Սեղմել Esc փակելու համար:
ՊԵՏԱԿԱՆ ՖԻՆԱՆՍՆԵՐԻ ԿԱՌԱՎԱՐՄԱՆ ՀԱՄԱԿԱՐ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo
 

ՊԵՏԱԿԱՆ ՖԻՆԱՆՍՆԵՐԻ ԿԱՌԱՎԱՐՄԱՆ ՀԱՄԱԿԱՐԳԻ ԲԱՐԵՓՈԽՈՒՄՆԵՐԻ ՌԱԶՄԱՎԱՐՈՒԹՅԱՆԸ ԵՎ ՊԵՏԱԿԱ ...

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ

 

28 հոկտեմբերի 2010 թվականի N 42

 

24. ՊԵՏԱԿԱՆ ՖԻՆԱՆՍՆԵՐԻ ԿԱՌԱՎԱՐՄԱՆ ՀԱՄԱԿԱՐԳԻ ԲԱՐԵՓՈԽՈՒՄՆԵՐԻ ՌԱԶՄԱՎԱՐՈՒԹՅԱՆԸ ԵՎ ՊԵՏԱԿԱՆ ՖԻՆԱՆՍՆԵՐԻ ԿԱՌԱՎԱՐՄԱՆ ՀԱՄԱԿԱՐԳԻ ԲԱՐԵՓՈԽՈՒՄՆԵՐԻ ԱՌԱՋԻՆ ՓՈՒԼԻ ԻՐԱԿԱՆԱՑՄԱՆ ՄԻՋՈՑԱՌՈՒՄՆԵՐԻ ԾՐԱԳՐԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ

(1-ին մաս)

 

1. Հավանություն տալ`

1) պետական ֆինանսների կառավարման համակարգի բարեփոխումների ռազմավարությանը` համաձայն N 1 հավելվածի.

2) պետական ֆինանսների կառավարման համակարգի բարեփոխումների առաջին փուլի իրականացման միջոցառումների ծրագրին` համաձայն N 2 հավելվածի:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2010 ԹՎԱԿԱՆԻ ՆՈՅԵՄԲԵՐԻ 8-ԻՆ

 

Հավելված N 1

ՀՀ կառավարության

2010 թվականի հոկտեմբերի 28-ի

նիստի N 42 արձանագրային

որոշման

 

ՌԱԶՄԱՎԱՐՈՒԹՅՈՒՆ ՊԵՏԱԿԱՆ ՖԻՆԱՆՍՆԵՐԻ ԿԱՌԱՎԱՐՄԱՆ ՀԱՄԱԿԱՐԳԻ ԲԱՐԵՓՈԽՈՒՄՆԵՐԻ

 

I. ՆԵՐԱԾՈՒԹՅՈՒՆ

 

1. Սույն ռազմավարությամբ սահմանվում են Հայաստանի Հանրապետության պետական ֆինանսների կառավարման համակարգում (ՊՖԿՀ) 2011-2020 թթ. իրականացվելիք բարեփոխումների շրջանակը, որտեղ որպես հենանիշ կիրառվում են լավագույն միջազգային փորձն ու ստանդարտները, այդ բարեփոխումների հիմնական խնդիրները, իրականացման կարգը և արդյունքները գնահատելու հիմնական ցուցանիշները:

2. Պետական ֆինանսների կառավարումը ներառում է հետևյալ փոխկապակցված և փոխլրացնող գործընթացները`

 

.________________________.

._____________>|Ռազմավարական պլանավորում|_______.

|              .________________________.       \/

.______.                                        ._______.

|Աուդիտ|                                        |Բյուջեի|

.______.                                        |կազմում|

          /\                                          ._______.

|                                               |

|                                               \/

._________________.                             .________.

|Հաշվետվություններ|<____________________________|Բյուջեի |

._________________.                             |կատարում|

.________.

 

3. Բարեփոխումները ընդգրկում են ՊՖԿՀ-ի վերոհիշյալ գործընթացները ապահովող հետևյալ համակարգերը (ոլորտները).

. հիմնական մակրոտնտեսական ու բյուջետային ցուցանիշների կանխատեսում,

. պետական եկամուտների քաղաքականության մշակում,

. ռազմավարական պլանավորում, պետական միջին ժամկետ ծախսերի ծրագրերի և պետական բյուջեի կազմում,

. գանձապետական համակարգ.

. պետական պարտքի կառավարում,

. հանրային հատվածի հաշվապահական հաշվառում,

. պետական գնումներ,

. պետական ներքին ֆինանսական հսկողություն, ներառյալ` ներքին աուդիտ,

. կորպորատիվ հաշվապահական հաշվառում և աուդիտ,

. պետական կազմակերպությունների ֆինանսական կառավարում և հսկողություն,

. տեղական ինքնակառավարման մարմինների (ՏԻՄ) ֆինանսական կառավարում:

4. Վերոհիշյալ համակարգերում մինչև 2010 թ. իրականացված աշխատանքների հիմնական ուղղվածությունը եղել է համապատասխան իրավական դաշտի ու այդ ոլորտների հիմնական ենթակառուցվածքների ձևավորումը: Իրականացված աշխատանքները կառավարության կողմից որակվում են որպես ՊՖԿ առաջին սերնդի բարեփոխումներ, որոնց հիմնական շեշտադրումը եղել է հիմնական ենթակառուցվածքների ձևավորումը` համակարգերի բարելավմանն ուղղված երկրորդ սերնդի բարեփոխումների խորացման համար:

5. Ռազմավարությունն արտացոլում է ԵՄ-Հայաստան Եվրոպական հարևանության ծրագրով ստանձնած պարտավորությունները, և ռազմավարությունից բխող աշխատանքների հիմքում կլինեն ԵՄ լավագույն փորձն ու պայմանները:

 

II. ԲԱՐԵՓՈԽՈՒՄՆԵՐԻ ՆՊԱՏԱԿԸ ԵՎ ՏԵՍԼԱԿԱՆԸ

 

6. Բարեփոխումների նպատակն է մեծացնել պետական ծախսերի կառավարման արդյունավետությունը` ապահովելով ընթացակարգերի ու մատուցվող ծառայությունների բարելավված որակ, մասնավորապես`

. ապահովել ֆիսկալ կարգապահությունը, որի միջոցով նպաստել մակրոտնտեսական կայունությանը և բյուջետային համակարգի կանխատեսելիությանը,

. ռազմավարական մոտեցումներին հետամուտ լինելով, երաշխավորել, որ միջոցները կապակցված են հիմնական քաղաքականություններին և գերակայություններին,

. ապահովել փողի դիմաց արժեք, երաշխավորելով, որ միջոցները օգտագործվում են օգտավետ, արդյունավետ ու խնայողաբար,

. երաշխավորել հաշվետվողականություն հանրային միջոցների օգտագործման հարցում:

7. Բարեփոխումների հիմնական տեսլականն է. «Կենտրոնացված կարգավորում - ապակենտրոնացված կառավարում»: Այս տեսլականին հասնելու համար պետական ֆինանսների կառավարման համակարգի բարեփոխումները պետք է նպաստեն կառավարման մշակույթի ձևավորմանը, որով`

. մի կողմից ապահովում է ՊՖԿ հետ կապված գործընթացների կենտրոնացված (ներդաշնակ) ձևով կարգավորումը, և մյուս կողմից`

. բոլոր մակարդակի կառավարողներին տրվում են լիազորություններ` ապակենտրոնացում, և նրանք են պարտավոր ու հաշվետու միջոցների տնօրինման համար` կառավարչական հաշվետվողականություն և պատասխանատվություն:

8. ՊՖԿՀ բարեփոխումները պետք է միտված լինեն հետևյալ սկզբունքների ներքո գործող ՊՖԿՀ-ի առկայության ապահովմանը` կառավարման բոլոր մակարդակներում.

. կառավարչական հաշվետվողականություն և պատասխանատվություն,

. հսկողության առկայություն,

. մատուցվող ծառայությունների որակի անընդհատ բարելավում:

9. ՊՖԿՀ յուրաքանչյուր տարրի (ոլորտի) համար պետք է հաստատվի առանձին բարեփոխումների ռազմավարություն և միջոցառումների ծրագիր, որը պետք է համահունչ լինի սույն ռազմավարությամբ սահմանվող ՊՖԿՀ բարեփոխումների նպատակի և հիմնական տեսլականի հետ: Եթե անհրաժեշտ լինի, ապա ՊՖԿՀ տարրերի (ոլորտների) վերաբերյալ արդեն ընդունված ռազմավարությունները (գործողությունների ծրագրերը և ռազմավարական այլ փաստաթղթերը) պետք է վերանայվեն և կատարելագործվեն` սույն ռազմավարության հետ լիակատար ներդաշնակեցնելու համար: ՊՖԿՀ յուրաքանչյուր տարրի (ոլորտի) համար հաստատվող առանձին բարեփոխումների ռազմավարությունները և միջոցառումների ծրագրերը, ի թիվս այլ հարցերի, պետք է անդրադառնան իրավական դաշտի բարեփոխումներին, մասնավորապես թե ինչ իրավական ակտեր պետք է ընդունվեն, կամ որ գործող իրավական ակտերում փոփոխություններ և լրացումներ պետք է կատարվեն, սահմանվեն պատասխանատու կատարողները, նախագծերի ներկայացման ժամկետները, ֆինանսական աղբյուրները և այլն:

10. Արտաքին աուդիտին և դրան առնչվող բարեփոխումներին սույն փաստաթղթում ուղղակի անդրադարձ չի կատարվել, քանզի Հայաստանի Հանրապետության կառավարության կողմից հաստատվող ռազմավարությամբ կարող են կարգավորվել վերջինիս իրավասությանը վերաբերող հարցերը: Հայաստանի Հանրապետության կառավարությունը ակնկալում է, որ արտաքին աուդիտին վերաբերող բարեփոխումները, որոնք անշուշտ հանդիսանում են ՊՖԿՀ բարեփոխումների առանցքային բաղադրիչներից մեկը, կսահմանվեն Հայաստանի Հանրապետության Վերահսկիչ պալատի կողմից հաստատված համապատասխան ռազմավարական փաստաթղթով` հիմք ընդունելով սույն ռազմավարության հիմնական դրույթները: Հայաստանի Հանրապետության կառավարությունը պատրաստակամ է այս աշխատանքներում Հայաստանի Հանրապետության վերահսկիչ պալատի հետ համագործակցելու և վերջինիս անհրաժեշտ աջակցություն ցուցաբերելու հարցում:

 

III. ԲԱՐԵՓՈԽՈՒՄՆԵՐԻ ՈԼՈՐՏԱՅԻՆ ԹԻՐԱԽՆԵՐԸ

 

11. Բարեփոխումները, որոնք իրականացվելու են 2010-2020 թվականների ընթացքում, ըստ ՊՖԿՀ ոլորտների հետամուտ են հետևյալ բարձր մակարդակի թիրախներին. որոնք պետք է նպաստեն պետական ֆինանսների կառավարման արդյունավետության բարձրացմանը:

 

Հիմնական մակրոտնտեսական ու բյուջետային ցուցանիշների կանխատեսում

Հնարավորինս ճշգրիտ մակրոտնտեսական կանխատեսումների իրականացում, ինչպես նաև այդ կանխատեսումների հորիզոնի մեծացում, ինչը պետք է բխի ֆիսկալ կարգապահության պահպանման գաղափարախոսությունից, որի միջոցով չի վտանգվի մակրոտնտեսական կայունությունը:

 

Պետական եկամուտների քաղաքականության մշակում

Եկամտային քաղաքականության հորիզոնական և ուղղահայաց արդարության ապահովում, հարկահանման հավասար խաղի կանոնների ներդրում, որոնք տնտեսությունում կստեղծեն անհրաժեշտ խթանների համակարգ եկամուտների ձևավորման տեսանկյունից: ՀՀ ֆինանսների նախարարության, որպես պետական եկամուտների քաղաքականություն և վարչարարության մեթոդաբանության մշակող մարմնի լիազորությունների հստակեցում (սահմանում):

 

Ռազմավարական պլանավորում, պետական միջին ժամկետ ծախսերի ծրագրի և պետական բյուջեի կազմում

Բյուջեի պլանավորման առաջադեմ ձևի` ծրագրային բյուջետավորման ապահովում, որն ուղեկցվում է բյուջետային ծրագրի համար չափելի/գնահատելի նպատակների և կատարողական պահանջների սահմանմամբ, որոնք ուղղակիորեն կապված կլինեն հիմնական քաղաքականությունների և գերակայությունների հետ:

 

Գանձապետական համակարգ

Կառավարության ֆինանսների կառավարման տեղեկատվական համակարգի (ԿՖԿՏՀ) ներդրման միջոցով մատուցվող ծառայությունների և տրամադրված տեղեկատվության, այդ թվում բյուջեի կատարման մասին հաշվետվությունների որակի բարելավում:

 

Պետական պարտքի կառավարում

Դրամական (կանխիկ) հոսքերի կառավարման արդյունավետության մեծացում: Պարտքին առնչվող ռիսկերի վերհանում և գնահատում, ինչպես նաև ռիսկերի կառավարման կիրառելի եղանակների ներդրում: Պարտքի մասին ժամանակին ու ամբողջական տեղեկատվության համադրում, մշակում և օգտագործում:

 

Հանրային հատվածի հաշվապահական հաշվառում

Հաշվապահական հաշվառման համակարգի ապահովում, որը հուսալի ու համակողմանի տեղեկատվություն կապահովի հանրային հատվածի գործունեության վերաբերյալ և որը համահունչ կլինի հաշվապահական հաշվառման միջազգային ստանդարտներին, ինչպես նաև համադրելի Հայաստանի մասնավոր հատվածի համար ընդունված հաշվապահական հաշվառման ստանդարտներին:

 

