(ուժը կորցրել է 01.08.02 թիվ 1577-Ն որոշում)
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
17 նոյեմբերի 1993 թ. թիվ 578
i
ԱՐՏԱՍԱՀՄԱՆՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԵՎՏՐԱԿԱՆ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ՑԱՆԿԵՐԻ ՄԱՍԻՆ
Ի կատարումն Հայաստանի Հանրապետության կառավարության 1993 թվականի սեպտեմբերի 10-ի «Արտասահմանում Հայաստանի Հանրապետության առևտրական ներկայացուցչությունների մասին» թիվ 457 որոշման, Հայաստանի Հանրապետության կառավարությունը որոշում է.
1. Հաստատել Հայաստանի Հանրապետության էկոնոմիկայի նախարարության ներկայացրած` Հայաստանի Հանրապետության արտաքին գործերի նախարարության հետ համաձայնեցված օտարերկրյա այն պետությունների ցանկը, համաձայն թիվ 1, 2, 3 հավելվածների, որոնցում առաջնահերթության կարգով պետք է ստեղծվեն համապատասխան կազմակերպական տեսակի Հայաստանի Հանրապետության առևտրական ներկայացուցչություններ:
2. Հայաստանի Հանրապետության էկոնոմիկայի նախարարությանը և Հայաստանի Հանրապետության արտաքին գործերի նախարարությանը` 3-ամսյա ժամկետում ստեղծել իրավաբանական անձի կարգավիճակ ունեցող Հայաստանի Հանրապետության առևտրական ներկայացուցչություններ, համաձայն թիվ 1 հավելվածի:
3. Հայաստանի Հանրապետության արտաքին գործերի նախարարությանը` Հայաստանի Հանրապետության էկոնոմիկայի նախարարության հետ համատեղ լուծել օտարերկրյա պետություններում Հայաստանի Հանրապետության դիվանագիտական ներկայացուցչության կազմում Հայաստանի Հանրապետության առևտրական ներկայացուցչությունների, համաձայն թիվ 2 հավելվածի, գործունեության հետ կապված և կազմակերպական հարցերը:
4. Հայաստանի Հանրապետության էկոնոմիկայի նախարարությանը` Հայաստանի Հանրապետության արտաքին գործերի նախարարության հետ համաձայնեցնելով, Հայաստանի Հանրապետության կառավարության հաստատմանը ներկայացնել օտարերկրյա պետություններում, համաձայն թիվ 3 հավելվածի, Հայաստանի Հանրապետության առևտրական ներկայացուցչության լիազորություններով օժտված տնտեսավարող սուբյեկտների ցանկը:
5. Հայաստանի Հանրապետության արտաքին գործերի նախարարությանը և էկոնոմիկայի նախարարությանը`
ա) սույն որոշման 3-րդ և 4-րդ կետերում նշված աշխատանքների կատարման մասին յուրաքանչյուր ամիս տեղեկացնել Հայաստանի Հանրապետության կառավարությանը.
բ) սահմանված կարգով Հայաստանի Հանրապետության կառավարություն ներկայացնել առաջարկություններ արտասահմանում Հայաստանի Հանրապետության առևտրական ներկայացուցչությունների ստեղծման վերաբերյալ:
ՀԱՎԵԼՎԱԾ թիվ 1
ՀՀ կառավարության 1993 թ.
նոյեմբերի 17-ի թիվ 578 որոշման
Ց Ա Ն Կ
i
ԻՐԱՎԱԲԱՆԱԿԱՆ ԱՆՁԻ ԿԱՐԳԱՎԻՃԱԿ ՈՒՆԵՑՈՂ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԵՎՏՐԱԿԱՆ ՆԵՐԿԱՅԱՑՈՒՑՉՈՒԹՅՈՒՆՆԵՐԻ
Ռուսաստանի Դաշնությունում /հանվել է 30.12.97 թիվ 622 որոշում/
Ուկրաինայում
Միջին Ասիայի Հանրապետություններում և Ղազախստանի Հանրապետությունում
(նստավայրը` Թուրքմենստան)
Վրաստանի Հանրապետությունում
ՀԱՎԵԼՎԱԾ թիվ 2
ՀՀ կառավարության 1993 թ.
նոյեմբերի 17-ի թիվ 578 որոշման
Ց Ա Ն Կ
ՕՏԱՐԵՐԿՐՅԱ ԱՅՆ ՊԵՏՈՒԹՅՈՒՆՆԵՐԻ, ՈՐՈՆՑՈՒՄ ԳՈՐԾԵԼՈՒ ԵՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԻՎԱՆԱԳԻՏԱԿԱՆ ՆԵՐԿԱՅԱՑՈՒՑՉՈՒԹՅԱՆ ԿԱԶՄՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԵՎՏՐԱԿԱՆ ՆԵՐԿԱՅԱՑՈՒՑՉՈՒԹՅՈՒՆՆԵՐ
Մերձբալթյան Հանրապետություններ (նստավայրը` երեք հանրապետություններից
մեկում)
Իրանի Իսլամական Հանրապետություն
Մերձավոր Արևելքի երկրներ ( նստավայրը` Դամասկոս, Սիրիայի Արաբական
Հանրապետություն)
Չինաստանի Ժողովրդական Հանրապետություն
Եվրոպական տնտեսական համագործակցության երկրներ
Իտալիայի Հանրապետություն
Ավստրիական Հանրապետություն
Գերմանիա
Ամերիկայի Միացյալ Նահանգներ (նստավայրը` Վաշինգտոն)
Լատինական Ամերիկայի երկրներ (նստավայրը` Արգենտինայի Հանրապետություն)
ՀԱՎԵԼՎԱԾ թիվ 3
ՀՀ կառավարության 1993 թ.
նոյեմբերի 17-ի թիվ 578 որոշման
Ց Ա Ն Կ
ՕՏԱՐԵՐԿՐՅԱ ԱՅՆ ՊԵՏՈՒԹՅՈՒՆՆԵՐԻ, ՈՐՈՆՑՈՒՄ ԳՏՆՎԵԼՈՒ ԵՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԵՎՏՐԱԿԱՆ ՆԵՐԿԱՅԱՑՈՒՑՉՈՒԹՅԱՆ ԼԻԱԶՈՐՈՒԹՅՈՒՆՆԵՐՈՎ ՕԺՏՎԱԾ ՏՆՏԵՍԱՎԱՐՈՂ ՍՈՒԲՅԵԿՏՆԵՐԸ
Կանադա
Ավստրալիական Միություն
Արևելյան Եվրոպայի երկրներ
Հնդկաստան