040.1170.231018
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
10 հոկտեմբերի 2018 թվականի N 1170-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ԱՊՐԻԼԻ 11-Ի N 356-Ա ԵՎ 2015 ԹՎԱԿԱՆԻ ԴԵԿՏԵՄԲԵՐԻ 17-Ի N 1498-Ա ՈՐՈՇՈՒՄՆԵՐՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
i
Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածը` Հայաստանի Հանրապետության կառավարությունը որոշում է.
i
1. ՈՒժը կորցրած ճանաչել Հայաստանի Հանրապետության կառավարության 2013 թվականի ապրիլի 11-ի «Անհատույց օգտագործման իրավունքով գույք հանձնելու մասին» N 356-Ա և 2015 թվականի դեկտեմբերի 17-ի «Անհատույց օգտագործման իրավունքով տարածք հանձնելու մասին» N 1498-Ա որոշումները:
i
2. Հայաստանի Հանրապետության տնտեսական զարգացման և ներդրումների նախարարության պետական գույքի կառավարման կոմիտեի նախագահին` սույն որոշումն ուժի մեջ մտնելուց հետո` եռամսյա ժամկետում, «Բանաձև մեդիա» տեղեկատվական հասարակական կազմակերպության և «Նունե Եսայան» բարեգործական հասարակական կազմակերպության հետ կնքել համապատասխանաբար 2016 թվականի փետրվարի 3-ին կնքված N 13/0016 և 2013 թվականի հունիսի 14-ին կնքված N 89/0013 ոչ բնակելի տարածքների անհատույց օգտագործման պայմանագրերը լուծելու մասին համաձայնագրեր (այսուհետ` համաձայնագրեր)` դրանցում նախատեսելով, որ համաձայնագրերի նոտարական վավերացման և համաձայնագրերից ծագող իրավունքների դադարեցման ծախսերը ենթակա են իրականացման «Բանաձև մեդիա» տեղեկատվական հասարակական կազմակերպության և «Նունե Եսայան» բարեգործական հասարակական կազմակերպության միջոցների հաշվին:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2018 ԹՎԱԿԱՆԻ ՀՈԿՏԵՄԲԵՐԻ 23-ԻՆ