Պետական գնումներ

Պետական գնումներում փողի (հատուցման) դիմաց արժեքի սկզբունքի ապահովում, որն էլ իր հերթին ենթադրում է ֆինանսական միջոցների ծախսային և նպատակային տեսանկյունից օգտավետ, արդյունավետ ու խնայողաբար օգտագործում:

 

Պետական ներքին ֆինանսական հսկողություն, ներառյալ` ներքին աուդիտ

Պետական ներքին ֆինանսական հսկողության (ՊՆՖՀ-PIFC) ներդրում, որը ողջամիտ հավաստիացումներ կապահովի առ այն, որ գործարքները համապատասխանում են համարժեք ֆինանսական կառավարման, թափանցիկության, ծախսային և նպատակային արդյունավետության, խնայողության, ինչպես նաև համապատասխան օրենսդրական պահանջներին: ՊՆՖՀ-ի հիմքում այն ենթադրությունն է, որ հանրային ծառայությունների մատուցման հարցում`

. կառավարչական հաշվետվողականությունն ու պատասխանատվությունն առկա է: Սա նշանակում է, որ կառավարիչները բոլոր մակարդակներում, թե եկամտային, թե ծախսային կենտրոններում պետք է հաշվետու լինեն իրենց կողմից իրականացվող աշխատանքների համար ոչ թե սոսկ գործառնական կարգերի մասով, այլ ֆինանսական կառավարման ու հսկման մասով:

. ներքին աուդիտի համակարգն առկա է: Սա նշանակում է, որ կազմակերպության ղեկավարությանը հավաստիացման կամ խորհրդատվական ծառայություններ մատուցելու միջոցով, ապահովվում է անկախ, օբյեկտիվ հավաստիացման և խորհրդատվական գործառույթ, որն ուղղված է կազմակերպության գործունեության արդյունքի մեծացմանը և բարելավմանը:

 

Կորպորատիվ հաշվապահական հաշվառում և աուդիտ

Պետական առևտրային կազմակերպությունների ֆինանսական հաշվետվությունների թափանցիկության ու ճշգրտության աստիճանի մեծացում` թույլ տալով բարելավել կառավարության կողմից ակտիվների ու պասիվների կառավարումը, ինչպես նաև պետական հաստատությունների գործունեության արդյունավետությունը: Կորպորատիվ հաշվապահական հաշվառման ու աուդիտի միջազգային ստանդարտներին ու պրակտիկային համահունչ օրենսդրությունն ու համակարգը կհանգեցնեն նաև առևտրային կազմակերպությունների ֆինանսական հաշվետվությունների ճշգրտության, նրանց գործունեության թափանցիկության և այս կառույցներում կառավարման համարժեք ու արդյունավետ որոշումներ կայացնելու ապահովմանը:

 

Պետական կազմակերպությունների ֆինանսական կառավարում և հսկողություն

Պետական կազմակերպությունների, այդ թվում ոչ առևտրային կազմակերպությունների ֆինանսական կառավարման հետ կապված թափանցիկության և հաշվետվողականության ապահովում, ինչպես նաև վստահության վրա հիմնված (ֆիդուցիար) հսկողության մակարդակի բարձրացում.

 

Տեղական ինքնակառավարման մարմինների ֆինանսական կառավարում

ՏԻՄ-երի ֆինանսական կառավարման համակարգերի և պետական ֆինանսական կառավարման համակարգի զարգացվածության միանման մակարդակի ապահովում: ՏԻՄ-երի ֆինանսական հաշվետվողականության մակարդակի բարձրացում: Հաշվի առնելով ՏԻՄ-երի գործառույթների առանձնահատկությունները վերջիններիս ֆինանսական կառավարման համակարգերի համարժեքության ապահովում:

ՏԻՄ-երի, ինչպես նաև վերջիններիս ոչ առևտրային կազմակերպությունների կողմից մատուցվող ծառայությունների որակի բարձրացում, միջոցների օգտավետ և արդյունավետ օգտագործում:

 

12. ՊՖԿՀ վերոհիշյալ ոլորտներում թիրախների հասանելիությունը պետք է զուգորդվի յուրաքանչյուր ոլորտում կարողությունների, մասնավորապես մարդկային ռեսուրսների զարգացմամբ: Հիմնական թիրախը համապատասխան մասնագիտական հմտություններ ունեցող մասնագետների միջոցով ՊՖԿ գործընթացների կազմակերպումն է: Այս նպատակով նախատեսվում է`

. ՊՖԿ մասնագիտությամբ համապատասխան բազային (բուհական) կրթության ապահովում,

. ՊՖԿ մասնագետների շարունակական վերապատրաստում` մասնագիտական հմտությունների պահպանում ու շարունակաբար զարգացում.

. որակավորման համակարգի առկայություն, որը կապահովի ՊՖԿ մասնագետների համապատասխան հմտությունների հավաստագրումը:

13. Նախանշված նպատակների հաջող կենսագործումը կապահովի նաև ՊՖԿ-ի`

. համապատասխանություն միջազգային ստանդարտներին, և

. հետ կապված ՀՀ կառավարության միջազգային պարտավորությունների կատարումը, որոնք ներկայացվում են ստորև.

 

.______________________________________________________________________.

| ՊՖԿՀ տարրեր                 | |Միջազգային ստանդարտներ/ՀՀ միջազգային  |

|                             | |պարտավորություններ                    |

|_____________________________| |______________________________________|

|               1             | |                  2                   |

|_____________________________|_|______________________________________|

|Մակրոտնտեսական և             |-|«ԵՄ-Հայաստան ԵՀՔ գործողությունների    |

|միկրոտնտեսական և  բյուջետային| |ծրագիր». պահպանել մակրոտնտեսական      |

|հիմնական ցուցանիշների        | |կայունությունը` դրամային և  ֆինանսական|

|կանխատեսում                  | |խելամիտ քաղաքականություն իրականացնելու|

|                             | |և  միջազգային ֆինանսական              |

|                             | |հաստատությունների հետ համագործակցելու |

|                             | |միջոցով,                              |

|                             | |- Արժույթի միջազգային հիմնադրամ.      |

|                             | |Միջնաժամկետ ծախսային ծրագրերի (ՄԺԾԾ)  |

|                             | |շրջանակում պետք է պատրաստվի           |

|                             | |վերլուծական հաշվետվություն միջնաժամկետ|

|                             | |ֆինանսական ռիսկերի մասին, որոնք իրենց |

|                             | |հերթին կբարելավեն ՄԺԾԾ ֆինանսական     |

|                             | |պլանավորման դաշտը,                    |

|                             | |Այս ոլորտում բարեփոխումների           |

|                             | |իրականացումը նաև  ներառված է          |

|                             | |Համաշխարհային բանկի (ՀԲ) և  Ասիական   |

|                             | |զարգացման բանկի (ԱԶԲ)                 |

|                             | |համագործակցության ծրագրերում          |

|_____________________________|_|______________________________________|

|Ռազմավարական պլանավորում,    |-|ՀԲ զարգացման քաղաքականության ծրագրեր  |

|պետական բյուջեի կազմում      | |                                      |

|_____________________________|_|______________________________________|

|Գանձապետական համակարգ        | |- «ԵՄ-Հայաստան ԵՀՔ գործողությունների  |

|                             | |ծրագիր». բարելավել պետական ֆինանսների |

|                             | |կառավարումը և  թափանցիկությունը,      |

|                             |-|- Այս ոլորտի բարեփոխումների           |

|                             | |իրականացումը նույնպես ներառված է      |

|                             | |Համաշխարհային բանկի հետ               |

|                             | |համագործակցության ծրագրերում          |

|                             | |                                      |

|_____________________________|_|______________________________________|

|Պետական պարտքի կառավարում    |-|- Պետական պարտքի կառավարման ուղենիշ`  |

|                             | |հրապարակված ՀԲ կողմից, 2001 թ.        |

|                             | |- ԵՄ չափանիշներ                       |

|_____________________________|_|______________________________________|

|Պետական հատվածի հաշվապահական |-|- Պետական հատվածի հաշվապահական        |

|հաշվառում                    | |հաշվառման միջազգային չափանիշներ       |

|                             |-|- «ԵՄ-Հայաստան ԵՀՔ գործողությունների  |

|                             | |ծրագիր». բարելավել պետական ֆինանսների |

|                             | |կառավարումը և  թափանցիկությունը,      |

|                             | |մասնավորապես` պետական հատվածի         |

|                             | |հաշվապահական հաշվառման բարեփոխումների |

|                             | |իրականացման միջոցով,                  |

|                             |-|Այս ոլորտի բարեփոխումների իրականացումը|

|                             | |նույնպես ներառված է Համաշխարհային     |

|                             | |բանկի հետ համագործակցության ծրագրերում|

|_____________________________|_|______________________________________|

|Պետական գնումներ             |-|. «ԵՄ-Հայաստան ԵՀՔ գործողությունների  |

|                             | |ծրագիր», որը ներառում է հետևյալ       |

|                             | |նախապայմանները`                       |

|                             | |. Ապահովել պետական գնումների մասին    |

|                             | |օրենքի կիրառումը                      |

|                             | |. Ապահովել գնումների համակարգի        |

|                             | |համապատասխանությունը ԵՄ գնումների     |

|                             | |մասին օրենսդրության և  սկզբունքների   |

|                             | |հետ, մասնավորապես` թափանցիկության,    |

|                             | |տեղեկությունների տրամադրման, իրավական |

|                             | |աջակցության մատչելիության,            |

|                             | |հաճախորդների և  բիզնեսների իրազեկման  |

|                             | |և  կրթման միջոցով, ինչպես նաև         |

|                             | |բացառությունների սահմանափակ կիրառման  |

|                             | |միջոցով                               |

|                             | |. Վերանայել գոյություն ունեցող        |

|                             | |ընթացակարգերը և  բարձրացնել Գնումների |

|                             | |պետական գործակալության վարչական       |

|                             | |կարողությունները                      |

|                             | |. Ապահովել Հայաստանում էլեկտրոնային   |

|                             | |գնումների համակարգ ներդնելու          |

|                             | |ռազմավարության իրականացումը           |

|                             | |                                      |

|                             | |. Միանալ Առևտրի  համաշխարհային        |

|                             | |կազմակերպության «Պետական գնումների    |

|                             | |մասին համաձայնագրին»                  |

|                             | |. Այս ոլորտի բարեփոխումների           |

|                             | |իրականացումը նույնպես ներառված է      |

|                             | |Համաշխարհային բանկի հետ               |

|                             | |համագործակցության ծրագրերում          |

|_____________________________|_|______________________________________|

|Պետական ներքին ֆինանսական    | |- Պետական ներքին ֆինանսական           |

|հսկողություն, այդ թվում`     | | հսկողության ստանդարտներ              |

|ներքին աուդիտ                | |- «ԵՄ-Հայաստան ԵՀՔ գործողությունների  |

|                             | |ծրագիր», որը ներառում է հետևյալ       |

|                             | |նախապայմանները`                       |

|                             |-|. Ապահովել պետական ֆինանսական ներքին  |

|                             | |հսկողության ռազմավարության նախագծումը,|

|                             | |հաստատումը և  իրականացումը            |

|                             | |. Ապահովել Ներքին աուդիտի մասին օրենքի|

|                             | |կիրառումը դրա հրապարակումից հետո      |

|                             | |. Ապահովել Հայաստանի պետական հատվածի  |

|                             | |ներքին աուդիտի ստանդարտների հաստատումը|

|                             | |- Այս ոլորտի բարեփոխումների           |

|                             | |իրականացումը նույնպես ներառված է      |

|                             | |Համաշխարհային բանկի հետ               |

|                             | |համագործակցության ծրագրերում:         |

|_____________________________|_|______________________________________|

|Կորպորատիվ հաշվապահական      |-|- 2009-2011 թթ. ԵՀՔ ՀՀ-ԵՄ             |

|հաշվառումն և  աուդիտը        | |գործողությունների ծրագրի իրականացումն |

|                             | |ապահովող միջոցառումների ցանկ          |

|                             | |- Ապահովել հաշվապահական հաշվառման և   |

|                             | |աուդիտի ոլորտները կարգավորող          |

|                             | |օրենսդրության ներդաշնակեցումը         |

|                             | |միջազգային ստանդարտների և             |

|                             | |գործելակերպի հետ                      |

|                             | |- Հայաստանում հաշվապահական հաշվառման  |

|                             | |և  աուդիտի ոլորտների գնահատման հիման  |

|                             | |վրա կատարված ՀԲ փորձագետների կողմից   |

|                             | |պատրաստված «Ստանդարտներին և           |

|                             | |օրենքներին հետևելու  մասին զեկույցով» |

|                             | |կատարված առաջարկություններ            |

|_____________________________|_|______________________________________|

|Պետական կազմակերպությունների |-|- Միջազգային մի շարք                  |

|ֆինանսական կառավարում և      | |կազմակերպությունների համապատասխան     |

|վերահսկողություն             | |փաստաթղթերում, որոնք ներառում են      |

|                             | |հետևյալ  նախապայմանները               |

|                             | |- ՊՈԱԿ-ների (ՀՈԱԿ-ների) ֆիդուցիար     |

|                             | |վերահսկողության համակարգի ներմուծում  |

|                             | |- ՊՈԱԿ-ների (ՀՈԱԿ-ների) մատուցած      |

|                             | |ծառայությունների համար գնագոյացման և  |

|                             | |սակագների սահմանման մեխանիզմների      |

|                             | |ստեղծում                              |

|                             | |- ՊՈԱԿ-ների (ՀՈԱԿ-ների) շահույթը      |

|                             | |բաշխելու ընթացակարգերի ստեղծում և     |

|                             | |շահույթի բաշխման գործընթացի նկատմամբ  |

|                             | |վերահսկողության իրականացում           |

|                             | |- Մի շարք հիմնական չափանիշների        |

|                             | |սահմանում, որոնք հիմք կծառայեն        |

|                             | |համապատասխան կազմակերպությունների,    |

|                             | |ինչպիսիք ՊՈԱԿ-ներն (ՀՈԱԿ-ները) են,    |

|                             | |աշխատանքի համար                       |

|                             | |- Այս ոլորտի բարեփոխումների           |

|                             | |իրականացումը նույնպես ներառված է      |

|                             | |Համաշխարհային բանկի հետ               |

|                             | |համագործակցության ծրագրերում:         |

.______________________________________________________________________.

 

IV. ՀԵՐԹԱԿԱՆՈՒԹՅՈՒՆՆԵՐԻ ՍԱՀՄԱՆՈՒՄԸ ԲԱՐԵՓՈԽՈՒՄՆԵՐԻ ՕՐԱԿԱՐԳՈՒՄ

 

14. ՊՖԿՀ բարեփոխումները պետք է իրականացվեն երեք հաջորդական փուլերով, որոնք սույն ռազմավարության առանցքային տարրերն են: Դրանք են.

 

Փուլ 1. Ավարտին հասցնել ՊՖԿ բազային համակարգերի ու հսկման մեխանիզմների ներդրման աշխատանքները` հիմքեր ստեղծելով կենտրոնացված վարչարարությունից ապակենտրոնացված կառավարմանը աստիճանաբար անցում կատարելու և արդյունքներին նպատակամղված ծրագրերի կառավարման համար.

. Առաջին փուլի ընթացքում ՊՖԿՀ բոլոր ոլորտներում կկատարվեն բիզնես գործընթացների վերանայումներ` վստահ լինելու որ, ՊՖԿՀ բոլոր գործընթացները փոխկապակցված և փոխլրացնող են, ինչպես նաև դրանցից յուրաքանչյուրում ապահովված են կառավարչական հաշվետվողականության և պատասխանատվության, ինչպես նաև հսկողության ցանկալի համակարգերը:

. Ներքին հսկողական միջոցները, ներառյալ ներքին աուդիտը կարդիականացվեն` դրանք դարձնելով միջոցների արդյունավետ տնօրինմանը ավելի շատ նպաստող, որոնք պետք է օժանդակեն կառավարման որակի անընդհատ բարելավմանը, այլ ոչ թե գործընթացներին անհարկի միջամտող:

. Զուգահեռաբար կմշակվի ֆինանսական կառավարման տեղեկատվական միասնական ավտոմատ համակարգը (ԿՖԿՏՀ/GFMIS), նպատակ ունենալով հնարավորինս ավտոմատացնել կառավարման տարբեր մակարդակներում պետական ֆինանսների կառավարման հետ կապված գործընթացները և ապահովել գործարքների արդյունավետություն: ԿՖԿՏՀ ներդրումը թույլ կտա ապահովել ֆինանսական տեղեկատվության (հոսքերի) ավտոմատ կառավարումը պետական հատվածի բոլոր մակարդակներում (կառույցներում):

. Միևնույն ժամանակ կամրապնդվեն ծախսող միավորների կարողությունները ներառյալ` ՊՖԿՀ մարդկային ռեսուրսների մասնագիտական հմտությունների անընդհատ զարգացման միջոցով:

Այս ամենի արդյունքում հիմքեր կստեղծվեն`

. ծրագրային բյուջետավորման հիման վրա պետական բյուջեի կազմման գործընթացում պետական քաղաքականության միտվածությունը շարունակաբար ուժեղացնելու համար:

. որպեսզի խոչընդոտները, որոնք կառավարիչների առջև ծառացած են հանրային ռեսուրսները ծախսային և նպատակային տեսանկյունից արդյունավետ տնօրինելու հարցում, աստիճանաբար վերացվեն,

. կառավարչական հաշվետվողականության և պատասխանատվության ձևավորման համար:

 

Փուլ 2. Կառավարչական հաշվետվողականության մեծացում

Երկրորդ փուլի միջոցառումները պետք է ուղղված լինեն առաջին փուլի արդյունքների գործնական կիրառությանը: Այս փուլում պահանջվում է, որ առաջին փուլն ամբողջությամբ ապահովված լինի և ապահովված լինեն հետևյալ արդյունքները`

. կառավարչական հաշվետվողականություն և պատասխանատվություն ապահովող կուռ և արդիականացված բիզնես գործընթացներ,

. ֆինանսական կառավարման տեղեկատվական միասնական ավտոմատ համակարգ (ԿՖԿՏՀ/GFMIS),

. վերանայված բիզնես գործընթացների և մշակված տեղեկատվական համակարգերի գործնական կիրառության համար անհրաժեշտ կարողությունների (և կառուցվածքների) առկայություն` կառավարման բոլոր մակարդակներում:

Երկրորդ փուլի արդյունքում`

. կառավարչական հաշվետվողականության և պատասխանատվության սկզբունքներն ավելի լավ են հասկացվում,

. տեղեկատվական համակարգերը և կառավարման հմտություններն ապահովում են առավել թափանցիկ մի միջավայր, որտեղ ղեկավարությունը կարող է գործել:

. տեղեկատվությունը լայնորեն բաշխվում է և կառավարման բոլոր օղակներում, ծախսումներն առավել թափանցիկ դարձնելու ասպարեզում կան փաստացի արդյունքներ:

. աուդիտային գործառույթի հանդեպ նոր մոտեցումները դառնում են թե ավելի կարևոր, և թե առավել հարիր բարեփոխումների ռազմավարության փոփոխություններին:

. կարողությունները անընդհատ զարգացվում են և կատարողական գործունեության հստակ բարելավումները սկսում են առավել տեսանելի դառնալ արդյունքների վրա հիմնված բյուջետային համակարգերում:

 

Փուլ 3. Միջոցների ծախսային և նպատակային արդյունավետության նկատմամբ շեշտադրման մեծացում

Երրորդ փուլում, կառավարչական հաշվետվողականությունը և պատասխանատվությունը, որն ապահովվեց 2-րդ փուլում հիմք է հանդիսանալու որպեսզի առավել խորությամբ դիտարկվեն ռեսուրսների ծրագրային բաշխման արդյունավետությունը, ձեռնամուխ լինելով ծախսերի նպատակային և ծախսային արդյունավետության առավել մանրակրկիտ ուսումնասիրությանը ու վերլուծությանը:

Յուրաքանչյուր փուլում նախանշվող գործողությունները գերակայություններ են, որոնք ապահովում են հիմք հաջորդ փուլին անցում կատարելու համար: ՊՖԿ տարրերի հետ կապված հնարավոր գործողությունները, որոնք ներառված չեն ընթացիկ փուլում, պետք է համահունչ լինեն և չհակասեն բարեփոխումների և ընթացիկ փուլի նպատակներին:

 

V. 1-ԻՆ ՓՈՒԼԻ ԳԵՐԱԿԱՅՈՒԹՅՈՒՆՆԵՐԸ. 2010-2014 ԹԹ.

 

15. Կառավարությունը գիտակցում է, որ ՊՖԿ բարեփոխումների ուղղությամբ հետագա առաջընթացում հարկ է խուսափել մասնատված մոտեցումից, երբ առանձին բարեփոխումները չեն փոխլրացնում մեկը մյուսին: ՈՒստի սույն ռազմավարությունը նպատակ ունի ապահովել բարեփոխումների ծրագրի առավել ամբողջական պատկերը, որը առավել սերտ կապեր կապահովի ընդհանուր նպատակի և 10-ամյա այս ծրագրի յուրաքանչյուր փուլի ուղղվածությունների միջև:

16. Յուրաքանչյուր փուլում անհրաժեշտ է հոգ տանել, որ գործողությունները մեկը մյուսին փոխլրացնեն, և սրա համար անհրաժեշտ է աշխատանք Հայաստանի Հանրապետության ֆինանսների նախարարության տարբեր ստորաբաժանումների միջև և Հայաստանի Հանրապետության նախարարությունների, գերատեսչությունների և հանրային հատվածի այլ կազմակերպությունների ղեկավարների ու աշխատակազմի ակտիվ ներգրավվածությունը:

17. Առաջնորդվելով սույն ռազմավարության IV բաժնով նախատեսված փուլերով` առաջին փուլի համար նախանշվում են ստորև ներկայացվող հաջորդական առաջնահերթությունները:

 

._____________________________________________________________________.

|Բաղադրիչներ                |1-ին փուլի նպատակներում ունեցած ներդրումը|

|_____________________________________________________________________|

|        Ա. Գործընթացի (համակարգի) կարգավորման միջոցներ               |

|_____________________________________________________________________|

|1. Բիզնես գործընթացների    |ՊՖԿ գործընթացների վերանայում և           |

|վերաձևակերպում  և  ՊՖԿՀ    |արդիականացում, որը կներառի ՊՖԿՀ բոլոր    |

|բոլոր հանգույցների         |տարրերը (ոլորտները).                     |

|գործունեության             |. հիմնական մակրոտնտեսական ու բյուջետային |

|ներդաշնակեցում             |  ցուցանիշների կանխատեսում,              |

|                           |. պետական եկամուտների քաղաքականության    |

|                           |  մշակում,                               |

|                           |. ռազմավարական պլանավորում, պետական միջին|

|                           |  ժամկետ ծախսերի ծրագրերի և  պետական     |

|                           |  բյուջեի կազմում: Ընդ որում, պետք է     |

|                           |  շարունակել մշակել ծրագրերի կառուցվածքը,|

|                           |  որը փոխկապակցված լինելով ՄԺԾԾ-ի հետ    |

|                           |  կխորացնի բյուջեի կապվածությունը        |

|                           |  հիմնական քաղաքականությունների և        |

|                           |  գերակայությունների հետ:                |

|                           |. գանձապետական համակարգ.                 |

|                           |. պետական պարտքի կառավարում,             |

|                           |. հանրային հատվածի հաշվապահական          |

|                           |  հաշվառում,                             |

|                           |. պետական գնումներ,                      |

|                           |. պետական ներքին ֆինանսական հսկողություն,|

|                           |  ներառյալ` ներքին աուդիտ,               |

|                           |. կորպորատիվ հաշվապահական հաշվառում և    |

|                           |  աուդիտ,                                |

|                           |. պետական կազմակերպությունների ֆինանսական|

|                           |  կառավարում և  հսկողություն,            |

|                           |. ՏԻՄ-երի ֆինանսական կառավարում:         |

|                           |_________________________________________|

|                           |Ներքին հսկողական միջոցների, ներառյալ     |

|                           |ներքին աուդիտի հստակ սահմանում           |

|                           |(բարելավում)                             |

|                           |_________________________________________|

|                           |Կառավարման տարբեր մակարդակներում         |

|                           |(ներառյալ ոչ առևտրային                   |

|                           |կազմակերպությունները) ներդաշնակության    |

|                           |ապահովում` պատասխանատվությունների,       |

|                           |իրավասությունների և  հաշվետվողականության |

|                           |հստակ սահմանում:                         |

|___________________________|_________________________________________|

|2. ԿՖԿՏՀ ներդրում`         |Համապատասխան հաշվապահական հաշվառման      |

|կառավարման տարբեր          |ստանդարտների և  ինտեգրացված հաշվային     |

|մակարդակներում պետական     |պլանի ապահովում                          |

|ֆինանսների կառավարման հետ  |_________________________________________|

|կապված գործընթացների       |ՏՀՏ ենթակառուցվածքի ու ԿՖԿՏՀ շահագործմանն|

|հնարավորինս ավտոմատացում   |օժանդակող համակարգերի բարելավում         |

|                           |_________________________________________|

|                           |Կառավարչական հաշվառման տեղեկատվության    |

|                           |որակի բարելավում որոշումների ընդունման   |

|                           |համար                                    |

|                           |_________________________________________|

|                           |Արտաքին հաշվետվությունների որակի ու      |

|                           |թափանցիկության բարելավում                |

|_____________________________________________________________________|

|          Բ. Կարողությունների զարգացման միջոցառումներ                |

|_____________________________________________________________________|

|1. ՊՖԿ մասնագետների        |ՊՖԿ մասնագիտությամբ կադրերի ապահովում    |

|մասնագիտական հմտությունների|բուհերի կողմից                           |

|զարգացում և  կառավարիչների |_________________________________________|

|կարողությունների բարելավում|ՊՖԿ մասնագետների ժամանակակից և  համարժեք |

|                           |գիտելիքների ապահովում` շարունակական      |

|                           |մասնագիտական զարգացման միջոցով           |

|                           |_________________________________________|

|                           |Ժամանակակից հավաստագրման համակարգի       |

|                           |միջոցով որակավորված ՊՖԿ մասնագետների     |

|                           |առկայություն                             |

|                           |_________________________________________|

|                           |Կառավարիչների կարողությունների           |

|                           |բարելավում` ՊՖԿ համակարգի                |

|                           |արդյունավետության մեծացման նպատակով      |

|___________________________|_________________________________________|

|2. ԿՖԿՏՀ շահագործման       |ԿՖԿՏՀ-ի օգտագործման և  պահպանման հարցում |

|նպատակով ՏՀՏ               |գործածողների և  ադմինիստրատորների        |

|կարողությունների զարգացում |կարողությունների բարելավում              |

|_____________________________________________________________________|

|                  Գ. Կազմակերպական զարգացում                         |

|_____________________________________________________________________|

|1. Առանցքային գերատեսչու-  |ՀՀ ֆինանսների նախարարությունը ունի       |

|թյունների կազմակերպական    |համապատասխան կարողություններ             |

|կառուցվածքը օժանդակում է   |բարեփոխումների օրակարգը կառավարելու և    |

|ՊՖԿ բարեփոխումների         |ՊՖԿ-ի հետ կապված գործընթացների           |

|ռազմավարությանը            |կենտրոնացված կարգավորումն իրականացնելու  |

|                           |համար                                    |

|                           |_________________________________________|

|                           |Կառավարության բոլոր մակարդակներում       |

|                           |ծախսային միավորները ունեն համապատասխան   |

|                           |կառուցվածք` պատշաճ ֆինանսական կառավարման |

|                           |համար, որ հիմնվում է կառավարչական        |

|                           |հաշվետվողականության և  պատասխանատվության |

|                           |գաղափարի վրա                             |

._____________________________________________________________________.

 

VI. ԲԱՐԵՓՈԽՈՒՄՆԵՐԻ ՀԱՄԱԿԱՐԳՈՒՄՆ ՈՒ ՄՈՆԻՏՈՐԻՆԳԸ

 

18. ՊՖԿՀ բարեփոխումները համակարգում է ՀՀ ֆինանսների նախարարը` նախարարության կոլեգիայի միջոցով: Բարեփոխումների առաջընթացի վերաբերյալ ՀՀ ֆինանսների նախարարը ՀՀ կառավարություն է ներկայացնում տարեկան հաշվետվություն (հաղորդագրություն), անհրաժեշտության դեպքում` նաև առաջարկներ սույն ռազմավարության վերանայման վերաբերյալ:

19. Ըստ ՊՖԿՀ առանձին ոլորտների իրականացվող բարեփոխումների կատարման կազմակերպման նպատակով սահմանվում են ՀՀ ֆինանսների նախարարության կազմում գործող ոլորտային քաղաքականություն մշակելու համար պատասխանատու ստորաբաժանումներ, անհրաժեշտության դեպքում նախարարության, ինչպես նաև այլ մարմինների ներկայացուցիչներից ստեղծվում է մասնագիտական աշխատանքային խումբ (խմբեր):

20. ՊՖԿ տարբեր ոլորտներում իրականացվող բարեփոխումների ներդաշնակ ընթացքին հետևելու համար ՀՀ ֆինանսների նախարարի կողմից սահմանվում է ՊՖԿՀ բարեփոխումների քարտուղարություն:

21. Պետական մարմիններում ՊՖԿՀ բարեփոխումների իրականացման աշխատանքների ընդհանուր համակարգման համար պատասխանատու են այդ մարմինների ղեկավարները: Նշված մարմիններում բարեփոխումների իրականացման համար պատասխանատու են այդ մարմինների աշխատակազմերի ղեկավարները` գլխավոր ֆինանսիստները:

22. Բարեփոխումների հաջողությամբ իրականացման համար ՀՀ ֆինանսների նախարարությունը անհրաժեշտ մասնագիտական, այդ թվում փորձագիտական և այլ տիպի աջակցություն է ցուցաբերում պետական մարմիններին:

23. Բարեփոխումների համակարգման և մոնիթորինգի համակարգի սխեմատիկ պատկերը ներկայացված է ստորև` գծապատկեր 1:

 

Գծապատկեր 1

 

ՊՖԿՀ բարեփոխումների համակարգման և մոնիտորինգի համակարգի սխեմատիկ

պատկերը

 

.______________.

.______________>|Կառավարություն|

|               .______________.

|                       /\

|                       |

|                       |

            \/                      \/

.___________________.     .__________________.     .__________.

|    Պետական        |<___>|Ֆինանսների նախարար|<___>|ՖՆ կոլեգիա|

|կազմակերպություններ|     |                  |     |          |

.___________________.     .__________________.     .__________.

            /\                                               /\

|                                                |

|                .__________________.     .________________.

|                |Քարտուղարություն  |<___>|ՖՆ ոլորտային    |

|                .__________________.     |վարչություններ  |

|                                         |ՊՖԿ աշխատանքային|

|                                         |խումբ (խմբեր)   |

|                                         .________________.

|                ._______________.                /\

.________________|ՊՖԿ փորձագետներ|________________.

._______________.

 

VII. ՄԻՋՈՑԱՌՈՒՄՆԵՐԻ ԾՐԱԳԻՐ ԵՎ ԿԱՏԱՐՈՂԱԿԱՆ ՑՈՒՑԱՆԻՇՆԵՐ ՓՈՒԼ 1-Ի ՀԱՄԱՐ. 2010-2014 ԹԹ.

 

24. 1-ին փուլի գերակա գործողությունները վերհանվել ու ամփոփվել են Գործողությունների ծրագրում, տես` Հավելված 2: Այս գործողությունները իրականացման ողջ ընթացքում կենթարկվեն մոնիտորինգի: 2-րդ և 3-րդ փուլերի գործողությունները կմշակվեն ավելի ուշ` հիմնվելով 1-ին փուլի արդյունքների ու գրանցված առաջընթացի վրա:

25. Փուլ 1-ի ակնկալվող արդյունքներն են.

Ա. ԳՈՐԾԸՆԹԱՑԻ ՀԱՄԱԿԱՐԳ/ԿԱՆՈՆԱԿԱՐԳԻՉ ԶԱՐԳԱՑՈՒՄ

1. Բիզնես գործընթացների վերաձևակերպում և ՊՖԿՀ բոլոր հանգույցների գործունեության ներդաշնակեցում

. ՊՖԿ գործընթացները վերանայված և արդիականացված են,

. Ներքին հսկողական միջոցները, ներառյալ ներքին աուդիտը հստակ սահմանված է և գործում է,

. Կառավարման տարբեր մակարդակներում (ներառյալ ոչ առևտրային կազմակերպությունները) ներդաշնակությունն ապահովված է` պատասխանատվությունները, իրավասությունները և հաշվետվողականությունը հստակ սահմանված է:

2. ԿՖԿՏՀ ներդրում

. ԿՖԿՏՀ համակարգի` Փուլ 1-ի համար առանցքային մոդուլները ներդրված են:

Բ. ԿԱՐՈՂՈՒԹՅՈՒՆՆԵՐԻ ԶԱՐԳԱՑՈՒՄ

. Կենտրոնական կառավարման մարմինների բոլոր հաշվապահներն ու տնտեսագետները վերապատրաստում են անցել ՊՖԿ ժամանակակից եղանակների վերաբերյալ,

. Բուհերը պատրաստում են ՊՖԿ մասնագետի որակավորմամբ կադրեր,

. ՊՖԿ մասնագետները շարունակական մասնագիտական զարգացման շնորհիվ ունեն արդիական ու համարժեք գիտելիքներ,

. Ժամանակակից հավաստագրման համակարգի միջոցով ապահովվում են որակավորված ՊՖԿ մասնագետներ,

. ԿՖԿՏՀ-ն օգտագործելու և պահպանելու համար գործածողների և ադմինիստրատորների կարողությունները բարելավված են:

Գ. ԿԱԶՄԱԿԵՐՊԱԿԱՆ ԶԱՐԳԱՑՈՒՄ

. ՀՀ ֆինանսների նախարարությունը ունի համապատասխան կարողություններ բարեփոխումների օրակարգը կառավարելու և ՊՖԿ-ի հետ կապված գործընթացների կենտրոնացված կարգավորում իրականացնելու համար,

. Կառավարության բոլոր մակարդակներում առկա է ծախսային միավորների համապատասխան կառուցվածք` պատշաճ ֆինանսական կառավարման համար, որը հիմնվում է կառավարչական հաշվետվողականության և պատասխանատվության գաղափարի վրա:

Դ. ՓՈՓՈԽՈՒԹՅՈՒՆՆԵՐ ԽԹԱՆՆԵՐԻ ԵՎ ՄՈՏԻՎԱՑԻԱՅԻ ՀԱՐՑԵՐՈՒՄ

. Պետական ֆինանսական միջոցները ծախսային և նպատակային տեսանկյունից արդյունավետ տնօրինելու համար կառավարողների համար առկա խոչընդոտները վերացված են:

 

VIII. ԲԱՐԵՓՈԽՈՒՄՆԵՐԻ ԱՐԴՅՈՒՆՔՆԵՐԻ ԳՆԱՀԱՏՈՒՄԸ

 

26. ՊՖԿՀ բարեփոխումների արդյունքները գնահատվելու են`

. Պետական ներքին ֆինանսական հսկողության ոլորտում` միջազգային ստանդարտներին` մասնավորապես Եվրոպական հանձնաժողովի կողմից մշակված «Պետական ներքին ֆինանսական հսկողության (ՊՆՖՀ-PIFC)» մոդելին համապատասխանության ցուցանիշով,

. Համաշխարհային բանկի «Պետական ծախսեր և ֆինանսական հաշվետվողականություն» (ՊԾՖՀ)-ի Քարտուղարության կողմից 2005 թվականի հունիսին հաստատված (2006 թվականի մայիսին վերահաստատված) «Պետական ֆինանսների կառավարում (ՊՖԿ)-Կատարողականի չափման ծրագրով» սահմանված գնահատման ցուցանիշներով:

 

Հավելված N 2

i

ՀՀ կառավարության

2010 թվականի հոկտեմբերի 28-ի

նիստի N 42 արձանագրային

որոշման

 

ԾՐԱԳԻՐ ՊԵՏԱԿԱՆ ՖԻՆԱՆՍՆԵՐԻ ԿԱՌԱՎԱՐՄԱՆ ՀԱՄԱԿԱՐԳԻ ԲԱՐԵՓՈԽՈՒՄՆԵՐԻ ԱՌԱՋԻՆ ՓՈՒԼԻ ԻՐԱԿԱՆԱՑՄԱՆ ՄԻՋՈՑԱՌՈՒՄՆԵՐԻ

 

2010-2014 թթ.

 

Փուլ 1. Հիմնական համակարգերի ու վերահսկման միջոցների ուղղությամբ

աշխատանքների ավարտում` աստիճանաբար կենտրոնացված վարչարարումից անցում

կատարելով ապակենտրոնացված կառավարման

 

.______________________________________________________________________.

|         Ա. ԳՈՐԾԸՆԹԱՑԻ ՀԱՄԱԿԱՐԳ/ԿԱՆՈՆԱԿԱՐԳԻՉ ԶԱՐԳԱՑՈՒՄ                |

|______________________________________________________________________|

|1. Բիզնես գործընթացների վերաձևակերպում  և  ՊՖԿՀ բոլոր հանգույցների    |

|գործունեության ներդաշնակեցում                                         |

|______________________________________________________________________|

|ՊՖԿ            |Նախաձեռնություն|Գործու-   |Ժամկետներ|Ֆինանսա-    |Միջա|

|բարեփոխումների |               |նեության  |         |վորում      |մտու|

|ոլորտ          |               |գնահատման |         |(ԱՄՆ դոլար) |թյան|

|               |               |միջոցառում|         |            |տեսա|

|               |               |          |         |            |կը  |

|_______________|_______________|__________|_________|____________|____|

|ա) ՊՖԿ         |1. ՊՖԿ         |Անհրաժեշտ |2010 թ.  |Անհրաժեշտ չէ|ՉԿԱ |

|գործընթացների  |բարեփոխումների |ներուժը   |դեկտեմբեր|            |    |

|վերանայում և   |համակարգման և  |ձևավորված |         |            |    |

|արդիականացում  |մոնիթորինգի    |է         |         |            |    |

|               |համար անհրաժեշտ|          |         |            |    |

|               |ներուժի        |          |         |            |    |

|               |ձևավորում  և   |          |         |            |    |

|               |պատասխանատու-  |          |         |            |    |

|               |ների հստակ     |          |         |            |    |

|               |սահմանում      |          |         |            |    |

|               |(ՊՖԿՀԲ քարտու- |          |         |            |    |

|               |ղարությունը,   |          |         |            |    |

|               |աշխատանքային   |          |         |            |    |

|               |խումբ և  այլն) |          |         |            |    |

|               |_______________|__________|_________|____________|____|

|               |2. Գործընթաց-  |Մեթոդաբա- |2014 թ.  |Ֆինանսավոր- |ԽԾ  |

|               |ների           |նությունը |դեկտեմբեր|ման չափը և  |    |

|               |վերանայման և   |հաստատված |         |աղբյուրը    |    |

|               |արդիականացման  |է         |         |պետք է      |    |

|               |մեթոդաբանության|          |         |հստակեցվեն: |    |

|               |մշակում        |          |         |Կորոշվի     |    |

|               |_______________|__________|_________|դոնոր       |    |

|               |3. Համակարգերի |Գնահատման |2014 թ.  |կազմակերպու-|    |

|               |և  բիզնես      |մասին     |դեկտեմբեր|թյունների   |    |

|               |գործընթացների  |հաշվետվու-|         |(երկրների)  |    |

|               |գնահատում      |թյունը    |         |հետ         |    |

|               |               |բաժանված է|         |քննարկում-  |    |

|               |_______________|__________|_________|ների        |    |

|               |4. Կառավարչական|ՊՖԿ       |2014 թ.  |արդյունքում,|    |

|               |հաշվետվողակա-  |գործընթաց-|դեկտեմբեր|նաև  ԵՀ-ի   |    |

|               |նության        |ների      |         |Թվինինգ     |    |

|               |սկզբունքի վրա  |արդիակա-  |         |ծրագիր և    |    |

|               |հիմնված ՊՖԿ-ին |նացման    |         |այլ դոնորներ|    |

|               |առնչվող բիզնես |մասին     |         |            |    |

|               |գործընթացների  |հաշվետվու-|         |            |    |

|               |մանրամասն      |թյունը    |         |            |    |

|               |նկարագրություն |բաժանված է|         |            |    |

|               |_______________|__________|_________|            |    |

|               |5. Իրավական    |Իրավական  |2014 թ.  |            |    |

|               |ակտերի մշակում |ակտերը    |դեկտեմբեր|            |    |

|               |               |մշակված են|         |            |    |

|_______________|_______________|__________|______________________|____|

 

(2-րդ հավելվածը փոփ. 17.06.11 թիվ 23 արձանագրային որոշում)

 

------------------------------------------------------

ԻՐՏԵԿ - շարունակությունը հաջորդ մասում

 

 

pin
ՀՀ կառավարություն
28.10.2010
N 42
Արձանագրային որոշում