22.04.2024 -
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐ
ՀՐԱՄԱՆ
9 ապրիլ 2024 թվականի N 104-Ն
ՎՆԱՍՎԱԾՔԱՅԻՆ ԿԱՏԱՐԱԿՏՈՎ ՊԱՑԻԵՆՏԻ ՎԱՐՄԱՆ ԳՈՐԾԵԼԱԿԱՐԳԸ ՀԱՍՏԱՏԵԼՈՒ ՄԱՍԻՆ
Հիմք ընդունելով «Բնակչության բժշկական օգնության և սպասարկման մասին» օրենքի 2-րդ հոդվածի 1-ին մասի 31-րդ կետը`
Հրամայում եմ
1. Հաստատել վնասվածքային կատարակտով պացիենտի վարման գործելակարգը` համաձայն հավելվածի:
2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:
Հավելված
ՀՀ առողջապահության նախարարի
9 ապրիլ 2024 թվականի
N 104-Ն հրամանի
ԳՈՐԾԵԼԱԿԱՐԳ
ՎՆԱՍՎԱԾՔԱՅԻՆ ԿԱՏԱՐԱԿՏՈՎ ՊԱՑԻԵՆՏԻ ՎԱՐՄԱՆ
1. Նոզոլոգիաների խումբ` ըստ հիվանդությունների և առողջության հետ կապված խնդիրների վիճակագրական 10-րդ վերանայման դասակարգչի.
| Հ/Հ |
Կոդը |
Անվանում |
| 1) |
H26 |
Այլ կատարակտ |
| 2) |
H26.1 |
Վնասվածքային կատարակտ |
2. Նոզոլոգիաների խումբը կիրառելի է` ըստ սույն հավելվածով սահմանված Ձև 1-ի.
Ձև 1
| 1) |
Տարիքային խումբ (նորածին, երեխա, դեռահաս, մեծահասակ) |
Երեխա, դեռահաս, մեծահասակ |
| 2) |
Սեռ (արական, իգական) |
Արական, իգական |
| 3) |
Բարդություններ (առանց բարդությունների (ԱԲ), բարդություններով (Բ)) |
ԱԲ, Բ |
| 4) |
Հիվանդության փուլը (նկարագրել) |
Ըստ ծագման`
ա. մեխանիկական վնասվածքներից առաջացած (բութ և թափանցող վնասվածքներ),
բ. քիմիական վնասվածքներից առաջացած,
գ. ճառագայթային վնասվածքներից առաջած,
դ. ջերմային վնասվածքներից առաջացած: |
| 5) |
Բժշկական օգնության և սպասարկման պայմանները (բժշկական կազմակերպությունից դուրս, արտահիվանդանոցային պայմաններում, ցերեկային ստացիոնարի պայմաններում, հիվանդանոցային պայմաններում) |
Ցերեկային ստացիոնարի պայմաններում, հիվանդանոցային պայմաններում |
| 6) |
Բժշկական օգնության և սպասարկման ծառայությունների մատուցման ձևը (շտապ, անհետաձգելի, պլանային) |
Պլանային, շտապ |
| 7) |
Կիրառման շրջանակը (նշել մասնագետների շրջանակը) |
Ակնաբույժ |
| 8) |
Գանգատներ |
Տեսողության սրության աստիճանական իջեցում, մշուշոտ տեսողություն |
| 9) |
Անամնեզ |
Տարիքը, սեռը, անամնեզում` վնասվածքների առկայությունը, ապրելակերպը (ալկոհոլի, ծխախոտի օգտագործում), նախկինում` ակնային խնդիրների առկայությունը (վնասվածք, աչքի վիրահատություններ, ներակնային բորբոքումներ), այլ հիվանդությունների առկայությունը (շաքարային դիաբետ, համակարգային հիվանդություններ, զարկերակային գերճնշում): |
| 10) |
Զննման արդյունք/Ցուցում |
Տեսողության սրության ստուգում (պղտոր տեսողություն, տեսողության սրության իջեցում, առարկայական տեսողության բացակայություն, լուսազգացողություն), ավտոռեֆրակտոմետրիա, բիոմիկրոսկոպիա տոպոգրաֆիա/տոմոգրաֆիա, բիոմետրիա (A-scan` օպտիկական գերձայնային), սոնոգրաֆիա b-scan, ներակնային արհեստական ոսպնյակի հաշվարկ |
| 11) |
Հոսպիտալացման ցուցում |
Կիրառելի չէ |
3. Բժիշկ-մասնագետի կողմից պացիենտի զննումը, խորհրդատվությունը իրականացվում է ըստ Ձև 2-ի (անհրաժեշտության դեպքում անհրաժեշտ է նշել հիվանդության փուլերը).
Ձև 2
| Հ/հ |
Խորհրդատվության տեսակը |
Տրամադրման
քանակը |
| ԱԲ |
Բ |
| 1) |
Ակնաբույժ |
1 |
1 |
4. Սույն հավելվածի Ձև 2-ում նշված տրամադրվող քանակների համար նշվում է միջինացված ցուցանիշ, նկատի ունենալով տվյալ զննման, խորհրդատվության իրականացման հաճախականությունը: Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ զննման, խորհրդատվության իրականացման հաճախականությունը:
5. Լաբորատոր-գործիքային ախտորոշիչ հետազոտություններն իրականացվում են` ըստ Ձև 3-ի (անհրաժեշտության դեպքում անհրաժեշտ է նշել հիվանդության փուլերը).
Ձև 3
| |
Լաբորատոր հետազոտություններ |
| Հ/Հ |
Կոդը |
Անվանումը |
Տրամադրման քանակը |
Արդյունք |
| ԱԲ |
Բ |
| 1) |
Կիրառելի չէ |
- |
- |
- |
| Գործիքային հետազոտություններ |
| 2) |
Առկա չէ |
Ավտոռեֆրակտոմետրիա |
1 |
1 |
±0.5 > |
| 3) |
Առկա չէ |
Բիոմիկրոսկոպիա |
1 |
1 |
Առաջային հատված նորմայի սահմաններում կամ փոփոխված վնասվածքի արդյունքում, հնարավոր է կպումների առկայություն: Բեկող միջավայրերը` տարբեր տեղակայման և ինտենսիվության պղտորումներ ոսպնյակում |
| 4) |
Առկա չէ |
Օֆթալմոսկոպիա |
1 |
1 |
Ցանցենի` նորմայի սահմաններում կամ ցանցենու հետվնասվածքային շերտազատում, օտար մարմնի առկայություն, ապակենման մարմնում արյունազեղում, |
| 5) |
Առկա չէ |
Օպտիկական կոհերենտ տոմոգրաֆիա |
0,25 |
0,25 |
Ուղեկցող հիվանդությունների դեպքում համապատասխան փոփոխություններ |
| 6) |
Առկա չէ |
Տոնոմետրիա |
1 |
1 |
9-24 (բարձր, ցածր) |
| 7) |
Առկա չէ |
Պախիմետրիա |
1 |
1 |
514- 560 |
| 8) |
Առկա չէ |
Առաջահետին առանցքի երկարության որոշում |
1 |
1 |
23,5> |
| 9) |
Առկա չէ |
Սոնոգրաֆիա` B-scan |
0,75 |
1 |
Ակնահատակի վիզուալիզացիայի բացակայության ժամանակ հնարավոր խնդիրների բացահայտում, օրինակ` հետին հիալոիդային թաղանթի շերտազատում, ցանցենու շերտազատում |
6. Սույն հավելվածի Ձև 3-ում սահմանված տրամադրվող քանակների համար նշվում է միջինացված ցուցանիշ, նկատի ունենալով տվյալ հետազոտության իրականացման հաճախականությունը: Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ հետազոտության իրականացման հաճախականությունը:
7. Օգտագործվող դեղերի ցանկը սահմանվում է ըստ Ձև 4-ի (անհրաժեշտության դեպքում նշել հիվանդության փուլերը).
Ձև 4
| Հ/հ |
Անվանում, դեղաչափ, դեղաձև, փաթեթավորում |
Անվանում (ջեներիկ) |
Չափման միավոր |
Միջինացված ցուցանիշ` տրամադրման հաճախականություն |
Միջին օրական չափաքանակ |
Բուժման կուրսի միջին չափաքանակ |
Օրերի քանակ |
| 1) |
Կիրառելի չէ |
- |
- |
- |
- |
- |
- |
8. Բուժական այլ միջոցառումներ սահմանվում են Ձև 5-ում (անհրաժեշտության դեպքում անհրաժեշտ է նշել հիվանդության փուլերը).
Ձև 5
| Հ/հ |
Բժշկական ծառայության տեսակը |
Տրամադրման քանակը |
| ԱԲ |
Բ |
| 1) |
Կատարակտի ֆակոէմուլսիֆիկացիա ներակնային արհեստական ոսպնյակի իմպլանտացիայով |
1 |
0.75 |
| 2) |
Կատարակտի էքստրակապսուլյար էքստրակցիա ներակնային արհեստական ոսպնյակի իմպլանտացիայով |
0,25 |
0,5 |
| 3) |
Պարս պլանա վիտրէկտոմիա |
0.25 |
0.5 |
9. Սույն հավելվածի Ձև 5-ում սահմանված տրամադրվող քանակների համար նշվում է միջինացված ցուցանիշ, նկատի ունենալով, թե ինչ հաճախականությամբ է իրականացվում տվյալ բուժական միջոցառումը: Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ բուժական միջոցառման կիրառման հաճախականությունը:
ԳՈՐԾԵԼԱԿԱՐԳԻ ՄՇԱԿՄԱՆ ԱՂԲՅՈՒՐԸ
1. www.aao.org
2. Աչքի վնասվածքներ` Ռ.Ա.Գունդորովա/Травмы глаза Р.А. Гундорова
Պաշտոնական հրապարակման օրը` 12 ապրիլի 2024 թվական: