ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
13 հոկտեմբերի 2026 թվական N 1013-Լ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2018 ԹՎԱԿԱՆԻ ՀՈՒՆԻՍԻ 11-Ի N 700-Լ ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները`
1. Հայաստանի Հանրապետության վարչապետի 2018 թվականի հունիսի 11-ի «Հայաստանի Հանրապետության աշխատանքի և սոցիալական հարցերի նախարարության կանոնադրությունը հաստատելու մասին» N 700-Լ որոշման (այսուհետ` որոշում) մեջ կատարել հետևյալ փոփոխությունները.
1) որոշման և որոշման հավելվածի վերնագրերում «ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐՈՒԹՅԱՆ» բառերը փոխարինել «ԱՇԽԱՏԱՆՔԻ ԵՎ ԲԱՐԵԿԵՑՈՒԹՅԱՆ ՆԱԽԱՐԱՐՈՒԹՅԱՆ» բառերով.
2) որոշման նախաբանից հետո օգտագործվող «աշխատանքի և սոցիալական հարցերի նախարարության» և որոշման հավելվածի 1-ին կետի «աշխատանքի և սոցիալական հարցերի նախարարությունը» բառերը համապատասխանաբար փոխարինել «աշխատանքի և բարեկեցության նախարարության» և «աշխատանքի և բարեկեցության նախարարությունը» բառերով.
3) որոշման հավելվածի 4-րդ կետը շարադրել հետևյալ խմբագրությամբ.
«4. Նախարարության անվանումն է`
1) հայերեն` Հայաստանի Հանրապետության աշխատանքի և բարեկեցության նախարարություն.
2) ռուսերեն` Մինիստեռստվօ տռուդա ի բլագօսօստօյանիյա Ռեսպուբլիկի Առմենիյա.
3) անգլերեն` Ministry of Labor and Welfare of the Republic of Armenia.
4) ֆրանսերեն` Ministere du Travail et du Bien-etre social de la Republique d'Armenie:»
4) որոշման հավելվածի 11.1-ին կետում «Աշխատանքի և սոցիալական հարցերի նախարարին» բառերը փոխարինել «Աշխատանքի և բարեկեցության նախարարին (այսուհետ` նախարար)» բառերով.
5) որոշման հավելվածի 12-րդ կետում «Հայաստանի Հանրապետության նախարարը (այսուհետ` նախարար)» բառերը փոխարինել «նախարարը» բառով:
Հայաստանի Հանրապետության
վարչապետ Ն. Փաշինյան
2026 թ. հոկտեմբերի
Երևան
_______________
ԻՐՏԵԿ - Ընդունող մարմնի կայքէջում (www.e-gov.am) պաշտոնական հրապարակման ամսաթիվ տրված չէ («Նորմատիվ իրավական ակտերի մասին» ՀՀ օրենք, հոդ. 23, մաս 7):