ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ ՆԱԽԱԳԱՀ
ՀՐԱՄԱՆ
15 նոյեմբերի 2024 թվականի N 1501-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ ՆԱԽԱԳԱՀԻ 2022 ԹՎԱԿԱՆԻ ՀՈՒՆՎԱՐԻ 31-Ի ԹԻՎ 96-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 33-րդ հոդվածը և 34-րդ հոդվածի 1-ին մասը, ղեկավարվելով Հայաստանի Հանրապետության վարչապետի 2018 թվականի հունիսի 11-ի թիվ 702-Լ որոշմամբ հաստատված Հայաստանի Հանրապետության պետական եկամուտների կոմիտեի կանոնադրության 17-րդ կետի 16-րդ ենթակետով`
ՀՐԱՄԱՅՈՒՄ ԵՄ
1. Հայաստանի Հանրապետության պետական եկամուտների կոմիտեի նախագահի 2022 թվականի հունվարի 31-ի «Հարկային կամ մաքսային ծառայողների պատրաստման դասընթացների մասնակցության համար ընդունելության կարգը, թեստավորման պահանջները և պատրաստման դասընթացի ընդունելությանը մասնակցելու նպատակով ներկայացվող բարեվարքության վերաբերյալ հարցաթերթիկի ձևանմուշը հաստատելու մասին» թիվ 96-Ն հրամանի (այսուհետ` Հրաման) 1-ին կետով հաստատված N 1 հավելվածում կատարել հետևյալ փոփոխությունները և լրացումները.
i
1) 6-րդ կետում «նաև» բառից հետո լրացնել «առանձին պաշտոններ զբաղեցնելու համար և» բառերը,
2) 13-րդ կետում`
i
ա. 5-րդ ենթակետից հանել «թեստավորման փուլը հաղթահարելուց հետո» բառերը,
բ. 7-րդ ենթակետից հանել «այդ թվում` տեսական և գործնական մասերի տևողությունը,» բառերը,
գ. 10-րդ ենթակետը շարադրել նոր խմբագրությամբ` հետևյալ բովանդակությամբ.
«10) մաքսային կամ հարկային ծառայության թափուր պաշտոնների անվանումները, եթե Ընդունելությունը կազմակերպվում է առանձին պաշտոններ զբաղեցնելու համար և տվյալ պաշտոնի անձնագրով նախատեսված է օտար լեզվի իմացության միջինից բարձր մակարդակի պահանջ, ապա այդ պահանջը հավաստող փաստաթղթերի վերաբերյալ տեղեկատվություն,»,
դ. լրացնել նոր 10.1-ին ենթակետ` հետևյալ բովանդակությամբ.
«10.1) Ընդունելության տեղերի քանակը,»,
ե. ուժը կորցրած ճանաչել 11-րդ ենթակետը,
զ. 12-րդ ենթակետը շարադրել նոր խմբագրությամբ` հետևյալ բովանդակությամբ.
«12) համակարգչային գիտելիքների և օտար լեզվի (եթե սույն կարգով նախատեսված է անցկացնել թեստավորում) իմացության թեստավորման մինչև 5 օրինակներ (նմուշներ),»,
3) 14-րդ կետում`
i
ա. ուժը կորցրած ճանաչել 2-րդ ենթակետը,
բ.6-րդ ենթակետը շարադրել նոր խմբագրությամբ` հետևյալ բովանդակությամբ.
«6) Եթե տվյալ պաշտոնի անձնագրով նախատեսված է օտար լեզվի իմացության միջինից բարձր մակարդակ, ապա այդ մակարդակը հավաստող փաստաթուղթ: Ընդ որում, տվյալ մակարդակը հավաստող փաստաթուղթ է հանդիսանում ստանդարտացված թեստային համակարգերով ստուգվող լեզվական գիտելիքների իմացության Քամն Յուրոպիըն Ֆրեյմվորք օֆ Րեֆերնս ֆօր Լենգվիջիսով (CEFR) սահմանված B1 մակարդակը հավաստող փաստաթուղթը` ռուսերենի` ТРКИ, անգլերենի` TՕEFL, IELTS, ֆրանսերենի` DELF, DALF, TCF կամ այլ միջազգային կամ ներպետական հաստատությունների կողմից ճանաչված օտար լեզվի համապատասխան մակարդակի իմացության վերաբերյալ վկայականը (փաստաթուղթը),»,
գ. լրացնել նոր` 6.1-ին ենթակետ` հետևյալ բովանդակությամբ.
«6.1. լրացված բարեվարքության վերաբերյալ հարցաթերթիկը:»,
4) ուժը կորցրած ճանաչել 15-րդ կետը,
i
5) 17-րդ կետը շարադրել նոր խմբագրությամբ` հետևյալ բովանդակությամբ.
i
«17. Օտար լեզվի իմացությունը հավաստող փաստաթուղթը չի պահանջվում, ինչպես նաև օտար լեզվի իմացության թեստավորում չի կատարվում, եթե բարձրագույն կրթության առկայությունը հավաստող փաստաթղթով հավաստվում է, որ տվյալ կրթությունը անձը ստացել է համապատասխան լեզվով:»,
6) լրացնել նոր 17.1-ին կետ` հետևյալ բովանդակությամբ.
i
«17.1. Ուսումնական կենտրոնի կողմից դիմումների ընթացքի ապահովումը կատարվում է ըստ Ընդունելության տեղերի քանակի փուլային եղանակով` Ընդունելության մեկ տեղի համար մինչև 4 դիմումի ընթացքի ապահովման համամասնությամբ: Ընդ որում, յուրաքանչյուր հաջորդ փուլի դիմումների ընթացքը ապահովվում է ըստ Ուսումնական կենտրոնի կողմից որոշված առաջնահերթության, որի դեպքում կիրառվում են սույն կարգով նախատեսված ընթացակարգերը:»,
i
7) 19-րդ կետում «բարեվարքության հարցաթերթիկի արդյունքներով բարեվարքության բացասական գնահատական ստացած» բառերը փոխարինել «Ընդունելության հարցազրույցը չհաղթահարած» բառերով, իսկ «Ընդունելության թեստավորման փուլին» բառերը` «Ընդունելությանը» բառով:
8) 20.1-ին կետը շարադրել նոր խմբագրությամբ` հետևյալ բովանդակությամբ.
i
«20.1. Թեստավորումը կազմված է հետևյալ ենթափուլերից.
1) հարկային կամ մաքսային ծառայության ղեկավար պաշտոններ զբաղեցնելու համար դիմորդների, ինչպես նաև ընդունելության հայտարարությամբ կամ պաշտոնի անձնագրով օտար լեզվի իմացության միջին կամ ավելի ցածր մակարդակի պահանջի առկայության դեպքում` օտար լեզվի իմացության ստուգում,
2) համակարգչային գիտելիքների ստուգում:»,
i
9) 21-րդ կետից հանել «, բացառությամբ սույն կարգի 14-րդ կետի 6-րդ ենթակետում նշված փաստաթղթի բացակայության դեպքերի, եթե համապատասխան ստուգումը կազմակերպվում է Ուսումնական կենտրոնի կողմից» բառերը,
10) լրացնել նոր 21.1-ին և 21.2-րդ կետեր` հետևյալ բովանդակությամբ.
i
«21.1. Սույն կարգի 20.1-ին կետի 1-ին ենթակետով նախատեսված պաշտոնների համար դիմած մասնակիցների օտար լեզվի իմացության բավարար մակարդակի ստուգում չի կատարվում, եթե մասնակիցը ներկայացրել է սույն կարգի 14-րդ կետի 6-րդ ենթակետով սահմանված օտար լեզվի իմացության բավարար մակարդակը հավաստող փաստաթուղթ:
21.2. Օտար լեզվի իմացության բավարար մակարդակը ստուգվում է Ուսումնական կենտրոնի կողմից կազմակերպվող թեստի միջոցով` սկսած դիմումների ընդունման վերջնաժամկետին հաջորդող օրվանից 7 աշխատանքային օրվա ընթացքում:»,
11) 23-րդ կետը լրացնել նոր նախադասությամբ` հետևյալ բովանդակությամբ.
i
«Ձայնագրությունները կարող են տրամադրվել դիմումատուին, միայն հարցազրույցի փուլի արդյունքների բողոքարկման դեպքում:»,
12) 23.1-ին կետը շարադրել նոր խմբագրությամբ` հետևյալ բովանդակությամբ.
i
«23.1. Սույն կարգով նախատեսված դեպքերում թեստավորման համակարգչային գիտելիքների ստուգման ենթափուլն անցկացվում է սկսած դիմումների ընդունման վերջնաժամկետին հաջորդող օրվանից 15 աշխատանքային օրվա ընթացքում:»,
13) Ուժը կորցրած ճանաչել 23.2-րդ, 23.3-րդ և 24-րդ կետերը,
i
14) 25-րդ կետը շարադրել նոր խմբագրությամբ` հետևյալ բովանդակությամբ.
i
«25. Թեստավորման ենթափուլերին մասնակցության հրավեր ստացած մասնակցին որևէ ենթափուլից հարգելի (հիմնավորված) բացակայության դեպքում կարող է տրամադրվել հնարավորություն մասնակցելու թեստավորմանը այլ խմբերի համար նախատեսված օրերին, եթե թեստավորումն անց է կացվում մի քանի խմբերով, կամ լրացուցիչ օր` մինչև հաջորդ ենթափուլի կամ փուլի սկիզբը: Այսպիսի հնարավորության բացակայության կամ մասնակցի կողմից այդպիսի հնարավորությունը չօգտագործելու դեպքում մասնակիցը զրկվում է տվյալ Ընդունելության հետագա փուլին մասնակցելու հնարավորությունից` անկախ թեստավորման ենթափուլերին չմասնակցելու պատճառներից:»,
i
15) 33-րդ կետում «իրենց անունը, հայրանունը, ազգանունը» բառերը փոխարինել «հանրային ծառայությունների համարանիշը և ծածկագիրը» բառերով,
16) 37-րդ կետը շարադրել նոր խմբագրությամբ` հետևյալ բովանդակությամբ.
i
«37. Օտար լեզվի իմացության ստուգման և համակարգչային գիտելիքների ստուգման թեստավորման հարցերը բաղկացած են համապատասխան հմտություններն ստուգող յուրաքանչյուր ենթափուլի դեպքում 20 առաջադրանքից:»,
i
17) 38-րդ, 42-րդ, 44-րդ, 45-րդ կետերում «մասնագիտական ստուգման» բառերը փոխարինել «համապատասխան» բառով,
i
18) 39-րդ կետում «մասնագիտական ստուգման» բառերը փոխարինել «համապատասխան» բառով, իսկ «60» թիվը փոխարինել «40» թվով,
i
19) 40-րդ, 41-րդ, 43-րդ, 48-րդ և 49-րդ կետերից հանել «մասնագիտական ստուգման ենթափուլի» բառերը,
20) 46-րդ կետը շարադրել նոր խմբագրությամբ` հետևյալ բովանդակությամբ.
i
«46. Մասնակիցը համարվում է թեստավորման ենթափուլերը հաղթահարած, եթե ստացել է անցողիկ` առավելագույն հնարավորից առնվազն 70% գնահատական:»,
21) ուժը կորցրած ճանաչել 47-րդ և 49.1-ին կետերը,
i
22) 50-րդ կետը շարադրել նոր խմբագրությամբ` հետևյալ բովանդակությամբ.
i
«50. Ուսումնական կենտրոնը ընդունելության դիմումում նշված էլեկտրոնային փոստի հասցեին հաղորդագրություն ուղարկելու միջոցով յուրաքանչյուր մասնակցի ուղարկում է տվյալ մասնակցի արդյունքը:»,
23) ուժը կորցրած ճանաչել 51-րդ կետը,
i
24) 52-րդ կետը շարադրել նոր խմբագրությամբ` հետևյալ բովանդակությամբ.
i
«52. Թեստավորումից հետո 10 աշխատանքային օրվա ընթացքում կազմակերպվում է Ընդունելության հարցազրույցի փուլը: Հարցազրույցի անցկացման օրվա, վայրի և ժամի մասին տեղեկատվությունը հրապարակվում է Կոմիտեի և Ուսումնական կենտրոնի պաշտոնական ինտերնետային կայքերում:»,
25) 55-րդ կետը շարադրել նոր խմբագրությամբ` հետևյալ բովանդակությամբ.
i
«55. Հարցազրույցի հանձնաժողովի կազմում Կոմիտեի ղեկավարի հրավերով կարող են ընդգրկվել նաև այլ կազմակերպությունների ներկայացուցիչներ:»,
i
26) 58-րդ կետից հանել «Բարեվարքության հարցաթերթիկի արդյունքներով մասնակցի բարեվարքությունը կարող է գնահատվել դրական կամ բացասական:» բառերը,
i
27) 59-րդ կետում «մասնակցին կարող են տրվել» բառերից հետո լրացնել «հարցաշարով չնախատեսված» բառերը,
i
28) 64.1-ին կետում «ՀՀ ՊԵԿ Նախագահին» բառերը փոխարինել «Կոմիտեի նախագահին» բառերով,
29) 70-րդ կետը շարադրել նոր խմբագրությամբ` հետևյալ բովանդակությամբ.
i
«70. Թեստավորման, ինչպես նաև հարցազրույցի արդյունքները կարող են բողոքարկվել Կոմիտեի ղեկավարին գրավոր, դրանց արդյունքների մասին մասնակցին` Ընդունելության դիմումում նշված Էլեկտրոնային փոստի հասցեին տեղեկացնելու օրվան հաջորդող մեկ աշխատանքային օրվա ընթացքում:»,
30) 70.1-ին և 71-րդ կետերից հանել «մասնագիտական ստուգման» բառերը,
i
31) Հրամանի 2-րդ կետով հաստատված բարեվարքության վերաբերյալ հարցաթերթիկը լրացնել 8.1. և 9.0 բաժիններով` հետևյալ բովանդակությամբ.
«8.1. ԿԱՊԸ ՀԱՐԿԱՅԻՆ ԳՈՐԾԻ ԲՆԱԳԱՎԱՌՈՒՄ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ՏՆՏԵՍՎԱՐՈՂ ՍՈՒԲՅԵԿՏԻ ՀԵՏ
._____________________________________________________________________.
| |Հարկային գործի բնագավառում գործունեություն |Անձի |Մարմնում |
| |իրականացնող տնտեսվարող սուբյեկտի |անուն, |զբաղեցրած|
| |(հաշվապահական, խորհրդատվական, աուդիտորական |ազգանուն|պաշտոնը |
| |ընկերությունների) հետ ունե՞ք բարեկամական կամ | | |
| |ընկերական կապ: Եթե այո` նշել կարգավիճակը | | |
| |(օրինակ` Ամուսին | | |
| |Մայր/Հայր | | |
| |Քույր/Եղբայր | | |
| |Զավակ | | |
| |Ամուսնու մայր/հայր | | |
| |Ամուսնու քույր/եղբայր | | |
| |Ամուսնու զավակ | | |
| |Նախկին գործընկեր | | |
| |կամ այլ) | | |
|___|______________________________________________|________|_________|
| | 1. | 2. | 3. |
|___|______________________________________________|________|_________|
|1. | | | |
._____________________________________________________________________.
9.0 ԿԱՊԸ ՏՆՏԵՍԱԿԱՆ (ԱՌԵՎՏՐԱՅԻՆ) ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ՏՆՏԵՍՎԱՐՈՂ ՍՈՒԲՅԵԿՏԻ ՀԵՏ
._____________________________________________________________________.
| |Տնտեսական (առևտրային) |Անձի |Կազմակերպությունում |
| |գործունեություն իրականացնող |անուն, |մասնակցությունը |
| |տնտեսվարող սուբյեկտի (մասնակից, |ազգանուն|և/կամ զբաղեցրած |
| |տնօրեն, գլխավոր հաշվապահ կամ անհատ | |պաշտոնը, ԱՁ-ի |
| |ձեռնարկատեր (Ա/Ձ) հետ ունե՞ք | |դեպքում` ՀՎՀՀ |
| |բարեկամական կապ: Եթե այո` նշել | | |
| |կարգավիճակը (օրինակ` Ամուսին, | | |
| |Մայր/Հայր, Քույր/Եղբայր, Զավակ, | | |
| |Ամուսնու մայր/հայր, Ամուսնու | | |
| |քույր/եղբայր, Ամուսնու զավակ) | | |
|___|___________________________________|________|____________________|
| | 1. | 2. | 3. |
|___|___________________________________|________|____________________|
|1. | | | |
._____________________________________________________________________.
«:
2. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:
11/15/2024 Ռ. ԲԱԴԱՍՅԱՆ
Պաշտոնական հրապարակման օրը` 18 նոյեմբերի 2024 թվական: