ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
14 մարտի 2019 թվականի N 225-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2003 ԹՎԱԿԱՆԻ ԱՊՐԻԼԻ 3-Ի N 499-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 34-րդ հոդվածի 2-րդ մասը` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2003 թվականի ապրիլի 3-ի «Ջրերի հաշվառման այլընտրանքային կարգը հաստատելու մասին» N 499-Ն որոշման հավելվածում կատարել հետևյալ լրացումները և փոփոխությունները`
i
1) 2-րդ կետը «ջրային ռեսուրսների կառավարման գործակալության (այսուհետ` գործակալություն)» բառերից հետո լրացնել «և (կամ) բնապահպանության և ընդերքի տեսչական մարմնի (այսուհետ` տեսչական մարմին)» բառերով.
2) 3-րդ կետը շարադրել հետևյալ խմբագրությամբ`
i
«3. Արձանագրության մեջ ներկայացված հաշվառման արդյունքները հանդիսանում են ջրօգտագործման փաստացի ծավալներ` ջրօգտագործման վճարի հաշվարկման համար:».
i
3) 4-րդ կետը «գործակալության» բառից հետո լրացնել «և (կամ) տեսչական մարմնի» բառերով.
4) 5-րդ կետի «բ» ենթակետը շարադրել հետևյալ խմբագրությամբ`
i
«բ) ջրահոսքի գործող կտրվածք, որի մեծությունը հաշվարկների համար ընդունվում է` խողովակների համար` դրանց կտրվածքի մակերեսը, բաց հունով ջրանցքների համար` ջրահոսքի հունի միջինացված լայնակի կտրվածքի մակերեսը.».
i
5) 5.1-ին կետից հանել «կամ հիդրոտուրբինի» բառերը, իսկ 1-ին ենթակետից` «կՎտ/ժամ» բառերը,
6) լրացնել հետևյալ բովանդակությամբ 5.2-րդ կետով`
i
«5.2. Ջրամատակարարման համակարգում հիդրոտուրբինի առկայության դեպքում` հիդրոէլեկտրակայանների կողմից արտադրվող էլեկտրաէներգիայի համար անհրաժեշտ ջրի հոսքի մեծությունը հաշվարկել հետևյալ բանաձևով`
Q = E/9,81 x /\Hxtxղտxղգ,
որտեղ Q-ն ջրի հոսքն է (խմ/վ), E-ն` փաստացի արտադրված էլեկտրաէներգիան (կՎտ/ժամ), /\H-ը հաշվարկային ճնշումն է (մ), t-ն գեներատորի աշխատած ժամանակահատվածը (ժամ), ղտ` տուրբինի օգտակար գործողության գործակիցը, ղգ` գեներատորի օգտակար գործողության գործակիցը, իսկ 9.81-ը` ազատ անկման արագացումը (g=9,8մ/վրկ2):»:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
վարչապետ Ն. Փաշինյան
2019 թ. մարտի 19
ք. Երևան