041.1603.291118
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
29 նոյեմբերի 2018 թվականի N 1603-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2009 ԹՎԱԿԱՆԻ ԴԵԿՏԵՄԲԵՐԻ 22-Ի N 1064-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
i
Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 34-րդ հոդվածը`
1. Հայաստանի Հանրապետության վարչապետի 2009 թվականի դեկտեմբերի 22-ի «Հայաստանի Հանրապետության համայնքների (բնակավայրերի) քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողով ստեղծելու, հանձնաժողովի անհատական կազմը և գործունեության կարգը հաստատելու մասին» N 1064-Ա որոշման (այսուհետ` որոշում) մեջ կատարել հետևյալ փոփոխությունները և լրացումները.
i
1) 2-րդ կետի 1-ին ենթակետով հաստատված N 1 հավելվածը շարադրել նոր խմբագրությամբ` համաձայն N 1 հավելվածի.
2) 2-րդ կետի 2-րդ ենթակետով հաստատված N 2 հավելվածի`
i
ա. 1.1-ին կետը «առաջադրանքները» բառից հետո լրացնել «, ինչպես նաև հաստատված փաստաթղթերի փոփոխությունները» բառերով,
i
բ. 2-րդ կետը շարադրել հետևյալ բովանդակությամբ. «2. Հանձնաժողովի նախագահը Հայաստանի Հանրապետության քաղաքաշինության կոմիտեի նախագահն է:»,
i
գ. 3-րդ կետը և 11-րդ կետի 2-րդ ենթակետը «պետական» բառից հետո լրացնել «կառավարման համակարգի» բառերով,
i
դ. 4-րդ կետը, 11-րդ կետի 1-ին, 2-րդ, 3-րդ ենթակետերը, 12-րդ կետի 1-ին, 3-րդ, 4-րդ ենթակետերը և 13-րդ կետի 2-րդ և 3-րդ ենթակետերը «պլանավորման» բառից առաջ լրացնել «տարածական» բառով, իսկ 4-րդ կետի` «Անհրաժեշտության դեպքում, հանձնաժողովի նախագահի նախաձեռնությամբ, կարող են գումարվել արտահերթ կամ արտագնա նիստեր» բառերը հանել,
i
ե. 6-րդ կետը «նախագահը» բառից հետո լրացնել «կամ նրա հանձնարարությամբ` հանձնաժողովի նախագահի տեղակալը» բառերով,
զ. 9-րդ կետում «5 օր» բառերը փոխարինել «3 աշխատանքային օր» բառերով,
i
է. 10-րդ կետը շարադրել հետևյալ բովանդակությամբ. «10. Հանձնաժողովի գործավարությունը վարում է Հայաստանի Հանրապետության քաղաքաշինության կոմիտեի համապատասխան վարչությունը:»,
i
ը. 13-րդ կետի 1-ին ենթակետը «կառավարման» բառից հետո լրացնել «համակարգի» բառով,
i
թ. 14-րդ կետը շարադրել հետևյալ բովանդակությամբ. «14. Միջգերատեսչական հանձնաժողովի կողմից դրական եզրակացություն է տրվում միայն բոլոր անդամների համաձայնության և օրենսդրությամբ սահմանված փորձաքննությունների դրական եզրակացությունների առկայության դեպքում: Միջգերատեսչական հանձնաժողովը կարող է նիստերն անցկացնել նաև հարցման միջոցով` էլեկտրոնային կապի միջոցների կիրառմամբ կամ գրավոր փաստաթղթերի փոխանցմամբ: Հարցման միջոցով հանձնաժողովի նիստն անցկացնելու դեպքում հանձնաժողովի անդամի կարծիքը համարվում է ստացված, եթե այն արտահայտվել է հանձնաժողովի անդամի կամ համապատասխան մարմնի ղեկավարի կողմից ստորագրված փաստաթղթում:»,
i
ժ. 15-րդ կետը շարադրել հետևյալ բովանդակությամբ. «15. Հանձնաժողովի նիստերի արձանագրումն ապահովում է ՀՀ քաղաքաշինության կոմիտեի համապատասխան վարչությունը:»,
i
ժա. 16-րդ կետի 5-րդ ենթակետը «որոշումները», իսկ 18-րդ կետի 4-րդ ենթակետը «որոշումների» բառերից առաջ լրացնել «աշխատակարգային» բառով:
ժբ. 17-րդ կետը «նախագահի» բառից հետո լրացնել «և քարտուղարի» բառերով,
i
ժգ. 18-րդ կետի 4.1-ին, 4.2-րդ և 4.3-րդ կետերը համապատասխանաբար շարադրել հետևյալ բովանդակությամբ.
«4.1) հանձնաժողովի նիստում (կամ հարցման արդյունքում) հարցի վերաբերյալ միասնական կարծիք չձևավորելու դեպքում հարցը ներկայացնում է Հայաստանի Հանրապետության վարչապետի աշխատակազմ` մշտապես գործող տարածքային զարգացման և շրջակա միջավայրի նախարարական կոմիտեի (այսուհետ` նախարարական կոմիտե) առաջիկա նիստում զեկուցելու համար: Նախարարական կոմիտեի որոշումը հիմք է հարցի վերաբերյալ հանձնաժողովի վերջնական եզրակացության կազմման համար.
4.2) հանձնաժողովի կազմած եզրակացությունը տրամադրում է համապատասխան համայնքի ղեկավարին (համակցված փաստաթղթի դեպքում` համապատասխան մարզպետին)` նախագիծը կամ նախագծի փոփոխությունը ՀՀ կառավարության 2011 թվականի դեկտեմբերի 29-ի N 1920-Ն որոշման 1-ին կետով հաստատված կարգով հաստատման ներկայացնելու նպատակով.
4.3) մերժման իրավական հիմքերով համապատասխան համայնքի ղեկավարին է վերադարձնում Հայաստանի Հանրապետության օրենսդրության պահանջներին չհամապատասխանող տարածական պլանավորման փաստաթղթերի նախագծերը, դրանց առաջադրանքների նախագծերը կամ հաստատված փաստաթղթերում փոփոխությունների առաջարկությունները:»,
i
ժդ. 19-րդ կետի 1-ին ենթակետը «ընթացքում» բառից հետո լրացնել «կամ էլեկտրոնային հարցման եղանակով» բառերով, իսկ 3-րդ ենթակետը շարադրել հետևյալ բովանդակությամբ. «3. մասնակցում է աշխատակարգային որոշումների ընդունման և եզրակացությունների կազմման համար անցկացվող քվեարկությանը, հանձնաժողովի անդամների մեծամասնության հետ համաձայն չլինելու դեպքում գրավոր ներկայացնում է հարցի վերաբերյալ իր կարծիքը:»,
i
ժե. 20-րդ կետը շարադրել հետևյալ բովանդակությամբ. «20. Հանձնաժողովի նիստերում ընդունված աշխատակարգային որոշումները կամ կազմված եզրակացությունները տեղադրվում են ՀՀ քաղաքաշինության կոմիտեի ինտերնետային կայքում:»:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԱՋԻՆ ՓՈԽՎԱՐՉԱՊԵՏԻ
ՊԱՇՏՈՆԱԿԱՏԱՐԻ ԿՈՂՄԻՑ 2018 ԹՎԱԿԱՆԻ ՆՈՅԵՄԲԵՐԻ 29-ԻՆ
Հավելված N 1
ՀՀ վարչապետի
2018 թ. նոյեմբերի 29-ի
N 1603-Ա որոշման
«Հավելված N 1
ՀՀ վարչապետի
2009 թ. դեկտեմբերի 22-ի
N 1064-Ա որոշման
ԱՆՀԱՏԱԿԱՆ ԿԱԶՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՄԱՅՆՔՆԵՐԻ (ԲՆԱԿԱՎԱՅՐԵՐԻ) ՔԱՂԱՔԱՇԻՆԱԿԱՆ ԾՐԱԳՐԱՅԻՆ ՓԱՍՏԱԹՂԹԵՐԻ ՄՇԱԿՄԱՆ ԱՇԽԱՏԱՆՔՆԵՐԸ ՀԱՄԱԿԱՐԳՈՂ ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ
Ա. էլոյան - ՀՀ քաղաքաշինության կոմիտեի նախագահ
(հանձնաժողովի նախագահ)
Ա. Հախումյան - ՀՀ քաղաքաշինության կոմիտեի նախագահի տեղակալ
(հանձնաժողովի նախագահի տեղակալ)
Բ. Բադալյան - ՀՀ տրանսպորտի, կապի և տեղեկատվական
տեխնոլոգիաների նախարարի տեղակալ
Գ. Պետրոսյան - ՀՀ գյուղատնտեսության նախարարի տեղակալ
Տ. Գալստյան - ՀՀ մշակույթի նախարարի տեղակալ
Լ. Շահվերդյան - ՀՀ էներգետիկ ենթակառուցվածքների և բնական
պաշարների նախարարի խորհրդական
Ռ. Ոսկանյան - ՀՀ բնապահպանության նախարարության «Շրջակա
միջավայրի վրա ազդեցության փորձաքննության» ՊՈԱԿ-ի
տնօրեն
Ն. Բակունց - ՀՀ առողջապահության նախարարության
«Հիվանդությունների վերահսկման և կանխարգելման
ազգային կենտրոն» ՊՈԱԿ-ի գլխավոր տնօրենի տեղակալ
Ա. Դավթյան - ՀՀ արտակարգ իրավիճակների նախարարության փրկարար
ծառայության տնօրենի տեղակալ, փրկարար ծառայության
գնդապետ
Ա. Գիլոյան - ՀՀ տարածքային կառավարման և զարգացման
նախարարության տեղական ինքնակառավարման
քաղաքականության վարչության պետ
Ա. Եգանյան - ՀՀ տնտեսական զարգացման և ներդրումների
նախարարության արդյունաբերական քաղաքականության
վարչության պետ
Լ. Մանուկյան - ՀՀ անշարժ գույքի կադաստրի կոմիտեի գեոդեզիայի և
քարտեզագրության վարչության պետ
Վ. Արզումանյան - ՀՀ արտակարգ իրավիճակների նախարարության «Սեյսմիկ
պաշտպանության տարածքային ծառայություն» ՊՈԱԿ-ի
սեյսմիկ անվտանգության դեպարտամենտի սեյսմիկ
մոնիթորինգի և երկրորդային վտանգների գնահատման
բաժնի պետ
Կ. Կոստանյան - ՀՀ ոստիկանության «ճանապարհային ոստիկանություն»
ծառայության ճանապարհային երթևեկության
կազմակերպման հսկողության բաժնի պետ, ոստիկանության
փոխգնդապետ
- Համապատասխան ՀՀ մարզպետ
- Երևանում` Երևանի գլխավոր ճարտարապետ
(համաձայնությամբ)
- Համապատասխան համայնքի ղեկավար (համաձայնությամբ),
ըստ անհրաժեշտության` համայնքին վերաբերող հարցի
քննարկման ժամանակ
Գ. Գալստյան - «Հայաստանի շինարարների միություն» ՀԿ-ի նախագահ
(համաձայնությամբ)
Մ. Մինասյան - «Հայաստանի ճարտարապետների միություն» ՀԿ-ի նախագահ
(համաձայնությամբ)
Տ. Մանուկյան - ՀՀ քաղաքաշինության կոմիտեի ճարտարապետության և
քաղաքաշինության վարչության պետ
(հանձնաժողովի քարտուղար)»: