ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ
26 մայիսի 2006 թվականի N 20
4. «ՍՈՍՈՒ ՊՈՒՐԱԿ» ՊԵՏԱԿԱՆ ԱՐԳԵԼԱՎԱՅՐԻ ՎԵՐԱԿԱՆԳՆՄԱՆ ԱՇԽԱՏԱՆՔՆԵՐԻ 2007-2009 ԹՎԱԿԱՆՆԵՐԻ ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ
Հավանություն տալ «Սոսու պուրակ» պետական արգելավայրի վերականգնման աշխատանքների 2007-2009 թվականների ծրագրին` համաձայն հավելվածի:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ 2006 ԹՎԱԿԱՆԻ ՀՈՒՆԻՍԻ 1-ԻՆ
Հավելված
ՀՀ կառավարության
2006 թվականի մայիսի 26-ի նիստի
N 20 արձանագրային որոշման
2007-2009ԹԹ. ԾՐԱԳԻՐ «ՍՈՍՈՒ ՊՈՒՐԱԿ» ՊԵՏԱԿԱՆ ԱՐԳԵԼԱՎԱՅՐԻ ՎԵՐԱԿԱՆԳՆՄԱՆ ԱՇԽԱՏԱՆՔՆԵՐԻ
1. Ծրագրի նպատակը
Ծրագիրն իրականացվում է «Սոսու պուրակ» պետական արգելավայրի (այսուհետ` Արգելավայր) էտալոնային, գիտական, պատմամշակութային, տնտեսական արժեք ներկայացնող բնական համակարգի և դրանց բաղադրիչների պահպանության, բնական և արհեստական վերարտադրության և օգտագործման ապահովման նպատակով:
2. Իրավիճակի նկարագրությունը
«Շիկահող» արգելոցը մինչև 1998թ., իսկ «Սոսու պուրակ» պետական արգելավայրը մինչև 2004թ. գտնվում էին Կապանի անտառտնտեսության կազմում: Պետարգելոցը 1998թ. վերջին Կապանի անտառտնտեսության կառուցվածքից առանձնացվել և իրավաբանական անձի կարգավիճակով ձևավորվել է որպես ՀՀ բնապահպանության նախարարության ենթակայության բյուջետային հիմնարկ:
«Շիկահող» պետական արգելոց» պետական հիմնարկը վերակազմակերպելու, «Շիկահող» պետական արգելոցի» և «Շիկահող» պետական արգելոց» պետական ոչ առևտրային կազմակերպության կանոնադրությունները հաստատելու մասին» ՀՀ կառավարության 30 մայիսի 2002թ. N 926-Ն որոշմամբ հաստատվեցին «Շիկահող» պետական արգելոցի» և «Շիկահող» պետական արգելոց» պետական ոչ առևտրային կազմակերպության կանոնադրությունները:
«Շիկահող» պետական արգելոցի սահմանից ոչ հեռու, Ներքին Հանդ գյուղի հարևանությամբ գտնվում է «Սոսու պուրակ» պետական արգելավայրը, որը կազմավորվել է 1958թ. սեպտեմբերի 13-ի ՀՍՍՀ Մինիստրների սովետի թիվ 341 որոշմամբ` 64 հա տարածքի վրա, որը ՀՀ կառավարության 2004 թվականի հուլիսի 15-ի «Հայաստանի Հանրապետության կառավարության 2002թ. մայիսի 30-ի N 926-Ն որոշման մեջ փոփոխություններ և լրացումներ կատարելու մասին» թիվ 1044-Ն որոշման համաձայն առանց պետական արգելավայրի կարգավիճակի փոփոխության հանձնվել է «Շիկահող» պետական արգելոց» ՊՈԱԿ-ի ենթակայությանը` պահպանության և վերականգնման աշխատանքները արդյունավետ կազմակերպելու նպատակով:
Արգելավայրը տեղակայված է Զանգեզուրի լեռնաշղթայի հարավային մասում, Ծավ և Շիկահող գետերի ափին, ծովի մակերևույթից 700-800 մ բարձրության վրա: Հյուսիս-արևմուտքից պաշտպանված է Խուստուպ լեռան զանգվածով, իսկ հարավից` Մեղրու լեռնաշղթայով: Պահպանության օբյեկտն է Կովկասում միակ բնական ամենամեծ սոսու պուրակը, որը պահպանվում է հնագույն ժամանակներից: Պուրակը Հայաստանի տարածքում ձգվում է 50-150 մ լայնությամբ և 10 կմ երկարությամբ նեղ շերտով և մոտավորապես այդքան էլ Ծավ գետի հովտով շարունակվում է Ադրբեջանի տարածքում և կոչվում է Բասուտչայի արգելոց: Հայաստանի տարածքում նա զբաղեցնում է գրեթե 120 հա: Սոսի արևելյան /Պլատանուս օրիենտալիս/ տեսակի հետ մեկտեղ այստեղ աճում են նաև ՀՀ Կարմիր գրքում գրանցված հազվագյուտ և արժեքավոր մի շարք այլ տեսակներ: Ներկայումս այստեղ աճում են 1000-ից ավելի 200-250 տարեկան սոսու ծառեր, որոնց բարձրությունը 30-35 մ է, իսկ տրամագիծը հասնում է 3 մետրի:
1980-ական թվականներին Հանդ գյուղը տեղափոխվեց Ծավ գետի ափին տեղակայված սոսիների պուրակի անմիջական հարևանությամբ գտնվող հատվածի վրա, որը իր հերթին առաջ բերեց մի շարք դժվարություններ կապված Արգելավայրի պահպանության աշխատանքների ապահովման հետ:
Վերջին 12 տարիների ընթացքում անասունների արածեցման և սերմնային վերարտադրության դադարեցման հետևանքով պուրակը խիստ նոսրացել է, գրանցվել են նաև ապօրինի ծառահատման դեպքեր: Բացի դրանից արգելավայրի տարածքը երկար ժամանակ ծառայել և այժմ էլ ծառայում է որպես մարդկանց հանգստի վայր: Չնայած մեծ մասշտաբների անտառահատումներ այստեղ չեն կատարվել, սակայն անտառային բացատներում անասունների ինտենսիվ արածեցումը բացասական մեծ ազդեցություն են թողել բուսականության վրա և ներկայումս բնական վերաճը իսպառ բացակայում է:
Ներկայումս տեղի բնակչության հետ առկա են մի շարք հակասություններ: Այդ հակասությունները հիմնականում պայմանավորված են արգելավայրի ու Ներքին Հանդ համայնքի սահմանների վերածածկման և արգելավայրային ռեժիմի կիրառման հետ, համայնքի համար նախատեսված արոտավայրեր և խոտհարքներ տանող ճանապարհների բացակայության հետ և այլն: Արգելավայրի առանձին հատվածներում տեղակայված են բնակելի տներ և անասնապահական համալիրներ` իրենց հողատարածքներով և ճանապարհներով:
3. Ծրագրի հիմնավորումը
Մինչև վերջերս Արգելավայրը չուներ սեփական վարչական ապարատ և պահպանությունն ապահովող գործնական լծակներ, Ներքին Հանդ համայնքի բնակիչները սոսու պուրակի հատվածում ծավալել են գյուղատնտեսական գործունեություն: Այդ տարածքը գործնականում չէր պահպանվում, գերատեսչական հսկողության, համապատասխան անձնակազմի և պահպանության մշակված ռեժիմի բացակայության պատճառով: Արդյունքում արգելավայրի տարածքը շահագործվում էր որպես սովորական գյուղատնտեսական հանդակ կամ անտառային ֆոնդ:
Արգելավայրի վերականգնման հիմնական նպատակն է ապահովել Կովկասում միակ բնական սոսու պուրակի էկոհամակարգի, բուսական ու կենդանական աշխարհի ամբողջականության պահպանությունը, վերարտադրությունն ու կայուն օգտագործումը: Արգելավայրի հատուկ պահպանության օբյեկտ է հանդիսանում հնագույն ժամանակներից պահպանվող ռելիկտային ծառատեսակը` արևելյան սոսին:
Ներկա իրավիճակի վերլուծությունը ցույց է տալիս, որ առանց մարդու միջամտության և համապատասխան պայմանների ապահովման անհնարին է սոսու պուրակի բնականոն վերականգնումը: Արգելավայրի էկոհամակարգի բնական հավասարակշռության վերականգնումը պահանջում է մի շարք բնապահպանական միջոցառումների իրականացում` հաշվի առնելով տեղի համայնքի սոցիալ-տնտեսական ներկա պայմանները և զարգացման առանձնահատկությունները:
Առանց բնապահպանական և ժամանակակից սոցիալ-տնտեսական պայմաններին համահունչ և ներդաշնակ նախապայմանների ապահովման` ներկայումս անհնարին է դառնում նաև կենսաբազմազանության արդյունավետ պահպանությունը:
Արգելավայրի վերականգնման աշխատանքների/միջոցառումների իրականացման ծրագիրը մշակվել է Արգելավայրի բնապահպանական աշխատանքների արդյունավետությունը բարձրացնելու և վերը նշված հակասությունները բացառելու նպատակով: Սույն ծրագիրը բխում է նաև Հայաստանի Հանրապետության բնապահպանական ռազմավարության քաղաքականությունից, որն իր արտացոլումն է ստացել Հայաստանի բնության հատուկ պահպանվող տարածքների զարգացման պետական ռազմավարություն և գործողությունների ազգային ծրագրում (կետ` 4.2):
4. Ծրագրի իրականացումից ակնկալվող արդյունքները
Սույն ծրագրի իրականացումը նախադրյալներ կստեղծի մի շարք բնապահպանական և սոցիալ-տնտեսական հրատապ խնդիրների լուծման համար:
Արգելավայրի վերականգնման աշխատանքները և միջոցառումները թույլ կտան վերականգնել դեգրադացված լանդշաֆտները և տնտեսական գործունեության արդյունքում վնասված տարածքների կենսաբազմազանությունը, ինչպես նաև բարձրացնել արգելավայրի պահպանության աշխատանքների կոորդինացման և ղեկավարման արդյունավետությունը:
Անցած տարիների ընթացքում կատարվել են բազմաթիվ փոփոխություններ, ինչպես Ներքին Հանդ և Ծավ համայնքի գյուղատնտեսական նշանակության հողատարածքների ընդլայնման ոլորտում, այնպես էլ արգելավայրի բնական էկոհամակարգերի վիճակի փոփոխության առումով: Ծրագրի իրականացման արդյունքում կստեղծվի ճշգրիտ տեղեկատվություն, ինչպես արգելավայրի տարածքի, այնպես էլ բուսական ու կենդանական աշխարհի ներկայացուցիչների տարածման վերաբերյալ, ինչը կստեղծի նախադրյալներ արգելավայրի և դրա կենսաբազմազանության արդյունավետ պահպանման համար:
Ծրագրի իրականացման արդյունքում նախապայմաններ կստեղծվեն տնկարանային տնտեսության և զբոսաշրջության զարգացման համար, որոնք իրենց հերթին համայնքի բնակչության համար լրացուցիչ աշխատատեղերի հնարավորություն կտան և կստեղծվեն նախադրյալներ արգելավայրին հարակից բնակավայրերի զարգացման համար:
Արգելավայրում կարճատև և երկարատև հանգստի համար ծրագրով նախատեսված ինֆրակառուցվածքի ստեղծումը նախադրյալներ կապահովի ռեկրեացիոն գործունեության ոլորտում ծառայությունների մատուցման համար:
Ծրագրի իրականացման արդյունքում կբարձրանա բնապահպանական աշխատանքների արդյունավետությունը և կնվազեն համայնքի բնակչության հետ գոյություն ունեցող հակասությունները:
Ընդհանուր առմամբ Ծրագրի իրականացման արդյունքում կստեղծվեն անհրաժեշտ նախադրյալներ` արգելավայրի պահպանության ռեժիմի կիրառման և օգտագործման արդյունավետության համար:
5. Ծրագրի խնդիրները և նախատեսվող աշխատանքները
5.1. Ծրագրի խնդիրներն են`
ա) Արգելավայրի տարածքի և նրա պահպանման գոտու ներկա սահմանների վերաբերյալ ուսումնասիրություն, արդյունքների վերլուծություն.
բ) Արգելավայրի տարածքում և նրա պահպանման գոտում բնական պաշարների գույքագրում և քարտեզագրում.
գ) Արգելավայրին հարակից համայնքային հողերի սահմանների վերաբերյալ տեղեկատվության հավաքագրում.
դ) Արգելավայրի և նրա պահպանման գոտիների ամփոփ նկարագրական բացատրագրերի մշակում.
ե) համագործակցություն և ներդաշնակ գործողությունների իրականացում մարզի, տարածաշրջանի, համայնքների, Արգելավայրի և դրան հարակից գոտիներում իրականացվող ծրագրերի հետ.
զ) Արգելավայրի և նրա պահպանական գոտում բույսերի և կենդանիների էնդեմիկ, հազվագյուտ և վտանգված տեսակների, դրանց աճելավայրերի և ապրելավայրերի վիճակի ու դրանց վատթարացման պատճառների ուսումնասիրում և բացահայտում.
է) Արգելավայրի լանդշաֆտային և կենսաբանական բազմազանության բնականոն զարգացման ապահովումը, այդ թվում` հազվագյուտ և անհետացման եզրին գտնվող վտանգված բույսերի և կենդանիների տեսակների պահպանությունն ու վերարտադրությունը.
ը) վայրի բույսերի և կենդանիների տեսակների բնական միջավայրի պահպանությունը.
թ) գիտաճանաչողական և էկոլոգիական զբոսաշրջության իրականացման նախադրյալների ստեղծումը.
ժ) արևելյան սոսու, հունական ընկուզենու, դաշտային թխկենու, ինչպես նաև այլ բուսական և կենդանական օբյեկտների էկոլոգիական առանձնահատկությունների ուսումնասիրությունը, մոնիտորինգը և վերարտադրությունը.
ժա) Արգելավայրի ռեժիմին համապատասխան զբոսաշրջության տարբեր ձևերի կազմակերպումը:
5.2. Ծրագրով նախատեսվող աշխատանքներն են`
ա) Արգելավայրի և նրա պահպանման գոտիներում հանդիպող հազվագյուտ և արժեքավոր բույսերի ու կենդանիների տարածվածության ուսումնասիրություն և նկարագրություն /քարտեզագրական նկարագրում/.
բ) Արգելավայրի և նրա պահպանման գոտիներում հանդիպող հազվագյուտ և արժեքավոր բույսերի ու կենդանիների տեսակների, դրանց աճելավայրերի և ապրելավայրերի վիճակի ու դրանց վատթարացման պատճառների ուսումնասիրում և բացահայտում.
գ) նախատեսել և առանձնացնել Արգելավայրի մի շարք տարածքներում անասունների համար անցուղիներ.
դ) ցանկապատել Արգելավայրի մի շարք հատվածներ` անասունների մուտքը կանխարգելելու նպատակով.
ե) մշակել և կառուցել/առանձնացնել Արգելավայրում զբոսաշրջության համար նախատեսվող երթուղիներ.
զ) տեղադրել համապատասխան տաղավարներ Արգելավայրի առանձնացված մասերում կարճատև հանգստի կազմակերպման նպատակով.
է) իրականացնել խնամքի և սանիտարական մաքրման աշխատանքներ արևելյան սոսու և հունական ընկուզենու բնական վերաճը ապահովելու նպատակով.
ը) 2 հա տարածքում տնկարանային տնտեսության կազմակերպում, որը կապահովի շուկայում մեծ պահանջարկ ունեցող արևելյան սոսու և հունական ընկուզենու տնկանյութ և կստեղծի լրացուցիչ եկամուտի աղբյուր. «Շիկահող» պետական արգելոց» ՊՈԱԿ-ի կանոնադրական խնդիրների լուծման համար:
թ) տնկել արևելյան սոսու և հունական ընկուզենու տնկիներ արգելավայրի ծառազուրկ բացատներում:
5.3. Ծրագրով նախատեսվող միջոցառումները ծրագրավորվում է իրականացնել 2007-2009թթ. ժամանակահատվածում` Հայաստանի Հանրապետության պետական բյուջեից համապատասխան ֆինանսական միջոցների հատկացմանը համամասնորեն` ներքոհիշյալ ժամանակացույցով`
._________________________________________________________________________.
| | | |Միջոցառումնե-|
| | |Միջոցառում- |րի |
| | |ների |իրականացման |
|Հ/հ| Միջոցառումները |իրականացման |շրջանակներում|
| | |ժամկետը |կատարվող |
| | | |աշխատանքների |
| | | |ծավալը |
|___|__________________________________________|____________|_____________|
| 1 |Արգելավայրի տարածքի հազվագյուտ, անհետացող,| 2007թ. | x |
| |էնդեմիկ բուսատեսակների գույքագրում և | | |
| |նշագրված ցուցակների կազմում: | | |
|___|__________________________________________|____________|_____________|
| 2 |Արգելավայրի տարածքի քարտեզագրում և | 2007թ. | 64 հա |
| |ծառատեսակների կադաստրի ստեղծում | | |
|___|__________________________________________|____________|_____________|
| 3 |Խնամքի, մշակման, պաշտպանական, պահպանության| 2007թ. |մինի տրակտոր`|
| |և այլ անհրաժեշտ աշխատանքների համար | |1 հատ |
| |տրանսպորտային միջոցի և ունիվերսալ մինի | |ավտոմեքենա` 1|
| |տրակտորի ձեռքբերում | |հատ |
|___|__________________________________________|____________|_____________|
| 4 |Արևելյան սոսու և հունական ընկուզենու | 2007թ. | 64 հա |
| |բնական վերաճը ապահովելու նպատակով խնամքի | | |
| |և սանիտարական մաքրման աշխատանքների | | |
| |իրականացում | | |
|___|__________________________________________|____________|_____________|
| 5 |Արևելյան սոսու և հունական ընկուզենու | 2007թ. | 2 հա |
| |բուսակներ աճեցնելու նպատակով տնկարանային | | 400 մ |
| |տնտեսության հիմնում: | | |
| |Տնկարանի տարածքի ցանկապատում | | |
|___|__________________________________________|____________|_____________|
| 6 |Արգելավայրի պահպանական գոտում աճող |2007-2009թթ.| 4 հա |
| |արևելյան սոսու և հունական ընկուզենու | | |
| |բնական վերաճի տնկիներով, ինչպես նաև | | |
| |հիմնադրվող տնկարանում աճեցված տնկիներով | | |
| |արգելավայրի ծառազուրկ տարածքների | | |
| |ծառապատում | | |
|___|__________________________________________|____________|_____________|
| 7 |Տարածքի ցանկապատում, ինչպես նաև բնական |2007-2009թթ.| 1,5 կմ |
| |ցանկապատի ստեղծում: | | |
|___|__________________________________________|____________|_____________|
| 8 |Հակահրդեհային միջոցառումների համար | 2007թ. | x |
| |անհրաժեշտ նյութատեխնիկական միջոցների | | |
| |ձեռքբերում: | | |
|___|__________________________________________|____________|_____________|
| 9 |Ցուցապաստառների, ցուցանակների և | 2007թ. | 50 հատ |
| |ուղեցույցների ձեռքբերում և տեղադրում: | | |
|___|__________________________________________|____________|_____________|
|10 |Ոռոգման ցանցի ստեղծում /առուների ցանցի | 2007թ. | 10 կմ |
| |հիմնում/: | | |
|___|__________________________________________|____________|_____________|
|11 |Արգելավայրի ներտարածքային ճանապարհների |2007-2009թթ.| 2 կմ |
| |բարեկարգում | | |
|___|__________________________________________|____________|_____________|
|12 |Անտառապահի տնակի գնում և տեղադրում | 2007թ. | 2 տնակ |
|___|__________________________________________|____________|_____________|
|13 |Ներքին Հանդ և Ծավ համայնքների հետ |2007-2009թթ.| 0,5 կմ |
| |հակասությունները մեղմացնելու նպատակով | | |
| |արգելավայրում անասունների մուտքը | | |
| |կանխարգելելու նպատակով մի շարք | | |
| |տարածքներում անասունների համար անցուղիների| | |
| |առանձնացում, նախապատրաստում և տարածքի | | |
| |ցանկապատում` | | |
|___|__________________________________________|____________|_____________|
|14 |Արգելավայրի ռեժիմին համապատասխան |2008-2009թթ.| |
| |զբոսաշրջության տարբեր ձևերի կազմակերպում | | |
| |և համապատասխան ենթակառուցվածքի ստեղծում: | | |
| |__________________________________________|____________|_____________|
| |ա/. «Սոսիների պուրակ» պետական արգելավայրի | 2008թ. |3 հատ 1000- |
| |վերաբերյալ ուղեցույցների, բուկլետների և | |ական |
| |ֆոտոալբոմների պատրաստում և տպագրում: | |տպաքանակով |
| |__________________________________________|____________|_____________|
| |բ/. Կարճատև հանգստի կազմակերպման նպատակով|2008-2009թթ.|-ցուցանակներ`|
| |առանձնացված մասերում հանգստյան գոտիների, | |ըստ անհրաժեշ-|
| |համապատասխան տաղավարների, ցուցանակների | |տության |
| |տեղադրում: | |-տաղավարներ` |
| | | |5 հատ |
|___|__________________________________________|____________|_____________|
|15 |Արգելավայրի տարածքում անտառատնտեսական | | |
| |աշխատանքների իրականացում` | | |
|___|__________________________________________|____________|_____________|
| |Անտառկուլտուրաների միանվագ խնամք | | 60 հա |
|___|__________________________________________| 2007 |_____________|
| |Անտառկուլտուրաների լրացում | թվականից | 15 հա |
|___|__________________________________________| սկսած |_____________|
| |Տնկարանի խնամք | | 2 հա |
|___|__________________________________________|____________|_____________|
| |Ոռոգման ցանցի ընթացիկ նորոգում | | 10 կմ |
|___|__________________________________________| |_____________|
| |Ոռոգման աշխատանքներ | 2008 | 200.0 խմ |
|___|__________________________________________| թվականից |_____________|
| |Հողի նախապատրաստում | սկսած | 15 հա |
|___|__________________________________________| |_____________|
| |Տնկանյութի աճեցում /Արևելյան սոսու և | |20,0 հազ. հատ|
| |հունական ընկուզենու բուսակների աճեցում/ | | |
._________________________________________________________________________.
ՆԱԽՆԱԿԱՆ ՆԱԽԱՀԱՇԻՎ
«ՍՈՍՈՒ ՊՈՒՐԱԿ» ՊԵՏԱԿԱՆ ԱՐԳԵԼԱՎԱՅՐԻ ՎԵՐԱԿԱՆԳՆՄԱՆ ԱՇԽԱՏԱՆՔՆԵՐԻ 2007-2009ԹԹ. ԾՐԱԳՐԻ ԻՐԱԿԱՆԱՑՄԱՆ
._________________________________________________________________________.
| | Չափի |Ծավալը| Միավորի | Ամբողջ |
| |միավորը| | նախնական | ծավալի |
| Միջոցառումները | | |նախահաշվա- | նախնական |
| | | |յին արժեքը | արժեքը |
| | | |/հազ. դրամ/|/հազ. դրամ/|
|__________________________________|_______|______|___________|___________|
| 1 | 2 | 3 | 4 | 5 |
|__________________________________|_______|______|___________|___________|
|1. Արգելավայրի տարածքի հազվագյուտ,|Հաշվետ-| | | |
|անհետացող, էնդեմիկ բուսատեսակների |վութ- | 1 | 300.0 | 300.0 |
|գույքագրում և նշագրված ցուցակների|յուն | | | |
|կազմում | | | | |
|__________________________________|_______|______|___________|___________|
|2. Արգելավայրի տարածքի | | | | |
|քարտեզագրում և ծառատեսակների | հա | 64 | 31.25 | 2000.0 |
|կադաստրի ստեղծում | | | | |
|__________________________________|_______|______|___________|___________|
|3. Խնամքի, մշակման, պաշտպանական, | | | | |
|պահպանության և այլ անհրաժեշտ | | | | |
|աշխատանքների համար տրանսպորտային | x | x | x | 9000.0 |
|միջոցի և ունիվերսալ մինի տրակտորի| | | | |
|ձեռքբերում, ընդամենը, այդ թվում` | | | | |
|__________________________________|_______|______|___________|___________|
|ավտոմեքենա /օգտագործված/ | հատ | 1 | 8000.0 | 8000.0 |
|__________________________________|_______|______|___________|___________|
|մինի տրակտոր | հատ | 1 | 1000.0 | 1000.0 |
|__________________________________|_______|______|___________|___________|
|4. Արևելյան սոսու և հունական | | | | |
|ընկուզենու բնական վերաճը | | | | |
|ապահովելու նպատակով խնամքի և | հա | 64 | 7.8132 | 500.0 |
|սանիտարական մաքրման աշխատանքների | | | | |
|իրականացում | | | | |
|__________________________________|_______|______|___________|___________|
|5. Արևելյան սոսու և հունական | | | | |
|ընկուզենու բուսակներ աճեցնելու | | | | |
|նպատակով տնկարանային տնտեսության | x | x | x | 3000.0 |
|հիմնում և տարածքի ցանկապատում | | | | |
|ընդամենը, այդ թվում` | | | | |
|__________________________________|_______|______|___________|___________|
|Տնկարանի հիմնում | հա | 2 | 1200.0 | 2400.0 |
|__________________________________|_______|______|___________|___________|
|Տնկարանի տարածքի ցանկապատում | x | x | x | 600.0 |
|ընդամենը, այդ թվում` | | | | |
|__________________________________|_______|______|___________|___________|
|ցանց | մետր | 400 | 1.0 | 400.0 |
|__________________________________|_______|______|___________|___________|
|ցցեր | հատ | 200 | 1.0 | 200.0 |
|__________________________________|_______|______|___________|___________|
|6. Արևելյան սոսու և հունական | | | | |
|ընկուզենու բնական վերաճի | հա | 4 | 750.0 | 3000.0 |
|տնկիներով արգելավայրի ծառազուրկ | | | | |
|տարածքների ծառապատում | | | | |
|__________________________________|_______|______|___________|___________|
|7. Տարածքի ցանկապատում, ինչպես | | | | |
|նաև բնական ցանկապատի ստեղծում | մետր | 1500 | 1.2 | 1800.0 |
|/ներառյալ ցցերի արժեքը/ | | | | |
|__________________________________|_______|______|___________|___________|
|8. Հակահրդեհային միջոցառումների | | | | |
|համար անհրաժեշտ նյութատեխնիկական | x | x | x | 660.0 |
|միջոցների ձեռքբերում ընդամենը, | | | | |
|այդ թվում` | | | | |
|__________________________________|_______|______|___________|___________|
|ջրի բաք | հատ | 1 | 500.0 | 500.0 |
|__________________________________|_______|______|___________|___________|
|բահ | հատ | 20 | 3.0 | 60.0 |
|__________________________________|_______|______|___________|___________|
|քլունգ | հատ | 20 | 5.0 | 100.0 |
|__________________________________|_______|______|___________|___________|
|9. Ցուցապաստառների, ցուցանակների | | | | |
|և ուղեցույցների ձեռքբերում և | հատ | 50 | 10.0 | 500.0 |
|տեղադրում | | | | |
|__________________________________|_______|______|___________|___________|
|10. Ոռոգման ցանցի ստեղծում | կմ | 10 | 150.0 | 1500.0 |
|/առուների ցանցի հիմնում/ | | | | |
|__________________________________|_______|______|___________|___________|
|11. Արգելավայրի ներտարածքային | կմ | 2 | 750.0 | 1500.0 |
|ճանապարհների բարեկարգում | | | | |
|__________________________________|_______|______|___________|___________|
|12. Անտառապահի տնակի գնում և | հատ | 2 | 500.0 | 1000.0 |
|տեղադրում | | | | |
|__________________________________|_______|______|___________|___________|
|13. Ներքին Հանդ և Ծավ համայնքների| | | | |
|հետ հակասությունները մեղմացնելու | | | | |
|նպատակով արգելավայրում | | | | |
|անասունների մուտքը կանխարգելելու | | | | |
|նպատակով մի շարք տարածքներում | մետր | 500 | 4.0 | 2000.0 |
|անասունների համար անցուղիների | | | | |
|առանձնացում, նախապատրաստում և | | | | |
|տարածքի ցանկապատում | | | | |
|__________________________________|_______|______|___________|___________|
|14. Արգելավայրի ռեժիմին | | | | |
|համապատասխան զբոսաշրջության տարբեր| | | | |
|ձևերի կազմակերպում և | x | x | x | 3200.0 |
|համապատասխան ենթակառուցվածքի | | | | |
|ստեղծում ընդամենը, այդ թվում` | | | | |
|__________________________________|_______|______|___________|___________|
|ա/. «Սոսիների պուրակ» պետական | | | | |
|արգելավայրի վերաբերյալ | | | | |
|ուղեցույցների, բուկլետների և | հատ | 3000 | 0.4 | 1200.0 |
|ֆոտոալբոմների պատրաստում և | | | | |
|տպագրում | | | | |
|__________________________________|_______|______|___________|___________|
|բ/. Կարճատև հանգստի կազմակերպման | | | | |
|նպատակով առանձնացված մասերում | | | | |
|հանգստյան գոտիների, համապատասխան |տաղավար| 5 | 400.0 | 2000.0 |
|տաղավարների, ցուցանակների | | | | |
|տեղադրում: | | | | |
|__________________________________|_______|______|___________|___________|
|ԸՆԴԱՄԵՆԸ ՄԻԱՆՎԱԳ ԿԱՏԱՐՎՈՂ ԾԱԽՍԵՐ | x | x | x | 29960.0 |
|__________________________________|_______|______|___________|___________|
|15. Արգելավայրի տարածքում | | | | |
|անտառտնտեսական աշխատանքների | | | | 3710.0 |
|իրականացում` ընդամենը, այդ թվում` | | | | |
|__________________________________|_______|______|___________|___________|
|Անտառկուլտուրաների միանվագ խնամք | հա | 60 | 4.0 | 240.0 |
|__________________________________|_______|______|___________|___________|
|Անտառկուլտուրաների լրացում | հա | 15 | 6.0 | 90.0 |
|__________________________________|_______|______|___________|___________|
|Տնկարանի խնամք | հա | 2 | 40 | 80.0 |
|__________________________________|_______|______|___________|___________|
|Ոռոգման ցանցի ընթացիկ նորոգում | կմ | 10 | 100 | 1000.0 |
|__________________________________|_______|______|___________|___________|
|Ոռոգման աշխատանքներ |հազ. խմ|200.0 | 8.0 | 1600.0 |
|__________________________________|_______|______|___________|___________|
|Հողի նախապատրաստում | հա | 15 | 20.0 | 300.0 |
|__________________________________|_______|______|___________|___________|
|Տնկանյութի աճեցում /Արևելյան | | | | |
|սոսու և հունական ընկուզենու |հազ.հատ| 20.0 | 20 | 400.0 |
|բուսակների աճեցում/ | | | | |
._________________________________________________________________________.