23.03.2022 -
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ
Ընդունված է 2022 թվականի մարտի 23-ին
ՊԵՏԱԿԱՆ ԳՈՒՅՔԻ ՄԱՍՆԱՎՈՐԵՑՄԱՆ 2017-2020 ԹՎԱԿԱՆՆԵՐԻ ԾՐԱԳՐԻ ԿԱՏԱՐՄԱՆ 2020 ԹՎԱԿԱՆԻ ՏԱՐԵԿԱՆ ՀԱՇՎԵՏՎՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ
Հաստատել պետական գույքի մասնավորեցման 2017-2020 թվականների ծրագրի կատարման 2020 թվականի տարեկան հաշվետվությունը (կցվում է):
|
Հայաստանի Հանրապետության
Նախագահ |
Վ. Խաչատուրյան |
|
2022 թ. ապրիլի 12
Երևան
ՀՕ-87-Ն
|
|
ՊԵՏԱԿԱՆ ԳՈՒՅՔԻ ՄԱՍՆԱՎՈՐԵՑՄԱՆ 2017-2020 ԹՎԱԿԱՆՆԵՐԻ ԾՐԱԳՐԻ ԿԱՏԱՐՄԱՆ 2020 ԹՎԱԿԱՆԻ ՏԱՐԵԿԱՆ ՀԱՇՎԵՏՎՈՒԹՅՈՒՆԸ
I. ԸՆԴՀԱՆՈՒՐ ԴՐՈՒՅԹՆԵՐ
i
1. Պետական գույքի մասնավորեցման ծրագրի կատարման մասին սույն հաշվետվությունը (այսուհետ` Հաշվետվություն) ներկայացվում է «Պետական գույքի մասնավորեցման (սեփականաշնորհման) մասին» օրենքի 12-րդ հոդվածի «բ» ենթակետի համաձայն:
2. Հաշվետվությունն ընդգրկում է 2020 թվականի օրացուցային տարին (այսուհետ` հաշվետու ժամանակահատված):
i
3. Հաշվետու ժամանակահատվածում գործողության մեջ է եղել «Պետական գույքի մասնավորեցման 2017-2020 թվականների ծրագրի մասին» օրենքը (այսուհետ` Ծրագիր): «Պետական գույքի մասնավորեցման (սեփականաշնորհման) մասին» օրենքի 4-րդ հոդվածի համաձայն` «նախորդ ծրագրերի ցանկերում ընդգրկված, սակայն չմասնավորեցված ընկերությունները (ձեռնարկությունները) և «փոքր» օբյեկտները նոր ծրագրի մասն են վերջինիս ուժի մեջ մտնելու պահից»:
4. Հաշվետու ժամանակահատվածում Կառավարության իրականացրած միջոցառումները ուղղված են եղել Ծրագրով սահմանված նպատակների իրագործմանը:
5. Հանրապետության համախառն ներքին արդյունքի 85%-ից ավելին ստեղծվում է մասնավոր հատվածի գործունեության հաշվին: Մասնավորեցման արդյունքում մասնավոր հատվածի ընկերությունների թիվն ավելացել է ևս 3 ընկերությունով: Մասնավորեցված ընկերությունները նպաստելու են իրենց գործունեության ոլորտում մրցակցության միջավայրի բարելավմանը, արդյունավետության բարձրացմանը և համախառն ներքին արդյունքի աճին:
6. Հաշվետու ժամանակահատվածում պետական գույքի մասնավորեցումից (այդ թվում` նախորդ տարիներին մասնավորեցված օբյեկտներից տարաժամկետ վճարման ենթակա մուտքերից) և լուծարումից ստացված միջոցների հաշվին ապահովվել է պետական և համախառն ներքին արդյունքի աճ:
i
7. Հաշվետու ժամանակահատվածում վարչապետի 2020 թվականի փետրվարի 19-ի N 210-Ա որոշման համաձայն` Կառավարության կողմից ընդունվել են 5 ընկերությունների բաժնետոմսերը մասնավորեցնելու մասին Կառավարության հետևյալ որոշումները` Կառավարության 2020 թվականի մարտի 5-ի N 243-Ա որոշումը («Երվերելակ» փակ բաժնետիրական ընկերությունը դասական աճուրդով մասնավորեցնելու մասին), Կառավարության 2020 թվականի մայիսի 27-ի N 862-Ա որոշումը («Միջուկային և ռադիացիոն անվտանգության ԳՏԿ» փակ բաժնետիրական ընկերությունն ուղղակի վաճառքի ձևով մասնավորեցնելու մասին), Կառավարության 2020 թվականի մարտի 12-ի N 285-Ա որոշումը («Նևրոզների կլինիկա» փակ բաժնետիրական ընկերությունը մրցույթով մասնավորեցնելու մասին), Կառավարության 2020 թվականի դեկտեմբերի 3-ի N 1982-Ա որոշումը («Կուրորտաբանության և ֆիզիկական բժշկության ԳՀԻ» փակ բաժնետիրական ընկերությունը մրցույթով մասնավորեցնելու մասին) և Կառավարության 2020 թվականի դեկտեմբերի 3-ի N 1930-Ա որոշումը («Գյուկոնդ» բաց բաժնետիրական ընկերության պետական սեփականություն հանդիսացող բաժնեմասը աճուրդով մասնավորեցնելու մասին), ինչպես նաև Կառավարության 2020 թվականի հունիսի 18-ի N 987-Ա որոշումը («Ավտոմատիկա» փակ բաժնետիրական ընկերության բաժնետոմսերի մասնավորեցման նախապատրաստական աշխատանքների մասին):
8. Հաշվետու ժամանակահատվածում Ծրագրում ընդգրկված և մասնավորեցման ներկայացված ընկերություններից մասնավորեցվել են` ուղղակի վաճառքի ձևով 1 և դասական աճուրդով 2 ընկերության պետական սեփականություն հանդիսացող բաժնետոմսերը:
9. Հաշվետու ժամանակահատվածում Ծրագրում կատարվել է հետևյալ փոփոխությունը.
i
«Պետական գույքի մասնավորեցման 2017-2020 թվականների ծրագրի մասին» օրենքում փոփոխություն կատարելու մասին» 2020 թվականի հոկտեմբերի 27-ի ՀՕ-478-Ն օրենքով Ծրագրի 1-ին հավելվածով հաստատված` Հայաստանի Հանրապետության տրանսպորտի, կապի և տեղեկատվական տեխնոլոգիաների նախարարության ընկերությունների ցանկից հանվել է «Հայավտոկայարան» փակ բաժնետիրական ընկերությունը (ծածկագիր` 90117):
10. Հաշվետու ժամանակահատվածում մասնավորեցումից ստացված միջոցները կազմել են 307,337.82 հազար հայկական դրամ, որից` ընկերությունների մասնավորեցումից ստացված միջոցները` 288,667.51 հազար հայկական դրամ (այդ թվում` նախորդ տարիներին մասնավորեցված ընկերություններից տարաժամկետ վճարումներից ստացված միջոցները` 23,698.67), նախորդ տարիներին մասնավորեցված «փոքր» օբյեկտներից հաշվետու ժամանակահատվածում տարաժամկետ վճարման ենթակա վճարումներից ստացված միջոցները` 18,670.31 հազար հայկական դրամ:
11. Հաշվետու ժամանակահատվածում Հայաստանի Հանրապետության պետական բյուջեի սեփականաշնորհման հաշվին մուտքագրվել է 227,041.01 հազար հայկական դրամ:
i
12. Համաձայն «Պետական գույքի մասնավորեցման (սեփականաշնորհման) մասին», ««Տեղական ինքնակառավարման մասին» Հայաստանի Հանրապետության օրենքում փոփոխություն կատարելու մասին» 2004 թվականի դեկտեմբերի 13-ի ՀՕ-127-Ն և ««Հայաստանի Հանրապետության բյուջետային համակարգի մասին» Հայաստանի Հանրապետության օրենքում լրացում և փոփոխություն կատարելու մասին» 2004 թվականի դեկտեմբերի 13-ի ՀՕ-126-Ն օրենքների` 2020 թվականի ընթացքում մասնավորեցումից ստացված միջոցներից համայնքների բյուջեներ փոխանցվել է 80,296.81 հազար հայկական դրամ:
13. Կառավարության որոշումներով սահմանված կարգով յուրաքանչյուր մասնավորեցվող ընկերության վերաբերյալ զանգվածային լրատվության միջոցներով, ինչպես նաև Պետական գույքի կառավարման կոմիտեի պաշտոնական կայքում հրապարակվել է համապատասխան տեղեկատվություն:
II. ԾՐԱԳՐԻ ԻՐԱԳՈՐԾՈՒՄԸ
1. ԸՆԿԵՐՈՒԹՅՈՒՆՆԵՐԻ ՄԱՍՆԱՎՈՐԵՑՈՒՄԸ, ՍՏԱՆՁՆԱԾ ՊԱՐՏԱՎՈՐՈՒԹՅՈՒՆՆԵՐԻ ԻՐԱԿԱՆԱՑՈՒՄԸ ԵՎ ԼՈՒԾԱՐՈՒՄԸ
14. Աճուրդով մասնավորեցման կատարողականը
Հաշվետու ժամանակաշրջանում աճուրդով մասնավորեցվել են Ծրագրում ընդգրկված 2 ընկերության պետական սեփականություն հանդիսացող բաժնետոմսերը, որոնց մասին տեղեկությունները ներկայացված են 1-ին հավելվածում:
15. Ուղղակի վաճառքի ձևով մասնավորեցման կատարողականը
Հաշվետու ժամանակահատվածում ուղղակի վաճառքի ձևով մասնավորեցվել են Ծրագրում ընդգրկված 1 ընկերության պետական սեփականություն հանդիսացող բաժնետոմսերը, որի մասին տեղեկությունը ներկայացված է 2-րդ հավելվածում:
16. Մասնավորեցման գործարքների արդյունքում ստանձնած պարտավորությունների կատարողականը
1) Պետական գույքի մասնավորեցման պայմանագրերով 2020 թվականի ընթացքում պրոֆիլի պահպանման և սոցիալական երաշխիքների ապահովման պարտավորություններ ստանձնել է 6 գնորդ:
2) 1 գնորդ պայմանագրով ստանձնել է սոցիալական երաշխիքների ապահովման և 5 գնորդ` պրոֆիլի պահպանման պարտավորություններ:
3) 3 գնորդի ստանձնած` պրոֆիլի պահպանման պարտավորությունները կատարվել են:
4) Մասնավորեցման պայմանագրերով 2020 թվականի ընթացքում 1 գնորդի նախատեսած` սոցիալական երաշխիքների ապահովման և 2 գնորդի ստանձնած` պրոֆիլի պահպանման պարտավորությունները չեն կատարվել:
5) Մասնավորեցված օբյեկտների գնորդների կողմից հաշվետու ժամանակահատվածում կատարման ենթակա սոցիալական երաշխիքների և պրոֆիլի պահպանման պարտավորությունների կատարման մասին տեղեկությունները, ըստ առանձին ընկերությունների և օբյեկտների, ներկայացված են 3-րդ հավելվածում:
17. Ընկերությունների լուծարման գործընթացը
i
1) «Պետական գույքի մասնավորեցման 2017-2020 թվականների ծրագրի մասին» օրենքի 10-րդ հոդվածի 1-ին մասի համաձայն` Ծրագրում ընդգրկված ընկերությունները կարող են լուծարվել օրենսդրությամբ սահմանված դեպքերում:
2) «Պետական գույքի մասնավորեցման (սեփականաշնորհման) մասին» օրենքով սահմանված կարգով ընկերությունները չմասնավորեցվելու դեպքում Կառավարությունը կարող է որոշում ընդունել այդ ընկերությունների լուծարման մասին:
3) Հաշվետու ժամանակահատվածում լուծարման գործընթացում է եղել Ծրագրում ընդգրկված 3 առևտրային կազմակերպություն:
4) Հաշվետու ժամանակահատվածում նշված կազմակերպություններից 1 կազմակերպության լուծարման գործընթացն ավարտվել է:
5) Հաշվետու ժամանակահատվածում նշված լուծարվող կազմակերպություններում մարվել է 59,786.00 հազար հայկական դրամ կրեդիտորական պարտք, որից` Հայաստանի Հանրապետության պետական բյուջե` 24,496.00 հազար հայկական դրամ, համայնքային բյուջե` 5,825.00 հազար հայկական դրամ, աշխատավարձի գծով` 27,304.00 հազար հայկական դրամ և այլ կրեդիտորական պարտքի գծով` 2,161.00 հազար հայկական դրամ:
6) Լուծարումից հետո Հայաստանի Հանրապետության պետական բյուջե է փոխանցվել 18,179.00 հազար հայկական դրամ:
7) Ընկերությունների` հաշվետու ժամանակահատվածում լուծարման գործընթացի մասին տեղեկությունները ներկայացված են 4-րդ հավելվածում:
2. «ՓՈՔՐ» ՕԲՅԵԿՏՆԵՐԻ ՄԱՍՆԱՎՈՐԵՑՈՒՄԸ
18. «Փոքր» օբյեկտների մասնավորեցման կատարողականը
Հաշվետու ժամանակահատվածում «փոքր» օբյեկտ չի մասնավորեցվել:
Հավելված 1
«Պետական գույքի մասնավորեցման 2017-2020 թվականների ծրագրի
կատարման 2020 թվականի տարեկան հաշվետվությունը
հաստատելու մասին» օրենքի
ՏԵՂԵԿՈՒԹՅՈՒՆՆԵՐ
ՀԱՇՎԵՏՈՒ ԺԱՄԱՆԱԿԱՇՐՋԱՆՈՒՄ ԱՃՈՒՐԴՈՎ ՄԱՍՆԱՎՈՐԵՑՎԱԾ ԸՆԿԵՐՈՒԹՅՈՒՆՆԵՐԻ ՄԱՍԻՆ
| Հ/Հ |
Պետական գույքի անվանումը (ծածկագիրը` ըստ Ծրագրի) |
Գտնվելու վայրը |
Պետական կառավարման մարմնի անվանումը |
Կառավա-րության որոշման համարը, ամսաթիվը |
Աճուրդի անցկաց-ման ձևը |
Մեկնարկա-յին գինը (հազար հայկական դրամ) |
Աճուրդի հաղթողի առաջարկած գինը (հազար հայկական դրամ) |
Ընկերության հաշվեկշռում ամրագրված պարտա-վորություն-ները (հազար հայկական դրամ) |
Պայմանագրի կնքման ամսաթիվը |
| 1 |
2 |
3 |
4 |
5 |
6 |
7 |
8 |
9 |
10 |
| 1. |
«Տավուշի ուսուցիչների վերապատրաստման կենտրոն» դուստր ՓԲԸ-ի (ծածկագիր` 90101) 100% բաժնետոմսեր |
ՀՀ Տավուշի մարզ, ք. Իջևան, Երևանյան փ., 8-րդ նրբանցք, թիվ 8 |
Պետական գույքի կառավարման կոմիտե |
Կառավարության 2019 թվականի նոյեմբերի 7-ի
N 1533-Ա որոշում |
դասական |
39,156.10 |
39,156.10 |
2287.70 |
12.02.2020 թ. 302-Ա |
| 2. |
«Երվերելակ» ՓԲԸ-ի (ծածկագիր`90038) 100% բաժնետոմսեր |
ք. Երևան, Մասիսի նրբանցք, թիվ 13 |
Պետական գույքի կառավարման կոմիտե |
Կառավարության 2020 թվականի մարտի 5-ի N 243-Ա որոշում |
դասական |
100,299.38 |
215,643.69 |
9,975.6 |
12.05.2020 թ. 303-Ա |
Հավելված 2
«Պետական գույքի մասնավորեցման 2017-2020 թվականների ծրագրի
կատարման 2020 թվականի տարեկան հաշվետվությունը
հաստատելու մասին» օրենքի
ՏԵՂԵԿՈՒԹՅՈՒՆՆԵՐ
ՀԱՇՎԵՏՈՒ ԺԱՄԱՆԱԿԱՇՐՋԱՆՈՒՄ ՈՒՂՂԱԿԻ ՎԱՃԱՌՔԻ ՁԵՎՈՎ ՄԱՍՆԱՎՈՐԵՑՎԱԾ ԸՆԿԵՐՈՒԹՅԱՆ ՄԱՍԻՆ
| Հ/Հ |
Ընկերության (պետական գույքի) անվանումը, ծածկագիրը` ըստ Ծրագրի |
Գտնվելու վայրը |
Պետական կառավարման մարմինը |
Կառավարության որոշման համարը, ամսաթիվը |
Պետական գույքի գնա-հատված արժեքը (հազար հայկական դրամ) |
Վաճառքի գինը (հազար հայկական դրամ) |
Ընկերության հաշվեկշռում ամրագրված պարտա-վորությունները (հազար հայկական դրամ) |
Ներդրումային պարտավորությունների և սոցիալական երաշխիքների մասին` ըստ մասնավորեցման պայմանագրի |
Գնորդը |
| 1 |
2 |
3 |
4 |
5 |
6 |
7 |
8 |
9 |
10 |
| 1. |
«Միջուկային և ռադիացիոն անվտանգության գիտատեխնիկական կենտրոն» ՓԲԸ-ի 90% բաժնետոմսեր (ծածկագիր` 90106) |
ք. Երևան, Տիգրան Մեծի 4 |
Պետական գույքի կառավարման կոմիտե |
Կառավարության 2020 թվականի մայիսի 27-ի
N 862-Ա որոշում |
112,989.20 |
50,845.20 (տարաժամկետ վճարում 5 տարով, տարեկան` 10, 169.04 հազար հայկական դրամ) |
115,293.00 |
Մինչև 2027 թվականն ապահովել պրոֆիլի պահպանումը և միջուկային և ռադիացիոն անվտանգության ոլորտի` տարեկան 2 նոր մասնագետի պատրաստումը |
Աշխա-տավո-րական կոլեկ-տիվ |
Հավելված 3
«Պետական գույքի մասնավորեցման 2017-2020 թվականների ծրագրի
կատարման 2020 թվականի տարեկան հաշվետվությունը
հաստատելու մասին» օրենքի
ՏԵՂԵԿՈՒԹՅՈՒՆՆԵՐ
ՄԱՍՆԱՎՈՐԵՑՎԱԾ ՕԲՅԵԿՏՆԵՐԻ ԳՆՈՐԴՆԵՐԻ ԿՈՂՄԻՑ ՀԱՇՎԵՏՈՒ ԺԱՄԱՆԱԿԱՀԱՏՎԱԾՈՒՄ ԿԱՏԱՐՄԱՆ ԵՆԹԱԿԱ ՍՈՑԻԱԼԱԿԱՆ ԵՐԱՇԽԻՔՆԵՐԻ ԵՎ ՊՐՈՖԻԼԻ ՊԱՀՊԱՆՄԱՆ ՊԱՐՏԱՎՈՐՈՒԹՅՈՒՆՆԵՐԻ ԿԱՏԱՐՄԱՆ ՄԱՍԻՆ
| հ/հ |
Մասնավորեցված գույքի և գնորդի անվանումը |
Նախատեսված պայմանագրային պարտավորությունները |
Կատարման ժամկետը |
Կատարման ընթացքը |
| 1. |
Հրազդանի կինոցանցի «Հրազդան» կինոթատրոնի
գույք
ՀՀ Կոտայքի մարզ, ք. Հրազդան, փ. Սպանդարյան Գնորդ` Բագրատ Առաքելյան Պայմանագիր` 225-Մ 20.01.2005 թ. |
Պրոֆիլի պահպանում |
20.01.2020 թ. |
Պահպանվել է: |
| 2. |
«Գյուղատնտեսական տեխնիկայի փորձարկում և ներդրում» ՓԲԸ
ՀՀ Կոտայքի մարզ, ք. Եղվարդ, Երևանյան 2
Գնորդ` «ԱԳՐՈՀՈԼԴԻՆԳ ԱՐՄԵՆԻԱ» ՍՊԸ Պայմանագիր` 874-Ու 25.02.2016 թ. |
20 նոր աշխատատեղի ստեղծում` յուրաքանչյուրը 60 000 հայկական դրամ ամսական աշխատավարձով |
25.02.2020 թ. |
Պարտավորությունը չի կատարվել (չեն կատարվել նաև նախկին տարիների համար նախատեսված ներդրումային պարտավորությունները): |
| 3. |
«Ռադիո» ՓԲԸ-ի 100% բաժնետոմսեր
ՀՀ Գեղարքունիքի մարզ, գ. Նորատուս
Գնորդ` «Միջազգային ռադիոցանց» ՓԲԸ Պայմանագիր` 864-Ու 28.12.2010 թ. |
Պրոֆիլի պահպանում |
29.12.2020 թ. |
Պահպանվել է: |
| 4. |
«Լեռնամետալուրգիայի ինստիտուտ» ՓԲԸ-ի բաժնետոմսեր
ք. Երևան, Խանջյան 19
Գնորդ` «Լեռնամետալուրգիայի ինստիտուտ» ՓԲԸ-ի աշխատավորական կոլեկտիվ` 40%, «Արմենիան Քափըր Փրոգրամ» ՓԲԸ` 30%, «Մաքուր երկաթի գործարան» ՓԲԸ` 30%
Պայմանագիր` 435-Ու 22.10.2002 թ. |
Պրոֆիլի պահպանում |
22.10.2020 թ. |
Պահպանվել է: |
| 5. |
«Դիլիջան մանկան հակատուբերկուլյոզային առողջարան» ՓԲԸ-ի 100% պետական սեփականություն հանդիսացող բաժնետոմսեր Գնորդ` «Առողջ ապագա բժշկական կենտրոն» ՍՊԸ Պայմանագիր` 880-Ու 21.11.2018 թ. |
Պահպանել ընկերության հակատուբերկուլյոզային առողջարանական բուժօգնության ուղղվածությունը |
21.11.2020 թ. |
Չի պահպանվել, գործը գտնվում է հայցապահանջների բաժնում: |
| 6. |
Հրազդանի կինոցանցի գույքի կազմից առանձնացված «Բարեկամություն» կինոթատրոնի գույք
Գնորդ` Արտավազդ Ղազարյան
Պայմանագիր` 226-Մ 24.01.2005 թ. |
Պրոֆիլի պահպանում |
24.01.2020 թ. |
Չի պահպանվել, քանի որ կինոթատրոնի շենքի դահլիճում հրդեհ է բռնկվել: Կատարվում են վերանորոգման աշխատանքներ: |
Հավելված 4
«Պետական գույքի մասնավորեցման 2017-2020 թվականների ծրագրի
կատարման 2020 թվականի տարեկան հաշվետվությունը
հաստատելու մասին» օրենքի
ՏԵՂԵԿՈՒԹՅՈՒՆՆԵՐ
ՀԱՇՎԵՏՈՒ ԺԱՄԱՆԱԿԱՀԱՏՎԱԾՈՒՄ ԼՈՒԾԱՐՄԱՆ ԳՈՐԾԸՆԹԱՑԻ ՄԱՍԻՆ
| Հ/Հ |
Ծածկագիրը` ըստ Ծրագրի |
Ընկերության անվանումը |
Հիմնադիրը |
Լուծարման մասին Կառավարության որոշման համարը, ամսաթիվը |
Լուծարման ընթացքը |
|
| 1 |
2 |
3 |
4 |
5 |
6 |
|
90111 |
««Օշական» մանկական վերականգնողական կենտրոն» ՓԲԸ |
Պետական գույքի կառավարման կոմիտե |
Կառավարության 2017 թվականի օգոստոսի 3-ի N 940-Ա որոշում |
Լուծարված: |
|
90100 |
«Ագրոսպասարկում» ՓԲԸ |
Պետական գույքի կառավարման կոմիտե |
Կառավարության 2018 թվականի նոյեմբերի
8-ի N 1268-Ա որոշում |
Լուծարման գործընթացում է: |
|
90113 |
«Երևանի երկաթուղու պոլիկլինիկա» ՓԲԸ |
Պետական գույքի կառավարման կոմիտե |
Կառավարության 2019 թվականի դեկտեմբերի 26-ի N 1963-Ա որոշում |
Լուծարման գործընթացում է: |
Պաշտոնական հրապարակման օրը` 12 ապրիլի 2022 թվական: