01.01.2019 - 05.12.2023
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ
ՈՐՈՇՈՒՄ
12 նոյեմբերի 2018 թվականի թիվ 62-Ն
i
«ԱՎՏՈՄՈԲԻԼԱՅԻՆ ՏՐԱՆՍՊՈՐՏԻ ԱՐՏԱԴՐԱՆՔԻ ԵՎ ՇԱՐԺԱԿԱԶՄԻ ՄԱՍԻՆ» ՁԵՎ 1-ԱՎՏՈ (ԱՄՍԱԿԱՆ) ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎՆ ՈՒ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2016 ԹՎԱԿԱՆԻ ՍԵՊՏԵՄԲԵՐԻ 22-Ի ԹԻՎ 14-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
i
Ղեկավարվելով «Պաշտոնական վիճակագրության մասին «օրենքի 10-րդ հոդվածի 3-րդ մասի 1-ին կետով և 18-րդ հոդվածի 4-րդ մասով, ինչպես նաև «Նորմատիվ իրավական ակտերի մասին» օրենքի 37-րդ հոդվածի 1-ին մասի դրույթներով` Հայաստանի Հանրապետության վիճակագրության պետական խորհուրդը որոշում է.
1. Հաստատել «Ավտոմոբիլային տրանսպորտի արտադրանքի և շարժակազմի մասին» Ձև 1-ավտո (ամսական) վիճակագրական հաշվետվության ձևը` համաձայն հավելված 1-ի:
2. Հաստատել «Ավտոմոբիլային տրանսպորտի արտադրանքի և շարժակազմի մասին» Ձև 1-ավտո (ամսական) վիճակագրական հաշվետվության լրացման հրահանգը` համաձայն հավելված 2-ի:
i
3. ՈՒժը կորցրած ճանաչել Հայաստանի Հանրապետության վիճակագրության պետական խորհրդի 2016 թվականի սեպտեմբերի 22-ի ««Ավտոմոբիլային տրանսպորտի արտադրանքի և շարժակազմի մասին» ձև 1-ավտո (ամսական) պետական վիճակագրական հաշվետվության ձևն ու լրացման հրահանգը հաստատելու և Հայաստանի Հանրապետության վիճակագրության պետական խորհրդի 2012 թվականի հուլիսի 9-ի թիվ 22-Ն որոշումն ուժը կորցրած ճանաչելու մասին» թիվ 14-Ն որոշումը:
4. Սույն որոշումն ուժի մեջ է մտնում 2019 թվականի հունվարի 1-ից:
Հավելված 1
i
Հայաստանի Հանրապետության
վիճակագրության պետական խորհրդի
2018 թվականի նոյեմբերի 12-ի
թիվ 62-Ն որոշման
ՁԵՎ N 1-ավտո
(ամսական)
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐԱԿԱՆ ԿՈՄԻՏԵ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ ԱՎՏՈՄՈԲԻԼԱՅԻՆ ՏՐԱՆՍՊՈՐՏԻ ԱՐՏԱԴՐԱՆՔԻ ԵՎ ՇԱՐԺԱԿԱԶՄԻ ՄԱՍԻՆ
20 թ._____________ (ամիս)
._____________________________________________________________________.
|Ներկայացվում է համաձայն «Պաշտոնական վիճակագրության մասին» օրենքի և |
|Հայաստանի Հանրապետության վիճակագրության պետական խորհրդի 2016 թ. |
|հունիսի 20-ի թիվ 05-Ն որոշման: |
|_____________________________________________________________________|
|Հաշվետվության ներկայացման ժամկետը` մինչև հաշվետու ժամանակաշրջանին |
|հաջորդող ամսվա 10-ը |
|_____________________________________________________________________|
|Ներկայացնում է __________________________________________________ |
| (լրիվ անվանումը) |
|Կազմակերպաիրավական տեսակը __________________________________________ |
|Գործունեության իրականացման վայրի |
|Մարզը /ք. Երևան ____________________________________________________|
|Համայնքը ____________________________________________________________|
|Բնակավայրը/Երևան քաղաքի վարչական շրջանը ____________________________|
|Հասցեն ___________________________________________ [][][][] |
| (փողոցը, շենքը, բնակարանը) (փոստային դասիչ) |
| |
|Փաստացի գործունեության հիմնական տեսակի [][][][][] |
|ծածկագիրը (լրացվում է համաձայն |
| ՏԳՏԴ դասակարգչի) |
| |
|Պետական ռեգիստրում գրանցման համարը [][][] [][][] [][][][][][][] |
| (լրացվում է համաձայն գրանցման |
| վկայականի) |
| |
|Նույնականացման ծածկագիրը [][][][][][][][] |
| (լրացվում է համաձայն գրանցման վկայականի) |
| |
|Հարկ վճարողի հաշվառման համարը (ՀՎՀՀ) [][][][][][][][] |
| |
|Հեռախոսահամար(ներ) ________________________________________________ |
|Էլեկտրոնային փոստ ________________________________@_________________ |
|_____________________________________________________________________|
|ՏՐԱՄԱԴՐՎԱԾ ՏԵՂԵԿՈՒԹՅՈՒՆՆԵՐԻ ԳԱՂՏՆԻՈՒԹՅԱՆ ՊԱՀՊԱՆՈՒՄԸ ԵՐԱՇԽԱՎՈՐՎՈՒՄ Է |
|ՕՐԵՆՔՈՎ |
|_____________________________________________________________________|
|Դիտարկումների համար անհրաժեշտ վիճակագրական հաշվետվությունները |
|սահմանված ժամկետում չներկայացնելու կամ սահմանված կարգի խախտումով (ոչ |
|արժանահավատ տվյալներ, դրանց ոչ ամբողջականորեն արտացոլում և այլ |
|աղավաղումներ) ներկայացնելու (անկախ ժամկետից) համար վիճակագրական |
|հաշվետվություններ ներկայացնողները ենթարկվում են պատասխանատվության` |
|օրենքով սահմանված կարգով: |
._____________________________________________________________________.
1. Բեռնատար ավտոմոբիլային տրանսպորտի աշխատանքը
.__________________________________________________________________.
|Ցուցանիշի անվանումը |Տողի |Չափի |Ցուցանիշի|
| |համարը|միավորը |մեծու- |
| | | |թյունը |
|________________________________________|______|________|_________|
| Ա | Բ | գ | 1 |
|________________________________________|______|________|_________|
|Փոխադրվել են բեռներ, ընդամենը |110 |հազար | |
| | |տոննա | |
|________________________________________|______|________|_________|
|այդ թվում` ըստ փոխադրումների տեսակների |111 |-»- | |
|ներհամայնքային | | | |
|________________________________________|______|________|_________|
| ներմարզային |112 |-»- | |
|________________________________________|______|________|_________|
| միջմարզային |113 |-»- | |
|________________________________________|______|________|_________|
| միջպետական |114 |-»- | |
|________________________________________|______|________|_________|
|որից` Եվրասիական տնտեսական միության |114.1 |-»- | |
|երկրներ (այսուհետ` ԵԱՏՄ) | | | |
|________________________________________|______|________|_________|
|Բեռնաշրջանառություն, ընդամենը |120 |հազար | |
| | |տոննա-կմ| |
|________________________________________|______|________|_________|
|այդ թվում` ըստ փոխադրումների տեսակների |121 |-»- | |
|ներհամայնքային | | | |
|________________________________________|______|________|_________|
| ներմարզային |122 |-»- | |
|________________________________________|______|________|_________|
| միջմարզային |123 |-»- | |
|________________________________________|______|________|_________|
| միջպետական |124 |-»- | |
|________________________________________|______|________|_________|
|որից` ԵԱՏՄ երկրներ |124.1 |-»- | |
.__________________________________________________________________.
2. Ուղևորատար ավտոմոբիլային տրանսպորտի աշխատանքը
.____________________________________________________________________.
|Ցուցանիշի անվանումը |Տողի |Չափի |Ցուցանիշի|
| |համարը|միավորը |մեծու- |
| | | |թյունը |
|________________________________________|______|__________|_________|
| Ա | Բ | գ | 1 |
|________________________________________|______|__________|_________|
|Փոխադրվել են ուղևորներ, ընդամենը |210 |հազար | |
| | |ուղևոր | |
|________________________________________|______|__________|_________|
|այդ թվում` ըստ փոխադրումների տեսակների |211 |-»- | |
|ներհամայնքային | | | |
|________________________________________|______|__________|_________|
| ներմարզային |212 |-»- | |
|________________________________________|______|__________|_________|
| միջմարզային |213 |-»- | |
|________________________________________|______|__________|_________|
| միջպետական |214 |-»- | |
|________________________________________|______|__________|_________|
|որից` ԵԱՏՄ երկրներ |214.1 |-»- | |
|________________________________________|______|__________|_________|
|210 տողից` միկրոավտոբուսներով, ընդամենը |220 |-»- | |
|________________________________________|______|__________|_________|
|այդ թվում` ըստ փոխադրումների տեսակների |221 |-»- | |
|ներհամայնքային | | | |
|________________________________________|______|__________|_________|
| ներմարզային |222 |-»- | |
|________________________________________|______|__________|_________|
| միջմարզային |223 |-»- | |
|________________________________________|______|__________|_________|
| միջպետական |224 |-»- | |
|________________________________________|______|__________|_________|
|որից` ԵԱՏՄ երկրներ |224.1 |-»- | |
|________________________________________|______|__________|_________|
|Ուղևորաշրջանառություն, ընդամենը |230 |հազար | |
| | |ուղևոր-կմ | |
|________________________________________|______|__________|_________|
|այդ թվում` ըստ փոխադրումների տեսակների |231 |-»- | |
|ներհամայնքային | | | |
|________________________________________|______|__________|_________|
| ներմարզային |232 |-»- | |
|________________________________________|______|__________|_________|
| միջմարզային |233 |-»- | |
|________________________________________|______|__________|_________|
| միջպետական |234 |-»- | |
|________________________________________|______|__________|_________|
|որից` ԵԱՏՄ երկրներ |234.1 |-»- | |
|________________________________________|______|__________|_________|
|230 տողից` միկրոավտոբուսներով, ընդամենը |240 |-»- | |
|________________________________________|______|__________|_________|
|այդ թվում` ըստ փոխադրումների տեսակների |241 |-»- | |
|ներհամայնքային | | | |
|________________________________________|______|__________|_________|
| ներմարզային |242 |-»- | |
|________________________________________|______|__________|_________|
| միջմարզային |243 |-»- | |
|________________________________________|______|__________|_________|
| միջպետական |244 |-»- | |
|________________________________________|______|__________|_________|
|որից` ԵԱՏՄ երկրներ |244.1 |-»- | |
.____________________________________________________________________.
3. Թեթև մարդատար տաքսիների աշխատանքը
.____________________________________________________________________.
|Ցուցանիշի անվանումը |Տողի |Չափի |Ցուցանիշի|
| |համարը|միավորը |մեծու- |
| | | |թյունը |
|________________________________________|______|__________|_________|
| Ա | Բ | գ | 1 |
|________________________________________|______|__________|_________|
|Փոխադրվել են ուղևորներ, ընդամենը |310 |հազար | |
| | |ուղևոր | |
|________________________________________|______|__________|_________|
|այդ թվում` ըստ փոխադրումների տեսակների |311 |-»- | |
|ներհամայնքային | | | |
|________________________________________|______|__________|_________|
| ներմարզային |312 |-»- | |
|________________________________________|______|__________|_________|
| միջմարզային |313 |-»- | |
|________________________________________|______|__________|_________|
| միջպետական |314 |-»- | |
|________________________________________|______|__________|_________|
|որից` ԵԱՏՄ երկրներ |314.1 |-»- | |
|________________________________________|______|__________|_________|
|Ուղևորաշրջանառություն, ընդամենը |320 |հազար | |
|(հաշվարկվում է վճարովի վազքով) | |ուղևոր-կմ | |
|________________________________________|______|__________|_________|
|այդ թվում` ըստ փոխադրումների տեսակների |321 |-»- | |
|ներհամայնքային | | | |
|________________________________________|______|__________|_________|
| ներմարզային |322 |-»- | |
|________________________________________|______|__________|_________|
| միջմարզային |323 |-»- | |
|________________________________________|______|__________|_________|
| միջպետական |324 |-»- | |
|________________________________________|______|__________|_________|
|որից` ԵԱՏՄ երկրներ |324.1 |-»- | |
.____________________________________________________________________.
4. Ֆինանսական ցուցանիշները (առանց ավելացված արժեքի և այլ անուղղակի հարկերի)
.____________________________________________________________________.
| |Տողի|Չափի |Ընդա- |այդ թվում` ըստ |
| |հա- |միավորը|մենը |փոխադրումների տեսակների|
| |մարը| |հաշ- |_______________________|
| | | |վետու |ներ- |ներ- |միջ- |միջ- |
| | | |ամսում|հա- |մար- |մար- |պետա-|
| | | | |մայն-|զային|զային|կան |
| | | | |քային| | | |
|________________________|____|_______|______|_____|_____|_____|_____|
| Ա | Բ | Գ | 1 | 2 | 3 | 4 | 5 |
|________________________|____|_______|______|_____|_____|_____|_____|
|Բեռնափոխադրումներից | | | x | x | x | x | x |
|________________________|____|_______|______|_____|_____|_____|_____|
|հասույթ |410 |հազար | | | | | |
| | |դրամ | | | | | |
|________________________|____|_______|______|_____|_____|_____|_____|
|ծախսեր |411 |-»- | | | | | |
|________________________|____|_______|______|_____|_____|_____|_____|
|Ուղևորափոխադրումներից | | | x | x | x | x | x |
|________________________|____|_______|______|_____|_____|_____|_____|
|հասույթ |420 |հազար | | | | | |
| | |դրամ | | | | | |
|________________________|____|_______|______|_____|_____|_____|_____|
|ծախսեր |421 |-»- | | | | | |
|________________________|____|_______|______|_____|_____|_____|_____|
|որից` միկրոավտոբուսներով| | | x | x | x | x | x |
|ուղևորափոխադրումներից | | | | | | | |
|________________________|____|_______|______|_____|_____|_____|_____|
|հասույթ |430 |հազար | | | | | |
| | |դրամ | | | | | |
|________________________|____|_______|______|_____|_____|_____|_____|
|ծախսեր |431 |-»- | | | | | |
|________________________|____|_______|______|_____|_____|_____|_____|
|Թեթև մարդատար | | | x | x | x | x | x |
|տաքսիներով ուղևորա- | | | | | | | |
|փոխադրումներից | | | | | | | |
|________________________|____|_______|______|_____|_____|_____|_____|
|հասույթ |440 |հազար | | | | | |
| | |դրամ | | | | | |
|________________________|____|_______|______|_____|_____|_____|_____|
|ծախսեր |441 |-»- | | | | | |
|________________________|____|_______|______|_____|_____|_____|_____|
|Օժանդակ և լրացուցիչ |450 |հազար | | x | x | x | x |
|ավտոտրանսպորտային | |դրամ | | | | | |
|գործունեությունից | | | | | | | |
|ստացված հասույթը, | | | | | | | |
|ընդամենը | | | | | | | |
|________________________|____|_______|______|_____|_____|_____|_____|
|այդ թվում` բեռների |451 |-»- | | x | x | x | x |
|բեռնման և բեռնաթափման | | | | | | | |
|________________________|____|_______|______|_____|_____|_____|_____|
|բեռների պահման և |452 |-»- | | x | x | x | x |
|պահեստավորման | | | | | | | |
|________________________|____|_______|______|_____|_____|_____|_____|
|ավտոկայարանների և |453 |-»- | | x | x | x | x |
|ավտոկայանների | | | | | | | |
|________________________|____|_______|______|_____|_____|_____|_____|
|մաքսային միջնորդային |454 |-»- | | x | x | x | x |
|________________________|____|_______|______|_____|_____|_____|_____|
|երթակարգավարական |455 |-»- | | x | x | x | x |
|________________________|____|_______|______|_____|_____|_____|_____|
|մաքսային տերմինալների |456 |-»- | | x | x | x | x |
|________________________|____|_______|______|_____|_____|_____|_____|
|այլ |457 |-»- | | x | x | x | x |
|________________________|____|_______|______|_____|_____|_____|_____|
|Այլ գործունեությունից |460 |հազար | | x | x | x | x |
|ստացված հասույթը | |դրամ | | | | | |
|________________________|____|_______|______|_____|_____|_____|_____|
|որից` նշել | | | x | x | x | x | x |
|գործունեության տեսակը | | | | | | | |
|________________________|____|_______|______|_____|_____|_____|_____|
| |461 |-»- | | x | x | x | x |
|________________________|____|_______|______|_____|_____|_____|_____|
| |462 |-»- | | x | x | x | x |
.____________________________________________________________________.
5. Շահագործական շարժակազմի առկայությունը և կատարված երթերը
._________________________________________________________________________.
| |Տողի |Չափի |Ընդա-|որից`|այդ թվում` ըստ |
| |հա- |միավորը|մենը |աշխա-|փոխադրումների տեսակների|
| |մարը | |հաշ- |տան- |(510-540 տողերը ըստ |
| | | |վետու|քում |2-րդ սյունակի, 550-580 |
| | | |ամ- | |տողերը ըստ 1-ի |
| | | |սում | |սյունակի) |
| | | | | |_______________________|
| | | | | |ներ- |ներ- |միջ- |միջ- |
| | | | | |հա- |մար- |մար- |պետա-|
| | | | | |մայն-|զային|զային|կան |
| | | | | |քային| | | |
|_______________________|_____|_______|_____|_____|_____|_____|_____|_____|
| Ա | Բ | Գ | 1 | 2 | 3 | 4 | 5 | 6 |
|_______________________|_____|_______|_____|_____|_____|_____|_____|_____|
|Բեռնատար ավտոմեքենաներ |510 |միավոր | | | x | x | x | x |
|(ներառյալ հատուկ | | | | | | | | |
|բեռնատար ավտոմեքենաներ)| | | | | | | | |
|_______________________|_____|_______|_____|_____|_____|_____|_____|_____|
|Ավտոբուսներ |520 |-»- | | | | | | |
|_______________________|_____|_______|_____|_____|_____|_____|_____|_____|
|Միկրոավտոբուսներ |530 |-»- | | | | | | |
|_______________________|_____|_______|_____|_____|_____|_____|_____|_____|
|Թեթև մարդատար տաքսիներ|540 |-»- | | | x | x | x | x |
|_______________________|_____|_______|_____|_____|_____|_____|_____|_____|
|Բեռնատար ավտոմեքենաների|550 |-»- | | x | | | | |
|կատարած երթերը | | | | | | | | |
|_______________________|_____|_______|_____|_____|_____|_____|_____|_____|
|Ավտոբուսների կատարած |560 |-»- | | x | | | | |
|երթերը | | | | | | | | |
|_______________________|_____|_______|_____|_____|_____|_____|_____|_____|
|Միկրոավտոբուսների |570 |-»- | | x | | | | |
|կատարած երթերը | | | | | | | | |
|_______________________|_____|_______|_____|_____|_____|_____|_____|_____|
|Թեթև մարդատար |580 |-»- | | x | | | | |
|տաքսիների պատվերների | | | | | | | | |
|քանակը | | | | | | | | |
._________________________________________________________________________.
6. Աշխատողների միջին տարեկան թվաքանակը (լրացվում է տարին մեկ անգամ` դեկտեմբեր ամսվա վիճակագրական հաշվետվությունում)
.__________________________________________________________________.
|Ցուցանիշի անվանումը |Տողի |Չափի |Ցուցանիշի |
| |համարը|միավորը|մեծությունը|
|_______________________________________|______|_______|___________|
| Ա | Բ | Գ | 1 |
|_______________________________________|______|_______|___________|
|Ընդամենը |610 |մարդ | |
|_______________________________________|______|_______|___________|
|այդ թվում` բեռնափոխադրումներով զբաղվող |611 |-»- | |
|_______________________________________|______|_______|___________|
|ուղևորափոխադրումներով զբաղվող |612 |-»- | |
|(ավտոբուսներով և միկրոավտոբուսներով) | | | |
|_______________________________________|______|_______|___________|
|թեթև մարդատար տաքսիներով |613 |-»- | |
|_______________________________________|______|_______|___________|
|օժանդակ և լրացուցիչ ավտոտրանսպորտային |614 |-»- | |
|գործունեությամբ զբաղվող | | | |
|_______________________________________|______|_______|___________|
|այլ գործունեությամբ զբաղվող |615 |-»- | |
.__________________________________________________________________.
Ղեկավար` ___________________ _________________
(Ազգանուն, անուն) (Ստորագրություն)
Լրացնող (գլխավոր հաշվապահ ___________________ _________________
կամ այլ լիազորված անձ)` (Ազգանուն, անուն) (Ստորագրություն)
«__»__________20___թ.
Հավելված 2
Հայաստանի Հանրապետության
վիճակագրության պետական խորհրդի
2018 թվականի նոյեմբերի 12-ի
թիվ 62-Ն որոշման
ՀՐԱՀԱՆԳ
«ԱՎՏՈՄՈԲԻԼԱՅԻՆ ՏՐԱՆՍՊՈՐՏԻ ԱՐՏԱԴՐԱՆՔԻ ԵՎ ՇԱՐԺԱԿԱԶՄԻ ՄԱՍԻՆ» ՁԵՎ 1-ԱՎՏՈ (ԱՄՍԱԿԱՆ) ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ
I. ԸՆԴՀԱՆՈՒՐ ԴՐՈՒՅԹՆԵՐ
1. Սույն հրահանգը կարգավորում է «Ավտոմոբիլային տրանսպորտի արտադրանքի և շարժակազմի մասին» Ձև 1-ավտո (ամսական) վիճակագրական հաշվետվության (այսուհետ` հաշվետվություն) լրացման կարգի հետ կապված հարաբերությունները:
2. Հաշվետվությունը ներկայացնում են ընդհանուր օգտագործման ավտոմոբիլային տրանսպորտով բեռնափոխադրումներ և ուղևորափոխադրումներ, ճանապարհաշինարարական աշխատանքներ իրականացնող, ինչպես նաև օժանդակ և լրացուցիչ ավտոտրանսպորտային գործունեությամբ զբաղվող իրավաբանական անձինք և անհատ ձեռնարկատերերը (այսուհետ` կազմակերպություններ և անհատ ձեռնարկատերեր), որոնք այդ մասին իրազեկվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան: Հաշվետվությունը ներկայացնում են սեփականության և այլ իրավունքներով տրանսպորտային միջոցներ շահագործող կազմակերպությունները և անհատ ձեռնարկատերերը:
3. Հաշվետվությունների իմաստով փաստացի գործունեության հիմնական տեսակ է համարվում գործունեության այն տեսակը, որը հաշվետու ժամանակաշրջանում հավելյալ արժեքի ընդհանուր ծավալում փաստացի ունեցել է առավել մեծ տեսակարար կշիռ: Առավել մեծ տեսակարար կշռի որոշման համար առաջարկվում է կողմնորոշվել ընդհանուր հասույթի, հավելյալ արժեքի կամ աշխատողների ընդհանուր թվաքանակի մեջ ունեցած բաժնով և այլ համանման բնութագրող ցուցանիշներով:
4. Հաշվետվության դիմային էջի «Փաստացի գործունեության հիմնական տեսակի» ծածկագիրը լրացնում են հաշվետվություն ներկայացնող իրավաբանական անձինք, հիմնարկները, անհատ ձեռնարկատերերը` համաձայն «Տնտեսական գործունեության տեսակների դասակարգչի» 5-նիշ խմբավորման (տես` http://www.arlis.am/Annexes/4/GT30.1-13page1730-2124ink1392.doc հղումը):
5. Վարձատու կազմակերպությունները և անհատ ձեռնարկատերերը իրենց կողմից ներկայացվող հաշվետվությունում չեն ներառում այլ կազմակերպություններին և անհատ ձեռնարկատերերին վարձակալությամբ տրված ավտոմեքենաների քանակն ու աշխատանքը բնութագրող տվյալները: Այդ տվյալներն ընդգրկվում են ավտոմեքենաներ վարձակալող կազմակերպությունների և անհատ ձեռնարկատերերի կողմից ներկայացվող հաշվետվությունում:
6. Բեռնաուղևորափոխադրումներ իրականացնելու համար ավտոմեքենաներ վարձակալած կազմակերպությունները և անհատ ձեռնարկատերերը հաշվետվությունը լրացնում են միայն ավտոմեքենան վարձակալած ժամանակաշրջանի համար:
7. Հաշվետվությունում չեն ներառվում կազմակերպության տեխնիկատնտեսական սպասարկման (կազմակերպության կարիքների համար փոխադրված բեռներ, կազմակերպության աշխատողների փոխադրումներ ավտոբուսներով և թեթև մարդատար ավտոմեքենաներով և այլն) նպատակով օգտագործված ավտոմեքենաների աշխատանքը բնութագրող տվյալները:
8. Վիճակագրական տեղեկությունների ներկայացման հետ կապված հարցերը կարգավորվում են Հայաստանի Հանրապետության օրենսդրությամբ:
II. ԼՐԱՑՄԱՆ ԿԱՐԳԸ
9. Սույն հրահանգում օգտագործվող հիմնական հասկացություններն են`
1) ավտոբուս` ավտոմոբիլ, որի նստատեղերի քանակը, բացառությամբ վարորդի նստատեղի, գերազանցում է ութը, 9-17 նստատեղ ունեցող ավտոբուսը, առանց վարորդի նստատեղի, համարվում է միկրոավտոբուս,
2) երթուղի` փոխադրման սկզբնակետից մինչև վերջնակետ ավտոտրանսպորտային միջոցի շարժման համար սահմանված ուղեգիծ,
3) կանոնավոր փոխադրում` սահմանված ուղեգծով ու հաստատված չվացուցակով, առաջարկված փոխադրավարձով, ուղևորների նստեցման և իջեցման հաստատված կանգառներով, ինչպես նաև երթուղային տաքսու ռեժիմով իրականացվող փոխադրում,
4) ներհամայնքային փոխադրում` համայնքի վարչական տարածքի սահմաններում իրականացվող փոխադրում,
5) ներմարզային փոխադրում` մարզի վարչական տարածքի սահմաններում իրականացվող փոխադրում,
6) միջմարզային փոխադրում` մարզերի միջև այլ մարզերի վարչական տարածքների տարանցումով կամ առանց տարանցման իրականացվող փոխադրում,
7) միջպետական փոխադրում` պետությունների միջև այլ պետությունների տարածքների տարանցումով կամ առանց տարանցման իրականացվող փոխադրում,
8) երթ (ուղերթ)` փոխադրման սկզբնակետից մինչև վերջնակետ ավտոտրանսպորտային միջոցի անցած ճանապարհը:
10. Հաշվետվությունը կազմված է 6 բաժնից. Բեռնատար ավտոմոբիլային տրանսպորտի աշխատանքը (բաժին 1), ՈՒղևորատար ավտոմոբիլային տրանսպորտի աշխատանքը (բաժին 2), Թեթև մարդատար տաքսիների աշխատանքը (բաժին 3), Ֆինանսական ցուցանիշները (բաժին 4), Շահագործական շարժակազմի առկայությունը և կատարված երթերը (բաժին 5), Աշխատողների միջին տարեկան թվաքանակը (բաժին 6):
11. Բեռնատար ավտոմոբիլային տրանսպորտի աշխատանքը բնութագրող ծավալային ցուցանիշներն են` բեռների փոխադրումների ծավալը (տոննաներով) և բեռնաշրջանառությունը (տոննա-կիլոմետրերով): Բեռնափոխադրումների և բեռնաշրջանառության մեջ ներառված են բեռնատար ավտոմեքենաների (ներառյալ բեռնատար տաքսիները), պիկապների և թեթև մարդատար ավտոմեքենաների շասսիի վրա ֆուրգոնների, աղբատար ավտոտրանսպորտի, ինչպես նաև ավտոկցորդների կատարած փոխադրումների ծավալները:
12. Բեռնատար ավտոտրանսպորտով (ներառյալ ավտոկցորդներով) բեռնափոխադրումների ծավալում ցույց է տրվում փոխադրված բեռների փաստացի քանակը, հաշվի առնելով տարայի, կոնտեյների քաշը յուրաքանչյուր երթի ժամանակ: Ներհամայնքային, ներմարզային, միջմարզային և միջպետական բեռնափոխադրումների ծավալները վիճակագրական հաշվետվությունում լրացվում են ապրանքատրանսպորտային բեռնագրերի կամ բեռի փոխադրման վերաբերյալ այլ փաստաթղթերի հիման վրա, որոնցով կատարվում է ապրանքանյութական արժեքների գրանցումները և հաշվառումները: Պայմանագրերով ձևակերպված ոչ ապրանքային բեռների (որոնց համար պահեստային հաշվառում չի տարվում) փոխադրումները հաշվարկվում են չափման, կշռման միջոցով և արտացոլվում` արտահայտված տոննաներով և տոննա-կիլոմետրերով: Գծամետրերով չափվող հատային և ծավալային բեռների (փայտ, անտառանյութ, ավազ և այլն) քաշը որոշվում է բեռնառաքողների կողմից` դրանց կշռման կամ համապատասխան գործակիցների կիրառման միջոցով: Ստանդարտ բեռների համար բեռների քաշը որոշվում է տեղերի քանակը մեկ տեղի քաշով բազմապատկելու միջոցով: Հատերով հաշվառվող բեռների (մեքենաներ, սառնարաններ և այլն) քաշը որոշվում է բեռների քանակը տեխնիկական փաստաթղթերում նշված քաշով բազմապատկելու միջոցով:
13. Բեռնաշրջանառությունը (տոննա-կիլոմետրերով) որոշվում է առանձին երթերով փոխադրված փաստացի բեռի քանակը (տոննա) բազմապատկելով փոխադրման հեռավորությամբ և գումարելով ստացված արդյունքները: Առանց ապրանքատրանսպորտային բեռնագրերի (կամ բեռի փոխադրման վերաբերյալ այլ փաստաթղթի) ձևակերպման և ժամավճարային սակագներով ներհամայնքային և ներմարզային բեռնափոխադրումներ իրականացնող կազմակերպությունների բեռնաշրջանառությունը որոշվում է հաշվարկային կարգով. ավտոմեքենայի ուղեգրում գրանցված ընդհանուր վազքի, բեռնատարողության, վազքի օգտագործման և բեռնատարողության օգտագործման գործակիցների արտադրյալով: Վազքի օգտագործման գործակիցը հավասար է 0,5-ի, իսկ բեռնատարողության գործակիցը` 0,7: Բեռնափոխադրումների ծավալները որոշվում են բեռնաշրջանառությունը բեռնափոխադրման միջին հեռավորության վրա բաժանելու միջոցով: Որպես բեռի փոխադրման միջին հեռավորություն է սահմանվում 15 կմ-ը:
14. Ավտոբուսային (միկրոավտոբուսային) տրանսպորտի աշխատանքը բնութագրող ծավալային ցուցանիշներն են` ուղևորների փոխադրումների ծավալը (ուղևորներով) և ուղևորաշրջանառությունը (ուղևոր-կիլոմետրերով): ՈՒղևորների փոխադրման և ուղևորաշրջանառության ցուցանիշներում ներառվում են շահագործական երթուղային ավտոբուսներով, միկրոավտոբուսներով և պատվերով աշխատող ավտոբուսներով փոխադրված ուղևորների թվաքանակը:
15. ՈՒղևորների թվաքանակը ներհամայնքային փոխադրումներում որոշվում է համապատասխան երթուղով ուղևորների փոխադրումներից ստացված հասույթի և տվյալ երթուղու համար հաստատված սակագնի հարաբերությամբ:
16. Ներմարզային փոխադրումներում ուղևորների փոխադրումների ծավալը որոշվում է տվյալ երթուղու տվյալ ավտոբուսի (միկրոավտոբուսի) համար հաշվարկված ուղևորաշրջանառության կրկնապատիկի և տվյալ (համապատասխան) երթուղու փաստացի հեռավորության հարաբերությամբ:
17. Միջմարզային և միջպետական փոխադրումներում ուղևորների փոխադրումների ծավալը որոշվում է վաճառված տոմսերի քանակի հիման վրա:
18. Պատվերով ավտոբուսներով փոխադրված ուղևորների թվաքանակը ներհամայնքային և ներմարզային փոխադրումներում (բացառությամբ` զբոսաշրջային ուղևորափոխադրումների) որոշվում է հաշվարկային ուղևորաշրջանառությունը ներմարզային փոխադրումների միջին հեռավորության վրա բաժանելու միջոցով: Ներմարզային փոխադրումներում երթուղու միջին հեռավորության ցուցանիշի բացակայության դեպքում հաշվարկի համար որպես հիմք ընդունվում է 15 կմ-ը: Պատվերով ավտոբուսներով միջմարզային և միջպետական փոխադրումներում, ինչպես նաև զբոսաշրջային նպատակներով ավտոբուսներով (բոլոր տեսակի երթուղիներով) փոխադրված ուղևորների թվաքանակ է ընդունվում ավտոբուսի ուղեգրում նշված փոխադրված փաստացի ուղևորների թվաքանակը:
19. Թեթև մարդատար տաքսիներով փոխադրված ուղևորների թվաքանակը որոշվում է հաշվարկային ուղևորաշրջանառությունը ներհամայնքային փոխադրումների միջին հեռավորության վրա բաժանելու միջոցով: Երևան քաղաքում ուղևորափոխադրումների հաշվարկի համար որպես հիմք ընդունվում է 8 կմ-ը:
20. ՈՒղևորաշրջանառությունը որոշվում է հետևյալ կերպ.
1) ներհամայնքային փոխադրումներում աշխատող ավտոբուսների ուղևորաշրջանառությունը որոշվում է փոխադրված ուղևորների քանակը համապատասխան երթուղու հեռավորության 0.5-ով բազմապատկելու միջոցով,
2) ներմարզային փոխադրումներում ուղևորաշրջանառությունը որոշվում է.
ա. երթի համար միանգամյա տոմսեր վաճառելու դեպքում` ուղևորափոխադրումներից ստացված հասույթը տվյալ երթուղու 1 ուղևոր-կիլոմետրի համար գործող սակագնի վրա բաժանելու միջոցով: Այդ սակագինը որոշվում է տվյալ երթուղու համար գործող սակագնի և երթուղու երկարության հարաբերությամբ: Օրինակ` ենթադրենք Երևան-Արմավիր երթուղու մեկ ուղևորի փոխադրման համար սահմանված է 350 դրամ, իսկ երթուղու երկարությունը` 45 կմ, ապա տվյալ երթուղու համար 1 ուղևոր-կիլոմետրի համար գործող սակագինը կլինի` 350: 45 = 7,78 դրամ,
բ. առանձին քաղաքացիներին, կազմակերպություններին աբոնենտային ամսական տոմսեր վաճառելու դեպքում` 1 ամսում փոխադրված ուղևորների թվաքանակը ուղևորների փոխադրման փաստացի հեռավորությամբ բազմապատկելու միջոցով:
Երթուղու միջին հեռավորությունը որոշվում է հետևյալ կերպ`
Օրինակ` ենթադրենք Ա կազմակերպությունն ունի երեք երթուղիներ.
I երթուղի` հեռավորությունը - 20 կմ, երթերի թիվը` 15, ուղևորներով վազքը` 15 x 20 =300 կմ,
II երթուղի` 25 կմ և 20 երթ, ուղևորներով վազքը` 20 x 25 = 500 կմ,
III երթուղի` 30 կմ և 6 երթ, ուղևորներով վազքը` 6 x 30 = 180 կմ:
Տվյալ կազմակերպության համար երթուղու միջին հեռավորությունը կլինի`
(300 + 500 + 180): (15 + 20 + 6) = 980: 41 = 23.9 կմ,
3) միջմարզային և միջպետական փոխադրումներում ուղևորաշրջանառությունը որոշվում է տեղափոխված ուղևորների թվաքանակի և տվյալ երթուղու հեռավորության արտադրյալով,
4) պատվերով ավտոբուսների ուղևորաշրջանառությունը.
ա. ներհամայնքային և ներմարզային փոխադրումներում (բացի զբոսաշրջային նպատակների համար նախատեսված ավտոբուսներից) որոշվում է ավտոբուսների ուղևորներով վազքի, դրանց նստատեղերի թվի և տեղատարողության օգտագործման գործակցի արտադրյալով: Տեղատարողության օգտագործման գործակիցը ընդունվում է 0,65,
բ. միջմարզային և միջպետական փոխադրումներում, ինչպես նաև զբոսաշրջային նպատակների համար նախատեսված ավտոբուսներով (բոլոր երթուղիների համար) փոխադրումների ժամանակ ուղևորաշրջանառությունը որոշվում է փոխադրվող ուղևորների թվաքանակի և ավտոբուսների ուղևորներով վազքի արտադրյալով,
5) թեթև մարդատար տաքսիների ներհամայնքային ուղևորաշրջանառությունը որոշվում է ավտոմեքենաների կատարած վճարովի վազքերը կրկնապատկելով, իսկ ներմարզային, միջմարզային և միջպետական փոխադրումների ուղևորաշրջանառությունը որոշվում է տեղափոխված ուղևորների թվաքանակի և տվյալ փոխադրման հեռավորության արտադրյալով:
21. Բեռնափոխադրումներից ստացված հասույթը (առանց ավելացված արժեքի հարկի) (տող 410) ցուցանիշն իրենից ներկայացնում է բեռնատար ավտոմեքենաների շահագործումից ստացված ընդհանուր հասույթը: Բեռնափոխադրումներից ստացված հասույթի մեջ չեն ներառվում բեռնման-բեռնաթափման աշխատանքներից, առևտրային և առաքիչ գործառնություններից, պահեստների շահագործումից և բեռնափոխադրումների հետ կապված այլ ծառայություններից ստացված հասույթները:
22. Շահագործական ավտոբուսների և միկրոավտոբուսների հասույթը (առանց ավելացված արժեքի հարկի) (տողեր` 420 և 430) ցույց է տրվում երթուղային ավտոբուսների, միկրոավտոբուսների և պատվերով աշխատող ավտոբուսների շահագործումից ստացված հասույթները:
23. Թեթև մարդատար տաքսիներից ստացված հասույթի (առանց ավելացված արժեքի հարկի) (տող 440) մեջ ներառվում են դրանց շահագործումից ստացված բոլոր տեսակի վճարումները, ներառյալ այն հասույթը, որը ստացվում է պատվիրատուի կողմից ծառայողական նպատակներով կազմակերպության թեթև մարդատար ավտոմեքենաների շահագործման դիմաց:
24. Օժանդակ և լրացուցիչ ավտոտրանսպորտային գործունեությունից ստացված հասույթը (առանց ավելացված արժեքի հարկի) (տող 450) ներառում է հետևյալ տեսակի ավտոտրանսպորտային գործունեությունից ստացված հասույթները.
1) բեռների բեռնման և բեռնաթափման (տող 451)` բեռների մշակումից,
2) բեռների պահման և պահեստավորման (տող 452)` բոլոր տեսակի ապրանքների պահումից և պահեստավորումից շտեմարաններում, ընդհանուր նշանակության ապրանքային պահեստներում, պահեստ-սառնարաններում, զետեղարաններում (բունկերներում) և այլն,
3) ավտոկայարանների և ավտոկայանների (տող 453)` տոմսերի վաճառքի միջնորդավճարների գումարից, ինչպես նաև տեղերի ամրագրման, ավտոբուսների չվացուցակի, սակագների, փոխադրման պայմանների, ուղեբեռի ձևակերպման կարգի մասին տեղեկատու բյուրոների կողմից տեղեկատվության տրամադրման, հանձնած տոմսերի ընդունման և վճարների վերադարձման, սպասարանների, մոր և մանկան սենյակների տրամադրման ծառայություններից և այլն,
4) մաքսային միջնորդային (բրոքերային) (տող 454)` մաքսային բրոքերների ծառայությունն է տրանսպորտում, որը մաքսային ձևակերպումների և մաքսային հսկողության հետ կապված անձն է, որը գործում է օրենքով սահմանված կարգով ապրանքներ փոխադրող անձանց հանձնարարությամբ` իր անունից: Բրոքերային ծառայությունները ներառում են մաքսային պահեստներից բեռների ստացման պատվիրատուի հասցեով, բեռների առաքման մաքսատուրքերի ձևակերպում, սերտիֆիկատների, լիցենզիաների, անցագրերի և այլ փաստաթղթերի ձևակերպման ծառայություններ,
5) երթակարգավարական (տող 455)` տրանսպորտի երթևեկությունը որևէ կենտրոնական կետից կարգավորման ծառայություններ,
6) մաքսային տերմինալների (տող 456)` ներառում է բաց և փակ վերաբեռնման գոտիների, ժամանակավոր պահպանման պահեստի, սառնարանային պահեստների, ավտոմեքենաների համար նախատեսված կշեռքի, ավտոմեքենաների կանգառի համար նախատեսված տարածքի, գրասենյակային տարածքների, շուրջօրյա անվտանգության ու վերահսկողության համակարգերը և այլ,
7) այլ ծառայություններ (տող 457)` այլ օժանդակ տրանսպորտային ծառայություններ, որոնք ներառված չեն նշված խմբավորումներում:
25. Այլ գործունեությունից ստացված հասույթը (առանց ավելացված արժեքի հարկի) (տող 460) ներառում է Տնտեսական գործունեության տեսակների Հայաստանի Հանրապետության դասակարգչով սահմանված գործունեության բոլոր տեսակները, բացի տրանսպորտային ծառայություններից (օրինակ` արդյունաբերություն, շինարարություն, գյուղատնտեսություն, հեռահաղորդակցություն, առևտուր, ծառայություններ և այլն): Հաշվետվության մեջ հասույթները լրացվում են հաշվեգրման սկզբունքով:
26. V բաժնի շահագործական շարժակազմի (տողեր` 510, 520, 530 և 540) թվի մեջ ներառվում է ինչպես տվյալ կազմակերպության հաշվեկշռում առկա, այնպես էլ վարձակալված և այլ իրավունքներով օգտագործվող բոլոր բեռնատար ավտոմեքենաների, ավտոբուսների և թեթև մարդատար տաքսիների քանակը:
27. Կատարած երթերը (տողեր` 550, 560 և 570) լրացվում են բեռնատար ավտոմեքենաների, ավտոբուսների և միկրոավտոբուսների երթուղու վերջնական կետ ժամանման մասին կատարված նշումների հիման վրա:
28. Հաշվետվության VI բաժնում լրացվում է աշխատողների միջին տարեկան թվաքանակը (լրացվում է միայն դեկտեմբեր ամսվա վիճակագրական հաշվետվությունում): Աշխատողների միջին տարեկան թվաքանակը լրացվում է հաշվետու տարվա համար: Աշխատողների թվաքանակում ներառվում են անորոշ կամ որոշակի ժամկետով կնքված աշխատանքային պայմանագրի հիման վրա աշխատանք կատարող վարձու աշխատողները: Աշխատողների միջին տարեկան թվաքանակը որոշվում է հաշվետու տարվա բոլոր ամիսների աշխատողների միջին ամսական թվաքանակների հանրագումարը տարվա բոլոր ամիսների թվին բաժանելով (տասնորդական ճշտությամբ): Աշխատողների միջին ամսական թվաքանակը հաշվարկվում է յուրաքանչյուր ամսվա օրացուցային օրերի (ամսի 1-ից մինչև 30(31))-ը, փետրվարի համար` 28(29)-ը աշխատողների թվաքանակի հանրագումարը` ներառյալ ոչ աշխատանքային օրերը, ամսվա օրացուցային օրերի թվին բաժանելով: Աշխատողների թվաքանակը հանգստյան, տոնական կամ հիշատակի (ոչ աշխատանքային) օրերի համար ընդունվում է նախորդ աշխատանքային օրվա թվաքանակին հավասար: Երկու և ավելի ոչ աշխատանքային օրերի առկայության դեպքում այդ օրերից յուրաքանչյուրի համար աշխատողների թվաքանակն ընդունվում է դրանց նախորդող աշխատանքային օրվա թվաքանակին հավասար: Եթե աշխատողների թվաքանակի ամենօրյա հաշվառում չի վարվում, ապա աշխատողների թվաքանակը հաշվետու ամսվա համար հաշվարկվում է նախորդ ամսվա վերջի և հաշվետու ամսվա վերջի աշխատողների թվաքանակների հանրագումարը 2-ի բաժանելով: