Սեղմել Esc փակելու համար:
ԾԽԱԽՈՏԻ ԱՐՏԱԴՐԱՆՔԻ ՀԱՄԱՐ ՀԱՍՏԱՏԱԳՐՎԱԾ...
Քարտային տվյալներ

Տեսակ
Չի գործում
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ԾԽԱԽՈՏԻ ԱՐՏԱԴՐԱՆՔԻ ՀԱՄԱՐ ՀԱՍՏԱՏԱԳՐՎԱԾ ՎՃԱՐՆԵՐԻ ՄԱՍԻՆ

01.01.2014 -ին ուժը կորցրած ակտի տվյալ խմբագրությունը գործել է   22.12.2011  -ից մինչեւ   01.01.2014  -ը:
 

(ուժը կորցրել է 07.10.10 ՀՕ-128-Ն օրենք)

i

010.0040.310300

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ

 

Ընդունված է Ազգային ժողովի կողմից
2000 թ. մարտի 24-ին

 

i

ԾԽԱԽՈՏԻ ԱՐՏԱԴՐԱՆՔԻ ՀԱՄԱՐ ՀԱՍՏԱՏԱԳՐՎԱԾ ՎՃԱՐՆԵՐԻ ՄԱՍԻՆ

 

ՀՈԴՎԱԾ 1. ՕՐԵՆՔԻ ԿԱՐԳԱՎՈՐՄԱՆ ԱՌԱՐԿԱՆ

 

1. Սույն օրենքը սահմանում է Հայաստանի Հանրապետություն ներմուծվող սիգարների, սիգարելաների և սիգարետների (այսուհետ` ծխախոտի արտադրանք) համար ավելացված արժեքի հարկի, ակցիզային հարկի և մաքսատուրքի, և Հայաստանի Հանրապետությունում արտադրվող ծխախոտի արտադրանքի համար` ավելացված արժեքի հարկի և ակցիզային հարկի միասնական հաստատագրված վճարները, դրանց հաշվարկման և վճարման կարգը:

2. Սույն օրենքի գործողությունը չի տարածվում Հայաստանի Հանրապետությունում ծխախոտի արտադրանք արտադրող-իրացնողների կողմից Հայաստանի Հանրապետության տարածքից արտահանվող ծխախոտի արտադրանքի վրա:

 

ՀՈԴՎԱԾ 2. ՀԱՍՏԱՏԱԳՐՎԱԾ ՎՃԱՐ ՎՃԱՐՈՂՆԵՐԸ

 

1. Սույն օրենքի իմաստով հաստատագրված վճար վճարողներ են համարվում Հայաստանի Հանրապետություն ծխախոտի արտադրանք ներմուծող և հանրապետությունում ծխախոտի արտադրանք արտադրող ֆիզիկական և իրավաբանական անձինք (այսուհետ` վճարողներ):

2. Ծխախոտի արտադրանք ներմուծող քաղաքացիները վճարող են համարվում 400 հատ սիգարետը կամ սիգարելան և 10 հատ սիգարը գերազանցող մասի համար:

 

ՀՈԴՎԱԾ 3. ՀԱՍՏԱՏԱԳՐՎԱԾ ՎՃԱՐՆԵՐԻ ՉԱՓԸ

 

i

1. Վճարողները, տնտեսական գործունեության արդյունքներից անկախ, հաստատագրված վճարը հաշվարկում և վճարում են հետևյալ չափերով`

 

._________________________________________________________________________.

|Ապրանքի       |Ապրանքի      |Հաստատագրված վճարի չափը (դրամ 1000 հատի     |

|ծածկագիրը ըստ |անվանումը    |համար)                                      |

|արտաքին       |             |____________________________________________|

|տնտեսական     |             |2011 թվականի  |2012 թվականի  |2013 թվականի  |

|գործունեության|             |համար         |համար         |համար         |

|ապրանքային    |             |______________|______________|______________|

|անվանացանկի   |             |Ներմուծ|Ներքին|Ներմուծ|Ներքին|Ներմուծ|Ներքին|

|              |             |վող ար-|արտա- |վող ար-|արտա- |վող ար-|արտա- |

|              |             |տադրան-|դրու- |տադրան-|դրու- |տադրան-|դրու- |

|              |             |քի     |թյան  |քի     |թյան  |քի     |թյան  |

|              |             |համար  |ապրան-|համար  |ապրան-|համար  |ապրան-|

|              |             |       |քի    |       |քի    |       |քի    |

|              |             |       |համար |       |համար |       |համար |

|______________|_____________|_______|______|_______|______|_______|______|

|2402 10 000 11|սիգարներ`    | 550000|300000| 550000|300000| 550000|300000|

|              |ծխախոտ       |       |      |       |      |       |      |

|              |պարունակող   |       |      |       |      |       |      |

|______________|_____________|       |      |       |      |       |      |

|2402 90 000 11|սիգարներ`    |       |      |       |      |       |      |

|              |այլ          |       |      |       |      |       |      |

|______________|_____________|_______|______|_______|______|_______|______|

|2402 10 000 12|սիգարելաներ` |  15000| 11000|  15000| 11000|  15000| 11000|

|              |ծխախոտ       |       |      |       |      |       |      |

|              |պարունակող   |       |      |       |      |       |      |

|______________|_____________|       |      |       |      |       |      |

|2402 90 000 12|սիգարելաներ` |       |      |       |      |       |      |

|              |այլ          |       |      |       |      |       |      |

|______________|_____________|_______|______|_______|______|_______|______|

|2402 20 900 11|սիգարետներ`  |   7000|  5500|   7500|  6250|   8000|  7000|

|              |ծխախոտ       |       |      |       |      |       |      |

|              |պարունակող,  |       |      |       |      |       |      |

|              |ֆիլտրով      |       |      |       |      |       |      |

|______________|_____________|       |      |       |      |       |      |

|2402 20 100 11|սիգարետներ`  |       |      |       |      |       |      |

|              |մեխակ        |       |      |       |      |       |      |

|              |պարունակող,  |       |      |       |      |       |      |

|              |ֆիլտրով      |       |      |       |      |       |      |

|______________|_____________|       |      |       |      |       |      |

|2402 90 000 13|սիգարետներ`  |       |      |       |      |       |      |

|              |այլ, ֆիլտրով |       |      |       |      |       |      |

|______________|_____________|_______|______|_______|______|_______|______|

|2402 20 900 12|սիգարետներ`  |   3250|  1950|   3250|  1950|   3250|1950  |

|              |ծխախոտ       |       |      |       |      |       |      |

|              |պարունակող,  |       |      |       |      |       |      |

|              |առանց ֆիլտրի |       |      |       |      |       |      |

|______________|_____________|       |      |       |      |       |      |

|2402 20 100 12|սիգարետներ`  |       |      |       |      |       |      |

|              |մեխակ        |       |      |       |      |       |      |

|              |պարունակող,  |       |      |       |      |       |      |

|              |առանց ֆիլտրի |       |      |       |      |       |      |

|______________|_____________|       |      |       |      |       |      |

|2402 90 000 14|սիգարետներ`  |       |      |       |      |       |      |

|              |այլ, առանց   |       |      |       |      |       |      |

|              |ֆիլտրի       |       |      |       |      |       |      |

._________________________________________________________________________.

2. (2-րդ մասն ուժը կորցրել է 28.11.11 ՀՕ-279-Ն օրենք)

3. (3-րդ մասն ուժը կորցրել է 28.11.11 ՀՕ-279-Ն օրենք)

(3-րդ հոդվածը փոփ. 14.12.01 ՀՕ-279, 05.05.05 ՀՕ-87-Ն, 25.05.06 ՀՕ-81-Ն, 26.12.08 ՀՕ-254-Ն, 07.10.10 ՀՕ-127-Ն, 28.11.11 ՀՕ-279-Ն օրենքներ)

 

ՀՈԴՎԱԾ 4. ՀԱՇՎԱՌՈՒՄԸ

 

1. Հանրապետությունում ծխախոտի արտադրանքի իրացումն ազատվում է ավելացված արժեքի հարկից:

2. Վճարողները`

ա) ծխախոտի արտադրանքի ներմուծման, արտադրության և իրացման մասով վարում են առանձնացված հաշվապահական հաշվառում.

բ) գործունեության այդ մասով հաշվարկում և վճարում են օրենսդրությամբ սահմանված այլ հարկեր, ինչպես նաև գործունեության այլ տեսակների համար` օրենսդրությամբ սահմանված հարկերն ու պարտադիր այլ վճարները.

գ) սույն օրենքի 3 հոդվածի առաջին կետի համաձայն հաշվարկված հաստատագրված վճարներից հաշվանցում են վճարողները կողմից հանրապետությունում արտադրվող ծխախոտի արտադրանքի արտադրության գծով ապրանքների և ծառայությունների գնումների դիմաց ստացված` այլ մատակարարների հարկային հաշիվներում առանձնացված ավելացված արժեքի հարկի գումարները.

դ) սույն օրենքով հարկման ենթակա գործունեության մասով ազատվում են իրենց գրանցման վայրի հարկային մարմիններին ավելացված արժեքի հարկի և ակցիզային հարկի հաշվարկներ ներկայացնելու պարտավորությունից:

3. Վճարողների համար ծխախոտի արտադրանքի ներմուծման, արտադրության և իրացման մասով կասեցվում են մաքսատուրքի և (կամ) ավելացված արժեքի հարկի ու ակցիզային հարկի գծով օրենսդրությամբ սահմանված հարկային արտոնությունները:

4. Վճարողները, ինչպես նաև սույն օրենքի համաձայն վճարող չհամարվող` հանրապետության տարածքում ծխախոտի արտադրանք իրացնող անձինք Հայաստանի Հանրապետություն ներմուծված և հանրապետությունում արտադրված ծխախոտի արտադրանքի իրացման գծով դուրս գրվող հաշվարկային փաստաթղթերում ավելացված արժեքի հարկի դրույքաչափի և գումարի նշում չեն կատարում: Հարկի գումարի առանձնացման դեպքում պետական բյուջե վճարման ենթակա ավելացված արժեքի հարկը հաշվարկվում և վճարվում է սահմանված ընդհանուր կարգով` անկախ հաստատագրված վճարների վճարումից:

5. Սույն օրենքի համաձայն վճարող չհամարվող` Հայաստանի Հանրապետության տարածքում ծխախոտի արտադրանք իրացնող անձինք դրա իրացման գծով ապրանքների (շրջանառության ծախքերին վերաբերող նյութական ռեսուրսների, վառելիքի, աշխատանքների և ծառայությունների) դիմաց վճարված ավելացված արժեքի հարկի գումարները միացնում են ապրանքների ձեռքբերման արժեքին (շրջանառության ծախքերին)` իրացման ընդհանուր շրջանառության մեջ ծխախոտի արտադրանքի իրացման շրջանառության տեսակարար կշռին համապատասխանող չափով:

 

ՀՈԴՎԱԾ 5. ՀԱՍՏԱՏԱԳՐՎԱԾ ՎՃԱՐԻ ՎՃԱՐՈՒՄԸ

 

1. Հայաստանի Հանրապետություն ներմուծվող ծխախոտի արտադրանքի համար հաստատագրված վճարը վճարվում է ներմուծման օրվանից տասն օրվա ընթացքում` Հայաստանի Հանրապետության կառավարության սահմանած կարգով:

i

2. Հանրապետությունում արտադրվող ծխախոտի արտադրանքի համար հաստատագրված վճարը վճարվում է ամսվա արդյունքներով` մինչև հաջորդ ամսվա 25-ը: Վճարողներն այդ ժամկետում իրենց գրանցման վայրի հարկային մարմին են ներկայացնում հաստատագրված վճարի հաշվարկ` Հայաստանի Հանրապետության պետական եկամուտների նախարարության սահմանած ձևով:

3. (5-րդ հոդվածի 3-րդ մասն ուժը կորցրել է 05.05.05 ՀՕ-87-Ն օրենք)

 

i
ՀՈԴՎԱԾ 6. ՕՐԵՆՔԻ ԿԻՐԱՌՄԱՆ ՎԵՐԱԲԵՐՅԱԼ ԳԵՐԱՏԵՍՉԱԿԱՆ-ՆՈՐՄԱՏԻՎ ԱԿՏԵՐԸ

 

Սույն օրենքի կիրառման վերաբերյալ գերատեսչական-նորմատիվ ակտերն ընդունում է Հայաստանի Հանրապետության պետական եկամուտների նախարարությունը` համաձայնեցնելով Հայաստանի Հանրապետության ֆինանսների և էկոնոմիկայի նախարարության հետ:

 

ՀՈԴՎԱԾ 7. ՕՐԵՆՔԻ ԽԱԽՏՈՒՄՆԵՐԻ ՀԱՄԱՐ ՊԱՏԱՍԽԱՆԱՏՎՈՒԹՅՈՒՆԸ

 

Սույն օրենքի խախտումներն առաջացնում են պատասխանատվություն` օրենսդրությամբ սահմանված կարգով:

 

ՀՈԴՎԱԾ 8. ՕՐԵՆՔԻ ՈՒԺԻ ՄԵՋ ՄՏՆԵԼԸ

 

Սույն օրենքն ուժի մեջ է մտնում 2000 թվականի ապրիլի 1-ից:

 

31 մարտի 2000 թ.

ՀՕ-40 u.Ա

 

 

pin
ՀՀ 24.03.2000
N ՀՕ-40 օրենք