն ստանալու պահից (6 ամիս) ժամկետից:
7.4. Հողամասի նկատմամբ սեփականության իրավունքի փոխանցումը հիմնադրամին իրականացվում է հիմնադրամի և ընկերության միջև փոխանցման ակտի հիման վրա: Եթե հողամասի վերադարձման պահին ընկերության կատարած բաժանելի բարելավումները չեն ապամոնտաժվել կամ այլ կերպով հեռացվել հողամասի տարածքից, հողամասի փոխանցման հետ մեկտեղ, հիմնադրամին է փոխանցվում նշված բաժանելի բարելավումների նկատմամբ սեփականության իրավունքը, եթե այլ բան չի սահմանվել կողմերի համաձայնությամբ:
7.5. Հողամասը հիմնադրամին վերադարձնելու պարտավորությունը համարվում է կատարված և հողամասի նկատմամբ սեփականության իրավունքն անցնում է հիմնադրամին փոխանցման ակտը կողմերի լիազոր ներկայացուցիչների կողմից ստորագրելու պահից:
7.6. Անկախ այն հանգամանքից, թե ինչ հիմքով է հողամասը վերադարձվում հիմնադրամին, ընկերության կատարած անբաժանելի բարելավումները և վերադարձման պահին հողամասի տարածքում գտնվող բաժանելի բարելավումները չեն հատուցվում, եթե այլ բան չի սահմանվել կողմերի միջև կնքված գրավոր համաձայնությամբ:
8. Պայմանագրի փոփոխումը
8.1. Սույն պայմանագրի բոլոր փոփոխությունները կատարվում են կողմերի փոխադարձ համաձայնությամբ և ենթակա են նոտարական կարգով վավերացման:
9. Ծանուցումներ
9.1. Սույն պայմանագրի ներքո կատարման ենթակա ցանկացած ծանուցում կամ այլ հաղորդակցություն կատարվում է գրավոր ձևով: Պայմանագրի շրջանակներում իրականացված ծանուցումը կամ հաղորդակցությունը համարվում է պատշաճ կերպով իրականացված, երբ այն ուղարկվում է կողմի ներքոնշյալ հասցեով (ծանուցման ամսաթիվ է համարվում ստացման մասին փոստային ծանուցման մեջ նշված ստացման ամսաթիվը) կամ էլեկտրոնային փոստի միջոցով` ստորև նշված կողմի էլեկտրոնային հասցեին (ծանուցման օր է համարվում էլեկտրոնային նամակը կողմի էլեկտրոնային փոստին ուղարկելու ամսաթիվը): Կողմերի կոնտակտային տվյալներն են`
Հիմնադրամի համար`
Փոստային հասցե`
Էլ. փոստ`
Կոնտակտային անձ`
Ընկերության համար`
Փոստային հասցե`
Էլ. փոստ`
Կոնտակտային անձ`
10. Իրավահաջորդներ և ցեսիոներներ
10.1. Սույն պայմանագիրը պարտավորեցնում է և գործում է ի շահ կողմերի իրավահաջորդների և ցեսիոներների:
10.2. Ընկերությունը սույն պայմանագրով սահմանված իր իրավունքները և պարտավորությունները կարող է զիջել կամ այլ կերպով փոխանցել միայն ԿԱՀ-ով սահմանված իրավունքների և պարտավորությունների հետ միաժամանակ` ԿԱՀ 20.2 հոդվածին համապատասխան:
10.3. Եթե ԿԱՀ լուծման հետևանքով Հայաստանի Հանրապետության կառավարությունն իրականացրել է ընկերությունից ԿԱՀ համապատասխան կառուցված կայանը ձեռք բերելու իր իրավունքը կամ պարտականությունը, հողամասը ենթակա է տնօրինման` ԿԱՀ-ով սահմանված կարգով:
10.4. Հիմնադրամը սույն պայմանագրով սահմանված իր բոլոր իրավունքները և պարտավորությունները, կամ դրանց մի մասը կարող է զիջել կամ այլ կերպով փոխանցել` այդ մասին առնվազն 1 օր առաջ նախապես ծանուցելով ընկերությանը:
11. Այլ պայմաններ
11.1. Սույն պայմանագրի շրջանակներում կամ առնչությամբ տրվող կամ ներկայացվող ծանուցումները և այլ փաստաթղթերը կատարվում են անգլերեն լեզվով:
11.2. Պայմանագիրը կարգավորվում է Հայաստանի Հանրապետության նյութական իրավունքով և մեկնաբանվում է դրա համաձայն` բացառելով կոլիզիոն նորմերի կիրառումը:
11.3. Սույն պայմանագրի նոտարական վավերացման և պետական գրանցման հետ կապված բոլոր ծախսերը կրում է հիմնադրամը:
11.4. Սույն պայմանագիրը կնքված է (հայերեն և անգլերեն լեզուներով: Հայերեն և անգլերեն լեզուներով տեքստերի միջև տարբերության դեպքում նախապատվությունը տրվում է հայերեն լեզվով տեքստին):
12. Մասնակիցների վավերապայմանները և ստորագրությունները
Հայաստանի վերականգնվող Ընկերություն
էներգետիկայի և էներգախնայողության
հիմնադրամ
Գտնվելու վայրը` (_____) Գտնվելու վայրը` (_____)
Էլ. հասցեն` (_____) Էլ. հասցեն` (_____)
ՀՎՀՀ 02580459 ՀՎՀՀ
Տնօրեն` Տնօրեն`
__________________ __________________